منتديات قصايد ليل - عرض مشاركة واحدة

06-11-2011

انتظرتك طويلا ...!

فكان الطريق بالفراق مكللاَ ....!

اميرتي :

هل تسمحين لي بهذه الرقصة على شهقات الألم و زفرات العذاب ...

و في الختام

طاب لي لقاءك في جنبات دروبي ...

في الاوتيل

طبعا حظوا بارقى استقبال و ارقى الخدمات

اول ما فتحوا السويت

بتلات الورد بكل مكان

و الريحة العطرية الفواحة تزيد من توتر مشاعر الهنوف

بينما حجرف بارد غير مكترث ...

يجيد العزف جيدا على اروقة قلبها الجريحـ

وقفت الهنوف ....

حجرف يتأملها : اعتقد يحق لي الحين اشوف زوجتي او لا ...؟

افسخي العباية يا ماما يا نونو انتِ خلاص ماعاد فيه احد

الهنوف تناظره بإزدراء و طنشته

حجرف : بشوف كشختك طيب ههههه عند أي ديزانير مصممه الفستان << ياحبه للكشخه ذالمخلوق ^_^

الهنوف " والله لا اوريك " : تبي تعرف وين .....؟ تؤمن بالله

حجرف : لا إله إلا الله والله كريم و النعم بالله

الهنوف بسخرية لاذعة << اجادت الدور وبقوة : انا مدري عن أي شيء خواتي هم اللي ضبطوا كل

شيء ولو علي كان بجلابية جيتك

حجرف : جلابيه هههههه تعرفين تلبسينها اخف تضيعين وسطها لا اشوى مازفوك بجلابيه

اخاف ادور ولا القاكـ وش عرفك فيها لبس حريم ذي انتِ شوفي لك شيء على قدك

الهنوف تنرفزت بس ضبطت مشاعرها

التفت وراء و شاف بوكية ورد من ضمن العشرات الموجوده

سحب وردهـ بيضاء ....

قرب لها نوعا ما

توترت ....

مد يده و سحب شعرها

الهنوف بإمتعاض : خير

حجرف يتأملها : للحين عربجية انتِ قايل لهم ولد بتزوج موب بنت

الهنوف الكلمات جرحتها بقوة و كابرت

حجرف رفع يده اللي فيه ورده و غرسها بشعرها

حجرف : البنات كذا يسوون يابابا عرفت .... شكلك احلى كذا

سحبت الورده بقوة و شاتتها : وردتكـ غبي هزي وجهك << تكرنت خلاص

حجرف : وهـ بس اذا مثلي اكيد حلوة والحلو ترا مايقدم إلا حلو

الهنوف : وين غرفتي ...؟

حجرف ابتسم بخبث : عفوا ... شوفة عينك السويت مافيه إلا غرفة نوم وحده و ذالصالة ولاهيب شيء يعني

الهنوف بعصبية : الله اكبر ضاقت اوتيلات الرياض كلها ماعاد إلا ذالاوتيل و بعدين دق عليهم قلهم بغير ابي

غرفتين

حجرف قرب لها بقوة يناظرها على تحت : نو نو يا بابا وش قاعده تقولين انتِ انا( اشار على نفسه ) اللي

طلبت ذالشيء

الهنوف رفعت عينها بعينه : بالله عليك كلفت على عمرك ليش يعني عاجز لا تدفع اكثر

حجرف يتأملها : كيفي الليلة ليلتي ولا فيه مخلوق بيردني عن أي شيء

الهنوف تنهدت : غرفتي وين ...؟ بليز معك يعني ربع ساعه عشان تشوف لك غرفة ثانية

حجرف عشان يقهرها و يعزف بقوة على قلبها الجريح

عشان يأخذ انتقامه باسرع وقت

حجرف ابتسم بخبث : وش ربع ساعه .....الحين بتصرف ...؟

الهنوف استغربت نظراته : اوكي ...بس كيف وش بتسوي ؟ << بغرور تحكي

حجرف بخبث : انا اوريك كيف ...............؟؟؟

>><< و كانت ليلة مشؤمة بنظر الهنوف ... وليلة حافلة بأحاسيس النشوة و الإنتصار بنظر

حجرف >><<

-

-

-

ريم و ابتهال في غرفة الهنوف

ريم : ياقلبي تتوقعين وش تسوي ادري عليها او لا ..؟

ابتهال : وجع خير بلا فضايح البنت عروسة و بتدقين عليها تالي الليل

ريم : هي قالت لي امانه دقي علي عشان تسولف معي عشان ما تضطر تحاكيه

ابتهال : هاااو وليش ما تحاكيه موب رجلها

ريم : هاه ايه صح بس يعني مستحيه

ابتهال : اقول امرحي بس اخاف يقول مين تغازل ههههههههه بعد تفكير الشباب ماينعرف له

ريم : ياعمري والله قاعدة افكر فيها بمسج لها مسج

ابتهال : يا ذالبنت ترضين انتِ يوم فرحك ندق عليك و نرسل لك

ريم : وهـ بس ذكرتيني فيه ياختي مختفي له اسبوع يمكن ماارسل ولا يرد علي

ابتهال بعصبية ك فاضي لك ماعنده غيرك يالله بنام دايخة يا تعبت تعب اليوم

ريم : اشوفك تتميليحن عند زينة هههههه وش عندك

ابتهال : ريموت انقلعي برى قبل انقلع انا

ريم : يستحسن تنقلعين انتِ لاني انا الوريثة الشخصية بعد هنيف

ابتهال : اووووووووووف بس مافيه احد يحترم بذالبيت

ريم : لا انا قايله البنت خربت خلاص هههههه

ابتهال : يمين بالله مالي خلقك خير شر

ريم : تسهلي يختي وش وقفك هههههه

-

-

-

(15 )

علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى

سير علي ..
بس امسح دموعي وروح
سير علي ..
جب لي معك قلـــب وروح
سير علي ..
اذا تذكرت الجــــــــــروح
ياطاغي النظرة خـطا
تجزى بهالبخل العطا
وانا اللي اهديتك أمن
عين وجفـــــــــــــن
هذي فراش وذا غطا
ويا بحر ضايع فيه ..

ياجرح من وين ابتدي
وانت معي من مولدي
وعيت يــــــــــــــــدي
على وداعك تهتــــدي
بس انت علمني الجفـــــــــــــــا
دامني عجزت اعلمك كيف الوفا
ويا بحر ضايع فيه ..
ومن ألمانيا

بندر صار له يومين و ذا اليوم الثالث ومابعد صحى

نايف تحسن نوعا ما ... ومايفارق بندر ابد

يقرأ قرآن و يسستغفر كثير

نايف : اقول يا دكتور تامر وش الدبرة ..؟ يعني وش العمل ..؟

الدكتور : شو لكان تدري الادرن اقرب شعب للسعودية عمبفهك والله

نايف ابتسم : لا جد والله حالة بندر من سيء لأسوأ

الدكتور : منشان هيك انا بقولك بندر توصل لمرحلة خلاص

نايف ارتاع : وش قصدك ..؟

الدكتور : والله مابخبي عليك حالتووو صعبه كتير كتير

نايف : ليش يعني وش اللي صار ..؟

الدكتور تنهد : الخليه لسى ماعم بتشتغل منيح متجمده ولسى ماعم بتشتغل

نايف بقلق : و الحل

الدكتور يهز اكتافه : الله كريم دعواتك له وتصدق عنووه ع بيقولوا الصدقة تجلي المرض

نايف بحيرة و توتر : مشكور دكتور

نايف " فكر مباشرة يدق على تركي و يبصره بالحال عشان يكون معه اذا صار ماصار "

نايف يحس الدنيا تطويه طوي

وهو يتذكر وصايا بندر له قبل العملية

الصلاة

امه و ابوه

اخوانه و خواته

التسامح و عدم التسرع

دموعه احرقت عيونه لانها اختزلت داخل العين

و قضى ايام صعبه جدا وهو ينتظر صحة اخوه ربما قد تعود لعودهـ

-

-

-

" أما آن لقلوبنا ان تعفو عن تراب الماضي ....؟

ام أن جراح الماضي لا زالت تلعق جروحنا و تذر عليها الملح و عبق العطر البارد "

في مجلس خالد

بدر : والله يا ابو رامي مابي الف و ادور انا بجيبها لك صريحة و دايركت

خالد : وش عندك يا رجال افا عليك بس ...؟

بدر : انا خلاص بسافر و تعرف برجع روما عشان اساعد ابوي بالشغل بعد ما نقل نواف

بس قبل اطلع يعني رجايئ الاخير من الدنيا شيء اذا لبيتوه لي كرم منكم واذا رفضتوه

فشيء راجع لكم وانا انسان تعبت والله و تبهذلت كثير

خالد فهم عليك : وش قصدك بالضبط

بدر : ابتهال .................. اتمنى ارجعها .....؟

خالد نزل عيونه : وانا اتمنى بس عاد مابيدي أي قرار كل الامر لها

بدر : ادري و عشان كذا انا ابيك تسألها اذا وافقت اوكي بكون سعيد وهذا عشق القلب و مبتغاه

واذا رفضت ( تنهد) ويش الجديد متعود على الشقا يعني بآخذ بنتي وبسافر

خالد : طيب عمي يقول لي المرة اللي فاتت خلاص بيتقاعد و يجي

بدر : باقي له كم شهر

خالد : ياخي تركد وين بتروح هناك وش تسوي بس

بدر : بساعد ابوي و بيني وبينك ضاقت بي الديرة و الله لولا بنتي و اختي كان مالي جلسة فيها

خالد : لا اجل شكلنا بنزوجك عشان تمسك الديرة

بدر ابتسم : عاد مدري يمكن لو نتزوج يتغير الوضع

خالد : وهـ بس مو يمكن إلا اكيد أي اكيد اكيدين

بدر : اتمنى تسوي اقصى ماتقدر عليه معها

خالد : ولا يهمك و عشانك بروح لها الحين

بدر : اوكي بالإستراحة اتمنى الاقي معك يا ايه يا لا

خالد : لا يا شيخ بذالسرعه وش قالوا لك والله لو انها ايش ماراح توافق بسهولة

بدر : عاد انت ضبطنا حاول من هنا من هناك

ههههه

خالد : آخ منكم بس مسرع قضيت حجرف طلعت لي انت ههه

بدر : لا و بكرة بينط لي نايف كني عارف بعد ههه

خالد : الله يرجعهم بالسلامة إلا ماتدري كيف بندر الحين

بدر نزل راسه : والله نايف البارح دق على تركي شوي و يصيح من جد حالته خلاص

خالد ارتاع : من جدك انت

بدر : عشان كذا اقولك بسافر باسرع وقت لازم اشوفه

خالد : متى بتسافر ..؟

بدر : يابكرة ياعقبه اعتقد عقب بكرة هاه خوي لي انت ؟

خالد : ملعون ابو الشغل أي والله خوي لك بس لا احد يشم خبر من الحريم ثم والله لا يسوونها

مناحة بجد

بدر : ايه تركي مأكد علي بعد وانا ترا حتى العيال مايدرون بس انت

خالد بقلق : الله يشفيه يارب و يقومه بالسلامة طيب و رجال والله ابو فهد

بدر : مايشقى إلا الطيب بذالدنيا يالله لك الحمد و الشكر

-

-

-

خالد سأل ابتهال عن الموضوع و تقريبا بعد محالاوت و اقناعات كثيرة من قبل

خالد و سعود اقتنعت .... " اختصرت الموقف و طلعت بالمفيد << تأثير الامتحانات خخ "

و بدر و صله الخبر

و تلقاه بفرح و سعادة

بدر يدق على زينة

بدر : حيا الله القاطعة الجاحده اللي تزهلت لاخوها و جحدته جحدتة ميب طبيعيه

زينة : ههههه اهلين هلابك كيفك

بدر : وينك وينك ياشيخه ؟؟؟ الله لنا ياللي تغيرتواا بس

زينة فيها صيحة : افا بدر لا تقول كذا حرام عليك انت تشوف اتصالاتي بس منتب فاضي ابد

ولا حتى تكلف حضرتك تدق إلا اذا دقيت 3 او 5 مرات يعني لازم ازعجك عشان تدق

بدر : هههه ياقلبي اتركي ذالخرط و اسمعي خبر حلو

زينة : ابوي رجع صح ؟

بدر : بيرجع باقي له 6 شهور يالخبله هههه بإذذن الله

زينة : هههه اجل وش بيفرحني غير رجعة ابوي

بدر : برجع ابتهال

زينة بفرح : احلف

بدر : مااكذب انا عشان تقولين احلف ( فيس معصب )

زينة : ههههههههههههههه وااو لا بس من الحماس اشوى وشلون

بدر : والله كلمت اخوانها و تعرفينهم رجال ماقصروا وهي والله انها بغت تمسكني الباب

بس اخوانها كفوا و ووفوا ...منب بنساها لهم ذالوقفة

زينة : الف الف مبروك يارب الله يسعدكم عاد هاه مااوصيك

بدر : هههههههههههه ياختي خلاص لعبت فينا الدنيا لين قالت بس أي توصيين بعد

زينة " وش اقو لانا اجل ..؟ " : الله يوفقك يارب الله يسعدك يارب

بدر : والحلوة وش صار عليها .. وافقتِ على هذا مدري مين ...؟ ( << بتعالي شوي لانو مو من العائلة

وبما انو عائلتهم لها مركزها و ثقلها فـ صعبة نوعا ما يطلعون بناتهم إلا بعد ايش ..)

زينة فهمت عليه : مدري للحين بس شكلي بوافق

بدر : اذا مرتاحه اوكي استخيري

زينة : استخرت كذا مرة

بدر : وارتحتِ

زينة : مدري بصراحه احس خايفه

بدر بحماس يتمسخر : اجل اجحدي ابو جده جت عليه الف من يبيك ياقمر انت يكفي انك بنت سعود الــ

وين وين ياماما مين بيحصلها هههه

زينة ابتسمت : اوكي

بدر : اوكي فديتك انتبهي لنفسك حبيتا بشرك وانا الحين بالإستراحة و عماني كلهم هنا

زينة بتخوف : اوكي يالله مع السلامة

بدر بثقل : مع السلامة

بدر التفت لسلطان ......
-
بدر : اقول سلطان

سلطان : سم

بدر : هذا اللي خاطب زينة قلت له انها ماتبيه خلاص ...؟

سلطان استغرب لانه مقنع زينة هو و امه و افقت مبدئيا

سلطان : وليش اقوله اليوم قبل اطلع قالت لي زينة انها موافقه

بدر بتعالي شوي : مدري بس الحين حاكيتها تقول خايفه ومدري ايش ...

سلطان : والله عاد يذالرجال بيني و بينك ماينفوت مره اخلاق و دين و تقوى يعني حرام ترفضه

بدر : بس اهي موب مقتنعه ابدا

سلطان يدق بدر : شوف عاد انا بالدنيا ماعندي غير اختين و الثانية توها طلعت بعد يعن منيب مستعد

بعد كل المرمطة اللي صارت لنا انها تتعذب او يصير لها زود

بدر فهم قصده : يعني انا ابيها تتعذب كذا بنظرك

سلطان بسخرية : والله عاد شف وش قدرت تسوي لها قبل يوم انها اختك

بدر انجرح وذالكلمة بالصميم جته : كان ماتدري للحين اختي يعني حبيت اذ*** بس

سلطان : استغفر الله عن كل ذنب يا رجال موب قصدي والله بس من جد اذا عصبت مدري وش اخربط ؟

بس من جد قهر ذالرجال تقي و خايف ربه وفوق ذا ميت عليها مره يبونها خواته وامه

بدر : ابوي بعد اشوفه مره يبيه بس مدري انا احس انو كبير عليها شوي

سلطان : ذا وانا ابيك تقنع اعمامك الحين

بدر : ماعليك منهم اللي تبيه اهي بيصير ...إلى متى وانى ضحاياهم

سلطان : اجل بفاتحهم بقولهم

بدر : ماودك تقول لابوي يقولهم

سلطان : ادق على امي مايرد عنده ميتنق تقول لي مدري وش اسمها ذي الخقوقية اللي بالشغل معه

بدر : ههههه جواهر السودانية مقعده وين خقوقية معه

سلطان يشخص : احم احم اقول اسكت بهرج احممم كح

" بدأ سلطان يحكي للعم فهد واخوانه موضوع خطبة الخطيب اللي متقدم لبنتهم وانها موافقه

و ابوها موافق "

العم فهد بعصبية : و النعم بحاله ولا فيه شيء و رجال و اهله مشهود لهم بكل خير بس بناتنا ما يطلعن

لغير عيالنا لو ايش

سلطان بحماس عصبي نوعا ما : يحق لكم ياعمي بس عاد اختي خلاص ماطلعت عن شوركم قبل و الحين

لها حياتها الخاصه

العم فهد بإقناع : معليش يا ولدي خلاص كلمتني غير قابلة للنقاش .... وذكرتني فيها زينة اسمها صح

هالبنت لازم نزوجها من عيال عمها عشان تمشي حياتها

سلطان بعصبية : ايش

نواف " يستبيح بارقات آمل كبيرة .... الله ياخذ عدوك يا سعود ليش عجلتني .. "

سعود : ياعمي كل العيال خلاص مرتبطين و معرسين

العم فهد : لااااااا ومن قال بزوجها من ذالدشير الصغار اللي بعمرك

سعود : افاااا

العم فهد ,,,, يبرمج كلامه

" الجميع في ترقب فظيعـ وخوف مستتب ...."

العم فهد : خالد

خالد : سم

العم فهد : بنت عمك زينة مالها غيرك وانت سترها و غطاها فهمت

صدمة

العيون ترتجف

لا تكاد تتحمل أي نظرة آخرى

القلوب وجلت

المشاعر تقشعرت

سلطان يحس دمه بدأ يفور

بدر يحس اطرافه تجمدت و راسه ثقل بقوة

سعود

سلمان

بدر

و كذا نواف الذي قاب قوسين او ادنى و يقول " زينة لي انا ...؟ "

خالد مشاعره لا توصف قلبه يجلده بسياط لاهيه قوية عنيفة

" ارفض بنت عمي قوية ....اكسر كلمته وسط مجلس كله رجاجيل ...... واذا رفضتها وش موقفها من اخوانها

و ضي ام محمد وش شعورها ..... تلاشى الكون بعيونه "

نواف قلبه ماعاد بهو بين يدينه

نواف بتهور : سلمان وش رايك اقولهم انا باخذها

سلمان : يادلخ و اللي انت خاطب حرام تخيل لو تدري قوية والله

نواف : سلمان هذي زينة ماتدري شلون زييييييينة انا صح خطبت بس لو اموت ترا عشق

زينة ماغيره بالقلب عرفت .......

نواف بسحب نفس بيحكي

خالد : وش تقول ياعمي مافهمت ...؟

العم فهد بعيون حائرة : شف الموضوع يـ أنت او سعود ....؟

سعود : ايشششششششش << مشكلة اللي مايعرف يخبي رفضه

العم فهد : ولعنه وش فيك كن كهرب 220 طاير فيك

سعود : لا بسسس يعني

سلطان القهر فتته .. ناظر بدر اللي لا يقل قهر عن حالة سلطان

سلطان بشموخ و بصوت عالي : مالك لواء لا ابو فهد انت و الحضور كلكم

ميب اختي اللي يتعازمون عليها عيالكم .... ميب اختي اللي تنفرض على احد لاقي حياته

و مكتفي ............

بدر : الله لا يغط نورك يا سلطان ....... يعني إلى هنا يا عمي فهد واقولك ستوب خلاص وقفوا

يعني ماكنا رجال كبار قدامكم اختنا تفصلون لها على كيف كيفكم وينى فيه بس

العم فهد : وش تقول يا ولد .. انت تدري وش تقول ..

بدر تنهد ... قرب و بوس راس عمه : يابعد راسي الله يخليك لنا ذخر بس عاد

من جد إلى هنا و خلاص معليش يعني ابوي وين راح انا سلطان كلنا

بالهامش هذاك اول يوم ماعندها احد صح بس الحين ...معليش

نواف يحس الكلمات تحرقه قهر قاب قوسين او ادني و تصير له زينة ....

بدر : واذا اهي زينة راضيه بماجد الــ فراح تأخذه يعني بتأخذه

سلطان : ياعمي الرجال بيجيكم يطلبها منكم اللهم بلغت اللهم فاشهد

العم فهد : انا اشهد انه رجل اصيل و ماحرص انو يجيني انا و اخواني إلا انه اصيل

ومع ذا معلي شانا بعد اقولكم بناتنا ما يطلعن لغير عيالنا ....! زين

بدر تنهد : لحول ولا قوة إلا بالله

خالد سحب بدر و طلعه بدر تفادياا لاي خلافات

و تبعهم سلطان ...

-

-

-

-

" طبعا تم إختصار مشهد زينة يوم عرفت بذالسالفه تنكدت كثير و تصايقت ليش للحين

الدنيا معاندتها .... "

" خالد يوم يقول لضي عن الموقف ^_^ صحيح بكت شوي لزوم الدلع بس رضاها بليلة

ماتنسى و تعد علامة لن تمحوها ليالي الحياة في سجل الرومانسية "

-

-

-

في الاوتيل

الهنوف بجراحها ... بهمومها ...... بإنهيار كرامتها من وجهة نظري

واقف قدامها بشموخه : اليوم مسافر انا

الهنوف بقلبها " يعل مارجعه من غير شر إن شاءالله " : وش اسوي لك يعني قايلة لك منيب مسافره

حجرف : اصلا مين قالك بتسافرين مين هاك عليك ههههههههههه اعتقد ليلة البارح

علمتك بالضبط كل شيء < يبتسم بسخرية ... و بعد عشان اخليك كذا والله اكشن حركة

معرس من صباحية زواجه يسافر هههههه

الهنوف بشموخ << ما بعد انكسر راسها : دام انه ذا الشيء راحة للهنوف بنت محمد فأنت مجبور تسويه

حجرف : هههههه يالله عاد الحين ارجعي لحياتك سوي اللي تبين تلعيين يا ماما او تلونين سوي اللي

تببينوه و اعتقد بعد ما شفتِ ذالعيون قربها له ( صدت بقوه ) ماارح تقوين فراقها

الهنوف بتقرف : اووف بس من زين هالعيون عاد

حجرف : نعبو عدوك انتِ ذرة انوثة مافيك ههههههه اجامل نفسي و اسكت اقول ياولد

بتتعدل من جرف لدحديرة حضرتك

الهنوف : متى الطلاق بس ..؟ << قوية ^_^

حجرف عقد النونة << وهـ بس : أي طلاق مسرع ههههههه مليتِ افا بس

الهنوف : الحين ممكن تقلعني لبيت امي بدون أي كلام

حجرف : سمي طال عمرك بنقالي لحضرتك انا شوفي عاد انا حاولت قد ماقدر اعطيك

جوك بس مشكلتك منتهيه ولد مافيك أي انوثة << بيقهرها وإلا اهي قمة النعومة بس اسلوبها كذا

الهنوف : درينا عرفنا والله درينا بس اقلعني لبيت امي

حجرف : ايه لا اوصيك العبي و ارسمي بدفاتر تلوين فله إلا ما ودك هدية الصباحة تكون من

تويز ار ازهههههه

الهنوف بحسرة : ليش يعني اذا رجعت ولعبت و لونت اللي راح بيرجع << تدقه بقوه

حجرف يستغبي عليها : وش اللي راح هههه
طنشته و لبست عابتها : وفوق على الخشم اللي بالسما غباء مستفحل( << مدري من وين طلعت ذالكلمة

بس كانت مدرسة الفيزياء تقولها لها هي وريم احيانا ^_^ << من اجمل الذكريات والله لا وعاد واكبت

موقف مثل كذا ياشيخه وشذالتفكير يالهنوف بس هههه )

حجرف : اعترفي من وين سامعتها مين قايلها لك ههههههههه

طنشته و طلعت

حجرف : وين لحظة ماتعلمتِ ماقالوا اهلك عيب البنت تطلع قبل رجلها ..

الهنوف : يا ذالصباح اللي مدري كيف بتوديني او لا

حجرف : لا منيب موديك وش عندك ....<< بيرفع ضغطها ..؟

لمس خشمها : وهـ بس

الهنوف بقهر : اوف منيب بطيق احد يلمسني ترا

حجرف ابتسم لها بخبث نظرة ذكرتها بحالته البارح : لا من البارح و بعد تعودي خلاص انتِ فاهمه

و كبيرة

الهنوف كسرت نظرته بإحتقارها له و سحبت شطنتها و طلعت .....

ابتسم بينه وبين نفسه "حلوة بس تبي تعب عشان تتعدل وهـ بس "

في السيارة

حجرف ( طبعا هو خلقه يقدس شيء اسمه اناقه و رزة كيف عاد واهو معرس اوف اوف ^_^ )

الهنوف بعد كشخت لانها بترجع للبيت مرة مبسوطة

في السيارة

حجرف : يالله ليلة ممتعة والله كانت هههههههه ماانبسطتِ فيها ..

مطنشه ...

حجرف : عاد البارح مسويه مستحيه وانتِ خاقه منيب مصدقه اصلا انو حجرف بن عبدالله

الـــ معك ولك وحدك .. وهـ بس لو تشوفين شكلك وانتِ خاقه ذبحتيني شوي و اموت

بسم الله علي هههههههه

الهنوف بقهر ناظرته : ماتستحي من الكذب ماتستحي اذا على ليلة البارح فهي اقسى و اشين واطول

ليلة مرت على بحياتي كلها و اذا مبسوط بسواتك فيها انا اشوف انه شيء يقلل منك

حجرف هدأ السرعة : عيدي اللي قلتيه

الهنوف : ماتعودت اعيد كلامي لان كلام الشيوخ ماينعاد

حجرف اسرع السرعه : جبانة ( ابتسم وهـ بس ) او قولي انك تسوين كذا عشان ههههههه

الهنو ف بقهر : عشان ايش

حجرف : عشان لا ولا شيء قولي ملعقة طيب هههههه

الهنوف بقهر ابتسمت بسخرية : اهل العقول براحة

حجرف وقف عند باب بيتهم : أي والله من جد وانا منيب عاقل لو انا عاقل ماكان تزوجت رجال

عفوا معليش اقصدي بزر

الهنوف فتحت الباب : خلاص انساني انا في عهدة اخواني الحين

حجرف : الله معك في عهدة الله اخيتي عفوا اخي

الهنوف سكرت الباب بقوة

حجرف : اااااح عورتِ الباب ارحميه وشذالعربجة ياخي

الهنوف وجهها قلب احمر من القهر ...

حجرف : مدري تشوفين لها داعي انزل اسلم على امك وإلا لينها خاربه خاربه نعميها بس

الهنوف : وش دعوة ماعميتها اصلا انا انعميت من ساعة ماشفتك

حجرف : ههههه من نوري ياقلبي يوم شفتيني خلاص انعميتِ المهم انا بسافر خلاص

يعني مدري يمكن تخشين عفوا قصدي تخش مزاجي واذا رجعت لنا تفاهم

الهنوف بحماس كله دلع فطري : اييييييييش ....!

نواف : يا صباح الخيرات ههههههههههه مسرع جيتوا صبحتوا

الهنوف بقهر : اهلين نواف امي صاحيه

نواف : وش فيها العروس هههه ايه صاحية

الهنوف : اوكي شوي هناك بروح لها

نواف راح لحجرف يسلم عليه

و الهنوف دخلت عند امها و سلمت عليها

و افطرت معها وقالت لها انها مهييب مسافره مع حجرف لانها قالت له ماتبي تسافر

و لانه يحبها و خاق عليها طبعا حسب اتفاقهم تركها ....

الهنوف طلعت غرفتها فتحت الباب وهي تحس بافرق بين اول يوم كانت هنا

وبين حالتها الحين

فتحت النور

ريم بسريرها : اوف منك يا بتو وبعدين

الهنوف بدلاخه : مسرع ورثتيني هههههههههه قومي يالله بنام لي علمي بالنوم يوم تنكدون علي

المغرب اللي يوم زواجي

ريم بفهاوة : هنووو خير وش جابك لا يكون انحشتِ

الهنوف : لا ابشرك جابني قوزي وهو مايشوف الدرب

ريم يدها على فمها تتثاؤب بنعومة : ههههه اخسس مسرع خققتِ الرجال

الهنوف : وازيدك من الشعر بيت بجلس منيب مسافره معه ههههه

ريم : لا يالليئمة وش سويتِ له اعترفي بس هههه

الهنوف باسى " قولي وش سوى لك المجرم " : المهم قومي هناك يالله بنااااام ابي نومة فيني دووخة

احس تاثيرها بالمخ

ريم : رحمتك والله على هالوصف هههههههه

حطت راسها و نامت عشان اذا ناداها يقولون نامت ^_^

جلست تسولف هي و ريم

-

-

-

-

>>><<<<< تعبت يا بعــــد هالراســــــ

تعبت من الحنين

و فتتني بقايا الشوق !

عتمة و نور

بسمة و دمعة

تناقض غريب يسكن خافقي و اهواه ..." >>>><<<<<

خالد بيسافر هو و بدر و حجرف على نفس الطيارة

خالد بعد ماضبطوا اغراضه ...

خالد : يالله يمه اشوفك على خير ( بوس راسها )

ايه صح وش بغيت قبل اطلع قال لي رامي انك تبيني البارح

امه : لا يامه انتبه لنفسك بس اول على بالي الهنوف بتسافر مع رجلها واثاريه

الله يجزاه خير تركها مهوب آخذها

خالد : حجرف مسرع لحست مخه و طيرت رجولته هههههههه و مزعجنا و بتزوجها

عشان ااسافر بها طلعت هي اللي تقرر

رامي : كفو والله هنيف ميب سهله مادرت عنها امريكا و إلا كان تعيينها موظفة فرست كلاس

خالد : يالله عاد انت لا اوصيك على اخوانك و خواتك و امهاتك انا منيب مطول بالكثير اسبوع

إن شاءالله

امه : ترجع بالسلامه

-

-

-

بدر بعد ضبط امورهـ و ضمن انو ابتهال بترجع له ...

بدر يسلم على زينة : اوكي فديت انتبهي لنفسك منيب بتأخر اسبوع يمكن وارجع ان شاءالله

زينة : منيب فاهمه وش عندكم حتى خالد و تركي بعد بيسافرون معك

بدر : شغل يابعد راسي شغل المهم انتبهي لروزي اوكي

زينة : ابشر ولا يهمك بعيوني تلاقي خير يارب

بدر : في امان الله

-

-

-

تركي : يا يمه انا منيب مسافر بعيد هنا مصر ( عشان يهدي من روعة امه ) وبرجع عندي دورة

اسبوع بخلصها و برجع بإذن الله

ام تركي دمعتها بعينها : نايف و بندر سافروا وانتم بعد وفيت اللي ناقصني مين باقي محمد

يطلع بكرة يقول بسافر بعد

محمد : لا يمه انا لزقة منيب مسافر ولا نيب رايح

ام تركي : يا تركي قلي انا ادري انو اخوانك فيهم بلا تراي حاسه و مسكته قلبي يرجف

لي اسبوعين وانتم تمشون كأني بزر

تركي : محشومة ياقليبي وش تقولين بس يعني لازم قبل كل سفر تبهذلين عمرك

و تبهذلينا معك

ام تركي : قلي طيب ليش بندر ما يرد ور قمه مقفل و نايف ماهوب من كثر ما يدق وإذا دق مايعطيك

علم مره يقولي بندر نايم ويقول لاميرة طالع و يقول لابوك مدري ايش تعلمني والله ان فيه

البلا ولدي وحدسي محسسني انه فيه شيء

محمد : ياعيني على الثقافة حدسي احلى يمه منتب سهله فديتك عن الوسوسة بندر البارح محاكيني

و داق السوالف بعد ويعلق ويتمسخر يقولي ماشرف ولي العهد هههههه << ياملح اللي ينصب

ام تركي : وليش ماعطيتني اياه وش انا قايلة ماقلت اللي يسمع لو نفس بندر يعطيني اياه ابي

لو نفسه اسمعه

تركي توتر : يالله ماتشوفين شر يالغلا وبإذن الله منيب بتأخر

" شيك على بيته و ودع زوجته و عياله "

سافروا

و كانت هناك

المأساة

انصدموا بشوفة بندر ماتوقعوا حالة لهالدرجة

تركي بخمول : قلت لكم ماصدقتوني

نايف يبتسم : ياربي لك الحمد و الشكر لا ترانا اوكي الحين الحمدلله احسن بكثير من اول

وش تقول لو انك شايفه اول 3 ايام طلع من العملية يالله من جد ياوجه الله على حالته بس

بدر : وانت مختفي رايح نصك عساك منتب موجس بس

نايف : لا الحمدلله بخير انا وكل يوم احسن بس تعرف نفسيتي زفت والله

خالد يناظر بندر : الله يقومه بالسلامه بس الدكتور يقول فيه مؤشرات طيبة

نايف : ايه يقولي الدكتور ان الخليه توها هالايام بدت تشتغل و الدم استجاب لها

بدر : الله يعينه يارب اجر وعافية تخفيف ذنوب

خالد : إن شاءالله خير

تركي عند الدكتور

والحمدلله بنفس اليوم اللي نزلوا فيه برلين

كانت فيه تطورات مذهله بالنسبة لحالته السابقه

تركي مبسوط : يقولي الدكتور بإذن الله في غضون اليومين او ال3 بيصحى

نايف : ايه قال لي اليوم الصبح يارب لك الحمد و الشكر ....

جلس بدر عند بندر يقرأ قرآن و يدعي الله انه يشفيه باسرع وقت

-

-

حرص نايف انه ياخذ الاخبار و انصدم بخبر زواج حجرف ومن الهنوف وبهالسرعه

حجرف : وش فيك مستغرب هههه

نايف : وين زوجتك

حجرف : تزقح في الرياض

نايف بدلاخة : الرياض

حجرف يهمس له : اهم شيء كسرت لها راسها و بس

نايف بعصبية : مارحمك إلا ان الظرف مايسمح

حجرف : ههههههه يالله شباب طمنوني عن بندر بالله انا طيارتي بعد سويعات لايطاليا

نايف : اخذت الدورة خلاص

حجرف : قلت ياولد بما انها شهر ميب ضاره خذها وتروح الايام وانا بكفالة عمي سعود

يعني منيب خسران شيء

نايف : اجل تنصحنا نتزوج بس ؟

حجرف : والله لا تسألني انا متزوج ولد شكل ههههه انواع العربجة و إلا المهاوش

لذة شكل ثاني خخخخ

نايف : انت لانك حاط هالشيء براسك لو ابني سور الصين و احطه هنا برلين منتب مغير هالشيء

دق بدر عليهم وبشرهم انو بندر تحرك شوي والدكتور مره قال لهم

هذا مؤشر لبداية صحية واعدة بإذن الله

مر يوم كامل و بندر لا يزال بالريكفري

من نهار الغد

المغرب يمكن

صحى بندر و ارتاح واهو يشوف اخوانه و عيال عمه حواليه

و رجع نام غطس بالنوم