منتديات قصايد ليل - عرض مشاركة واحدة

06-11-2011

( 6)

()() نصي ثلج نصي نار ..

بردان أصيح من الثلج

وآه أصيح من النار

لك لا النار ذوبت لي الثلج

و لا الثلج طفى لي النار ()()

في غرفته يصرع الأفكار و تصـــرعه

يكابد الذكريات العذبة و المرة و تكبدّه ...!

تذكر عمليته اللي تحددت بعد اسبوعين تماماً في ألمانيا ..

غمض عيونه بحـــسرة التي تركت اثراً جميلاً على وجهه السموح المرهق

و ها هو لا يزال يرقب تلك الفكرة الناشئة

" ليش ما اهاجر و استقر هناكـ ..؟ انسى الجروح و عذابات الذكريات كلها ....

جروحي اللي سطرت اعذب ذكريات و شوهتها بملامح الأسى و الحرمان سواء من زينة او صوفيا

كل مكان بقلبي انطبعت عليه طبعات وجود ذيك الأيام .... "

رفع يدينه و حطها على عيونه في محاولة جادة منه لتخفيف ضغط التفكير ...!

ابتسم بالرغم من جروحه

بالرغم من قسوته

بالرغم من ألمه

تذكر زينة و انو ظروفها زانت ولله الحمد ....

لا تلقائيا وهو يسترجع ايامها و ذكرياتها

و الأيام السوداء اللي مرت فيها ....

خصوصا و انو الساهر يواكب الموقف بــ :

********
رحّال .. رحّال ..
أنا مهرتي جرحي سفر عمري طويل
أعثر وأرد أنهار أضعف مستحيل
زمني يعاندني ويخطف ما أريد
حزني كسر ظهري قيدني بحديد
أرجع وأصيح الله .. الله وأبدأ من جديد
يا شاكي لا تشتكي الله كريم الله
الشكوى لغير الله مذلة
بصبرك وبسهرك ما يبقى نفس الحال
جرحك غطا وفراش
دور لعلتك دوى ما من دوى ببلاش
يا روحي أصعب سفر سفري الل بلا مال
من جرحه تصنع أمل
قدرك تظل رحال .. يا رب يعين البشر
مرات تحمل قهر ما تحمله الجبال

بالرغم من جروحه الدامية و ذكرياته المكلومة ..

هالاغنية اضعفت ذاك الشامخ في سماء العاشق

المكابر على قلوب احبته و عشقته لحد الهذيان

المضحّي الذي ضحى بحياته و سعادته لكل من ضمر له الحب او بالاحرى نقول العشق و الهيام ..

فالبرغم من كل هذا

ها هي دمعة تتلألأ منذ سنين في عينه ولكن الشموخ و العزة

منعتها و حجرتها عند النزولـ ..

فالآن نزلت تلك الدمعة او نقول انها لمعت ببريقها الحزين في تلك العيون العاشقة المرهقة ..

بندر في باله شيء واحــــد الحين بعد هذه الحالة

" هاجس العملية "

ليش ماتصير هاجس وهي نسبة نجاحها 40% .....

واللي ضايقه شوي

" انو نايف اخوه را ح يتعب اكيد بعد "

تنهد بقوه و فكر يسحب له نفس زقارة بس تذكر انو في تحدي مع صراع الزقاير

خصوصا وانو مضطر يوقف خصوصا هالفترة نقاهة ما قبل العملية ...

مسك راسه وهو يستشعر الصداع المزمــــــــــن ...

مسك شماغه و ذبه على كتفه بغير إكتراث ...

فتح باب غرفته ....

رامي مسرع و وجهه مخطوف : اهلين بندر بالله ماشفت نايف ؟

بندر سحب باب غرفته و ناظر رامي : لا ماشفته ليش وش فيك وجهك منلقب علامة استفهام

رامي مبحلق عيونه : استفهام إلا تعجب و نقطتان رأسيتان بعد خخخخ

بندر ابتسم مجاملة : منيب رايق لك ابد يعني من اقصاها كلكت يرسيلف

رامي بسخرية : لا بليز امانه إلا وتروق لي ...يابابا جدي مرسل نايف يجيب اوراق من ابوي

و جحده نايف و جدي من تو يناظر ساعته يعني هه ام العبيد قريبة

بندر بحنية : اجل بروح عند ابوي تجي معي

رامي بدلاخة : عفوا ما سمعت وينى فيه يا بندر والله لو اني تايسون منيب رايح لجدي و اهو كذا

بندر : لا يالرخمة كذا اجل منحاش جوا البيت هاه زانت علومك يالرجال !

رامي : وقسم منيب بازع بعمري عشان ابوك ذا انا ترا كح كح احمممم اكبر عيال ابوي

بندر يناظره : وش صار على امك متى طيارتهم ؟

رامي : الخميس بإذن الله

بندر : مبسوط اجل

رامي : لا مره متضايق و بنتحر وش رايك يعني هههههههه

بندر : ياليل ابوي شكله خارشك خرشة قوية لحست لك كل قراراتك

رامي : هههههههه من يوم ماشفته اصلا راز بالعصى واهو يتدلع ماشاءالله يعرف يمشي

بس مسوي هيبة

بندر : لا يعني هاه انتبه حركة كذا او كذا ترا العصى موجوده ههههه

رامي : ويا ظنتي ان ذالعصى على ظهري اذا ما طلع لنا روميو ذا

بندر : من جد طايح على خشته ههههههههههه

رامي : احممممم طبعا بيطيح على خشيمه بعد مو خشته ذي بنت محمد بن .... الـ ...

بندر : و النعم ههههههههه ولو يارامي جلسات ابوي نافعتك

رامي يمثل انو جدّي : افا ياذالعلم انا اخو العيال

بندر : لا احسن قل اخو راما هههههههههه

رامي : ياخي وين ذكرتني ههههههه يا محلاتي و انا اعتزي باسم راما و قسم يالعنود ارحم

بندر : يا حبني لك تذكرني بحالي اتعقد من قولة اخو نسرين ههههههههه

رامي بحماس : نعم نعم عفوا عفوا ..........؟

ببندر : هههههههه مامثلها اذا قلت انا اخو نورة انا اخو حصة انا اخو منيفه

رامي : ملح ملح وشذالبيئة يااااااااااااااااااااااي ( يتريق سوا نفسه دلوع) خالو بندر سوري سوري سدمتني

مرة
بندر دق جواله ...<< بدر يتصل بكـ

بندر ابتسم : اوكي حبيبة خالو يالله دوري على نايف قبل يلعن لك جدو خامس شكلك ههههه

رامي : احممممم وش عنده مهمد طشقندي عفوا قصدي تكــر ..؟

بندر طقه بخفه : يالله انا طالع

رامي : وين بروح معكـ ؟

بندر : استأذنت من ابوك ...؟ << يتمسخر

رامي : ههههههههه وش قالوا اسمي احمد و يدلعوني حمود و ادرس بالروضة

بندر : ههههههههههه يالله مستعان انا بفهم بس من وين تجيب ذالحكي

رامي : من جيبي

بندر : ههههههههه ياحبني لك

في السيارة

اعاد بدر الإتصال مرة ثانية ...

رامي : احممممممم عادي كان تبيني انزل انزل ترى

بندر : ههههه اشوا اللي عندك ذوق ولو اني داري ان عويناتك خاقة خق تعرف مين ذالمتصل

رامي بحماس < ماينعطى فيس : مين يعني حته ( اموت على حتة خخ) وحده داشرة تبي تغازلك

بندر : ههههههههههههه ياخي وشذا التفكير وشذا التفكير الغبي اللي مدري وش يبي ؟ عيب يابابا عيب تقول

كذا ....! اترك حركات الناس المتخلفة البدائية ذي ...

رامي بسخرية : لا والله خلاص ولا يهمك بنت اصل و متربية و تسلم يدين اللي ربوها على ذالشيء

بندر : ههههه مشكلة جلسات ابوي لاحسة مخك ...يابابا عيب عيب تقول كذا

رامي : طيب خالي بندر سؤال وجيه يعني جاوب بكل امانة علمية و ادبية و إجتماعيه

بندر عصب : ورع

رامي : هههههههه حاضر ...استلم

بندر يشغل السيارة : لا يكثر

رامي : حازر يافندم

ناظره بندر بنظرة عصبية شوي

رامي : يا طويل العمر ابي افهم ليش طيب يعني بما انو كل الدلائل و المعتقدات تشير إلى أن

بندر وقف السيارة بعصبية : افتح الباب و طس الشرهه على اللي يعتقد انك رجال و بيأخذك معه

رامي : افاااااا وش دعوة ...؟ << ممثل مسوي بريء

بندر بعصبية : قايل لك من قبل شوي اجمع نفسك ولا يكثر مالي خلقك متضايق متكرن ملعون ابو خامس

اخلاقي

رامي : يا الله معقول كل ذا لانك تركت الدخان من جد مصيبة ذالسم و بلوى

بندر حط يده وحده على خده و الثانية على الدركسون و تنهد

رامي بعد ما تأمله عرف انو بيثور : النحشه يا ولد بس هههههههه ( فتح الباب و نزل)

بندر تنهد شوي ..........

و عرف انو نزل بدون ما يحس لانو مقفل بقوة

رامي << مابعد توب .. جا يمشي عند شباك بندر

رامي تكأ يده على باب بندر : اقول خالي بندر << اذا خاف منه يقول خال بس ^_^

بندر : اسلم << يرحم رامي كثير و يعزه و يغليه ولا يبي يغلط عليه

رامي :اشوى روقت المنقا هههههه من بعد ما طلعت قرون ابليس قبل شوي

بندر تنهد وقال حرف حرف : اسلم

رامي : الله يسلمك من كل شر ـ اقول يعني ذالبنت اللي تحاكيها و ينقالك مستحي مني ولاا تحاكيها

وانا مشخص معك ليش يعني ما تتزوجها دام انك فري و عادي يعني ...؟

بندر غمض عيونه و تنهد بقــــــــــوة

رامي : صادووه امزح معك ههههههههه يالله بالاذن

بندر ماعطاه فرصه يكمل اصلا قفل الشباك

و طلع بندر بسرعه من غير ما يحس

خصوصا يوم يأخذ دورة على النافورة عشان يتجه للبوابة كأنه برق

رامي يحاول يتمسك من هوا السيارة << يبالغ ^_^ : المحلوس تركني وراح لا و طاير بعد

هههههههههههههه

ابو تركي : رااااااااااامي

رامي من دون ما يناظرهـ : جاك الموت يا تارك الصلاة .... سم ...لبيه ....

ابو تركي : لبيت بمكة قل آمين

رامي : خخخخخ حلوة اول مرة اسمعها جدي بس تصدق حلوووه << حشى يحاكي واحد من الشله

ابو تركي : وين خالك نايف ..؟ وش انا قايل لك ..؟

رامي : قلت لوه بس جحدك شكله ههههههه << ملح ملح وينك يا نايف بس ^_^

ابو تركي : انا اوريك فيه المهم الحقني انت مافيه غيرك

رامي بفزع : جدي انا ..جدي ماتدري ترى بكرة عندي امتحان كيمياء ، و فيزياء ، و جولوجيا ، و تاريخ

لغات << ابوك يالنصب ^_^

ابو تركي شخص عيونه على رامي : الحقني

رامي بدلاخته : I will follow u سم طال عمرك وراك انا .....

طول الوقت ورامي يتغبرا : اشك اني ولد خالد بن محمد والله .. بالله جدي تأكد يمكني ولدك شيك على البطاقة

ابو تركي : اقول دق على خالك تركي وانت ساكت ولا يكثر << عصب عليه

رامي : سم طال عمرك .......شغال ريسفير لك طال عمرك انت و عيالك ....

ابو تركي : وش قلت يا ولد ..؟

رامي : قلت ان لي اسم و تراه رامي اذا انت ناسي من كثر الاحفاد ماشاءالله

ابو تركي : دقيت على تركي او لا ..؟

رامي : في احضان المدام طال عمرك وينى فيه ندق ذالوقت

ابو تركي : وش قلت ؟؟؟ << مايسمع اوكي

رامي : قلت سم طال عمرك جاري الإتصال ...

-

-

-

في الإستراحة

بدر جالس بكل معالم حزنه و شجنه و صدمته التي لم يتجاوزها ...

بندر : السلااااااااااااام

الجميع : و عليكم السلااااااااام

سلم عليهم بندر نفر نفر ^_^

بندر يحكي مع بدر بصوت خافت : كيفك اليوم ؟

بدر معصب : وش تشوف يعني

بندر : اشوف انها قافلة معك و تافلة بوجهك تفل بعد

بدر : دام شفت تتلقف و تسأل ليشـ ؟

بندر يناظره : بدر عسى ماشر ياخوك ..؟ مستجد شي

بدر : وليش يعني تعتقد باقي شيء بيستجد بعد

بندر ناظره : خير اسألك و ترد علي بسؤال وينى فيه انا بنحاش من التحقيقات و مشاكلها

تعيشني الدور هنا بعد ..ترا مابي احطك بمخي و قسم لا اشخلك شخل ههههههه

بدر تنهد : مشخول و منتهي ماعاد بقى فيني شيء اصلا

بندر : تدري امش نطلع نشم هواء برا و نسولف برواق

بدر : تعبت نفسيا مليت كرهت الديرة

بندر : ههههه و غاثني من ذيك السنين و الشهور ابي الرياض و الرياض و الحين

مالك اسبوع او اقل و مسوي استنفار بتنحاش منها

بدر : انا لو ادري انو فيه صدمات تنتظرني و قسما بالله مااعتب الديرة ابوي و هناك وش ابي بعد

بندر بحنية فظيعة : بنتك و اختك ماتعتقد انهم بحاجتك

بدر تنهد : انا ما كسر قلبي إلا ذالبنت بنتي وبس و إلا زينة خلاص لقت لها اهل غيرنا

بندر فهم ضيقته : عشان كذا انت متضايق صـــــــح

بدر غمض عيونه شوي : هذا سبب من الاسباب

بندر مسك يدهـ : شف انا ابصم لك 100% ان زينة ماراح تتركك لو ايش ...؟ بلاك ماتعرف غلاتك عندها

ماتدري وش سوت بغيابك ..؟ ماتدري وش صار لها ببعادك ..! حرام يا بدر ماتستاهل تجازيها بصدود

و جفاء ...اهتمت ببنتك و فوق ذا تعتزي بطاريك و فيك بكل مجلس و بكل مجال

بدر متضايق : بندر طلعنا من هنا ..! ( وقف بدر و طلع تلقائيا)

بندر وقف معه : بالاذن شباب شويات و راجعين

نايف يناظر بندر و ابتسم : اذنكم معكم خذوا راحتكم على الآخــــــــــــــــــــ ـــــر

حجرف : خخخخ وش عندهم مبسوطين و شاقين الخشة

بندر خسرهم و طلعـ ...

في السيارة

بدر : اقولك منيب قادر اتعايش مع ذالشيء تقولي حاول وشلون بس ؟

بندر : اول شيء اذكر الله تعوذ من ابليس اطرد الملعون ..

بدر : لا إله إلا الله محمد رسول الله واعوذ بالله من الشيطان الرجيم

بندر : ريلاكس شوي اصبر بعزمك على مكان يحبه قلبك يأنت بتخق عليه

بدر : يارجال و قسم اني بحاجة كم فنجال كافي يصحي راسي تصدق من قو الفقدة الي صارت لي

راسي للحين خفيف احس مافيه شيء

بندر : من ذالسم اللي ذبحكم الواحد لو تقوله ازحف وراك قال هاتك يا كأس

بدر ماسك راسه : الله يتوب علي بس انت تعرفني منيب راعي كاس بس الشكوى لله

بندر : يالله حياك و تشوف اذا ما بوست راسي على ذالكافي

بدر يناظره : ماش شكله من برا ما يوحي بالثقة اللي تحكي عنها ههههه

بندر يغمز : ادخل و شف رجاء منيب بقبل احكام جافة كذا

بدر : ايووه شكلك صدقت اني متهم امام جبروت تحقيقك ههه

بندر : قاب قوسين او ادنى و تصير ترا بذاك الليلة اللي مدري الحمدلله كيف ربي

نجانا منها

بدر : ياربي لك الحمد و الشكر ....

نزلوا بشموخهم و رزتهــــــــم

وكل انظار المتواجدين عليهم تقريبيا لانهم اصبحوا مشهورين خصوصا بندر بمنصبه العالي

بدر : ذا اللي يكرهني بالاماكن اللي بالرياض كل العالم تحرجك بالنظرات

بندر : خخخخخ اموت انا ادوخ على الواثقين يمكن يسبونك طيب

بدر : هههه يمكن ( القى نظرة على ديكورات المحل بلمحة متأملة كلها شموخ ) بس اقولك

الديزاين احس انو ذوق خوال ماعليش يعني

بندر : هههههههههه ايه شكلهم متعاونين مع ديزانير من كولومبيا .. المهم بسألك و قلي

بدر حط يده على الطاولة : لا بجد صرت متهم

بندر غمز له : تقدر تقول

بدر : سم طال عمرك

بندر : عدوك يسم يابابا بسألك متى آخر مره شفت بنتك

بدر ابتسم و طلع خقاق : لا يكون بتحييرها لك من الحين ههههههههه يوووه اصلا ما يجوز

زوج عمتها كنت والله يانا درج

بندر ( ياقلبي ....! وش الحلـ ياتفارق يا تحب ...؟؟ )

بدر يتذكر : لي يومين يمكن

بندر عض شفته : بالعقل ذي تجي ، مزعجني من شهور و بنتي و بنتي و آخر شيء تأخذ عنها كذا

بدر يحرك الكافي : الغلا بالقلب و بجلس معها بس اني دخلت بسحابة اليومين اللي فاتوا

( رفع بدر راسه و شاف بندر و ابتسم بخباثة )

بدر : يا ترى ذي كلها مقدمات و اكشنات عشان تسأل عن زينة هههههههههه

بندر ( طاريها يلسع قلبي لسع ، و يذكرني بخيبة حياتي كلها بحرماني منها )

بندر نزل راسه تحت : لا يا رجال وش تخربط بس

بدر :هههه وش فيهم استحوا طيب يحق لك القلب و مايهوى بس آه و أسالني

( بندر لا يمكن آملها فيني صحيح القلب متفطر يبيها بس سعادتها تهمني

ولا ابيها تنفجع فيني كفاية امي و اهلي اللي مشيبين بشعر راسي )

بندر : لا يروح بالك بعيد انا و ( تنهد) زينة انتهينا من زمان

بدر تفاجأ برده توقع انو خاق على زينة و فعلا ذا الشيء اللي يشوفه بعينه و يحسه

من نظرات بندر بس وش اللي استجـــــــــــــــد ..؟

بدر يحس انحرج من الموقف : الله يعين على هالدنيـــا

بندر بحس قلبه يدمي دم واهو يحكي هالكلمات

صعب جدأ ان تحب النفس شيئا و تتعلق فيه و ترمو إليه بكل آمالها

ولكن قد يحول حائل يمنعها من الوصول إليه ...

بدر : مشكلة جبتني عشان تخفف عني و فعلا شكل همومي انعكست عليك

بندر بمزح : انعكاس شرطي بيننا خخخخ

بدر : الله يعين يارجال و قسم بالله دنيا ما فيه مستريح

بندر : متى بتروح لامك ...؟ تذكر انها بحاجتك

بدر تنهد " اشتقت لها بجنون .. بهذيان " : بروح لها بعدالعشاء يمكن

بندر مسك يدهـ : شفت هالدنيا كلها ترا والله مافيها اغلى من رضا الأم و صحتها و عافيتها

و دعوة صالحة تدعيها لك

بدر عيونها تلمع ببريق الحزن : صحتها و عافيتها ذا انت قلتها ...!

بندر : امك بإذن الله بصحة و عافية و راح تتحسن وليد يقول فيه تحسنات كثير

بدر : مافيه يأس من رحمة الله .........

بندر : برضه ابوك بالطريق جاي الليلة بيوصل ان شاءالله يعني

قاطعه بدر : لا تخاف يا بندر داري و عارف كلكم متعاطفين معي و نظراتكم تفسر لي هالشيء

بإختصار انا شخص يمكن عندي ذالعقدة النفسية منيب بحب احد يتعاطف معي او مع اختي

وحتى بنتي خلاص ربي تكفل برزقنا والله كريم

بندر يهديه : افا عليك بس يعني لاني معك و واقف جنبك تقولي عطف و شفقة من زينك اعطف

عليك ههههههه ياخي ترا لو على العطف و الشفقة فيه اولى منك ينعطف على حالهم

بدر : انا احكي بشكل عام يعني لا تتعمق على كيف امك جيرانكم

بندر ابتسم : يارجال هانت خذها تساهيل وانا اخوك ذا انا عندي عمليه و الله اعلم اقوم منها او لا

ومع ذا مسفهل و شاق الخشه 24 ساعة و مأجز نفسي عشان امل منكم قبل اسافر

بدر : الله يقومك بالسلامة متى بتسافر

بندر : الخميس وراء الجاي

بدر : لا تقول << مستغرب

بندر : جاك العلم اللي الله يستر من تالي علومه

بدر يتأمل بندر : ربي كريم صدقني

بندر : حسيت انك زوجتي او عشيقتي هههه على ذالنظرة يالله بس خل نقوم و تروح لبيتكم

اكيد ولهانين عليم

بدر يتذكر و يبتسم : أي والله يا أنا تكرنت على زينة بقوة و عصبت و لا رديت عليها

تلاقيها مسويه مناحه

بندر حن قلبه بقوة