منتديات قصايد ليل - عرض مشاركة واحدة

06-11-2011

زينة : غثتني عاد ما تصدق وش كثر تقطع قلبي اذا قالت متى بيجي بابا ؟

بدر : وانت تبكينا تخيلك دموعك اربع اربع ههه

زينة تنهدت : ماقول غير الحمدلله و الشكر لله يستاهل ربي الحمد و الشكر والله

بدر : الحمدلله و الشكر لله

راح بدر و فتح باب غرفة روز

بدر جلس جنبها : روز دادي

روز تتحرك : أي وانت تو سليب بلييييييييييييييييييز

بدر بوسها و رفعها و ابتسم : لوك ات مي بليييييز

روز مغمضه : نو ليف مي تو سليب بليز ماي آنت

بدر عضها مع خدها بشويش : دادي از هير ..... لوك بي كيرفل

فتحت عيونها روز و بعدت غمضت و رجعت تناظر

روز ضرخت بقوة : وااااااااااااااااااااااا اااااااااااااو دادي دادي داداي از هير

ضمته بقوة و نزلت تنطنط : زينا زينااااااااااا دادي از هير

زينة تبتسم : ار يو هابي تو سي هيم هههههه

روز رجعت لبدر و تضمه بقوة : أي مس يو دادي ، وير ار يو اول ذات تايم ؟

تناظره وتبوسه : دااااااااادي هههههههههههه

زينة : ياقلبي انبسطت كثير مين يصدق ان خرابيطها اللي تقولها كل ليلة لي صدق ههه

بدر : يابعد قلبي والله ....

شالها بحضنه و طلع

روز تكأت راسها على صدره : داااااااااااااادي بليز نيفر ليف مي اقين

بدر : نو ماي كات أي ويل نت ليف اقين ( بوسها مع خدها )

روز تناظره بحماس : وات اباود ماي ماذر ..؟ از شي هير السو ؟

بدر بخيبة : نو از شي ترافل ؟

روز : ون دز شي كام ..؟

بدر : حياتوووو هاتي بوسة بسرعه

روز طبعت بوسة كبيرة : أي لف يو ههههههه

بدر : مي تو ماي دوتر

زينة : يالله عليكم من جد عكستوا منظر ابوة ولا اروع هههههههه

بدر : مشتاق لها بالليل اهوجس فيها ذالدبا ( قرص خدودها )

على الفطور

بدر يفطر بنته و احيانا هي تفطره

زينة : خلاص يعني انتهيت انا هاه ههههههههههه

روز : نو

بدر : يامحلها تجنن و الله

زينة : دلوعتنا وش نسوي بعد

دق جوال بدر ....

زينة بفضول بريء : مين يبيك على صباح رب العالمين

بدر يناظر : بندر ،، غريبة وش عنده

زينة قلبها ينبض بقوة و حست بخجل شوي

نزلت راسها و حست بمشاعر انثوية لا تضاهى من مجرد سماع اسمه ...

بدر : صباحك ورد و سكر و جنه و

بندر يبتسم : ههههههه وش عندك مروق غريبة عقب غيره

بدر : يعني واحد مصبح بوجيه ( ناظر زينة و روز ) صبوحة و طيبة وش بيكون

بندر " يالبيه اكيد مصبح بوجه الملاك الجريح "

بندر : الله يوفقك و يسعدك ... ابد بما اني مفلل نوم صاحي من بعد الصلاة ولا نمت عجزت انوم ههههه

قلت بدق على بدر اشوف وش عنده وش ماعنده اليوم ؟ خصوصا وان عليك زحمة الكل يبيك

بدر يبتسم : اذكر الله و بعدين ماعندك دوام

بندر : بإجازة بس بروح في الليل شوي بوقع كم ورقة و معي إجازة

بدر : وش عندك توك ماخذها قبل شهر او شهرين

بندر : رصيدي اوكي بالإجازات لا تنسى ان لي كم سنة ما عمري أجزت ترى و بعدين عشان العملية

بدر بقلق : الله يكتب لك كل خير يارجال بالسلامة إن شاءالله

زينة " وش فيه الله يستر ، مع اني ادري انو ما طق لي خبر بس بمجرد انو لي مشاعري لا زالت

تنبض له اكيد بخاف عليه و بحن لذكرياته الاكثر من رقيقة "

بدر : زينة

زينة تروعت : سم

بدر : ماخذ عقلك ( غمز لها ) ههههههه ساعه اناديك يا بنت وانتِ خير خير عسى ماشر

زينة بخجل ناظرت تحت : لا ولا شيء

بدر فهمها : عموما انا طالع بروح اشوف العيال وش عندهم و بعدين بروح لامي لان اظن الزيارة

ما تبدأ إلا من 9 اذا منيب واهم

زينة : تبدأ 9 ايه

بدر : عشان كذا بطلع اشوف اعمامي و العيال مشتاق لهم

زينة تبتسم : واحنا ميتين عليك بعد ياخي مابعد شبعنا منكـ

بدر :ههههههلا تخافين انا بنش بلك نشبة بنت كلب بس الحين بشوف عماني و عيال العمومة

خصوصا وانهم مسوين عزايم و جمعات لي مايصير ازلبهم

زينة : يا بعد راسي ادري بس تونا ( ناظرت ساعتها) الساعه 7 و ربع الصبح هههه

بدر : بشوف بندر وش عندهـ ! من البارح وانا ملاحظ انه يلوحس على شيء بس البارح

مافيه وقت وميتين تعب و بعد اللي زودها ان معنا رجال ثاني

زينة حست بمشاعر تداعب قلبها " وش يبي فيه بندر معقولة بيفاتحه انو بيرجعني "

بدر وقف : يالله اذا بغيتوا شيء دقوا علي

زينة : ياسلام بالله ذا فطور ذا ينقاله اكل

بدر : وش اسوي يا امي الحبيبة هههه شوفتكم اشبعتني والله

زينة تناظره : مالك سنع من جد ما اكلت شيء

بدر : لا تخافين يا نا بتخن ههههههه على ذالعزايم و الجمعات

زينة تمسح على كتفه : يالغالي رجعتك و سلامتك عندنا بالدنيا كلها

بدر بخبث : انا و إلا بعض الناس ههههه

زينة ضيعت علومها : أي بعض الناس تدري مابقلبي غيرك ولا يهمني إلا انت

بدر يبتسم : طيب ياقمر لا يقلب وجهك ههههههههه

زينة نزلت راسها تحت و تحس بمشاعر مره تداعب احاسيسها

طلع بدر ..

زينة ضمت روز و هي تهوجس انو بندر فعلا بيرجعها

" يالله وش كثر حجم فرحتي بتكون لو يصير ذالشيء "

بنسى كل جروحه

بنسى كل صدوده و تجافيه

بشتاق لعيونه اللي غرقت فيها ولا بعد رسيت على بر معها

-

-

-

-

بندر كاشخ على سنقة عشرة طالع شيء : صباح الورد

بدر : صباح الورد و المسك و الجوري

بدر سحب باب السيارة

بندر يبتسم : كيفك عساك نمت

بدر : ههههههههه مانمت خير شر

بندر استغرب بحواجبه : اوما ذي ليش نعنبو عدوك ما تعبت من المرمطة اللي صارت لنا

بدر : والله شوقي لاختي و بنتي فوق كل شيء و بعدين تعال بسألك

بندر بتوتر : سم

بدر : امي وش فيها بالضبط و

بندر قاطعه بهدوء : ذا اللي انا ابيك فيه و مزعجك على صباح رب العالمين عليه

بدر بتوتر تكأ ظهره على المرتبة : سم

بندر : انت مؤمن و عارف ربك زين

بدر غمض عيونه : دايركتلي بليز منيب بحب ذالمقدمات

بندر سكت شوي .....

بدر : ايوه و بعدين

بندر بتوتر : بدق على سلطان لحظة

مسك جواله يدور رقم سلطان

بدر بحيرة : وش موقع اهل سلطان بالإعراب الحين ياخي قلي وش فيها امي

بندر يناظره بحيرة جاء بيحكي و تراجع سكت

بدر بعصبية : لا السالفه متطينة شكلها ياخي بسرعه قل انا مليت و كل وساوس العالم براسي

بندر : اصبر لين نمر سلطان و يصير خير

بدر بعصبية شوي : انت تفقه او لا ..؟ اقولك وش دخل سلطان بالسالفه ؟ اوكي رفيقك ندري بس عاد

السالفه بيني انا وانت ياخي انهج انطق أي شيء بسرعه طمني

وقف بندر عند بيت سلطان و شويات و طلع سلطان اللي يضبط شماغه

بدر يتوتر يناظر بندر : خير إن شاءالله

سلطان : السلام عليكم

ركب وراء

الجميع : و عليكم السلام

سلطان : صباح الخير

بندر : صباح النور و السرور

بدر متنح وبقوة و قلبه يرجف

سلطان صوته متقطع من النوم خخخ : كيفك بدر ؟

بدر بهدوء : بخير

" اقشر شيء بالدنيا اذا حسيت انك بين اثنين بيفاتحونك بموضوع انت تجهله "

بندر يناظر سلطان بالمراية : كيف الوالدة انبسطت فيك هههه

سلطان : ههه مهوب شيء ياقلبي اول مره تعبر لي بصوتها من سنين من طلعتي للعلم و الاخطار

وهي مسكته ولا تحكي

بدر انشد و ناظر سلطان : ماشاءالله امك حكت نطقت يعني

سلطان يبتسم : ابشرك ولله الحمد

بدر بفرح : ياسبحان الله مافيه يأس من رحمة الله وشلون طيب اذ*** تقولي صعب شوي

سلطان ابتسم : على حسب تقرير الاطباء انو مستحيل و مدري كيف بس الحمدلله

بدر <<ياعمري مسوي فاهم : اكيد تعرضت لصدمة او موقف قوي صح

بندر " يشعر كل مشاعره بتوقف الحين "

سلطان : الله الله تعرضت لموقف شوية قوي عليه

بدر بحماس : وشذالموقف !

سلطان لاحظ شرود بندر اللي كان بيصدم جمس عائلة قدام

سلطان زعق : بندرررررررر

بدر : خير ما تشوف لخمتنا وبقوة هههههههه

بندر تنهد و حط يده على راسه : اعوذ بالله من الشيطان سهيت بجد

بدر : قايل لك خلني اسوق قلت لا

بندر بتوتر : يارجال انت حتى النوم مابعد نمت

بدر : مانمت بس مااسهى مثل بعض الناس مدري وش يهوجسون فيه ههههه

بندر من غير نفس : مشكلتك والله عاد

سلطان : توني الحين صححت وقسم ههههههههه من عقب ذالمطب اللي كنا بنروح ملح فيه

نزلوا الإستراحة

بدر كل شوي يناظر ساعته

سلطان : وش عندك كل شوي تناظر ساعتك

بدر : بزور امي الزيارة تبدأ 9

بندر بتوتر شوي يناظر سلطان

بدر : أي صح يا سلطان ماقلت لك وش سالفة الموقف اللي صار لامك ياخي انا تخصصي هالدراسات

و على فكرة ترى ذي من بين كل 9 نساء تصير ل وحده بس

سلطان بتوتر : الحمدلله يارب اللي من علينا بسلامة امي

بدر : الله يخليها لك بس كيف

سلطان سكت شوي

بندر متوتر شوي

بدر يناظرهم : وش فيكم وش قصتكم انا حاس اني عندكم شيء تبون تقولونه ؟

بندر ناظره : اتمنى يا بدر من جد تفهمنا اوكي و لا

بدر بعصبية : حرقت اعصابي وش افهم ماافهم انى كبار و فاهمين

بندر : سلطان بيقولك على سالفه

سلطان يناظره : بدر ادري السالفه قوية بس

قاطعهم بدر : يا بشر يا عالم مباشرة افتحوا الموضوع

-

-

-

( قام سلطان بكل حدود الذوق و اللباقة بسرد الموقف و التفاصيل ... و تكللت الحدث

بالادلة و البراهين ابتدأ من الكاسيت و انتهاء بإعتراف مضاوي شخصيا )

صمت يخيم على الأجواء

صدمة تحوم في سماء الفكر

خيبة و مشاعر تصرخ بصمت في جوف بدر

بكاء بحرقة صامتة في قلب بدر

ذكريات تغتال على ايدي الوقائع و الأدلة

شفاه ترتجف تكاد غير مصدقة ما قيل مكابرة على كل الأحداث و مافيها من وقائع

اطراف ترتجف بذهول صامت

بندر يناظر سلطان بقلق

بندر : بدر

بدر مبحلق عيونه تحت ... وملامحه جامده تماما

بندر : بدر اسمعني شوي بس

بدر بصمت تمثل و كأنه جماد

في مرحلة منفصله تماما عن الإدراكـ و الشعور

سلطان : لا إله إلا الله محمد رسول الله

بندر لمس كتف بدر : بدر

بدر بنظرة مندهشه منصعقة ناظر بندر بصمت

بندر بحنية : اسمعني شوي لاهنت

بدر بكلمة متوترة : يعني زينة ميب اختي

صمت متبادل من بندر و سلطان

بدر صرخ بقوة : رد انت واياه زينة اختي او لا

سلطان بشموخ : اختي و اختك

بدر بصدمة : ويش قلت اختك و اختي

بندر لاحظ عصبية بدر : اذكر الله

بدر صرخ بقوة : وش تقول انت واياه وشذالحكي وشذالخرط مين الحمار اللي

سلطان بعصبية : خلاص عاد ترا من تو وانا اوضح لك ومحاول قد مااقدر افهمك

بدر بعصبية فظيعة : انت بالذات تطلع منها من يومك وانت نذل و خسيس

سلطان بعصبية بعد : امسك لسانك لا اوريك قدرك ترا منيب مستعد اتهاوش وقسما بالله

بندر فرق بينهم : عيب انت وهو موب وقتكم .............

صمت

ذهول

بدر بعد ما تأكد من كل شيء ...

يحس بمشاعر تصرخ بصمت

مشاعر تجلده بسياط لاهية

" امي كذا ...امي تسوي كذا ....... ملعون ابو الحظ ..... بعد اكيد هي امي او لا ......"

سلطان يقنع بدر و يذكره باحاديث و قصص افظع من كذا

بندر كذلك

بدر بلحظة ضياع فكرة و طيش عصبيته الفظيعة

يحس ما عاد يسمعهم ابد مجرد وجيه تحكي بصمت

بدر وقف على رجوله

بندر بذهول : وين

بدر من غير وعي : ابي كاس

بندر بإمتعاض : الله يهديك بس و شتقول

بدر بعصبية : ابي انسى ابي اهرب من ذالمسخره ابي كاس فاهم او لاااااااا

بندر : خير إن شاءالله

بدر : أي خير و انتم ذي هروجكم وذي علومكم !!

وقف و يشعر بحسرة فظيعة تسري في مسارب نفسه

كتمة لا تضاهى ابدأ

بدر بنفس متقطع : انا طالع بالاذن

سلطان : لا تتركه يا بندر

بندر بقلة حيلة : الله يعينه يارب ميب سهله عليه والله

بندر لحق بدر و حاول يضبطه

في السيارة

بدر بصمت : بسرعه ما تسمع او انزل انا بروح

بندر يحاول يضبط نفسه : يابابا تراك بالديرة هنا بالسعودية اصحى تراك بالرياض

بدر : لا ابو الحظ ولا ابو اللي عرفك بيوم انزل بسرعه محد طلب منك تقولي ويني فيه

بندر : وين بتطس عند اقرب بنقاليه يصنعون لك ذالسم و بكرة وانتم تسمم قرف خياس

ما يضبطونه ولا يعرفون تصنيعه اصحى لعمرك

بدر بعصبية الصيحة واصلة معي : انزل بندر انا بتصرف انا بجيبه

بندر : منيب نازل ولا انتب رايح لـ الـــ

بدر : يارجال بالراحه ادخلها ذي لا تنسى ابوي مين انزل بس

بندر بتوتر : منيب نازل واذا مصر بتروح بروح معك

بدر : اوكي تروح تروح بس رجاء لا تعيش دور الضابط اللي بيصير ردادر علي من الحين اقولك

انا واحد ضايقة فيه الدنيا واحد منلعن ابو خامسه بفلها على الآخر فهمت

بندر : لحول ولا قوة إلا بالله العلي العظيم بدل ما تستغفر و تصلي لك ركعتين يمكن ربي يفك

ازمتك

بدر بعصبية : اووه رجاء يا بندر لا تخلط شيء بشيء امور الدين على راسي من فوق بس انا متضايق

منفلقه حياتي رايحة فيها امي امي ماهيب امي اجل

بندر زعق عليه : وش امك ميب امك اصحى لعمرك خير وينى فيه اصحى لنفسك

بدر بعصبية ضرب اللي قدام المرتبة : وش بيضمنك انها امي هاه ؟؟ مو يمكن بكرة تنط و تطلع لي

ام ثانية هههههه استغفر الله بسرعه قبل ينفجر راسي بس

بندر بقلة حيلة و خيبة امل سكت وجاراه باللي يبي ....

سلطان جالس بالإستراحة و دخل عليه نواف و حجرف و نايف و سعود الجميع

سلطان عدل جلسته : وش عندكم مصبحين هههه

حجرف : والله مواصل انا مابعد نمت رحت وصلت ابوي المزرعه و لا جاني النوم

نايف : وش عندهم بالمزرعة اليوم

حجرف : عازمين طـــلال بن .......

سعود : يا ملحك تعلمني بعد وليش ما ارتزيت مع ابوك وعمانك

حجرف : حشرت رامي هناك ههههههه و بعدين ياخي ذالرجال كل شهر يجينا كم مرة ميب حلا عاد

نايف : أي والله صادق هههههههه شكله بيناسبنا

سعود : يناسب مين ياعمي انت لا بناتنا مايطلعون لغير عيالنا ماتدري عن ذالقاعدة

سلمان : ذالقاعده اللي رسمها جدنا السابع عشر عموما كثر خير هذا احسن شيء سواه

حجرف : اوما احسن شيء اجل وش تصير جمعات كل جمعة خخخخ

سلمان : وذا بعد مع اني جاحدهم من شهور كل جمعه اصير منيب بالديرة

نايف : ما عارف لها غيرك والله ههه

سعود : بس صح العزيمة اصلا لبدر يعني كلنا بنروح غريبة بدر وينه فيه تأخر ( ناظر ساعته )

سلطان : اعتقد بينام ولاهوب جاي من غير شر

نايف : وش على كيفه الدعوة حتى ابوه بالطريق

سلطان : الرجال نايم اكيد دايخ و حالته حاله

حجرف : أي نايم قبل شوي محاكيه انا قبل 3 او 2 ساعتين تقريبا

نايف : غريبة والله لحسة مخ

سلطان متنرفز و حالته حاله

من الطرف الآخر

زينة قلبها قبضها بقوة خايفة على بدر

حست انو عرف بالسالفه

وهي تدري عن قلبه الرهيف ما يتحمل صدمة مثل كذا

قلقت كثير

تدق عليه مقفل كررت المحاولة مقفل

تنهدت و بكت بحرارة

روز : واتز هابن ؟؟ ( خايفه بقلق فظيع )

زينة ضمتها بحنية : نيفر مايند ايفري ثنق ازي اوكي

زينة مسكت جوالها و طلبت رقم بدر للمرة العاشرة تقريبا

فكرت و احتارت

" لا مستحيل افكر ادق على بندر مستحيل ، طيب وش فيها لو دقيت و خليت روز تسأل عن ابوها

لا .. وش بيظن ..؟ على باله اني اركض وراه و ادورهـ لا مستحيل "

فكرت و طلبت رقم ابتهال

ابتهال بحماس : اهلين هلا والله

زينة تجفف دموعها : هلا بتو كيفك

ابتهال : بخير كيفك يالجاحده مسرع جحدتينا هههه

زينة بحزن : لا والله مو عن كذا بس انشغلت شوي

ابتهال بخجل : يالله اهم شي ء انكم بخير

زينة ابتسمت : لا ابشرك بخير و صحة و عافيه هههه

ابتهال بخجل : دوم يارب

زينة : اقولك بتو ابي منك طلبب

ابتهال : سمي ابشري بعزك ولو كم من زينة عندنا حنا

زينة تبتسم : مشكورة يالغلا بس ولا عليك امر اسألي لي نواف عن رقم سلطان

ابتهال : الله الله ياعيني ياعيني بدينا بحركات الاخوان هههه

زينة تبتسم بحزن : لا مو عن كذا هههه بس بليز حاولي بسرعه ابيه ضروري

ابتهال : دقيتِ على نواف قبل طيب ؟

زينة : ايه مقفل جهازه ولا نيب بعرف رقم ثاني له

ابتهال : والله مدري غريب عاد كاني سمعت صوته تو هنا بشوفه لك و اقوله

زينة : أي تكفين طلعي لي رقم سلطان لو من ايش بليز

ابتهال : ابشري ولا يهمك دقيقتين بس و يكون معك

الهنوف : وشو اللي بدقيقتين اندومي هو هههه

زينة : ههههه يالله يالغلا بنتظرك طيب

ابتهال : اوكيك يالله بدأ الوقت من الحين خليني اروح اشوف باي

زينة : باي لا تبطين بحتريك ترا

ابتهال : اوكي باي

زينة : باي

الهنوف : وش تبي وش عندها وانتِ وخشتك شوي و تنقع الخشة و الضحكة من ذا إلى ذا فضحتينا وش

بتقول الحين ياسفاه بك بس

ابتهال بحماس : يؤ يختي منيب مصدقة وقسم منيب مصدقة انو بدر عايش لذا الوقت ههه

الهنوف تناظرها : تحبينه للحين

ابتهال شاتت عليها الجوال : سخيفه

الهنوف تمسح راسها : وشذالعربجية يختي ماينمزح معك مزح صعايدة و قسم الحين بالجوال

تشوتيني خبله انتِ آآخ يادماغي دمغااه بس آخ بس يضرب الحب شو بيدل على قولة

اخواننا الشامية

راما : تحاكين نفسك ههههه

الهنوف : بسم الله وش جابك على ذالصبح ههههه

راما : مو حبا فيك عشان اسلم على تيتة اليوم خميس و إلا

الهنوف : هاه إلا الظاهر انو خميس << الله من الفهاوة ^_^ طيب يعني ما قدرتِ تصبرين

لين بالليل و نجتمع بالإستراحة

راما بدلع : والله مو ذنبي انو تيته ما تصبر عني و من البارح ملزمة علي اجي افطر معها

الهنوف : هو الدلع ذا هو اللي رافع اقصى ما تقصى من كبدي عليك

-

-

-

ابتهال : مرحبا ود صباحك ورد

ود : صباحك سكر ههههه وش عندنا مروقين و كاشخين يالله ارزقنا يارب

ابتهال وهي طايرة : وديده موب وقتك بسرعه قولي وينه رجلك ؟

ود : اللهم يا كافي وش فيك عجلة كذا ...! سعود بالإستراحة و بعدين

بيطلع المزرعة لانو فيه عزيمة عشان بدر مسووينها اليوم

ابتهال مبسوطة : وينه سعود دقي عليه طيب اسأليه عن رقم سلطان

ود بدهشه : نعم رقم سلطان

ابتهال : ايه اخو زينة الجديد ههههههه

ود : وجع يالهبله وش تبين فيه مضيعه على بدر شكلك هههه

ابتهال : ***ر***ر ( دقت لها على سعود) اسأليه اذا يعرف او قفلي بسرعه عشان تدقين على حجرف او

سلمان اكيد يدرون

ود : سمي طال عمرك .....هلا حياتي

سعود : هلا وغلا والله هلا بالصباح المنور

ابتهال : ياليل موب وقتكم ابد بسرعه انجزي انتِ موب وقت مغازل

سعود : وش عندها المكنسة وش تقول ؟

ود : ههههههه لا بالعكس اليوم مروقين و صباحنا احلى صباح

سعود : قولي كذا .... المهم وش عندكم داقين ترا وسط رجال انا انجزي

ود : ايه قلبو قلت لبتو بس اصرت

ابتهال : ياكرهي لحركات الحريم اللي ماتخلص ياختي قولي له او هاتي انا بسأله

ود : اوكي طيب ريلاكس وش فيك معصبه ..؟ اقول سعودي

ابتهال : سعودي بعد ياختي يالله رفعتِ ضغطي و قسم

ود تبتسم : سعودي بسألك تعرف رقم سلطان اخو زينة ؟

سعود رفع حاجب واحد : ليش

ابتهال بعصبية : ياربي بس

ود تشر لها يعني اسكتي : زينة تبيه ضروري

سعود يتذكر : والله ماعتقد انو معي بس بشوف لك الشباب اكيد معهم مع انو هنا هو

معنا بالإستراحة بس طلع

ابتهال : ياعليك ذكاء يا سعود ياخي اسأله الحين

سعود : بقرتي العزيزة ما تسمعين اقولك طلع