منتديات قصايد ليل - عرض مشاركة واحدة

06-11-2011

يالله بسرعه اشوف حطي كل الألوان مع بعض

في قناة الـ ....... الإخبارية و التي لا يكون خبر عاجل إلا و يظهر على شاشتها ....

زحمة الأخبار تتوالى و تلك المذيعة بصوتها المفزع

تنوه و في المملكة العربية السعودية قد وصل هذا الخبر للتو

ومن الرياض تحديداً و من منطقة الـ ....... بالذات

نرى تلك الجريمة التي عزفها أمرس شياطين الأانس للتدمير بالوطن الطاهر

و تهريب الدمار والمخدرات لأرض البلاد الطاهرة ...

تم كشف اكثر من 400 ك من المادة المخدرة و التي قد .......الخ

بالإضافة إلى انه تم ضبط مستودع لضبط الأسلحة في منطقة الـ....... وهي منطقة نائية في جوف

الصحراء العربية ....... و تم ضبط المتهمين متلبسين بعد كمين ضبطوه ،

متلبسين بالرجم المشهود ...... وبهذا قد التم التخلص من ارهب شبكة إجرامية

مارست طقوسها لاكثر من 10 سنوات و هذا كله بتوفيق من الله تعالى

ثم من القيادة الفاضلة الرشيدة ثم بقيادة النقيب بندر بن فهد الـ ......

(( شهقات عاليه من كل من يحضر الأخبار من تلك الاسر )))

زينة صابتها رجفة شديدة ولا تزال تسمع عبارات الإطراء و المديح لذاك المحقق المذهل

ام تركي دمعاتها غرقت عيونها و رجولها تعقدت بقوة .... و تحمد الله كيف لا

وهي تسمع الأطراء لابنها الغالي

اميرة كذلك ....

ابتهال و ريم و الهنوف وجميع من يحضر معهم ..على تلك الحال

-

-
-
-

في مجلس الرجال

ابو تركي انعقد لسانه و قلبه بدأ يضرب بقوة : عساه سلم بس !!

هشام بدهشه : نبي نسمع

خالد يبتسم : بخير و سالم مافيه إلا كل خير متأكد انا ....

(( ولا زال الخبر يتوالى ))

المذيعه بصوتها المفزع

هذا وقد تمت مساءلة المحقق للإثمار عن نتائج تلك القضية

وكيف استطاع ان يحقق ما عجز المتخصصون الماهرون في هذا التخصص عن إطالته

افاد بان رضى الله تعالى ثم رضى الوالدين من اهم عناصر النجاح

ابو تركي يستشعر بذرات قارصه جدا من الندم و اشتاق بحنان لبندر الذي طالمها قسى عليه

لم يجنِ منه سوى الفخر و المجد ....

المذيعه هذا وقد افاد المحقق بندر بن فهد بإنه احبك هذه الخطة المحنكة بقيادة المحقق سلطان بن صالح

و طالما تأملنا هذه الخطة سننبهر حقا

كيف لا و هم استطاعوا ان يخفوا عن الأنظار شخص ما ولمده 3 سنوات تقريبا

((( علامات دهشة و صدمة و برد قارس يجتاح اجواء العقول و القلوب ))))

وهو المدعو بدر بن سعود الــ

تم التحفظ عليه في احد الدول المجاورة ..... بينما ظن الجميع انه انتقل لرحمة الله

هذا وقد صلى مايقارب اللآلآف على جثة آخرى قد توفت بذاك اليوم الموافق ...

و نسأل الله تعالى ان يرحم

جميع موتى المسلمين و المسلمات ....هذا و قد تبلغ بهذا النبأ منذ البداية

والد المدعو بدر ، و المحقق بندر و المحقق سلطان و رجل آخر يدعى خالد بن محمد

لانه طرف في تلك القضية مع المدعو فواز صاحب ذاك الوكر الإجرامي ...

و من المؤكد تلك المنظمة القيادية الهائلة

و الله يحبط كل من اراد فسادا او دمارا لهذا الوطن الطاهر ولهذه القيادة المسلمة الرشيدة ..

" طاح الكاس اللي بيد زينة و دموعها حارة بقوة بقوة "

زينة تبكي : ياربي ارحمني وش اتوهم وش اهوجس يارب راحمني يارب

مسكت راسها بقوة فظيعة ولا تزال تبكي

" ابتهال تركض على مناداة الصبايا لها ...

تقرب و تبعد عيونها ... قلبها انقبض بقوة ...

يدينها بردت و رجولها تعقدت ..... و تحس الرؤية بدأت تتلاشى "

الشياب انصدموا و لازالوا غير مستوعبين

حجرف : ابك تسيف و الجثة اللي صلينا عليها و القبر و الـ

خالد بدأ يشرح لهم كيف صار كل شيء بالتفصيل << متقدم قبل بالرواية ^_^

-

-

سلطان بعد جهد يمسح راسه : ياربي لك الحمد و الشكر

بندر يبتسم بعد ما سلم على بدر : ارتحت الحين

بدر : هههههههههه مابغيتوا ياخي وقسم واموت من القهر و الصبر اصلا الصبر براسه

انحاش عني

يالله مشتاق للديرة و لهواها ولامي وابوي واهلي

بندر نزل راسه شوي : الله يقويك

بدر : اخيرا منيب مصدق بنتي وينها ابيها مو قايل لكم تجيبونها معكم

سلطان : هههه نجيبها هنا وينى فيه

بندر : اسكت والله يا ارهقتنا بقوة انت ووجهك خصوصا يوم رفض يستلم ذا قروشة بجد

بدر : اخ بس والله يا موته موته قشرا

بندر تنهد : الموت بيد الله وذا يوم حاولنا بس الشكوى لله

سلطان : وش فيكم هو ميت ميت قصاص يعني لو نجى من ذالرصاصه

بندر تنهد : هم و انزاح الحمدلله

سلطان : او ف بس يذالقنوات غثونا من جد

بندر : ههههههههه ودي اشوف امي و ابوي بس

بدر بحنية شوي : يالله من جد احس العالم بيخرشون مني اذا شافوني

بندر : ميت وطلع لحسة مخ ترا

سلطان : يالله مانقول غير الحمدلله اللي وفقنا و نجحنا يارب لك الحمد و الشكر

بندر بذل مجهود لذا بدأ يتعب و راسه يألمه : يالله شكلي وقعت على النهاية ههههههه

بدر يتنهد : مافيه إلا كل خير

سلطان : ياحبني لكم بس صناديد من الوطن خخخ

بندر يبتسم بألم ...

سلطان : تبي نوديك الدكتور

بندر ياشر لسلطان يعني لا عشان بدر مايصير يعرف عن امه الحين ....

بندر : الله يجزاك خير بس شتني عن باب البيت بس لا اقل ولا اكثر

بدر : شتني انا قبل بروح لبيتنا مشتاق لامي و المفعوصة اختي و روز ياقلبو بس

بندر ناظره : بدر معليش ماقلت لك امك شوي تعبانه وبالمستشفى

بدر بخوف : وش فيها ؟ وليش ماقلت لي

بندر : تو ما تعبت ولا حبيتا خضك

بدر : يالله وش تحتري سلطان ولا عليك امر سيدا للمستشفى

بندر : لا وين مافيه زيارة ذالوقت

بدر : غصب عليهم وينى فيه أي مستشفى

بندر بعد صمت : الملك فيصل

بدر بخوف : وين أي قسم وش فيها بالضبط ؟؟

بندر ساكت .. سلطان : عادي ياخي تعب عادي لا توسوس انزل لبنتك و بكرة تروح لامك

بدر : اكيد مافيهاش شيء وش فيه بندر انصفق وجهه طيب

بندر ابتسم : واحد تعبان و له 3 ايام ماخمد و لا اكل و لاعن جد ابو العن شبكة إجرامية

بالديرة وش بيصير وجهه يعني

بدر : بس خلاص مايسوى علينا ذالمجهود شكلك كل عمرك بتذلنا فيه هههههه

انتظر الملاحظات و التوقعات

بقى البارت الاخير بإذن الله تعالى

بكرة بإذن الله تعالى

( الجزء الثالث عشر The 13 th Part )

في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده .. ومشينا

بندر يجر الخطى لحد ما نزل عند البيت : سلام عليكم

سلطان بإرهاق : بتدوام بكرة بإذن الله !

بندر : ايه عشان اوقع على الإجازة و عندي اوراق محتاجة توقيع قبل ما أجز نفسي

سلطان تنهد : الله يعين يعني خلاص بتروح و تترك الشغل على راسي ههههه

بندر بإرهاق : وش نسوي بعد مضطر ياخوك

سلطان يبتسم : شفت وشلون فرحة ابوك و اعمامك ببدر يالله من جد ما توقعت ابوك معه ذالقلب

بندر بحنية : انا بعد شخصيا استغربت ردة الفعل بقوة منفعلين والله

سلطان : ما ينلامون فيه

بندر يبتسم : الحين ما ينلامون فيه ياكثر ما عقدتوني انتم الاثنين هههه

سلطان تذكر : صح كيف بنقوله عن سالفة امه وانها تعبانة

بندر تنهد : الله يستر لها الف حلال بإذن الله تعالى ... يالله الحين بنوم ميت من الإرهاق

سلطان : يالله تصبح على خي

بندر : وانت من اهله ...

نزل بندر لحد ما فتح الباب

و شاف امه اللي اخذته بالاحضان من فرحتها و فخرها بولدها بندر

و خواته بعد حواليه كلهم

رامي : ملح ملح يا بندر منتب سهل ياحبني لك بس هاه خلك بالصورة انا رامي ولد اختك الكبيرة

بندر يبتسم و يضرب راسه بشويش : يموت يهودي لو تركد الظاهر

رامي بإنفعال : حسبي الله عليهم الله يتولاهم شفتوا وش سووا بغزة

داليا : الله فوقهم وربي ينتقم منهم إن شاءالله بسوي عرض بكرة بالمدرسة تضامنا مع غزة

رامي يقلد صوتها : ذا اللي قدرتِ عليه يعني ذا اللي طلع معك

داليا بعصبية : على اساس بيدي شيء ثاني ولا نيب مسويته

بندر بإرهاق : يا أنا ميت تعب شكلي بنوم على وجهي ولاعادني بقوم إلا متى ما شاءا الله

رامي : ههههههه انصحك اجل تنحاش بالمحلق لان ابوي فهد هنا وصل قبل العصر مدري وش قصته اليوم

و تعرف وقت الصلاة بيقومك لو انك لك شهر ما نمت خخخخخخخ

داليا : يامال اللي بدل ما تدعي له بالخير انو يصحيك للصلاة

رامي طنشها بحركة سواها بيده

رامي : اقول بندر وين بدر ودي اشوفه

داليا بحماس : وانا بعد لازم اشوفه

بندر يبتسم : تشوفونه بإذن الله

رامي : هو وين راح الحين

بندر : ياكثرك يا ورع << احس كلمة ورع قوية إهانة شوي ^_^

رامي : افا بس مين الورع ايه صح قصدك ذي ( مسك شعر داليا وقتحه بعشوائية ) ورع اقشر بعد

داليا : اوف يالقرف بس ويدك ذي بكسرها لك و تشوف

رامي يقلد اسلوب سلمان اذا يحكي << محترف بالتقليد : والله طال عمرك منيب بالديرة

ولا جيت إلا امس العصر

عندي امسية في الكويت

داليا تفشلت و حست وجهها بينقع مع القهر

داليا تصك على اسنانها : هين اوريك يالمفعوص

بندر تذكر شيء وهو بالدرج : رامي

رامي : كح احم

بندر : دخل سيارتي تعبان مافيني قدرة يالله ( شات المفتاح )

رامي : سم طال عمرك بالخدمة انا ماعندي غيركم

بندر سحب جسمه لحد ما فتح باب الغرفة

دخل بتثاقل .... يتأمل وجهه الإرهاق مبين عليه بقوة

غير ملابسه بسرعة و استسلم للنومـ

في محاولة يائسة منه لنسيان تلك القابعة في فيافي قلبه الجريح

-

-

رامي : اقول ياكونداليزرايس ماودك تخاويني

داليا تقلد صوته : كونداليزرايس بعينك يالحول و بعدين وين بتطس ذالوقت

رامي يقلب المفاتيح : ابد بس لفة لفتين حول القصر ماعمري سقت سيارة بندر ذي اخر مرة

سقت سيارة القديمة اللي معه العام

داليا : ملح ملح و اذا كفشونا المرور وانت داج حتى رخصة قيادة مابعد صدرت لك

رامي : غصب عليهم يتركوننا مايقدر اصلا يفتحون فمهم يقولون وهـ بس

داليا بمسخرة : طبعا بمكالمة من ابوك بتضبط كل شيء صح

رامي : اقول لا يكثر بتجين امشي مانتبِ جايه انثبري احسن و اصلا ذالسيارة ميب من مستواك

حدك هالجمس اللي مترتِ الرياض تمتير شبر شبر فيه من مشغل لمشغل و من مول لمول و من مطعم لمطعم

داليا : اللي شفع لك اني مروقة بسلامة بندر وبس

رامي : احسن لا تجين انثبري بأخذ البنات ريم و الهنوف و بعشيهم بعد

نايف توه داخل : وش فيها ريم هههههههه

رامي التفت له و قلب تعابير وجهه : دقت على ابوي فهد تبكي تقوله فكني انا داخلة على الله ثم عليك تفكني

من خطبة ولدك

نايف بقلق بحلق عيونه : ابك تسيف

رامي : الله الله البنت كشفت ماضيك الاسود للأسف

داليا : استغفر الله يالسخافة

رامي يقلد صوتها : كح احمممممممم ( قلب يقلد سلمان ) والله ذا اللي صار يا وللد العم نايف << اسلوب

سلمان

نايف يبتسم : الله ياخذ عدوك يالحمار و قسم لخمتني

داليا : اوف منكم يالسعوديين هذا انتم

رامي التفت لها : وش عندها لميس ابو شعر ؟

داليا : عفوا وش قلت ماعليش مين تكون ذالفلبينية قدامي كش بس

نايف : ههههههههه اوما فلبينيه عموما يا رامي قدر شعورها دليل ماتبي سعودي تبي

اشقر و عيونه خضر و يصبحها و يمسيها بغنج

داليا باسلوب حالم : ايه و يكون راقي بتصرفاته و انساني باسلوبه و رومانتيك و ذويق

رامي : إلا ماتبينه بعد يكون مصمم ازياء خخخخخخخ

نايف : هههههه ياهقوتي انها بتطيح بواحد كلوز مايند ذيك الساعة تترحمين على نايف و رامي

رامي : وش فيك انتِ احم احم كح الامسية الليلة بالناصرية بس

نايف : اوووف اوووف نسينا ذالمخضرم يلعن عدوك نسيت ادق عليه ههههههه

داليا : سخيفين من جد

طلعت و تركتهم ...

-

-

-

( 2)

فتح الباب بشويش

و الشوق حطم كل معالم المشاعر فيه

الظلام يكتسي معظم الارجاء

و البرودة تترك اثارها بوضوحـ

فتح الباب

..وها هي الذكريات تصافحه و تقبله قبلات حارة ...

تقدم خطوة ..

خطوتين

وقف عندما سمع صوت باب انفتح

نبضات فؤاده تسارعت شوقا و هياما لمن سيأتي !!

زينة لابسة بيجامة وردي بأبيض ولامه شعرها على فوق طلعت تتسحب و تفكر بينها و بين حالها

" متى بيجي بدر وينه تأخر توها تغريد تقولي انو بالطريق جاي لنا ليش تأخر .."

نزلت بسرعه تركض مع الدرج

بدر " يبتسم يالبيه بس يا ناس طفلة للحين يانا مشتاق لها "

زينة وقفت قدامه و اهو وراها ما بعد شافته

زينة تناظر جوالها ... وها هي ترفعه عند اذنها

زينة بشوق جامح : هلا تغريد ماعليش سوري ازعجتك دقيت ذالوقت بس بسألك بدر تأخر

اكيد متأكده انو بالرياض اخاف لسى مابعد وصل ...

بدر و الدمعة بعينه : لا يالغلا اكيد انا هنا

زينة تجمدت

نبضاتها زادت

يدينها ارتجفت

طاح الجوال من يدها بقوة و ها هو صوته يرتطم بقوة على ارجاء الرخام المفخم بقطع السيراميكـ

لفت راسها بسرعه و شافته

وقفت

عيونها تشخصت على تلك العيون اللي اختفت من سنين

تلك الطيبة اللي تشع من أروع عيون بالكون

القلب النابض بحب الحياة و الكونـ

البوح الخافت الذي غادرني مبكراً و دفنني في زمرة الأحزان

عيونها امتلت دموع ...

اطرافها بردت بقوة ملاحظة

ضعفت شيئا فشيئا وهي قد ادركت للتو حقيقة امها

" ماعدنا بأخوان إلا من الاب "

قرب لها و حضنها بحراره و شوق

و دموعها كللت الموقف

زينة وهي تبكي : ليش ليش

بدر يبتسم و يسمح شعرها : وش اللي ليش هههه للحين على دلعك

زينة بدموع مذهله مسكت وجهه تتأمله : بدر ليش تروح ليش تركتنا ليش ؟؟

بدر يمسح دموعها : فديتك و فديت روحك و دموعك خلاص عاد اعتقد شفتِ الاخبار و إلأا هههه

زينة تبكي : اخاف اني بحلم والله مابي اغمض اخاف افتح ولا القاك ماابي يكون حلم تعبت والله

بدر يبتسم : يالله هههههههه انت للحين على حكيك الغنوج ذا ، للحين لاحس مخك حكي المسلسلات

و الرواياتـ ( قرص خدها بخفة ) اصحي انتِ بواقع و إلا ودك اصرخ ااذا مستغنية عن اذنك قربي هههه

زينة تحضنه و دموعها بللت وجهها : الله يسامحك بس ذا اللي اقوله .. ماتدري وش صار فينا عقبك

بدر رفع راسها و شافها : ههههه لا يا اختي انا معكم بكل خطوة ترا و ادري عن كل شيء صار لكم

" اه يا الجرح المؤلم اللي بقلبي "

تناظره بنظرات خائفة ، متوترة ليست واثقة

" معقولة عرف عن امه و موقفها معي ، "

بدر يناظرها : وش قصتك تناظريني كذا شكلك منتب مصدقة للحين ههههههه ! على بال ما تصدقين

قولي لي وين بنتي وين روز !!

زينة تبتسم : نايمة يالله نروح لها

بدر بحماس و شوق جامح : ياقلبي قلبها بس بروح لها مشتاق لها بالحيل بالحيل

زينة بدمعه غائرة بعينها : وانا

بدر وهي يطلع مع الدرجـ : افا بس انتِ الشوق كله لك اصلا ههههههههه

زينة جشهت بالبكاء وهو تشوفه طالع لبنته

" شكله مابعد عرف بشيء الله يكون بعونه "

بدر طلع غرفة روز وحضنها بقوة و استنشقها و ضمها بحنان الابوة له

حس بمشاعر حانية و كان قد اشتاق لهذه الأنفاس بجنون لا يضاهى

روز نايمة بسلام و أمان ...

زينة : ارتحت الحين

بدر ينوم روز بحنية : الحمدلله دام قلبي تطمن على اغلى الغوالي وش باقي لي ههههههههه

إلا ( استدرك) صح بسألك امي وش معها بالضبط تو مادريت قالي بندر وانى بالطريق !!

زينة حست ببرودة و صقيع في جسمها و دمعت عيونها

بدر بخوف فظيع نوم بنته و عدلها غطاها و طبع على جبينها بوسه ....

مسك يد زينة و طلع : وش فيها امي قولي لي لا تخبين ؟

زينة دموعها بعيونها عجزت تحكي

بدر بقلق : قولي لا اتهور واطلع الحين اروح لها انا من يومي منيب مرتاح من فترة ما حاكتني ابد

زينة تبكي : لا تطلع بكرة نروح لها ارتاح الحين

بدر يضبط اعصابه : بالعربي قولي امي وش معها ؟ وش قصتكم اشحدكم فلوس شكلي انتِ الحين

وقبل شوي بندر و و سلطان .؟

زينة نزلت راسها و بكت عجزت تضبط مشاعرها

بدر ضمها بحنية و تنهد : لا تخافين إن شاءالله إنها بخير ..... لا تخافين

زينة حست بمشاعر فاقدتها من سنين

مشاعر انتماء ... مشاعر حنان

بدر : يالله اطلعي نومي

زينة تناظره : انت نام انا عادي مفلله نوم

بدر رفع حاجب : على بالك بيغمض جفني وانا مدري امي وش فيها او حتى وين هي فيه ؟

زينة دمعت : صدقني انها بخير

بدر : مدري الموضوع موب سهل انتِ انصفق وجهك و بندر بعد مع انو اوكي ولا يهمه يقول الصدق

بس ذالمرة مدري وش فيه و سلطان كذلك

زينة بألم تستشعر بذرات قارصة جداً من الحزن

زينة : عشاني بدر تكفى طلبتك لو شوي ريح جسمك على الاقل بلاش تنوم

بدر تمدد على الاريكة : اوكي برتاح هنا لحد ما يطلع الصبح ( تنهد بحسرة) وانتِ اطلعي نامي

زينة تناظره و تبتسم : الحمدلله اللي عقلك علينا الف شكر لكي ارب

بدر ابتسم بإرهاق : اذا مبسوطة برجعتي صدق نومي لك لو شوي

زينة بفرح : ابشر ولا يهمك بنوم وانا مرتاحة برجعتك تصبح على خير

بدر يبتسم : وانتِ من اهله

طلعت زينة و هي بحالة حزن على معالم اخوها الغائرة في بحور الإستفهام !! ؟؟

بدر عدل جلسته و قام يدور بالصاله

جلس بتثاقل على الاريكة و حكم قبضة ايدينه عند فمه بشكل يوحي بمقدار

تفكيره

بدر تنهد : ياطول الليل الليلة متى ينقضي و يجي الصبح بس على خير !!!

-

-

-

-

يتبع

بإذن الله

سوري اضطريت ما اكمل و باقي كثير +_+ بس لانو السبت عندي امتحان poetry ولا بعد حضرت ولا حرف

سو لي عودهـ بإذن الله تعالى

(3)

مع إنطلاقة الفجر المذهل بأشعة أمل فظيعة

و الجو العليل الذي ينشر عبق البرودة في المساحات و يزيدها شيئاً من الفتور

بدر و هو في عودته للمنزل بعد ما صلى الفجر في الجامع

لا يزال يقلب الأفكار و تقلبه

فتح الباب ....

و ارتمى بتثاقل ....

زينة تبتسم : ما نمت صح هههههه

بدر رفع راسه : شوي خمدت بس منيب متأقلم والله

زينة : الله لنا هههه يالله بعزمك على فطور على كيف كيفك

بدر بإمتعاض : مالي نفس خليها وقت ثاني

زينة كشرت : افا تكسر بخاطري ( طقته بشويش) المفروض ما تطيح وجهي كذا

بدر يبتسم : اوكي ولا يهمك انتظريني على الفطور بس موب الحين خليه على الساعه

10 او 9 وش رأيك ؟

زينة : ياسلام و الحين وين بتروح وش عندك

بدر بحنية : بحاول انام شوي و بعدين بصحى و بروح لامي بإذن الله

زينة انقلب وجهها بشكل ملاحظ

بدر يتمقل : وش فيه ؟ انطقي بسرعه انا شاك ا نامي فيها شيء كايد صح

زينة دمعتها بعينها : كل شخص بيأخذ نصيبه صدقني

بدر يتنهد و غمض عيونه : انا من اول ما عرفت انها بالقسم الشرقي وانا قلبي ماهوب مرتاح

زينة تناظره و تمسح على وجهه : اذكر الله يا بدر خليك قوي خصوصا اذا شفتها

بدر : تتوقعين تعرفني تحس فيني

زينة " تذكرت حالتها الصحية اللي بغيبوبة من اسبوع " : ان شاءالله

بدر بندم شوي : ملعون ابو التضحية اللي سويتها مانافعني شيء والله ، هذا انا ابعدت عن امي

وهي بأمس الحاجة لي قولي لي ليش رجعت بس لو اني ميت احسن

زينة بإقناع : بدر وش فيه خير وشذالحكي مستحيل ذالحكي يطلع منك

بدر يمسك راسه في محاولة جادة منه لمنع نزول دمعته

بدر : الحمدلله على كل حال ولا جانا إلا كل خير .......

زينة " وش بتقول لو تدري عن الباقي "

بدر : يمكن اني اتأخر مع ان ودي اشوف بنتي قبل تروح المدرسة

زينة : وش فيك خميس اليوم هههه

بدر : اووه هههه من جد لحسة مخ اجل بصحيها الحين بطلع لها

زينة : ان طاعتك ههههههه بنتك ما طلعت لي إلا بحب النوم بس

بدر يبتسم : بصحيها يالبيه مشتاق لها بالحيل