منتديات قصايد ليل - عرض مشاركة واحدة

06-11-2011

حجرف بتضجر : اسكت اسكت لا تقولها و تصير صدق اخاف يسمع ابوي طراطيش حكي

و يلزقها فيني بليز اسكت

نايف : يعني مافكرت ولا مرة

حجرف قاطعه : لا مرة ولا مرات ولا فكرت اصلا اني بخطب و مو مجرد اني طقيتها حنك وسوالف مع بنات

عمي بالإستراحة احيانا اني احب وحده منهم اصلا مااعرفهم من بعض ههههههه

نايف بخيبة : والله وقسم على بالي انك حاطها ببالك

حجرف يستدرك : واشوف الثور رامي غاثني على الطالعة و النازلة الهنوف و الهنوف ههههه

نايف : احمد ربك مصرقعه و خبلة يتصرقع عالمك كله لو تأخذها هههه

حجرف يبتسم : يا حليلها هههههه والله حابكين السالفه و طابخينها و قاضين ههههه

والله اني مااعرفهم من بعض اذا جينا للصدق

نايف : طيب يمكن هي تكن لك مشاعر ههههههه

حجرف يبتسم : من جدك انت هههههههههه بالله انا استغربت توي تذكرتها متى كبرت على بالي

يوم اشوفها من خواتها الكبار ياخي ذاك البنت خبله اذكرها يوم انا صغار مصرقعه

ولد مافيها أي معاالم للانوثة هههههه

نايف : هي مصرقعه شوي رجه هههه بس يكفي انها بنت عمك

حجرف : هههههههههههههه الهنوف من جد ياخي اسكت بس تكفى اسكت
-

-

-

-

في السيارة

نواف و زينة و ريم و ابتهال

نواف بتوتر : كيف امك يوم انك عندها قبل شوي ان شاءالله احسن ؟

زينة : الحمدلله حال احسن من حال ويالله لك الحمد و الشكر

ريم : الله يطمنك عليها يالغلااا

زينة : الله يجزاك خير

ابتهال " ياقو الحركة يا نواف منيب متصورة كيف بس هالمسكينة بتقدر "

نواف يمسح جبين عرقه : يالله وصلنا

زينة بحماس : يالله صبايا بسرعه

ابتهال بقلة حيلة نزلت ومعها ريم اللي ما تدري نزلت متحمسه

نواف وقف يشخص ..يعدل الغترة <<< طالع جنتل خقاق ^_^

ريم : يؤ اصبروا لحظة نواف مابعد جا

زينة بحماس : ادل انا امشوا بس ونواف يدل بعد يالله

نواف يدق على سلطان : حنا تحت اوكي

سلطان : يالله تعرف رقم الجناح 245 بسرعة انى بنطلع

نواف بتوتر : يالله

مشى نواف يلحق الصبايا ....

نواف بهمس عشان محد يسمع : ريم

ريم : نعم

نواف : قولي لزينة ترا نقلوا امها القسم الغربي جناح 245 الحين وليد قالي

ريم بحماس : الغربي اشوا يعني تحسنت صح ههههههه

نواف : اقول اذلفي قولي لها بسرعة ولا يكثر مالي خلقك

ريم : خي و ش سويت ل كانا مو ذنبي انك معصب ...؟

نواف : قولي لابتهال

ريم : ابتهال نواف يبيك

ابتهال بقلة حيلة : شف لو ايش منيب بشتك معكم بذالشيء لو تفحطون بالثلاثين و التخصصي

نواف : يابقرة وش نسوي البنت امها بحاجتها قولي للخبله ريموت

ابتهال تساسر ريم

زينة : وش فيكم ؟ فيه شيء ...هاه نواف صاي شيء ؟

نواف بتوتر يبتسم : لا بس غيروا جناح امك نقولها الغربي

زينة : الحمدلله يارب يعني تحسنت اكيد هههه يالله بسرعة نروح

ابتهال : لا زينة

نواف يناظرها بتوتر : وش لا خير

زينة : ههههههه يالله امشي منتب طبيعيه انت و ذالقلب مشكلة قلبك رهيف مايتحمل تعالي بس

نواف : انا بالسيارة بنتظركم

ريم : وش دعوة تعال

نواف يخزرها بعينه : ريموت انا بالسيارة طيب ( يحكي من وراء اسنانه خخ) << ياملحه

زينة متحمسه و معها ريم يدورن جناح 245

ابتهال خايفه متوترة ....

نواف نزل تحت بالسيارة و هاهو يشوف بندر

بندر بهدوء فسخ النظاره << وهـ بس وهـ : هاه وش صار ؟

نواف : سواة الله ابرك راحت فوق طلعت والله يستر وش بيصير

بندر : اجل تعال بالسيارة لحد ما يخلصون ..!

نواف بتوتر : يالله

-

-

-

زينة : هههه اخيرا مابغينا هذا اهو جناح مامتي بس غريبة البارح انا عندها مااطرت لي شيء النيرز

يالله بنات

ابتهال سحبت ريم ....: لا تدخلين تذكري وصية نواف

ريم : ايه صح بس ليش هو طلب منا نسوي كذا ...؟

ابتهال : موب وقتك

زينة : يالله بسرعه انا بدخل الحقوني

دخلت و فتحت الباب

زينة بحماس : صباح الخير يا أحلى ام بالدنيا كلها ...

!

!

!

تمشي بسرعة فظيعة و كشفت الستارة البيضاء

و انصدمت بتلك الرؤية ....!!!!

من الطف الآخر

سلطان مر بسرعه من عند ريم و ابتهال ...

ريم شهقت : اآآآآآآآآآآي هذا اهو هذاك الرياض غاليري لمهندس ماجد

التفت سلطان بذوق : عفوا أنتم خوات نواف ؟؟؟؟

ابتهال ارتبكت شوي و طقت ريم : أي

سلطان يبتسم : دخلت زينة ؟

ابتهال : أي نعم .... واحنا بنزل عند نواف تحت بالاذن

سلطان : لااااااااااا خليكم هنا شوي يمكن تحتاجكم زينة او شيء

ريم فاتحه اقصى ماتقصى من فمها و عيونها خخخخخ متنحه بقوة

سلطان : بالاذن

فتح الباب بهدوء

التفت زينة مع مجرد رؤيتها لتلك الرؤية ...

التفت وراء و لمحت سلطان

" هذا ذاك الرجل اللي يقول انو اخوي وانو يعني ......."

ناظرت بسرعه تلك المريضة بإصرار و عيونها منصدمة

(()))) هذي ليلى هذي امي معقول ((()))

رفعت عيونها و شافت حرمة جالسة عند المريضة تتبسم لها

زينة بإمتعاض : عفواً شكلي غلطت بالغرفة

مسكت شنطتها و رجعت بتطلع

سلطان قفل باب الجناح ووقف واره : لا منتيب غلطانة

زينة بإمتعاض : إلا غلطانة شوي لو سمحت

سلطان يبتسم : مافيه طلعة إلا بعد ما

زينة بتوتر تصرخ : وش قلت يالله بعد لا انادي لك الامن ..! خير وش قصتك انت وخر هناك

سلطان قرب لها و مسكها شدها بشويش و سحبها : ماعندك قلب انتِ ماتحسين

شوفي ( اشر لامه ) شوفي هذي امك اللي تعبت بسببك ...!

زينة تركته بقوة و هي تبكي : خير وشذالفوضى ....؟ امي مضاوي وبس ولانيب بعرفها ذي

لفت بتطلع و سحبها سلطان بقوة هالمرة : لا تصيرين انانية هذي امك وانتِ عارفة و باخصه

هالشيء تنكرين ليش ليش مانبي منك ولا شيء بس تكرمي على ذالمسكينة اللي حياتها تدمرت

بسببك انتِ

زينة صرخت بوجهه : و مين هي عشان تتدمر حياتها بسببي لا تتبلا علي ...

تقدمت بسرعه و وقفت عند المريضة

انسانة مرهقة ويتضح الإرهاق النفسي بقوة اكثر من غيره

نحيفة للغايه ...... وتبدو في معزل عن الناس بشكل تام ..

زينة : بعدي هنا انتِ الثانية << اختها ام عبدالله

زينة تزعق : شوفي انتِ ياخالة ولدك ذا اللي مايستحي على وجهه ماعليش بس بقولك

انك ماربيتيه يلاحقني ذبحني يتبلى علي

سلطان يبتسم على تفاهتها و سذاجتها

ليلى ام سلطان انشدت بشكل ضعيف للضوضاء

وها هو ذاك الوجه الذي طالما يراودها بأحلامها و ذكرياتها

أمامها على ملمس الواقع

بدت تنظر برؤية ضبابية بعض الشيء

ألقت بنظرها ولا تزال الرؤية ضبابية ....

وها هي الزمزمة العالية منها ومن سلطان تلامس احاسيسها

انشدت ... بلعت ريقها ....

انشدت بقوة و هي تتأمل تلك المتوترة بين جنبات يدينها

زينة : وقسما بالله لو ما تفتح الباب لا افضحك خير ماتستحي تخطف بنات الحمايل

" زينة استدركت وين نواف ....؟ "

طلعت جوالها : بوريك يصير خير

سحب جوالها بقوة : خلاص عاد ترا تحمتلك بزيادة يلعن الدلع يالله ( عصب )

زينة تبكي بتوتر و دموعها تبرق بعيونها : بلي زانتِ ابي امي مضاوي افتحي لي الباب

( تقصد اختها )

سلطان : اللهم صلي على محمد انتِ ما تفقهين وذا المريضة وش تكون ..؟

سلطان ناظر امه : يمه يمه .... بعدي هناك " يقصد زينة "

سلطان يبتسم : تشوفني يمه ...<< يحاكيها بالإشارات

زينة رفعت عيونها و شافت الباب ....

عندما تتحدث القلوب لتعلن عن بوحها المندفن منذ سنين

ام سلطان بشفاة ترتجف : س س س س س ل

سلطان رجوله ميب قادره تتحمل و دمعته بعينه انحجرت : يمه انا سلطان

زينة انشدت وتوقفت من خلف الستار

وقفت و جففت دموعها

ام عبدالله تبوس امها : ياربي لك الحمد والشكر يارب انك تستاهل الحمد يمه يابعد قليبي

ليلى بشفاة ترتجف وعيون تدور عليها : سل ط ان << بلسان ثقيل جدا

سلطان يمسح دمعته : عيون سلطان سمي

ام عبدالله : يارب لك الحمدل منيب مصدقة ا ن امي نطقت امي تهرج الحين منييب مصدقة

زينة تشعر بخنجر بصدرها " كيف يعني من جد ذي امي الخرساء اللي يقولون كيف حكت توهم

يفرحون معقول تكون حكت لانها شافتني بس وش دراها عني ....؟)

فتحت الباب بقوة و صفقته صفق و طلعت

سلطان يبوس راس امه : الحمدلله على السلامة سلامة دايمة يمه الحمدلله والشكر

سلطان سجد سجود شكر .. وام عبدالله بعد ....

زينة طلعت تبكي و تجر همها ...

" ليش كذا يا نواف المرة كم ذي اللي اعتمد و اثق فيك و تخذلني "

زينة تبكي بحسرة و هي حتى تحس انها ضيعت الطريق ...

مباشرة راحت تجري جري لحد ما وصلت القسم الشرقي و سببت مناحاه إلا و تدخل

عند مضاوي وهي منهارة بشكل يرثى له ...

طبعا رفضوا يدخولونها .....

ارتمت بشكل كسير على ذاك الكرسي الخشبي تبكي حسرتها و واقعها المندثر

" وينك يا ابوي ؟ وينك يا بدر الله يرحمك ... ياليتني اموت و ارتاح من ذالهم ...؟؟"

انطوت بشكل باكي حزين تبلل كل ذكرياتها مع تلك القابعه بين ايدي المرض

خلف تلك الغرفة التي رفضوا ان يدخلوها لتراها ...
-

-

-

في السيارة

نواف توه واصل بعد ما وصل خواته : هاه بشر ؟

بندر بتوتر يسحب زقاره : للحين ادق على سلطان و لا يرد

نواف يفرك يدينه : الله يستر خايف وربي

بندر " ايا تلك المشاعر ارفقي بنا ...! " : وش هامك بالموضوع ؟

نواف : وش هامني ..! كله يهمني لا تنسى انه عن طريقي صار يعني اذا صار بزينة شيء

منيب برتاح طول عمري ذا غير اني كذا مره طينتها معها وزعلت مني

بندر بعصبية شوي : طيب وش سويت انت بالعكس تساعدها تززعل عليك ليش ؟؟

نواف حس بتوتر بندر : والله عاد لو بتزعل يحق لها ، قايل لكم لو جيناها باسلوب ارقى بس

سلطان اصر

بندر بعصبية شوي يطفى الزقارة : اخوها ابخص بها وذا لازم يصير

نواف : يابرد اعصابك والله انا منيب بصبر بروح اشيك

بندر كاتم بقوة : براحتك انا بجلس هنا

نواف بسرعه يتخطى المسافات

يصطدم العديد و العديد من الرماجعين المرضى الموظفين

نواف وهو ماشي : سوري سوري

نواف يسأل الريسبشن عن مواصفات زينة اذا طلعت

افادوه بان سيدة خرجت للتو وقد اغمى عليها و نقولها للدكتور

نواف بتوتر : الله يستر ياربي سترك ياربي لطفك

نواف بسرعه يجتاح المسافاتـ لحد ما وصل عند جناح 245

نواف يطق الباب

مره

و مرتين

و 3 مرات

انفتح الباب

نواف : احمممممم

سلطان يجفف دموعها : هلا نواف

نواف بخوف ماعاد يحكي : وش فيه

سلطان والفرح بعيونه : ابشرك ابشرك امي نطقت

نواف بدلاخة : الله يبشرك بالخير طيب و زينة وش سووت وش صار عليها

سلطان انشد : ميب معكم طلعت من قبل ساعه وشوي

نواف بخوف : طلعت وين

سلطان سحب الباب و طلع مع نواف : مدري طلعت راحت و معصبة بعد بس على بالي معكم

الله يهديكم وش انا قايل لكم المشكلة حتى خواتك الله يهديهم منبه عليهم ما يروحون

نواف : انا اخذتهم خواتي جلستهم مالها سنع بس الحين قلي زينة وين وين

سلطان يمسك راسه : يذالشغله والله مدري وين راحت !! يمكن بالبيت

نواف بعصبية و خوف : أي بيت وانا اللي جايبها هنااااا

سلطان : يمشي و يسأل عنها

بندر وصلهم يتسحب بهدوء فظيع و برود تام و من داخل يغلي غلي فظيع بسبب مشاعر

نواف وبسبب انو مابيده أي شيء يسويه لها

بندر : وش صار ؟

سلطان : يابردك بس وش صار وانا اللي على بالي انها معك الله يصلحك يا نواف بس

نواف : وش دخلني انا مو اتفاقنا تجلس عندك ولا نتب مطلعها واذا ما تقبلت تدق علي واجي

انت لا دقيت ولا جلستها يعني الغلط عليك من راسك لساسك << معصب

بندر بهدوء : وش فيكم معصبين تلاقونها عند مضاوي بالقسم الشرقي روحوا و تأكدوا

نواف متعجب من برود بندر و موقف سلطان و اسرع الخطى

سلطان يبتسم : بندر ابشرك امي نطقت

بندر ابتسم : الله يبشرك بالشهادة بس كيف

سلطان : يوم شافت زينة تهاوش و تشكيني عليها بدت تدمع و نطقت

" بندر يالبيه ياقلبها وش سووت وقتها !! حساسه اعرفها ولا تتحمل الله يهديك كيف تركتها بس !

يارب مافيها شيء يارب ....ودي اسأل عنها و اخذها بجروحها و احزانها بس لازم تنساني

مابي آملها بواحد مايدري عن مصيره ..!! "

نواف وصل القسم الشرقي و شافها جالسه بتوتر وومبين انها باكية لين قالت بس

نواف : زينة

زينة بنظرة عتب : مشكور و كثر خيرك نعم وش بغيت ...؟؟؟؟؟

نواف " حسبي الله عليك يا سليطين بس " : وينك طاحت رجولنا واحنا ندور عليك

زينة : على اساس اني اهمكم يعني

نواف : وش تقولين بس افا عليك

زينة : بليز نواف ولا كلمة مابي ولا كلمة زيادة بغيت شيء آمر غيره مانيب بسمع

نواف : تعوذي من الشيطان ويالله قومي اوديك البيت وش زينك جالسه هنا قبال اللي يسوى ولا يسوى

زينة بعناد وعصبية : منيب رايحة ابي امي مضاوي وبس

انتهبت بوجود سلطان ومعه بندر

توترت من شوفته و حزنت كثير

" ممكن هو اقرب شخص اتمنى و آمل ابكي بحضنه و اشكي له اللي صار معي ودي و اتمنى

بس ذالشيء استحالة لو يموت مافرح فيني وش دعوة عاد فارقة معه او لا "

سلطان يبتسم : توقعتك بذا

زينة مهمشته و تناظر اللي واقفين

بندر القى نظرة صغيره تنم عن عدم إكتراثه : قايل لكم مافيها إلا العافية

سلطان : ايه بس ولو وسوست عليها ميب اختي

زينة دمعتها بعينها و كابرت انها تنزل

نواف : يالله يا بنت

زينة بشجاعة : انتم وش تبون جايين و طاقين مشوار وش تبون خير ..؟

بندر " يالبيه وقسم اني ابيك و اتمنى انفاسك بس الشكوى لله حسبي الله على اللي حال

بيني و بينك ....."

زينة : انا هنا منيب متحركة لو ابوي بكبره يجيني لو بدر اخوي يطلع من قبره و يقولي ارجعي

منيب راجعه زين كذا

بندر " خابرها اذا عصبت " بهدوء تام : اوكي اتركوها

زينة ناظرته بغضب

بندر ادار ظهره : يالله مين بيروح معي تخاويني نواف ؟

نواف تنهد : لا انا بجي بسيارتي تحت

بندر : اوكي يالله بالاذن

طلع يجتر الخطى و قلبه معلق باللي وراء حزينة

سلطان : زينة شوي بس افهميني بقول كلمتين
ا
زينة : انا منيب بسمع لا تتعب حلقك بالحكي بليز

سلطان يبتسم : ماعليش بس اسمعي على الاقل عشان احسن صورة نواف انا اللي اضطريته يسوي كذذا

زينة فيها الصيحة و تناظر نواف : لو ان شاءالله الملك عبدالله قايل له يسوي كذا ماكن المفروض يسوي

مو انت

نواف بحرص : صدقيني وقسم لمصلحتك يا بنت مو انا وعدتك اساعدك بكل شيء تجي مني ولا تجي

من احد غير وانتِ فاهمتني وش اقصد

زينة : خيبت ظني و بس وكانكم بتطولون كذا قولوا لي عشان انزل لانيب منيب مستعده لمهزلة

جديدة بعد

زينة بحزن نزلت راسها و هي تتذكر كل شيء مر عليها

سلطان و دمعة الفرح بعينه : زينة تدرين امي نطقت بشوفتك و سمعت شوي و شافت شوي

وقسما بالله منيب بكذب بشوفتك يابنت حرام عليك

زينة دمعتها نزلت : مو مشكلتي

سلطان : ما توقعتك انانية ابد .....

زينة : اوووف بس وخروا شوي يعني لازم اطلع انا

نواف : طبعا لازم تطلعين اجل تجلسين هنا سط الناس صعبه

زينة : نواف وين البنات

نواف ابتسم : وديتهم ههههه

زينة بتضجر : اوريك فيهم بس اشوفهم

نواف : مايدرون عن شيء

زينة : يصير خير وانا كاني اراجوز بينكم تخططون وانا

قاطعها سلطان : اقول نواف توكل ماقصرت و معروفك ذا منيب ناسيه طول عمري

زينة حست بخوف فظيع : وانا بستأذن بعد

سلطان : منتيب جالسه بذا هههه

زينة بعصبية : ان جلست فهو عند امي مضاوي ليس إلا يعني

سلطان : هههه امك مضاوي امك مضاوي ولا يهمك ....الاهم اني واثق انك من بعد ماشفتِ امك

الحقيقية وشلونا هي تعبانه انها بحاجتك

زينة رفعت عيونها فوق بحركة تنم عن عدم رضاها عن مايقول ....

طلعت زينة بسرعه تجر الخطى

نواف جنبها : اوصلك ؟

زينة بعصبية : لو مايبقى غيرك

نواف : افا يالجاحده جحدتني الحين هههههههه براحتك بس ترا البنغالية هنا مايعرفون يسوقون

باول ماصورة ولينك بكرة متنومة هنا

زينة : عادي اقرب عشان مااتعنى وانا اجي كل لامي مضاوي

نواف : استغفري ربك قبل تكتب عليك ترا الله قادر على كل شيء

زينة : والنعم بالله بس انت اكبر نصاب واكبر دافور واكبر

نواف قاطعها : هههههههه اووف اووف كل ذا صار فيني موب انا اخوك و عضيدك

زينة : طبعا لا عضيدي راح و سندي راح الله يخلي لي ابوي بس

نواف : احمممممممم كح

زينة : قلت لك من جد موقفك ماله سنع اجل تنصب علي و تكذب علي انا ترسم علي ذالخطة

او علمك خلاص صرت تخطط بكل شيء مثله

نواف بدلاخه : مين ذا ههههههههههه

زينة عصبت : اوووف بس وخر هناك

" تذكرت امها ليلى و كيف كان شكلها

شكلها طيبة

الشيب معطيها وقار و واضح علامات اسى الدنيا بوجهها

فرحة عيالها فيها

و كيف كانت عيونها متركزة على زينة وهي تحكي و تشكي و تزعق "

زينة تطلع و ركبت مع ليموزين << عنيدةـ

طبعا اخوها سلطان ما تركها لوحدها من شدة خوفه عليها كان وراها بالليموزين ..

نواف بعد ما تأكد انها وصلت البيت ارتاح ....................

بندر في عالم آخر من عزف سيموفينات الرحيل المؤلم

و ها هو يرتب آخر ملفات تلك القضية .....

بعد مرور 3 ايام

" زينة حالتها صعبه خصوصا وان مضاوي تردت حالتها بقوة ....

و صورة ليلى بعيونها دايم تبكي كثير ......دقت على ابوها اللي كان تعبان مره

حاول يقنعها تروح لانها ليلى و وعدها انو بينزل الرياض باقرب وقت بس ظروف عمله صعبه جاه الفترة

زينة كل ليلها تمسك الكبكـ و تصيح ...

تناظره وتحس انها تناجي بندر !!

تشكي لبندر !!

تشم بقايا عطره !!

تتذكر عيونه القاسية !!

وجهه الجافي !!

مشتاقه و محتاجة ارمي جروحي و احزاني في بحر عينه بس

فيه صدود قوي ...فيه تجاهل فظيع ...

فيه كبرياء يعزف على اوتار قلبي المتهالكة ...

ضعفت زينة و بكت بقوة

صورة ليلى براسها

نظرات و بسمات سلطان تراودها .....

حنية نواف عذبتها وحست انها جرحته كثير بالكلام ...........

كيف لا وهي استجرعت كل جرعات الألم

عندما سمعت طراطيش حكي من ريم و الهنوف انو خالد راح يخطب له

(( اذا تزوج نواف مين بيكون اقرب لي !! نواف عضيدي و سنيدي

نواف اغلى من الأخ و لا جرح جرح العشيق ...نواف ارقى و اسمى من انو

يكون حبيب و ارجل من انو يكون شيء مؤقت )))

حست بخناجر الغياب تطعن فؤادها بقوة و تدهورت صحتها بقوة

-

-

-

روز تلعب قدام التلفزيون

و زينة معها تجاملها و احزانها بحور

دق الثابت

زينة : الوووووووووو

.......................( يالبيه وحشتيني اشوا انك بخير ) : ......................

........................ ..: نعم

.................: ........................ .......

صوت تشوييش

زينة : روز حياتي شوي قصري على التي في ما اسمع ...نعم

........( يالبيه ياناس ) : ...............

زينة بعصبية قفلت : ناس سخيفة و لا تستحي على دمها ....

دق جوال زينة ..

اميرة تتصل بك

زينة تبتسم بألم : اهلين

اميرة : هلا بك كيفك

زينة : تمام يالغلا وانتِ بشري عنك على ذاك الزيارة ولاعاد شفناك

اميرة : يا اختي والله ودي اني جنبك ذالايام بس تونا وصلنا مسافرين

والحين دريت باللي صار معك

زينة تتنهد و الصيحة معها : شفتِ كيف

اميرة : وحدي الله يا بنت الحلال و كل شخص بيأخذ نصيبه

اميرة : بس معليش يازينة ماهقيتك كذا

زينة تمسح دمعتها ببالمنديل : من أي ناحية

اميرة : يعني امك ليلى توقعتك بتحطين بحضنها و تكونين جنبها

زينة بكت و تشاهق : صعب مدري مـ

اميرة : خلاص يختي قطعتِ قلبي خلاص عاد ....

زينة تجفف دموعها : كنت ودي اروح اليوم العصر بس تعبت ولا قدرت

عجزت رجولي منيب قادرة امشي

اميرة : الله يكون بعونك يالغلاا لا تزملين اجر و عافيه وانتِ قلبك طيب

ولازم نتسامح هذي الدنيا

زينة تبكي : انا بروح لايكون على بالكم منيب رايحة لام سلطان

اميرة : امك يا زينة

زينة تمسح الدمعة : ايه امي بروح لها بس مدري متى لحد مااحس اني فعلا حسيت بذالشيء

اميرة : يالله بس والله ودي اجيك بس مقدر الحين

زينة : حاولي تعالي ماعندي احد مليت والهواجس طقت براسي طق

وحتى ابتهال بعد وخواتها عندهم ضيوف ولا شفتهم من 3 ايام

اميرة : اها عشان كذا داليا و راما مو هنا بالبيت هههه

زينة : تعالي دامك بلحالك

اميرة : ودي بس مقدر تعرفين حالة الإستنفار اللي تسويها امي اذا بندر ( دق قلبها بقوة ) طلع موقع التحقيق

وباشر لإنهاء قضاياه

زينة " الله يالدنيا وين ذكرتيني بذيك الايام اللي مااعرف طعم النوم فيها من خوفي عليه وين قلتِ لي الليلة

زينة بخوف : موقع التحقيق و انهاء القضية

زينة بتوتر فظيع بدت تحن له

اميرة : الله ينهي ذالقضية على خير بس له 3 سنين او زود فيها

زينة بخوف : الله يعين

اميرة : يالله عزوز دخل اكيد يبي شيء انتبهي لنفسك اقولك تعالي انتِ

زينة " مستحيل ادخل ذاك البيت اللي شهد على دمعاتي و عذاباتي و ذكرياتي " : لا سوري ماقدر تعبانة

اميرة : اوكي تبين ارسل لك السايق يوديك المستشفى ؟

زينة : لا ابشرك وصلنا سايق اليوم

اميرة : الله يعطيكم خيره و يكفيكم شره يالله تأمرين بشيء

زينة تنهدت : سلامتك

اميرة : سلام عليكم

زينة : اهلين و عليكم السلام و رحمة الله و بركاته

قفلت زينة وهي تحس برجولها مهيب قادرة تشيلها من الخبه و الرهبة على بندر

" ليش وش ذا اللي خلاني افكر اخاف عليه ..؟

هو ما طق لي خبر ....المرة اللي فاتت بالمستشفى شافني بحال كسيرة و لاهمه مشى

وراح ولا حتى فكر يسأل ...؟ "

راحت تصلي و تدعي

بعد ما خلصت و صلت العشاء ....

جلست عند روز : ياي ياماما الله يهديك وشذا الحوسة وشذالألوان بس !!