منتديات قصايد ليل - عرض مشاركة واحدة

06-11-2011

( الجزء الثاني عشر The 12 th Part )

في المستشفى

وليد ضبط الاجراءت كلها لدخول بندر ....

بندر يلبس لبس الريكفري ....

فتح الباب ...

شعر بكتمة فظيعة ...

يناظر المرضى " الله يالدنيا يارب تشفيهم الله اعلم حالتي بعد كم يوم مثلهم او اسوأ "

يمشي و يشعر بكتمة لإنتشار الأكسجين بكل مكان ..

فتح ازارير ثوبه ...

ألقى نظره يمين و يسار

و لا زال يقطع الخطواتـ

بندر يسحب نظراته بهدوء يعزف على أوتار قلبه

بندر انتبه لأوامر النيرز اللي توجهه لمكان مضاوي

خطوة

خطوتين

وقف بمكانه اول ما لمحها

بندر يحس بأحاسيس غريبة ...كسرت خاطرهـ وبقوه

اجتر الخطى ببعثرة على تلك المسافاتـ

وقف قدامها ...بيحكي انعقد لسانه ..

تنهد و استغفر كثير

مضاوي فتحت عيونها بتثاقلـ

مضاوي بصوت مرهق : زينة

بندر سمعها و قرب ...

فتحت عيونها و شافته

مضاوي اول ما لمحته حست بأحاسيس ندية متناقضة ..

هذا بندر اللي تدمرت حياته .. ودمر حيياة زينة معه

هذا بندر اللي كان عايش بحب و سعادة مع زينة و فرقت بينهم

هذا اداتي اللي استخدمتها للإنتقامـ !!

بندر تنهد : الحمدلله على سلامتك إن شاءالله انك طيبة

مضاوي بتثاقل : الله يسلمكـ ...

بندر ابتسم بتثاقل : كيفك الحين ...

مضاوي بصوت لا يكاد يسمعـ : بندر بطلبك

بندر متنرفز لان الاكسجين ضارب بالاجواء بقوة و سبب له صداع مزمن ...

بندر مسك راسه : آمري

مضاوي بإرهاقـ : بندر زينة

بندر انشد بقوة للموضوعـ و قرب لها : زينة وش فيها !!

مضاوي تتنهد بألمـ : أمانة معك

بندر يحس اجراس الضمير ترعد بسمائه

" أي جرح ذاك هو الذي يلعق ذكرياتي "

بندر تنح و قلبه بدأ يرثي هالطلب بقوة

بندر : ولا يهمك ابشري

ارتاحت مضاوي و غمضت عيونها : لا تتركها امانة

بندر قرب لها و مسك يدها : لا تاخذين هم ....( ناظرها) وانا بعد ابيك بطلب

ادري ثقيل عليك و لا تقدرين تحكين كثير بس حاولي طلبتك

مضاوي بألم : لو ايش مااسوي مااوفيك جزاك من بعد بدر الله يرحمه

بندر استشعر كميات حزن و شجن فظيعة ..

بندر : انا منيب بحاسبك على اللي صار ابد هذا شيء بينك و بين الله ، بس اللي ابيه

لمصلحتك كفري على ذنبك على الاقل بس قولي لزينة ترجع لامها ليلى

ولا تخافين انا واثقة انها ماهيب بتركك

مضاوي دمعتها نزلت : قلت لها بس سكتتني ماهيب مصدقة تبكي و انهارت

بندر لاحظ انفعال مضاوي : ولا يهمك ارتاحي بس ارتاحي انتِ ولا يهمك

مضاوي ارتاحت و سحبت نفس و رفعت الجهاز اللي بخشمها

بندر : لا خليه مايصير

مضا وي تنهدت بحسرة : بندر قلت لها منيب برتاح إلا اذا رحتِ لامك و اعتذرتِ لي

بندر مسح على كتفها : لا يا عمتي لا تخافين لا تشيلين ذالهم إن شاءالله انك بحل و سماح

مضاوي دموعها هماليل : زينة هي اللي بقت لي من بعد بدر الله يرحمه

بندر يحس بسكاكين تدق قلبه " وش لي بالتحقيق و خططه و غرابيله "

بندر : انا اعتبريني بدل بدر الله يرحمه و انا اوعدك ببكون جنبك كل الوقت بس

طلبتك اقنعي زينة لانها رافضة و امها تعبانة بعد بحاجتها

مضاوي بألم و حسرة تذكرت زينة وكيف يمكن لو تروح لامها ماعاد بتشوفها

مضاوي اكتفت بالدموع

النيرز : please sir may I ask u to leave now ?

بندر يناظر مضاوي : اتمنى تقدرين تسوين شيء وانا واثق انها بتسمع منك لانها تحبك و تغليك

مضاوي غمضت عيونها لتعلن عن سقوط دمعة حارة

و ها هو سرب من الأطباء قد ألتم حولها لمنحها موعد الكيماوي " اللهم صلي على محمد "

بندر استشعر بالألم و هو يفكر ( الله العالم بيصير فيني مثل هالحالات او لا يارب تشافيني يارب )

طلع و هو يتضجر بكثرة من الإكسجين المفعم بالأجواء ...

سحب رجوله لحد ما طلع وهو يشعر بأن هذا اصعب مشوار قضاه بحياته ...

من مجرد ما طلع سحب البابـ

غمض عيونه .. وعدل شخصيته بشكل عشوائي و هو يمشي

و وقف فجاءه

يشعر بكتمة فظيعة ...

الموظف : سم طال عمرك تشكي من شيء لا سمح الله

بندر يعدل ازاراير ثوبه : لا الله يجزاك خير بس شوي دوخة

طلع بندر مايشوف العالم يجتاح الجميع

من الطرف الآخر

تمشي و تقطع المسافات

تصطدم العديد بسبب سرعتها

" يالله تأخرت وشذالنوم اللي جاني "

تشعر بدواخ فظيع لانها كثرت نوم ولا بعد اكلت

تمشي و تقطع الخطى

وقفت عند الاساسنير و تلمح زحمة المنتظرين

" يالله وش السواة ..." ناظرت ساعتها

زينة بقهر : وش ذالمهزلة منيب بنتظرهم لين يخلصون !!

رفعت نظرها و لمحت الدرج

زينة " اوكي بروح تعب و مافيني حيل بس ولا انتظر "

-

-

بندر الألم يفتك بثنايا رأسه و كأنه مطرقة تدق الوجع براسه

وقف و شاف حشد هائل امام الأساسنير

بندر " ياليل التبن والله وشذالزحمة ...منيب فاضي لهم انطلع ! "

سحب نفس عميق و لمح الدرجـ

و هاهو يجتاح الخطى و المسافاتـ

وقف قبل ينزل و شاف الاسانسير مافيه إلا 3 فقط و استأذن بالنزول معهم و فعلا

-

-

زينة واقفة امام الاسانسير اللي جنب الدرج

زينة بعصبية : اوووووف بس و ش السالفه كل الرياض هنا الليلة او ايش !

ضغط بقوة وتكرر بسرعة ....

انفتح الاسانسير و تنهدت زينة استعدت و تنحت جانباً بعض الشيء

طلع اول واحد .....

طلع الثاني و عطاها كم نظرة تنم عن إعجابه فيها ..!

زينة " بلا بشكلك رايقة لك ا نت وعيونك عساها الفقع "

تقدمت بسرعة فظيعة و صدمت بشخص ما تدري انو باقي شخص مابعد طلع

بندر بدون ما يناظر : سوري ماعليش ماعليش اختي

و يناظر بإمتعاض طرف عبايتها اللي لصق بالكبك تبع ثوبة

زينة تحس بحراره بجسمها ميب متعوده تصدم بغريب

تخدرت و لسانها انعقد

سحبت عبايتها بقوة من طرف ثوبه و شدته شوي

بندر وملامحه معصبه : معليش شوي بس .......

اضطر يفتح الكبك و صار بعبايتها

بندر بإمتعاض شديد : عفوا من غير قصد والله اللي يعلم ...

و مشى و تركها

بندر عدل شخصيته بعد ما تجاوزها و طلع و لا انتبه لها ولا اعارها أي اهتمام

زينة تجمع الدم براسها كله يوم عرفته ...

تحس ايدينها انشلت .. رجولها ماعاد بهي قادرة تمشي

" بندر ماغيره بندر اللي صدمني "

نزلت عيونها و شافت الكبكـ وكانت الطامة الكبيرة ()(( هديتها لبندر ايام العز و الحب اللي بينهم (())

" كان شكله اسود و محدد بذهبي و فيه حرفه ...طبعا مصمم عند فرع قوتشي بدبي "

زينة مسكته و سط صدمتها ... رفعته تفحصته و تأكدت انو هو ماغيره

مسكته بين يدينها و استعادت ذكريات تلك المناسبة ...!

دموعها ذكرتها انها تحبه للحين وانه ينبض بقلبها للأبـــد ...

مسكت الكبك و قفلت عليه براحة يدها اليمنى ......

و لا زالت تستبيح ذكرى العاشق المجافي

تذكرت امها و راحت بسرعه

-

-

من الطرف الآخر

بندر في السيارة اول ما طاحت عينه على الكبك

بندر بحسرة و قهر عض شفته : ولعنه و لعنتين

رجع يتأكد من جديد

بندر : يالله من جد انا درج خبل ماعطيتها إلا ذالكبك ..! ضيعت عمري كله انا

وش اللي بقى لي غير الذكريات يعني ومع ذا نسيت ....

" بنزل ادورها ...بس مشكلة منيب بتذكرها زين فشلة امسك كل الحريم "

تنهد و ضرب الدركسون بقوة و حسرة : قهر قهر

مسك الثاني و تأمله : و أنت بعد ياقرب ما بتضيع بس متى الله واعلم

بغير إكتراث و لحظة يأس فتح درج السيارة و شاته فيه ...

بندر : اظن ذا اضمن مكان ما بضيعك فيه ...! يكفي اللي راح

دق جواله وهو متنرفز بقوة

بندر : سم

سلطان : و ش فيك هههههههههه

بندر : ياخي معصب وبقوة ضيعت شيء و قاعد ادوره

سلطان : ابغض شيء بحياتي اني ادور شيء مضيعه خخخخخخخ المهم وش صار معك

بندر تذكر مضاوي : خير ياخوي إن شاءالله بتنحل الازمة عن قريب

سلطان : الله يبشرك بالخير و انا بعد ابي البشارة

بندر " ماعاد فيه بشاير تستاهل أي بسمة مني " : خير بشر

سلطان : طويل العمر توه الحين الحين مكلمني يقول خلاص على نهاية الاسبوع كل شيء بيظهر

بندر ابتسم : الله يبشرك بالخير يالله عاد هانت

سلطان : يالله نهاية كل البلاوي يارب

بندر : الله يعين يارجال

سلطان : أي تقولي اجل ماعينت اللي ضيعت خخخخ

بندر : ولا ظني بحصله مستحيل ضاع خلاص

سلطان : وشو << قصيمي ياملحهم هم و شفايتهم ^_^

بندر : ياليل القصمان هههههه ماتركك طبعك

سلطان : ياحبني لنفسي و ياحبني للقصيم بعد وسم مشتاق لوه بالحيل

بندر يبتسم : يالله على يدك طلعنا نشوف القصيم

سلطان : ابشر ولا يهمك يانت بتجوز لك و بتشطب على شيء اسموه الرياض

بندر يبتسم : مع اني مااعتقد اشطب على الرياض غير ما شطبت خخخخخخخ

سلطان : الله يعين بس وش حدنا على المر قال اللي امر منوه

بندر و هو يسوق : بالبيت او وين انت

سلطان : بالإستراحة

بندر : مين فيه

سلطان : حجرف و محمد و نواف و نايف

بندر : مافيه غير ذالمساطيل و انت بس

سلطان : ههههه هشام شويات رجنا ربع ساعه طيرنا بالعجة و انحاش

بندر : قلق ذالمخلوق من جد ههههههه

سلطان : ياحليلك ذي علومك اجل كيف يعني استبشرت خير

بندر : وبكل خير ياخوي من جد احس اني تصرفت ولله الحمد

سلطان : ياحبني لك اووما لو يصير اللي ببالي صدق و قسم لا اروح باعلى مكان بالمملكة و اقول جزاك الله

خير

بندر : ذا اللي قدرت عليه يالقعيطي انا قلت بيعشيني كبسة حاشي مفطح حاشي

سلطان : لا عاد كبسة حاشي و مفطح حاشي منيب بحب البذخ مثلكم هههههههه حدك ابل بيز و يخب بعد

بندر يبتسم : أي والله قبل يومين رحت مع ابوي عزيمة الله لا يوريك من جد متكلفين حشى مجازر جماعية

المفاطيح و الدنيا و البوفيهات والله يعين

سلطان : ماغرنا غير الترف و البذخ والله غيرنا يتمنى لو شوي

بندر : الله يتوب علينا و يهدينا يالله شويات و إحتمال امر عليكم

سلطان : وش عندك ؟؟

بندر : بروح المملكة شوي عندي شغل و اذا خلصته بدري جيتكم بإذن الله

سلطان : وش عندك هنا ..؟ يؤ بس لا تكون مواعد لك وحده

بندر بتضجر : والله كل يرى الناس بعين طبعه يالله بالاذن

سلطان : ههههه الله يسامحك بس يالله في امان الله

قفل بندر و بدأ يتمتم عن تضجره لانه ضيع المخرج و دخل وسط فوضى و زحمة خريص

-

-

(4)

زينة لا تزال تحت تاثير الصدمة ....

" ليش طيب تركه و راحـ ... مو وعدني يحرص عليه !

حتى في روما شفته عليه كثير ...؟ ليش تنازل عنه و نساه ...

هو خلاص ما عاد له نفس فيك يا زينة وش اللي معلقك فيه زود

وش اللي مخليك تفكرين و تهوجسين و تحلمين بحياة معه

ما كفاك اللي شفتيه !!

ليش كل ما اطروا دعوات بالخير لك تذكرتيه هو

هو الخير بنظرك يعني ...؟

تركك ولا كأنه عرفك بيوم ...

تركك و تزوج غيرك و حبها و حملت منه ....

ليش انتِ قلبك معه لذالوقت ...

خليك مثله جامده قلبه صخر ....

عيونه في روما كانت مليئة باشياء حلوة

يمكن انا فهمتها او شفتها غلط ...

وش اسوي يارب ... يارب ساعدني انساهـ

يارب اللهم أني اسأل كان تطبع على قلبي بنسيان بندر

يارب ياكريم .."

فتحت يدها و شافت الكبك " ارميه او احتفظ فيه "

ليش احتفظ فيه باي وجه حق هذا اهو تنازل عنه بسهولة و عادي ماصدق يضيع

الاكيد انو ماعرفني انا واثقة يعني لو عارفني كان قلت اوكي يبي يذكرني فيه

بس ماعرفني و ضيعه بسهولة ...."

وانا بعد اذا رجعت البيت بقطع السلسال اللي بقى من ذكراه بقطعه "

مسحت دموعها و دخلت عند امها

تجر الخطى المبعثرة في فناء القلوب الحزينة

زينة : مساك جنة يمه

مضاوي هدت شوي بعد الكيماوي : اهلين زينة

زينة تبتسم : كيفك ياحلى و اغلى ام

مضاوي غمضت و نزلت دمععة : رحتِ لامكـ

زينة : ايه انا عندها الحين هههه

مضاوي : اذا تبين رضاي ارجعي لامك الصدقية

زينة بقهر صامت : صدقيني طول ماابوي قالي شيء لو تموت منيب رايحة لها

مضاوي : بترجعين لها انا منيب دايمة ل كان عشت اليوم بكرة مانيب عايشه يمه

ارجعي لها بحاجتك هي مريضة

زينة تبكي : وانتِ بحاجتي منيب بتركك لو ايش

مضاوي تتألم : ماقدر احكي لا تتعبيني ( تتالم بقوة وبين عليها)

زينة بقهر : اوكي لا ترهقين نفسك مايصير بخاطرك إلا طيب

مضاوي غاصت بالنوم اعطوها مخدر لانها ما تتحمل الألم ..

زينة طلعت و اهي تطلع تفكر في حكي مضاوي

تفكر كثير ..... " لازم اروح على الاقل استسمح مضاوي قبل يصير لها شيء "

بس موب لازم اروح الحين بعدين بعدين ...

وهي تمشي لا تزال بقايا عطر بندر تداعبها كثيرا

عطره قابع في سمائها وبقوة ...

توترت شوي ..

تكره روائح العطور الرجالية

بس استدركت ان هذا عطر بندر ....

نزلت دمعتها و هي تكابر على تلك النبضات

لازم ارفع نفسي عن ذكرياته و اطمسها بمزيل الأمل

و انساه .....

طلعت جوالها و دقت على نواف ...

نواف ابتسم : هلا و سهلا

زينة : حيا الله القاطع

نواف : الله يحييك وش نسوي من جيتِ وانتِ ما تجلسين و اذا جلستِ بالبيت

عندك جند النمل ماشاءالله هههه

زينة تبتسم : وينك

نواف : بالإستراحة

سلطان حس انها زينة و اشر لبندر

سلطان : اقول وش رايك بس

بندر : والله براحتكم مالي شغل انا

سلطان : نسويها يعني

بندر يهز كتفه : قلت لك وش دخلني انا اللي علي سويته و خلاص

سلطان : والله مافيه غير ذالحل وش نسوي بس

بندر : اصبر طيب لحد ما نقفل ملف القضية عشان يمكن

سلطان بفزع : من جدك تبيني اقوله يساعدني صعبه شوي اصلا انا احس

اني ببحل كيف اهو راح يتلقى الخبر

بندر يعض شفته : وانا بعد احس صعبه عليه شوي

سلطان : الله يعين ...المهم هقوتك بس ننفذ الاتفاق انا و نواف

بندر بألم : انا اقول لو تصبر شوي احسن

سلطان : وين نصبر صار لنا كم من رجعنا و هي لها كم من رجعت ولا طرى عليها تجي

بندر : عمتي هيا تقول انها رفضت بعد و كذبتها بعد

سلطان : مشكلة طيب عمي سعود

بندر : يا رجال اسكت بس عمي حالته حاله بس ماقلت لاحد درى بالموضوع

سلطان : هو داري بس قل تأكد يمكن

بندر : و حالته مره صعبه صراحة هذا تركي اخوي بيطلع له عشان يكون معه

سلطان : الله يعين يا رجال بس طيب و ابوك واعمامك

بندر بحيرة : كلهم عرفوا بس اغلبهم مابعد استوعبوا

سلطان : اتوقع ابوك بتكون له وقفة كريمة بذالسالفه هههه

بندر تنهد : اكيد بس مدري وش نايم عليه مسكت والله عزاه عنه بس

سلطان : المهم ترا بسوي الفكرة منيب مستعد ياخوك امي تعبت والدلوعة ذي تمرمط فينا

بندر تكأ راسه : الله يكتب اللي فيه الخير ....

سلطان : بقول لنواف الحين حنا اتفقنا على انو بكرة بس بما انها تحاكي نواف بقوله يقولها الحين

بندر بخيبة امل و إحساس مؤلم حقا بهدوء : هي اللي تحاكي نواف

سلطان : الله الله

سلطان التفت لنواف و عطاه اشاره

نواف وهو يناظر سلطان يشر بيدينه بحركة " الحين الحين "

سلطان : now

نواف بتوتر : اقول زيون متى اخره مره زرتِ امكـ

زينة : قبل شوي اصلا كنت احاكيك وانا بالمستشفى بس طلعوني لانها نامت

نواف : اممم طيب وش رايك بجي انا و ريم و نشوفها لان حتى ابتهال تبي تزورها

زينة ببراءة : ايه قالت لي ابتهال انها بتروح بس نسيت اقولها الله لا يستر لا تكون

زعلت

نواف يتنهد : لا ماراح تزعل بإذن الله .يالله تجهزي بدق على خواتي و اقولهم ؟؟

زينة تبتسم : على خير بإذن الله

قفلت

نواف يمسح العرق من جبينه : وااااااااااااو يلعن شكلك يا سليطين و قسم اني خايف

انها تزعل

بندر ( خايف على مشاعرها .....معليش عفوا بس مابعد جابته امه اللي يخاف علي مشاعرها

و يعشقها مثلي انا )

سلطان : اذا لها معزة وتقدير كأخت و بنت عم عندك مثل ما قلت لازم تساعدنا

نواف : وقسم ان قلبي يرجف وش السواة طيب

سلطان : ريلاكس هههههههه اعصابك

نواف وقف : يالله على بال مااقول لاهلي ينجزون ..؟

سلطان : يالله بندر ...احنا بنسبقك طيب

بندر بحيرة : وين على كيف امك الدعوة وين يا بندر منيب معتب ذالإستراحة

سلطان : عن المصالة امش بس ياخي

نواف : إلا يالله لازم تروح هههههه عشان اذا صار ماصار تصير معنا

بندر : ههههه معكم وإلا منيب معكم وش بيفرق

سلطان : هو الاكيد انو عندها بالذات مش راح يفرق بولا شيء بس عندنا بيفرق كثير

حجرف : خذوني انا انفع ههههههه

سلطان : نام بس نام انت

حجرف : بالطقاق والله مين بيحصله حجرف بن عبدالله بن .... يعرض خدماته

سلطان : حنا ما وصلنا لذا المواصيل غير هياطكمـ خخخ

نواف بتوتر " عشان سعادتها بضحي بكل مشاعري و احاسيسي اهم شيء راحتها "

حجرف : اقول شباب بما انو 3 من الشباب راحوا بصير حاتمي الليلة معكم

محمد بتريقة : حاتمي يعني بكم نصكك ؟؟ هههههههه

نايف : لا عاد حاتم الطائي موب سهل مهوب أي شيء بيقدمه صح

محمد بتريقة : حاااااااااااااتم الطائي أي والله انو رجال سنع طلق اجودي

نايف : ايه تذكر مرنا بالإستراحة من كم يوم ابد ما يعرف الكذب رجال سنع

حجرف : الله يبلشكم هههههههههه لصقت فيني يعني هاه البلورة او ابل بيز او وشو انجزوا

محمد ينظف اذنه : عفوا وش قلت منيب بسمع ترى ههههههه

حجرف : لا طال عمرك ماتبي الهيلتيون بس

محمد : لا ذا ولا ذاك يا بابا نبي اكل بيت تصرف بسرعه لاهنت

حجرف : اسألك بالله عمر زوجتك طبخت بيوم ههههههههههه

محمد : والله عاد زوجتي ومالك شغل كيفي ادلعها و كيفي وش حاشر اهل ام ابوك بالسالفه

حجرف : واطر صدري طراااااااااااه بس على قولة الفراعنه مدري وش يخربط

محمد : لا تتهرب بس

نايف يدق حجرف : لو انك معرس كان ما بحلت في ذالخبل ههههه

حجرف يناظرهـ : افا بس وليش يعني محمد بيدلع زوجته ولا تطبخ و انا تطبخ لكم يكفي تطبخ لي انا وبس

نايف يتلفت يناظر نواف : مهوب حولك الرجال منحلس ههههههه لا تتميلح

حجرف يناظره : كل يغني على ليلاااااااااااااااااه ههههههههه قايل لكم انا خالص من ذالموضوع

لا تلزقوني بشيء مالي فيه

محمد بعصبية : تفو عليك حامضة ما تطولهم اصلااااااااااا

حجرف : هههههههه من هرج عاد محمد لا يكثر و شف نفسك من مناسب يعني مو من العائلة

محمد : ياقلبه مالقيت ماعندي بني ذاك الوقت هههههههه

حجرف : مافيه بني هاااااااااااااه إلا قل سحرتك الخبر و اهلها

محمد : هههه اولا انسابي من الرياض مهوب من الخبر هذا اولا زين ثانيا ترا ماعندها خوات

اشوفك تفحط من تو تلمح تبيني اخطب لك مايمديك

حجرف : هههههههه وليش باير او طايح حظي يوم اقولك تخطب لي الله لا يخلينا بس

نايف : بالله من جد حجرف منتب ناوي تخطب

حجرف : تونا ماعندي نية حاليا

نايف يرفع حاجبه ببسمة : عجيب

حجرف : ايه انا ترى اعجب كائن حي بذا المعمورة هههههه

محمد : معمورة او لا معمورة انجز علينا لا تصرف

نايف : اقول محمد متى بتروح الخبر بإذن الله

محمد : آخر الأسبوع بإذن الله

حجرف : اهب ماشاءالله الناس يالله يالله تلاقي اجازة اسبوعين 3 بالكثير و انت شهرين مدري اكثر

محمد عدل جلسته : مين موصيك علي الليلة انت ؟؟

حجرف : هههههه قاهرني ياخي احس انك استقليت بنفسك بكل شيء حتى بالشغل ابعدت

عن مجموعات شركاتنا

محمد : ياليل القلنقس من جد ...الله يسد نفسك حتى عشاك ماعاد لنا فيه

حجرف : هههههههه والله غير ما تقوم وش دعوة عاد

محمد : اقول انثبر بس لنسدت نفسي اخذ زوجتي و نتعشى بمطعم اصرف لي

حجرف : حلفت يا رجال يارجال ( بمسخرة يقولها لانو متكي و يفتش جواله )

محمد : انثبر بس صم 3 ايام

حجرف : هههههههه بشرط انت تفطرني

نايف : شكله من جد بيناسبك خخخخ

حجرف ناظر محمد : زوجتي الرابعة بإذن الله كريمتكم

محمد : يا محلاتك بس ماخذ بنتي و اسمك حجرف منيب بعقد حياتي ههههههه

حجرف : أي مايخالف ذا اهي ما طاحت بدربي و توهقت فيها

نايف : انت انجز اخطب الأولى الحين ههههههه

حجرف : ياليل ههههه ماافتك من ذالطاري ياخي وش حارقكم ابي اعيش عزوبي هيك انا مرتاح

محمد طلع

نايف : يعني اني ضامن بنت عمي بالجيب خلاص بدشر و بفلها ومتى مااعرست اعرست

حجرف جاذبيته زادت : مين قالك اني باخذ من بنات اعمامي ؟؟؟؟

نايف : و الهنوف

حجرف بدلاخه : أي هنوف

نايف بدهشه فظيعة : بنت عمي محمد

حجرف : هههههههههههه من جدك انت هههههههه بالله كبرت الهنوف

نايف بتريقة : ايه يعني اني مااعرفها ولا ادري ياخي متى بتترك الهياط

حجرف يبتسم : والله عاد مو ذنبي اني معذب قلوب عذارى العائلة

نايف : لا بس يعني احس انها ملائمة وموافقة لك بالحيل