منتديات قصايد ليل - عرض مشاركة واحدة

06-11-2011

( الجزء التاسع The 9th Part )

(1)

><><< ايا ذكرى الأمس التي ولت و انتهتـ ...

أما آن تمنحينا شيئا من التوازن المتاح >><<

محمد بالسيارة يقطع المسافات و زوجته عبير معه .....

محمد : يا ابوي بيرزك و بيحطك وين فوق فوق ههههه

عبير : ياي على عمي كل ذا لاني حملت يعني

محمد : يحق له ترا لنا 3 سنين يمكن

عبير : الحمدلله يارب اللي كرمنا

محمد : أي والله ربي كريم و يستاهل الحمد ...

عبير : حياتي وين بنروح بنجلس في البيت او نستأجر

محمد عقد حواجبه : نستأجر وين خخخخ اكيد بنسكن عند اهلي

عبير بضيقة : بس اخاف يعني نثقل شوي

محمد : اعقلي بس وشذالحكي اصلا لنا قسم مستقل واذا كان ما جاز لك نغير نأخذ قسم بندر و تركي

سابقا

عبير : يافشلتي تبينا نجلس ببيوت الناس

محمد بلهجة حازمة : لا ياشيخه اخواني صاروا ناس عادي و انى ماحنا بمطولين هنا

عبير : شورك وهداية الله اجل

محمد يدق على جوال داليا

داليا عند الهنوف و ريم في جلسة قهوة و شكولاتات

الهنوف : يامال اللي منيب قايلة الحين ليش القهوة فيها طعم زنجبيل يعني خلقه مااطيقه

عاد شلون بالقهوة ريموت وش انت مخلطة لنا

داليا : بالعكس تجنن القهوة حسيت انها برية

ريم : اقول كلي تبن انتِ واياها و احمدوا الله اللي انا بأناملي الرقيقة ذي تنازلت

و سويت لكم قهوة

الهنوف: الله يصلحك ادودتِ ببطوننا

ريم : اقووول لا يكثر دليل بالله بندر ما قال لك من اللي سلم عليه ذاك اليوم

داليا : صاحية انتِ تبيني اسأل بندر والله لو عقلي بكيس و بعدين انا ذالرجل مهوب غريب علي

يذكرني باحد بس مدري مين

الهنوف : يشبه ماجد المهندس

ريم : اووما المهندس نامي بس خخخخخخخ اللي ذا يشبه ماجد المهندس

الهنوف : لا اجل نايف اللي الخالق الناطق جون ابارهام مقعد

داليا : ههههههههه لا تغلطين هيه وش ذنبي طيب انا اخوي تراه

ريم : فديته والله يجنن

داليا : يؤسفني اقولك ماطق لابو جد عم خالك خبر ارتاحي بس خخخخخ

الهنوف : اشوفه ذاك المره مشخص و مسوي ثقل و يقول يا شمس وخري عني من زود

النعومه يبي له من ياخذه و يشوته بالصمان او روضة خريم

ريم : بسم الله علي بعدوينه إن شاءالله

داليا : ياحبي له اخوي ماعنده اعداء اصلا

الهنوف : ياخاله جوالك يدق من تو

داليا : هاااااااااااااااو

( ناظرت ...)

داليا : ابو حميد غريبة وش عنده خخخخخخخخ

ريم : دقي شوفي و ش عنده

داليا : أي هذا انا قاعده ادق عليه

محمد : و ليش جاحدتني من تو

داليا : هههههههه ياملحهم يا ملحهم

محمد يبتسم : شلونك وشعلومك

داليا : بخير خيو انت كيفك وينك يارجال ماعاد تقول بدق على دلول اختك الصغننه افا بس

محمد قاطعها : بالعه راديو حسبي الله على ابليسك ارحميني شوي عطيني فرصه برد خخخ

داليا : هههه من فرحتي بك منيب مصدقة ان محمد يحاكيني

محمد : شو دعوة حسستيني اني ماجد المهندس مثلاً

( صرخوا الهنوف و ريم و داليا )

الهنوف : المهندس وش قصته يالبيه بس ههههههههههه

محمد انفجع من صراخهم : ولعنه خير وشذالمسخره

داليا تضحك : لا بس مشكلتك اطريت شخص تفز له قلوبنا

محمد : الله يخلف على امتس بس إلأا بالطاري شكلك كالعاده منتب بالبيت

داليا : ببيت عمي عند بنات عمي الزاحفات

محمد : ياليل مابعد كبرتوا و لا تركتوا طبعكم للحين جمعات و قهاوي ذبات وجه عند اخوانكم

و فواتير تقص الظهر

ريم : خخخخخخخخ من كثر ما صكيتك بالفواتير بس عاد من عقبها تغيرت صرت قطيعي من بعد

العرس وانت متغير ماسك القرش

محمد : ههههههههههههه لسانك يبي له من يقصه

عبير : وش قصدك داليا انا اللي غيرته هاه

داليا حركت شفتها بقهر و ناظرت البنات بقهر : لا مااقصد وش دعوة شاكة بعمرك هههههه

عبير تمسك اعصابها : افا لاااا بس حبيت اسلم عليك بطريقة غير

داليا : الله يسلمك

محمد : اقول دليل احنا بالطريق جايين يالله نبي نشوفك بالبيت

داليا : موع شانكم عشان النيو بيبي اللي بالطريق إن شاءالله

محمد : ارحم الله ابو ذالوجه يالله بس انجزي

داليا : شو رايكم اذا وصلتوا تدقون علي و تمروني خخخخخخخخ

محمد : وجه ابن فهره ناوية تسنترين هنا

داليا : عادي بيت عمي بيتنا يعني

محمد : اسبقينا ضبطي القسم تبعنا من زمان عنه

داليا " يااهوووه ياسلامم ذا اللي ناقص اضبط بيت عبير " : انا

محمد : لا جدتي ايه انتِ

داليا : ايه ابشر طال عمرك

محمد : ويالله لا تتأخرين عالبيت

داليا : ابشر << متنحه

قفلت

داليا بقهر : والله حاله مابقى إلا انا انظف بيت عبير بلا بشكلها قالت ايش قالت بسلم عليك

بطريقة جديدة

الهنوف : خخخخخخ انا منيب بهضمها مدري ليش

ريم : الله من رزة الفيس اللي على غير سنع

داليا : يالله وكلت امري لله عشان محمد بروح اضبط البيت

الهنوف " ولعت فوق راسها فكرة " : بشاو رامي اذا سمحت بروح معك نرتب بيت عبير بعد خبرك

ذي عبير المتواضعة اللي ما تقطع بالعائلة ابد

داليا : كفك ياشيخه ههههههههههه

طقت ريم : ولا يهمك بدالها خخخخخخخ

بعد 5 دقايق

الهنوف نزلت كاشخه بعبايتها : يالله قدينا

داليا : الله يقطع سوالفك وش قدينا كلمة جيزانية ترا اهل جازان يقولونها

الهنوف بحماس : اسكتي ذاك المرة بالمنتدى تهاوشت انا مع وحده اسمها بنت جازان و كل وقتها

قدينا و قد و قدها و مقدد ومدري ايش و اخذتها منها

ريم : والله لو يسمعونك اخواني تقولينها كن نحروك نحر ههههههه

الهنوف : مشكلتي خاشه هواش و حامية يامحلاتي مسجلة بنت نجد هههه

ريم : نامي طيب نامي

الهنوف : اخمدي انتِ انا بخاوي الذربة دليل بنرتب بنت عبير

داليا : بيت محمد لا اتوطى ببطنك

الهنوف : وش اتوطى يا سوقية انتِ مالقيتِ غير ذاللفظ

ريم : الله يخلف عليكم بس يالله نمشي

راحوا و رتبوا بيت عبير .....

الهنوف : هاتي بخور

داليا : يؤ البخور بغرفة امي و لو تموت عبير منيب طاقة على اميمتي وهي بعز نومها

ريم : ناظري ذالبخور

داليا : يصك بالراس ذا رامي جايبه مدري من وين ارسله ابوي يجبي بخور من المحل

اللي ابوي متعود ياخذ منه و جاب لنا ذا و الله و يذبه ابوي بوجهه خخخخ

ريم : هههههه وش عرف رامي بالبخور حده باريس غاليري اووما ذاك المرة يوم شفته

في باريس غاليري لا و فرع العليا بعد و قسم تخدرت بمكاني الولد موب سهل مطنوخ

و معه ذوق بعد خخخخ ياحبني له و الله واروح له و يشتري له عطر و نظارة

الهنوف : يامال اللي منيب قايلة وانا منجحده مافكر يقول بشتري لعمتي هنيف

داليا : هههههههه انا جحدني بعد بس البارح واعدني يعشيني بالبلورة و سحب وش رايكم

بكرة نروح معه ..؟

داليا شافت روز تمشي : يؤ حبيبتي روز وش صحاك ...؟

راحت له و ضمتها

ريم انكسر خاطرها : لا تكون تعبانة

داليا : ياربي مشكله ماتفهم علي

روز تبكي : I want water and then I need to see my father

When I sleep there are many ambiguous things vi**** me

ريم : Oh my sis do not worry I promise u to take u away from all of those ambiguous things

….trust in my phrasr

داليا : وش فيها ؟

ريم : ياقلبي شكلها متروعه خايفة بقوة

داليا : تعالي روز بليز كام وذ مي تو يور بد روم أي ويل سليب بيسايد يو

روز معها دميتها اللي تحبه و تجفف دموعها ... ومشت معها داليا

داليا : صبايا لا تروحون شويات بس بوديها عند امي و اجيكم

الهنوف : ياختي كسرت خاطري و قسم

داليا : المهم لا تروحون ترا منيب مستعده اضبط بيت عبير بلحالي

ريم : قولي كذا تبيننا نكرف خخخ

داليا : انتِ بالذات المفروض اكرفك لين اقول بس ههههههههه يالله صبايا

الهنوف : ياليل واحنا مين بيقلعنا لبيتنا بتالي ذالليل !

ريم : دقي على داوود او كرم او حكيم مكثر منهم

الهنوف : لا بالله عليك على اساس ما تدرين عن تصريفاتهم وبعدين خامدين ذالوقت و مافيه

غير رشيد وذا لو اموت ما رحت معه

ريم : ليشل انو يمني يعني يخووف من جد انك صادقة و إلا الباقيين هنود ماحولك احد

الهنوف : لا بس ذا خايس يمه يخوف لا وبعد مصدق عمره و مشخص بثوب و عقال

ريم : ههههههه المره اللي فاتت تشوفيني انا و ود قامطات و ماكلات هوا على بالنا سعودي نقول

ياربي وشلون بس اخواني يتركونه يوصلنا و بالنهاية عرفه بندوري قال ذا عبده

الهنوف : قولي غيرها تغلطين بخشة عبده خاشمه علامة الجودة من وانى صغار واهو عندنا

ريم : لا بس ذاك اليوم اقولك مشخص بشماغ ولا عرفته والله

الهنوف لمحت داليا شرفت : يالله الحين خلصنا و ساعدناك و ضبطنا كل شيء دبري

لنا احد يشوتنا بس شوت عند باب البيت

داليا :ليش وين حكيم و دااوود ومدري مين !!

الهنوف : كم ساعتك ياقمر

داليا : ههههههههه ايه صح فاطسين بدق لكم على نايف

ريم : لاااااااااااااا

داليا : ليش

ريم : لااااااااا وبس ولا تطولينها

الهنوف : غيرانة عليه مني اكيد خخخخخخخ

داليا : لا تخافين متربعة بقلبه ههه

ريم بدلع : يحق لي اتربع بقلبه

الهنوف : مين بيجمعها ذي عاد الحين المهم ياخاله انتِ بسرعه تصرفي لو تدقين على وائل كفوري ميب فارقة معي

داليا : هههههه لا تخليني اتهور و ادق على وائل بليز

الهنوف : الدنيا موليه وانت بنت عمك دقي على وائل نبي نخربها لمتى واحنا معقدات

داليا : ههههههههههههه هقوتك هيك

ريم : لا ياللي ما تستحون بدل ما تحمدون الله انكم سعوديات و محافظات غيركم يتمنى

الهنوف : اووووص ولاكلمة لا الخمك بذا اللي بيدي حتى تعبير عن النفس الهنوف قامطة ولا تقدر

تحكي وشذ الحالة

ريم : لا حالتك صعبة بكرة بإذن الله بنوديك الدكتور طارق الحبيب

الهنوف : فاضي لنا طارق الحبيب ماعننده غيرنا هههههههه ياحبي الله يوفقه و يجزاه خير

داليا : من جد إنسان فاهم و متحضر جدا بوجهات نظره

ريم دق جوالها : يؤ ذي امي تأخرنا هههه

بعد ما حاكت امها

ريم : دقت راسي بكم كلمة خخخخخ

داليا : امهاتنا ياحبني لهم لابد منها دقة الرأس ذي لنا

الهنوف : يالله طيب مين بترسل

ريم بخوف تذكرت : سعود بكبره بيجينا

الهنوف : يالله الله يعين على الهواش الحين و المذلة اللي بنشوفها منه

ريم : امشي بسرعه لا يكوفنا بذا البيت

طلعوا البنات و معهم داليا ......

إلا بدلخة محمد و عبير ....

الصبايا توهقوا لابد يسلمون على عبير

سلموا على عبير ..

و جوال ريم يدق للمرة الـ 3 على التوالي سعود

الهنوف : يالله الحمدلله على السلامة و بالإذن

ريم تناظر عبير و تبتسم : نشوفك على خير

عبير : هلا و سهلا حياكم الله نورتوا البيت

داليا ناظرتها بقهر و خلطتها ببسمة يوم لاحظت ان عبير شافتها

ريم قربت لداليا بصوت خافت : عايشه الدور اوكي زوجة اخوك هههه

داليا تطقها : ايه مع نفخة الخدود ذي اللي هي حاطه ما لاحظتِ

ريم : بس ماشاءالله تبارك الله طالعه ميساء مغربي نسخة

داليا : نفس العيون بس

الهنوف : يالله ريم تأخرنا

ريم تذكرت عيون سعود : يممممممه يالله دليل نكمل حكينا بالتليفون خليك قريبة للثابت مو انطلع و

يرد رامي يعطيني من قلبه عله

داليا : رامي مو هنا في بيتهم اليوم هو و اخته اللي سحبت علينا من شهر يمكن خخخ

ريم : ياحبي لهم طيب يالله باي

داليا : باياتـ الله الله بالركادة وانتم طالعات ههههه

رزت ريم نفسها و مشت خطوة خطوة

الهنوف : يالله انت و مشيتك ذي اللي كنه حمامه مصوبه حركي بسرعه

ريم : مشكلة تدرين هنا الانظار يمكن تطيح علي باي لحظة

سحبتها الهنوف : يالله بس انتِ اللي بتركبين قدام حلفت انتِ اللي قدام عادي و الله مسامحه انا

ريم : لااا لااا لااا وش دعوه هنيف حبيبتي اختي و اركب وراء ابد ما يصير

الهنوف : ياشيخه والله مايركب غيرك افا بس مايهون ااتمتع بالمجلس الأمامي و انت منلطعة

لوحدك وراء

" سعود ضرب بوري "

ريم : يممممممممممه

الهنوف : احم امشي يالله

درعمت هنيف وراء و ريم اضطرت تجلس قدام

سعود " صاحي من النوم " : خير انتِ نص ساعه منرزع انتظركم فشلوتنا مع خلق الله

ريم " الصيحة وصلت معها " ....

قطع توتر الموقف محمد اللي يطق شباك سعود و يبتسم

سعود : هلا و الله

و نزل و سلم عليه ...........

الهنوف : ايييييييييييف ياقلبيه

ريم : يمممممممه وقسم قلبي يرجف للحين

الهنوف : يمه يمه يالرجال صدق اللي يصحى من النوم يصير متكرن كذا شكلي منيب متزوجه بإذن الله

ريم : أي والله انك صادقة يخوفون يمه والله ماتحمل احد يقابلني بهالوجه بصيح

الهنوف : شفتِ شلو عوينات سعود متنفخة ياعمري ههههههههه نكدنا عليه نومه

ريم : تلاقين ود جاحدته بالمكتب نايم نومته نومة واحد موب مرتاح احس انو نايم على اريكه يعني

موب على السرير

الهنوف : هههههههه الله يقطع ابليسك اتحداك تسألينه

ريم : احلفي بس لا احلفي وبقوة بعد عشان ينحرني نحر و يعلقني بالمملكة و إلا الفيصلية

الهنوف : يمه يمه جاء اووووص

" عاد الصمت يخيم على الارجاء "

ناظرهم سعود و ابتسم بهدوء و كمل طريقه

سعود : تبون شيء من برا قبل نرجع !

بينما الهنوف تشاور عمرها

ريم : ابد ابد مشكور اخوي ما تقصر

سعود : ريم اللي تقول كذا ههههههه متأكده ترا منيب بعيد الحكي

ريم : الله الله << العين الحمراء تنفع وبقوة مع ريم

-

-