منتديات قصايد ليل - عرض مشاركة واحدة

06-11-2011

(2)

<<؛؛ عندما تعصف رياح العذاب بمحيطات القلوب الرهيفة الوالهة ؛؛؛>>

زينة بوضع حزين تستلقي امام الشرفة الكبيرة و تنظر بعين يحدوها الأمل المعاق ..

نواف ناظرها ما يلمح غير لمعة شعرها البني فوق الأريكة ...

نواف بمشاعر حانية : احم احم

زينة مسحت دموعها و عدلت جلستها ... : حياك نواف

نواف يناظرها : يالله معك بس إلى متى و انتِ كذا من جد مالك داعي ترا

زينة تبتسم بهدوء : وش اسوي طيب

نواف يبتسم : ماقلت لك ارقصي و احضري عرض متاحف او غاليري ابيك بس تشقين هالكشرة شوي

زينة تبتسم : هههههههه م واهم شيء اني اضحك المهم انها تكون من قلب و إلا

نواف : درر يالغلاااا خخخخ بس ولو افرديها شوي بس عشاني طلبتك

زينة : إن شاءالله .......

نواف يقرأ الجريدة : يالبيه يالديرة و حشتني والله ههههههههه وحشتني زحمة الرياض

زينة و كأنها تذكرت : نواف وين روز ؟ كلمتهم او لا اذا ما كلمتهم ترا بحكي لابوي يجيبها

نواف يقلب الجريدة : ياليل و ش فيك انتِ .........؟ ما صارت فرصة و بندر دقيت عليه مغلق 24 ساعه

و سألت حجرف يقول انو معه إجازة ويمكن سافر هنا او هنا

زينة بعصبية : ياسلام يا سلام و انا وين اصرف ذالحكي !! بالطقاق يسافر للي يبي بس بنتنا نبيها يعني نبيها

نواف : هدي اعصابك يابنت

زينة وقفت : ياخي من جد مسخرة الحين البنت بنتنا يرفض يعطينا اياها ليش بصفته مين بس

نواف : مين اللي قال لك انو رفض هاه قلت لك الرجال مسافر و بس

زينة : لا تدق الحين عليه او تدري خلاص مشكور بقول لابوي يجبره غصب يرسلها مو برضاه

نواف رفع حاجب : يعني ترا هو اللي بيجي هنا و يوصلها بما انها امانه صعبه يرسلها مع أي احد

زينة " قلبها زادت نبضاته يجي هنا و بضطر اشوفه لا مستحيل مقدر على ذالموقف "

زينة بعصبية : والله بالطقاق يجي او يرسلها مع احد ميب فارقة معي اللي يهم انها توصل و بس

نواف " و اللي خلقني انها تحبه و ميته فيه والدليل هالألفاظ اللي طلعت " ...

زينة لازالت متنرفزة : وش فيك تناظرني كذا

نواف انلخم : هههههههههه ولا شيء بس ذكرتيني بالهنوف و ريم اذا عصبوا الخالق الناطق << ياملح اللي

يعرفون يرقعون

زينة تبتسم : وحشوني والله

نواف : آه يا قلبي مشتاق لخواتي و الله كثير الله يعدي الايام على خير

زينة : ههههههه اسمع انت بما انك توهقت و رجلت عتبت ايطاليا و بذالمهنة انسى انك تستقر بالديرة ابد

انت البديل لابوي مستقبلاً كانك ماتدري

نواف يبتسم : أي الله يعين منيب متصور اني ببعد عن امي و خواتي و اهلي و ربعي

زينة : يا سلام اللي صبر ابوي يصبرك هههه

نواف :ياختي تدرين كيف انو ابوك استقر هنا كان عنده ظرفه اللي كرهه بالديرة

زينة " وش قاعد تقول يا نواف ليش تذكرني ليش تذكرني " دمعت عيونها

نواف ناظرها : امانه زينة وش فيك ضايقتك بكلامي آسف يالغلا

زينة تجفف دموعها : لا لا عادي مافيني شيء

نواف : من جد ما كنت اقصد وقسم

زينة تضحك وسط دموعها : ههههه خلاص لا تخاف ما فيني شيء

نواف بنظرة متفحصة : اكيد

زينة : اكيدين

نواف : والله ياختي لعبتِ بقلبي قسم خخخخ قلت وش فيها البنت بالطاري بقولك سالفتي

في مرة من المراير المرة

زينة تبتسم

نواف : اقولك ههههههه ابتهال سوت نفس اللي سويتِ و قسم قلبي طاح ببطني ماتحمل انا اشوف خواتي كذا

زينة " حلو بدأ يقتنع ان اخت له كويس " .. : الله يخليك ..

سكتت

زينة : نواف بالطاري ابتهال كيفها تأثرت بوفاة اخوي بدر ( دمعت عيونها)

نواف تنهد : أي والله مرة متاثرة الله يعوضها خير

زينة دمعت عينها : الله يعوضها يارب و يعوض بدر اخوي بشباب لا يهرم بجنة عرضها السموات و الارض

نواف : آمين يارب .....

زينة : بليز نواف هات لي روز ابيها ابيها طلبتك

نواف طلع جواله : نشوف بندر بدق عليه

زينة " لاحظت نبضاتها " : دق على خالد ابو رامي و قوله يرسلها بلاش منة خلق الله

نواف " و قسم انها خاقة عليه " : بشوف بندر قبل

زينة : اهم شيء روز تجينا و بس.....

-

-

-

في الرياض

و حيث يغط بندر في نومه العميق

رنين جواله يقطع هدوء اجواء غرفته

بندر حس بصوت الجوال .... فتح عيونه و سحب نور الاباجورة

شاف ساعته البيضاء من " سلفادور فيراغامو " الساعة 5 و نص مساء

بندر : استغفر الله يارب ما صليت المغرب يارب لا تؤاخذني

ناظر الجوال اللي يدق للمرة الثالثة على التوالي

سحبه بطرف اصبعه الطويل

ناظر و انشد بقوة " نواف " الله يستر لا يكون فيه شيء

بصوت عذب جداً البحة تعطيه معالم لا تضاهى من العذوبة

بندر : سم

نواف يحاكي زينة ما درى انو رد ... : انا اقول لو تقصرين على ذا اصرف ترا مااسمعك ولا ادري وش قلتِ

بندر ابتسم ..بس استدرك انه يحاكي زينة .. تذكرها حس بجوه اللي جوه باتت موجوده في سماءه

بندر : احم احمممم

نواف : ههههههه هلا والله بندر رديت

< كميات من سرعة و توالي نبضات قلب زينة تتزايد بقوة و تلسعها احاسيس جارفة عنيفة <<<>

بندر : هلا وسهلا بك كيفك بشرني عنك

نواف : بخير يالغالي وانت بشرني عنك و كيفكم كل ابوكم من صغيركم و كبيركم

بندر : تذكرني بالهنود اذا قلت كذا احس اننا هنود يحاكون بعضهم ههههه

نواف : وش فيهم الهنود خخخ بشر تراهم

>>< زينة استشعرت كميات لا بأس فيها من التوتر ... الحمدلله انو بخير >>><<

بندر : أي والله مافيهم شيء ابرك منا نجزوا و صنعوا ذخائر و اسلحة و معدات مو مثلنا

ما نجزنا غير مصانع بلاستيك و مع ذا لا احد يحاكينا

نواف : هههههههه ياحليلك و الله مشتاق لك كيفك و كيف الشغل

بندر تنهد : وانا كل من يحكي معي ينشدني عن الشغل تراني بإجازة

قاطعه نواف : مسافر

بندر : برضو كل من درى اني مأجز قالي مسافر خخخ وش قصة اهلكم بس

نواف : طبيعي اجازة يعني بتسافر

بندر : لا ماسافرت

نواف : اجل صحيتك من نومك خخخخخ رجيتك شوي

<<< زينة قالطة باذنها ..ياساتر اذكره على خبري ما ينوم ذالوقت إلا اذا كان مرهق او متضايق >><<

بندر : أي والله رجتيني شوي بس حلو اللي صحيتني مابعد صليت والله

نواف : لا أخذ ذنبك بس

بندر : الله يتوب علينا و يرحمنا برحمته

نواف يناظر زينة اللي تقوله يالله قوله...

نواف يشر لها بحركات " بعدين بعدين " بصمت طبعا

زينة بإصرار " لا لا الحين الحين " بصمت ايضا

نواف يضغط على شفته و يتوعد في زينة " خلاص بعدين مو وقته "

زينة بإصرار نطقت و تشجعت : اوكي هات انا اقوله

>>> يا نسمات الحياة ارفقي بنا امنحيني ولو القليل من معالمك ... >>><<

بندر " صوتها مستحيل اغلط فيه " : وش فيه !!

نواف يتوعد فيها : مافيه شيء سلامتك بس

زينة فقدت اعصابها : لا فيه رجاء نواف عطني التلفون

بندر استغرب " معقول ذ ي زينة و تتصرف كذا بحضور نواف وين الخجل و الحياء "

بندر : نواف وش السالفه

نواف يناظر زينة بعتب : ابد طال عمرك بس زينة ( دق قلب بندر) تبي بنت بدر تجي هنا

بندر : اعتقد معكم خبر انها عندي واني انا الوصي عليها يعني معليش قول لهم لا

نواف يناظرها : قلت لها بس عاد قلنا يمكن يتغير رايك

بندر تنهد : لا ما غيرته ولا راح يتغير بيوم

زينة بعصبية : يعني شلون لا باخذها و بالغصب

بندر سمعها " وش قصتها يالبيه بس وش فيها معصبة "

بندر : نواف كلامي و اضح روز عندي اللي يبيها يجي الرياض يشوفها

نواف : ماقصرت اهم شيء راحتها

بندر : ابشرك مرتاح هميه بالمية بإذن الله تعالى

زينة : كيف اهم شيء راحتها .. بنت اخوي وابيها و محد يقدر اصلا يتجرأ و يقول لا مفهوم

بندر يسمع و يبتسم يحس انو بحلم " يارقتها و ذكرياتها " : كلامي مفهوم نواف

نواف يناظر زينة : خلاص بعدين نتفاهم اصبري شوي

زينة : الحين مافيه بعدين الحين يعني الحين

بندر " يادنيا ما ينعرف لك ...!! "

بندر : نواف معليش روز مالها سفر اجيبها لك من اقصاها و السموحة

نواف : بس ترا عمي و عمتها احق منك فيها

بندر بحكمة : ذالحكي مفروغ منه و بدر يوم وصى وصاني انا ماقال لابوه ولا لاحد ثاني ( مايبي ذكر اسمها )

زينة عصبت بقوة و سحبت التليفون ترددت خافت شوي

بندر حس بتوتر الموقف .. وسكت

نواف بصوت خافت : خير خبله انتِ

زينة تشجعتو غمضت عيونها : اسمع روز باخذها باخذها رضيت او ما رضيت و لا تتصور بيوم ان كلامك

بيمشي مفهوم

بندر ابتسم برقة و هو يسمع شراراتها تنطلق ....

زينة : روز تجي يعني تجي مو برضاك غصب عليك ... خذ نواف

شاتت الجوال على نواف اللي انفشل و من جد زعل من حركتها

نواف : الو بندر

بندر مازال مبتسما : اهلين ههههه

نواف : مدري وش اقول

بندر : هههه لا تقول ولا تزيد ههه من متى اصلا واحنا نعطي حكي الحريم اهميه طنش

زينة حست انه يتريق عليها و تضايقت بقوة

نواف يبتسم : الله يحييك و يبقييك يالله تأمرني بشيء

بندر : هههههههه انتبه لنفسك وخلنا نشوفك

نواف : ان شاءالله يالله في امان الله

قفل

نواف : ليش تسوين كذا اصلا انا غبي اللي طعتك ودقيت عليه

زينة تكابر : ذالخطوة كان لازم تصير من زمان

نواف متضايق : والله عاد يحق لك تصفين اللي بقلبك و تكسرين أي حاجز انتِ تخافين منه بس كان
المفروض يكون بعيد عني مو بواسطتي

زينة لاحظت ضيقته : سوري نواف انا

نواف : من جد مالك سنع و حركتك جدا سخيفة حسستني كأني مهمش كأني زلابة قدامك ليش اصلا تأخذين

الجوال وانا احكي مع الرجال عيب ترا

زينة : سوري نواف بس ياخي قهرتني قاعد تترجى فيه معليش يعني مين يكون عشان نترجاه

خلاص ماله شغل المشكلة البنت بنتنا وش دخل اهل امه بالسالفه هو

نواف : والله عاد قلتك انا ... لا تدخليني بحركات الخطوات اللي لازم تصير

زينة بإقناع : نواف انت موب اخوي

نواف : لا تحاولين من اليوم لبكرة لو تبررين مايمديك انا وقسم لو انها اختي ترا اللي مسويه ذالحركة

كان امديني سويتها شطة هنود بس احمدي ربك

زينة تبتسم : ليش هههههههه

نواف : من حركتك يالفاهمه !! و بعدين تعالي مو عيب تحكين مع الرجل بذالاسلوب رجيتِ عقله

حتى ماعطيته وقت يتنفس كلامك حامي وراء بعض و من سرعته تبلعين الحروف بلع

زينة بندم : اذكر الله

نواف : ما شاءالله تبارك الله بس مشكلتك حبست لسانك كل الفترة اللي راحت و فلتيه مرةٍ وحده

زينة : وش اسوي غصب ما احس بحالي وانا احكي

نواف : الله يستر بس مدري وش سوا بندر

زينة بنظرات غامضه : لا تخاف ما يأثر فيه ذا ابد

نواف : الله يجعله مع ان كلامك يسم البدن و قسم لو وحدة قايلة ذالحكي اني لا انط و ازنطها دايركتلي

زينة : خخخخخخ اشوا اللي قلت لي عشان ما اسويها معك

نواف : لا عاد سويها و شوفي الحين

زينة و نواف قطع عليهم دخول ابو بدر

ابو بدر : لحول ولا قوة إلا بالله حشى بزران مانتم كبار عجزت انوم من اصواتكم

نواف يناظر زينة : تعرف مشكلة بعض الناس اذا تحمسوا يخشون جو و ينسون من يحكون معه

زينة طقته بخفية

نواف : أي

ابو بدر : وش بلاك

نواف : ابد سلامتك بس ودي بعد اذنك الكريم و الموقر و السامي تسمح لي بروح عند ابو حميد

ابو بدر : لا ما اسمح

نواف : افا و ليش

ابو بدر : مثل ما انحرمت من النوم بحرمك من الطلعه خخخخخ

نواف : افا ياعمي اثاري فيك عرق نذاله شكلك مرضع مع جيراننا النذالى

استمروا يسولفون

-

-

-

بندر اجتاحته حالة غريبة ....

بعد ما طلع من البيت راح الإستراحة وهو شاق الفيس و كاشخ على سنقة عشرة

سعود و عيونه طالعه من راسه خخخ : ارحبوا وش جابك

بندر : السلااااااااااااااااااام

الجميع : و عليكم السلام هلا و سهلاااااااااا

سلم عليهم بندر فردا فردا

حجرف مستغرب : يالله تحييه يالله ترزقه يالله تحييه بالله وش سر ذالخشه اللي شاقة البسمة طول بعرض

بندر : ما ينعرف لكم هههه اذكروا الله طيب

الجميع : لا إله إلا الله

بندر : وش فيكم حسستوني اني مزلبكم قبل

نايف : وبقوة بعد

بندر يرفع حاجب " تذكر شراراتها و تحديها .... يا ماما متأكده انك تتحدين بندر !! "

حجرف : ارحبوا والله يالله الدله يا نذير

بندر : أي نذير فز انت صبها

حجرف : نصبها نصبها وش عندنا غيرك وش ورانا خخخخ

جلسوا يسولفون ....

" من الطرف الآخر "

في سيارة سلمان معه سلطان القابع في سماء صدمته

سلمان : يارجال مدري وش فيك لحست مخي منيب راضي تحتسي و لا تفلها

سلطان : سلمان لا تطينها تراي من جد تافل جدة ام العافية

سلمان : وش فيك ياخي ترانا بمثابة اهلك وش فيك متكرن لك 4 ايام وش سالفتك

سلطان سحب نفس " أي اهل اسكت بس " : وش تبيني يعني ارقص او اغني عشان تستانس

سلمان مستغرب من عصبيته : ياخوي لا ترقص ولا تغني اركد بس حرك تبلش اعوذ بالله

سلطان اخذ نفس : نزلني بالبيت ....

سلمان : مو قبل ما تقولي وين كنت قبل شوي و ليش اخلاقك قافلة

سلطان " خربها ياولد و قلهم وين كنت قبل شوي ... بس حرام الضعيف بندر راح تتدمر خطته اللي مسوي

كفو و جايبها عشان قضية عيال عمة "

سلطان : او تدري نزلني هنا بذالكوفي " جافا تايم "

سلمان : اقول لا يكثر بس بنروح الإستراحة

سلطان : لا مالي مزاج اشوفهم

سلمان : مافيه احد غير حجرف و نايف بس

سلطان بعد تفكير : اذا كذا خلنا ننزل نغير جو

-
-
-

حجرف يقهوي بندر و نايف و هشام و وليد اللي توهم شرفوا

و السوالف بينهم

هشام : اقول يازاحفيين ترا عمتي هيا بالمستشفى نسيت اقولكم عشان تزورونها

بندر : اعوذ بالله وش فيها عسى ماشر

هشام : ازمة السكر الظاهر والله مدري رحت لها بس ما نشدتها وش فيها ههههه

وليد : هههه الله من لحسة المخ براسك والله لا مافيها إلا كل خير بس طاحت مع السلم وهي تنزل

حجرف : استغفر الله ليش ما تشوف يعني

نايف : الله لا يبلانا يارب ياخي رجلها مربوووش من جد تقولي امي استعجلها يوم انا بالإستراحة

بندر : لا تقول يافشلتاه بس يعني ذالسالفه من اسبوع او زود وانى تونا ندري

نايف : معي خبر بس توقعت داري

قطع حبل السوالف

" السلاااااااااام عليكم "

سلمان و معه سلطان

الجميع : و عليكم السلام

سلطان عيونه تصوبت على بندر و بندر كذلك

بندر يستشعر كميات توتر و كذا سلطان اللي جامل و ضغط و جلس

وليد : ياحي الله سلطان كيفك بشرنا عنك

سلطان : بخير ياعساك بخير انت كيفك علومك

" مهمش بندر و نايف لاحظ هالشيء "

وليد : الحمدلله بخير كيف الوالدة عساها بخير

" بندر يحس اللحظات تأنبه كأنه هو المسؤول "

سلطان يناظر بندر : بخير ابشرك ولله الحمد

وليد : سمعنا انها تعبانه كانت عندنا بالتخصصي ( يشتغل بالتخصصي ) بس الحمدلله طلعت إن شاءالله انها طيبة

سلطان يناظره : الحمدلله و الشكر بخير و عافية

حجرف كأنه تذكر : أي وليد صح بسألك عن ام بدر صدق بالعناية الله يحفظنا و يشفيها يارب

سلطان توتر بقوة و استجمع مشاعره .. و كتم قهره بقوة

وليد : أي والله انها تعبت قبل 3 ايام بالحيل و اضطرينا ندخلها الريكفري بس الحمدلله استقرت حالتها

البارح و طلعت التنويم الله يشفيها .........

هشام ينقاله بيسوي حكيم : مدري وين بنتها ماتجي جنبها بهالوقت صدق دلع بنات

نظرات سلطان لا تكاد تترجم من قبل الجميع ...

بندر اكتفى بجعل نظراته اسيرة لثنايا الأرض ....

تشبكت السواليف إلى ان وصلوا ميدان الرياضه وبدأ النقاش يستعر ...

بندر متكي راسه يفكر باللي صار معه خصوصا وانو مثل البارح كان بيروح للتخصصي عشان يشوف مضاوي

بس منعوا دخوله ......

الجميع يتناول الأكل بإستثناء بندر اللي رفض

سلطان لقاها فرصه ....

سلطان طق كتف بندر ......

بندر ألتفت : هلا

سلطان : نخيتك و طلبتك

بندر من دون ما يفكر : ابشر بعزك

سلطان : توصلني لاختي

بندر يناظرهـ بدهشة : مافهمت

سلطان : امش تعال بمكان هادي بعيد عن تزعيق الشباب هنا

بندر : يالله بس اخذ شماغي و مفتاح سيارتي

سلطان : يالله حتى انا بعد جاي مع سلمان بروح معك

بندر ابتسم : وش قالوا لك ليموزين ههه

سلطان : لا تاكسي بس انجز ترا لي سبوع ما خمدت

بندر : يالله خلاص امش

استأذنوا من الشباب ...

في سيارة بندر bmw سوداء ...

سلطان : وش قلت ؟

بندر فيها بسمة على دهشة : حلو حتى اجازتي بعد طويلة

سلطان : وانا بعد اجازتي راح تبدأ بعد يومين ...

بندر : تبينا نتوكل على الله بس

سلطان : انا ما لقيت طريقة إلا هالطريقة نطلع ايطاليا و نشوفها

بندر : ههههه لا تقول اني انا اللي بقنعها

سلطان : اجل ليش ماخذك انا و مطيح نص مابراسي عليك مو عشان سواد عيونك هههههههه

بندر بعتب : افااا طاح نصه اجل النص الثاني متى بيطيح ؟

سلطان : والله مدري يمكن مع الوقت الوكاد اني كني منرصع بطاسة من ذالصدمة

بندر : وصفك رايق ههههههه بس اعتقد لو قلت لها انا بتعند و ترفض تصدق

سلطان : بالعكس انت انسب شخص يفهمها السالفه

بندر يبتسم : بلاك مابعد عرفت اختك هههههههههه

سلطان يبتسم : متشوق و متحمس لها بقوة

بندر شرد و يبتسم

سلطان : هيييييييه ما اسمح له تهوجس فيها تراك مطلقها لا ألعن لك نص وجهك

بندر يبتسم : خخخخخخ مسوي فازع لها و انتم ابعد عرفتها ولاشفتها إلا تدري عن اسمها او لا

سلطان : زينب

بندر فطس ضحك : ههههههههههههه

سلطان : وش يضحكك لا ألفعك

بندر : اعوذ بالله زينب عاد ياخي منيب بطق ذالاسم

سلطان : اجل وش اسمها ؟؟

بندر : لا و طاق الصدر و جاحدني و جاي فازع نخيتك و انت حتى اسم اختك ما تدري فيه

سلطان : اقول لا يكثر وش اسمها

بندر : ههههههه زينة

سلطان : زينة وانا من جد دلخ اقول زينب بس اسمها ما ادري وشلون قايل غبي شوي

بندر يناظره وهو يلف : بالعكس يجنن

سلطان ابتسم : الله اعلم من اللي يجنن الاسم او صاحبته عموما احمد ربك اني عارف و مطلع

على كل شيء

بندر : الحمدلله و الشكر يارب بس انك رجعت لعقلك و عذرتني

سلطان : مين الحمار الأمعة اللي قايل لك اني عذرتك هاه

بندر : ابك تسيف

سلطان : خخخخخ والله ما رحمك إلا أن خابر كل شيء بس ردة فعلي شوي عنيفة لاني انصدمت ما توقعت

بندر : و خالتي كيفها ؟؟

سلطان : وش دراني انا

بندر : احم احم اقصد خالتي ام سلطان

سلطان استوعب : كل تببن وش تبي فيك وانت مطلق بنتها اكيد لو تدري بتزعل اخ بس

بندر يبتسم : عن المصالة يارجال

سلطان : مابعد قلت لها ولا نيب بقولها لحد ما تجي اختي زينة

بندر : ياهوووه ياخي احس غلط انت سلطان تصير اخو زينة

سلطان يفكر : يمكن لو احد قايل لي ذالقصة و قسم مااصدقها لانها شيء يفطر القلب

يقسم العقل و القلب نصين ....

بندر : يا سبحان الله سلطان يصير اخو زينة

سلطان : يالله الحمدلله على كل حال ... ياقلبي عليها نسخة من امي

بندر : وش دراك

سلطان : تدري يا بندر من ساعة ما شفتها بالنفسية وانا مابعد شلتها من راسي حسيت ان

ذالبنت لها شيء مني و الله ذكرتني بامي كثير

بندر : الحمدلله اللي عرفنا الحقيقة ياخوك ضعيفة اكيد تبهذلت لين قالت بس

سلطان : والله لا اغير حياتها بإذن الله حتى امي بإذن الله بتصير احسن و صحتها تتطور

اذا شافتها

بندر : أي بالطاري بشر عن امك

سلطان : الله يعين بس بالمستشفى دخلته البارح و الله يعين يوم بالبيت و ايام بالمستشفى من ولادتها

لهالبنت

بندر : الله يجمعها فيها انا واثق لو تشوفها تعرفها

سلطان : عشان كذا لازم نتحرك ياخوي لازم

بندر : بإذن الله برجعها لكم بحاول اعطيها شي حلو بحياتها

سلطان : بندر معليش بس بتدخل شوي

بندر : وش دعوة اسأل اللي تبي خلاص كلنا اهل الحين

سلطان : وش سبب الطلاق

بندر شرد شوي : نصيب

سلطان : الله يوفقك و يعوضك انا خابرك و واثق فيك

بندر : السالفة انها كانت منصاعه لامها بكل شيء اشياء كثيرة صارت بييننا بسبب امها

و سوت اشياء تمادت فيها بعد من رأس امها

سلطان مندهش : حسبنا الله و نعم الوكيل

بندر : تدري انا ماهمني كل اللي طالني و شفت من جروحها و حركاتها انا ما ضيقني و زاد

حسرتي إلا يوم دريت انها تحت رحمة ام بدر و عايشه بجحيم

سلطان : ليش ما رجعتها يوم دريت طيب افا بس

بندر : حاولت يا سلطان و قسما بالله حاولت بس كانت نفسيتها ميب مستقره و بعدين طلع لنا

فواز ذا اللي مدري وش يبي قاهرني بقوة يوم اخذها وبعدين تعرف ابوي وش سوى

سلطان يده على خده : خير خير إن شاءالله المهم ترا بنسافر

بندر : مو قبل ما اشوف ام بدر

سلطان : اصبر ذي حسابي معها عسير بس لحد مااجيب زينة و بعدين ذي وقسما بالله منب تاركها

بندر : عشان بدر بس بجمع نفسسي و اسكت

سلطان : والله انا بيكون لي تصرف عنيف بس خلني اشوف اختي و اجيبها

بندر : ياحبي لك ضامن انها بتجي مستحيل بتجحدك و تشوف اعرفها زين

سلطان : ذاك اول بس بحسب علمي انها تغيرت عن اول انت قد قلت لي كذا ان زوجتك الاول

تغيرت بسبب اللي صار لها

بندر " تذكر مكالمتها اللي اليوم " : ماعتقد ههههههههه

سلطان : ليش

بندر يناظره : امطرتني اليوم بتهزيئات شي ههههههههه
سلطان : كفو اختي بدرت تسبدي عليك شوي هههههههههه وش قالت لك

بندر : تبي بنت اخوها بدر

سلطان : ناخذها معنا اجل

بندر : لا منا باخذينها انا قلت تجلس يعني تجلس

سلطان : اذا زينة تبيها بناخذها والله يهديك إن شاءالله

بندر : يا زينك بس ترا يقولون ان ذا بيتكم

سلطان : اسكت لا اسنعك تراي نسيبك

بندر : كنت نسيبي خلك بالصورة

سلطان : بدري عليك تطولها اصلا هههههههه انسى لو وافقت انا برفض

بندر : هذا ان وافقت ان وافقت اختك ذي ترا تفكيرها مدري وشلون قايل وبعدين اذا ما تبي

انا ماابي بعد

سلطان : علينا ها ه انا بالذات خابر كل شيء و انصحك تكشف قبل اسويها انا و اسحبك

احشرك بايطاليا تفحص ادري انك تفكر بذالشيء

بندر : فحصت و قضيت يالله مستعان

سلطان ناظره بجدية : بشرنا عنك

بندر يناظره : دعواتك لنا و خير بإذن الله

سلطان خاف : وش فيه امانه

بندر يطلق عنان نظره : كل خير بإذن الله تعالى

سلطان : انزل عندي ترا امي الله يعافيها بالمستشفى و لا بوه احد

بندر : بوه او ما بوه ههههه اصلا مافيني نوم تونا بدري

سلطان : بتهجول اجل هههههه يالله لا تبلانا

بندر : بغير جو شوي من زمان ما تمشيت

سلطان : عز الله اللي لقيت اللي يبسطك بالرياض ههههه يالله تصبح على خير

بندر : و انت من اهله

-

-

-