منتديات قصايد ليل - عرض مشاركة واحدة

06-11-2011

>>< من بين خلجات صخب الإختيار و الإجبار !!

تأمل قدرهـ بدقة فائقة ...!

كيف لي أن اختار او أن ارضخ لجبروت القرار الطاغي ..!

كل الأقنعة باتت متشابهة من حوله >><<<<

ذلك هو العاشق الصامتـ نوافـ

في غرفته يهوجس ...

( رفضتني ليش ...؟ طيب ليش احس يوم تحاكيني ذاك اليوم كانها استحت و اللي تستحي

يعني تحب ...!! )

شد شعرهـ بعنف بالنسبة لشخصه و غمض عيونه بحرارهـ

( يا رجال وش قاعد تخربط تحب أي تحب و هي رفضتك بكامل قناعاتها ... خلاص بروح و انسى هواها بس

المشكلة اني بروح للهواء اللي تتنفسه بضطر اشوفها ... وش دراك يا نواف يمكن تتغير مشاعرها )

نواف وقف قدام المرايا المذهبة الأطار في غرفته يتأمل حاله ...

( الله يعين صار لي سنتين يمكن و انا معلق بين السماء و الأرض مع ذيك العيونـ )

انتابته حالة تشنج من حيث المشاعر ....

مسك شماغه بإهمال و حطه على كتفه

و هو طالع من غرفته

رامي بعربجة << يقلد الرجال بكل شيء خخ : ارحبوا السنافي نواف هنا

نواف بغير نفس و هو يقفل غرفته : قاط الكلافة انت و خشيمك عمك يالثور قل عمي لا اكوفنك بذا

رامي : وش فيهم تافلين العافية ههههههه إلا تعال عمي العزيز وش عندك بالله يوم انك تقفل غرفتك على

الطالعة و النازلة مدري بس يمكن فيها كنز او هيك شيء وانا ماندري !! << اموت على التلميح ^_^

نواف بنظرة متفحصه : لا ياشيخ انت تأكل كبر راسك ولا عاد تسأل لك عين بعد احمد ربك اللي ما قلت لابوك

رامي : ههههههه وش فيكم انتم عادي انا كبير ترا اشوف اللي ابي و لا تظلمني ترى ذاك اليوم نمت بغرفتك

فجاءه لان ريم أم دماغ ذي هي وقصتها اللي تقول دجة صوف صرفتني عندها صاحبتها و طردتني من

غرفتي

نواف أعصابه لا تزال مشدوده لانه لا يزال يفكر فيها : ما حلى والله يا صاحبات ريمووت ام لسانين

رامي بربشة : موووت والله يا نواف لو شفتهم ههههههههه وحده تقول تايرا نايتلي مجلسه قدامكـ الخالق

الناطق

نواف بنظرة متفحصة اكثر : نعنبو عدوك مين طلعت عليه انت داشر ( مسكه و شده) وش بقيت لعمرك

الجاي أن ربي عطاك عمر إن شاءالله

رامي : كح كح افا عليك مين بطلع عليه عليك طبعا عمي الفاضل و العزيز و الموقر

نواف ابتسم نوعاً ما ( تركه) : عشان الموقر ذي تركتها احس انك باذل جهد فيها احمد ربك و إلا كنت بفقع

لك نص خشتك ..

تركه ...

وبعدين استدرك

نواف ( شده مره ثانية ) : صح صح تعال يالثور وش مسدحك بغرفتي قبل البارح هاه ..!!

رامي : ههههه والله اني رفضت و قاومت داري ان عندك بلاوي و اشياء محظورة و قلت يا ريم والله نواف

بيلعن شكلي لو يدري قالت انا اتفاهم معه بس تدري شهادة حق ان غرفتك فله هههههههه

نواف بإقناع : وأنت لقيتها فرصة ولعبت لعبتك المفضلة يا ورع هاه ..قمت تفتش على كيف أم ابو جدانكـ

( شد اذنه ) اخذها معلومة ريم ذي مثل ابليس بالضبط تغري الشخص و بعدين تروح و تتركه ولا كأنها طقة

الصدر و قالت انا اتفاهم عنك معه

رامي يبعد نواف : والله عاد اختك وتفاهم معها .... بس تقفليتك لغرفتك ترى تجيب لك الشبهه زود للمعلومية

نواف يمسك اذنه ويشدها اكثر : انت ما تعقل ابد يموت يهودي لو تركد ادري ان تسبدك ( كبدك) تقوطر على

الغرفة بس عشم ابو بروك بالجنة استغفرالله بس

رامي بحكمة : ياجاهل استغفر الله العلي العظيم بس ماعليش ياعمي نواف ماتوقعتها منك ..ذا وانت بتروح

تبتعث في ايطاليا افا افا بس مايجوز تحكم بالجنة او النار لاي شخص لو انه مين صحيح ان ابو بروك ذا

رفيقكم ادشر داشر و مافيه شيء ما دلع عمره فيه بس ما يجوز والله مدرس التوحيد قالنا كذا

نواف تنهد : اول مره بحياتك تنطق كلام مفهوم و على بينه الله يزيدك إن شاءالله .. واحذرك اياني و اياك

تقرب داري بس

رامي : ههههههههه ليش طيب ؟ عشان حتة قنوات سخيفة يارب بس تحفظنا يارب يارب ( ينفخ ثوبه)

<< متاثر بحركات الصبايا من مقابل فيسهم 24 ساعه

نواف بنرفزة : وعشان هالاشياء بقفل غرفتي عشان ما اخذ ذنبك يالدلخ .. اصلا حتى انا مابيهم بس الدلخ ذا

نذير مركب رأس مدري من وين طلع لنا فيه الله يسود عيشته انا بوريك فيه قبل تدشر علينا و لا تردك غير

الأحداثـ

رامي يبتسم : بالله عليك صدقتك تصدق احلف عشان اصددددق لا احلف وبقوة بعد

نواف مسكه للمرة العشر طعش و معط اذنه بقوة : مين مسود تاريخي عندك هاه !!

رامي يبعد يد نواف : بسم الله حشى حديدة ميب يد ... المهم اتركنا لا تاريخ ولا جغرافيا ابوي يبيك تحت

نواف بعناد قرب يدهـ : وش تقول يا ورعـ !! ارفع صوتك

رامي : ياليل .... ترا منيب فاضي لك عندي مشوار مع بلوط

نواف : حنا لو يفكنا الله من بلوط و عليماته كان بألف خير ..ولو نترك جلسات البنات ترى عيب رجال عمرك

كم ماشاءالله و مقابل لي فيس ريم و الهنوف وداليا 24 ساعه خرطي تراهم اكبر نصابات بالشرق الاوسط و

العالم اجمع

رامي بتريقة بالمثل : أي والله لو يفكنا الله من حجرف و عليماته كان بألف خير

نواف التفت له بحماس و ابتسم : وش دخل جد ابو حجرف بالسالفة ...؟

رامي : لان ما عندك صديق غير حجرف الأطخم ذا و نايف بس طبعا ضميري و مشاعري كشخص بار بالصلة

و القرابة ما يسمح لي اقول عن خالي نايف انو صاحب فاسد و الصاحب ساحب ترى ..

نواف و رامي ينزلوون و يسولفون ...

نواف : بالله تقول الصاحب ساحب اجل ..؟

رامي : الله الله << ملح ملح ذالبزر ^_^

الهنوف اللي قابلتهم : ياهلا ياهلا مرحب يا مرحب

نواف بإبتسامة مختلطة بالسخرية : شوفي لو تفحطين بيديك و رجليك مايمديك اوصلك لو بيت بدر اخوي

اللي حذفة عصا

الهنوف : خخخخخ مالت بس تدري منيب راده عليك لسبب واحد فقط عشان ذالطعس رامي مخاويك اكيد دابل

كبدك و عشان توي..

رامي قاطعها : نواف ترى ذا كله لاني جحدتها البارح ولا استقبلت الاوردرز اللي طلبوا من هرفي

نواف بإعجاب يناظر الهنوف اللي معصبه من حركات رامي : يا ماشاءالله اشوا عقلتوا ههههههه خلاص

تركتوا استقبال الطلبات شخصيا

الهنوف بخيبة : أي والله بعد ما غسل سعود شراعي ذاك المرة عقلت ..انا مدري ليش مكبرين السالفة

نواف : ليش يعني الاجنبي موب رجال عادي ما تغطين هالفيس الميمون عنه ( مسك خشمها )

الهنوف بإقناع : شيل يدك هنا << تتنرفز من أي احد يلمسها ^_^ مدري بس الاكيد انو ارحم من شباب البلد

يعني مايهمه انو شاف وحده او لا متعود اصلا من كثر فرفرة هالبيوت ولاهوب فاضي يشغل رادارت القز تبعه

نواف بإسلوب ناصح : اقول زانت علومك بس استغفري وبعدين تراه رحمة له انو ما يشوفك فيسك الميمون

الهنوف : والله عاد موب مشكلتي انك تغار مني صاحباتي بالمدرسة كلهم خاقين علي

رامي : اووما خاقين معليش صدقيني عمتي الفاضلة ماعندهم ذوق ولا نظر ولا مروءة << مدري وش دخل المروءة

الهنوف : ياليل شوفوا مين يحكي ذالورع اللي يذكرني بالنحو اول فصل مراجعة ماسبق دراسته

رامي : ***ر***ر هاهاها ينقالك تخففين دمك انت و ام دجة وينها بنتريق عليها شويات والله يا نواف لو

تشوف دماغها و قسم كنك تشوف شجرة خخخخ

نواف : هههه شر البلية مايضحك من جدكم أي قصة شعر تهبون فيها لو هي خياس

الهنوف بحماس : ياويلي بس ذكرتوني و حسررتي على وخيتي ريموت

نواف يشخص ويناظرها بالمرايه : ليش و ش صاير لها اشوفها قامطة ام ابو العافية ولا عاد تنطنط لا في ذا

او في ذاك

الهنوف : بلاك ماتدري عن اخس ( بدت الاصابع تشتغل بالتفاعل ) و اسوأ و اشين مشغل بالرياض تخيل طلبت

ريم قصة و جت ام تبن ذي انا بعرف اعمله لك هيك ( تقلد حكيها) والله و تجيب المقص و تحش شعر ريم تخيل

صار من جد شجرة على قولة ذالبزر

نواف يناظرها بحيرة ساخرة : هههه لا لا ماعليش لا تقولين انك مسكتِ لسانك انت وهي ولا غسلتوا شراع

الضعيفة

الهنوف : والله اني قمطت العافية لاني مديرتنا عجوز قريح ذي متكية بالمشغل تسوي نمص ياعساها اللي

منيب قايلة يعني ماتدري انو حرام مير ربي فوقها ....

رامي : قولي له وش سويتي هههههههه

الهنوف : للمرة العشر طعش اقولك كلت يورسيلف و لاعاد تقاطع اللي اكبر منك و معلي شاذا حكوا الكبارين

الصغارين يأكلون ابو العافية و يكتفون بالصمت فضلا لا امرا

نواف : ههههههههه وربي انك رهيبة هنيف بالله وش سويتِ لها معطتِ شعرها او كسرتِ عظامها

الهنوف : والله هي( اللي قصت الشعر ) اكلت هواء و تورطت وجتني الإداره الفاشلة اللي راس مالها بنتين لا

شكل ولا اسلوب و دقيت لهم رووسهم عند الحاضرين كلهم .. والله و تنط لي المديرة وتسحبني و تعطيني

تضبيط الحواجب مجانا وارقى مستوى عاد ذالمشغل احسن ماعندهم شغل الحواجب .. وتعطيني قصة .. و

تخمني ام العبيد و ارفض كل عروضهم انا و ريم و داليا

نواف : مستحيل هنيف ترفض شيء مجانا ههههه شيء ماينصدق لو احد قايل لي ماصدقت

الهنوف : اسكت يا شيخ و الله ان هه هه نفسي تقوطر على العرض شوي و اوافق بس قهروني رفعوا ضغطي

خربوا شعر اوخيتي

نواف : تستاهلون انتم اللي طالبين قص

الهنوف : أي طلبنا قص ما طلبنا غرس شجرة ههههههههه بس لا تخاف لعنت ابو خيرهم و نزلت سمعتهم

في قناة بداية انا و ريم و داليا ....

نواف ابتسم : ههههههه فضاواة من جد ( التفت لرامي اللي يقرأ مجلة باسم وعلى فكرة ذالمجلة هوشات و

مذابح صار عليها من ريم و الهنوف و رامي ههه) اقول ابوك وينه بس ..فاضي ل كانت و هنيف ماعندي

غيركم ..!!

الهنوف بحماس : صح نواف تعال بسألك متى مقابلة سلمان وبأي قناة عشان بمسج لصحباتي كلهم يشوفونه

نواف : كش عليك بس مشكلة وجيه الفقر انتِ وصحباتك ..وش دخل اهلهم بالسالفه يشوفون ولدنا

رامي : ايوه اشتغلت الغيره اجلـ خخخخ معليش ياعمي لا وتلاقي حجرف مرافقه بعد وانت خايس هنا ...

نواف ناظره بنظرة : اقول اسكت لا اكب عشاك هــــاه بــس !!

الهنوف بفضول : وشو وشو

نواف : اقلبي وجهك انتِ الثانية

الهنوف : اقلب وجهي ليش كتاب هو صفحة ؟؟<< تستغبي

نواف : لا خشة لامحها انا قبل بس وين وين ايه تذكرت في دعاية بف باف

الهنوف : ااااااااااااااااااااي لا

طنشها نواف و دخل عند خالد

نواف : السلام عليكم و رحمة الله

خالد ابتسم و نزل نظارته الطبية ( لزوم القراءة) : و عليكم السلام و الرحمة هلا

نواف يبتسم : كيفك

خالد وهو يتأمل ولدهـ محمد اللي كان يلعب عندهـ : بخير و انت ؟؟

نواف مسك حمودي بحضنه : بخير ياعساك بخير ...

خالد : ما جاك رامي صح ؟؟

نواف ابتسم : ههههههه إلا جاني بس جلست اسولف انا وهو والله وشوي و تنط أم شرين هنيف و هاتك يا

سوالف

خالد : اسمع اصوات بس توقعته سعود و ولده

نواف : أي سعود سعود ذا يموت لو يفارق زوجته هههههه

خالد ابتسم : الله يسعدهم ...( ناظره ) هاه مستعد لرحلتكـ

نواف بحماس ( تذكرها و تذكر ايطاليا ) : طبعا ياخوي بروح بإذن الله تعالى

خالد : يمكن شياطين اعمامك تهدأ لو تروح هههههههه

نواف : أي والله ياخي واقفين لي هنا ( اشر على بلعومه) تقول عدو لهم مو بولدهم

خالد : يارجال يبون مصلحتك هههههه

نواف : أي والله مصلحتي ببعدي عنهم ههههه

خالد : اجل شد حيلك خلاص رحلتك بعد بكرة إن شاءالله

نواف بفرحة تغمرهـ : على خير ....

>>> نواف و خالد جلسوا يتقهون و يسولفون .....<<

و رامي راح عند البنات ريم و الهنوف 24 ساعه مع البنات ....

رامي مسك الام بي ثري تبع الهنوف و طربان

الهنوف : هييييييييييه انت ورعـ مين سمح لك يا شين اللي يتليقف بس ...هاته ...!! ما تسمع هاته !! احسن

لك مــــــــــدهـ

ريم : خخخخ اوما مده حسيتك خالتي الله يقطع شيطانك بس

رامي توه يسمعهم : اقولك هنيف وش جايز لك بذالاغنية يامال ابو رمح تقلدين حجرف يعني

الهنوف عيونها توسعت زود و ناظرت ريم بدلاخة

رامي لقط الحركة : اهاااااااااااااا قولي لي كذا من زمان و انا افهم

الهنوف : وش اقولك يامال العافية هاته بس و ألتم على تبن

رامي يبتسم : اذا قدرتِ تأخذينه اخذيه هههه بس هين ياهنيف اخيرا مسكت عليك شيء

الهنوف بقهر : رموي بسرعه قبل اتكرن عليك انصحك تنزله و تذلف بسرعه قبل تشتب حريقة من جد ريم

شوفيه منيب بطيق حركات الورعان ذي ترى

ريم : رموي خير << تكلفتِ والله ياحبني لك بس ^_^

رامي : خخخخخخخخ لا ما ناقصني غير أم دجة ذي تحاكيني ريموت ناظري شعرك هههه

ريم بقلة حيلة : كل تبن جايز لي وش دخل اهلك بالسالفه بس الشرهه على اللي متكرم و معطيك فيس

رامي : لا فيس ولا هاند خخخخخخ بس صدق من قال اذا كانت لك حاجة عند الكلب قله يا سيدي << يقول

أمثال بغير وقتها دائما خخخ

الهنوف اخذت الام بي ثري تبعها : الكلب اجل هــاه .. اللي شفع لك اني داريه انك اكبر

داج و اكبر غبي يحفظ

المثل و لا يدري متى وقته طيب تجي تنطل وجهك بلوووح ( تسوي نفسها بزر)

بلوح معتم ( بروح معكم ) << رهيبة اذا تكرنت هنيف ياملحها بسس