منتديات قصايد ليل - عرض مشاركة واحدة

06-11-2011

(2)

صوفيا جالسة في الصاله لابسة جينز رصاصي وتوب احمر متملله وبقوه والسأم يأخذ له خطى واضحة ..

" دخل بندر وحالته الله اللي يعلم فيها شافته مبهذل وحالته حاله ... "

وسلم وجلس عندها وهي يسترجع مواقف اليومـ

صوفيا تناظر فيه : وينك ... ؟

بندر : ماتشوفيني يعني قولي كيفك...اشتقت لك ... وش فيك شكلك تعبان مو على طول وينك ؟

صوفيا بملل : لا والله تخفف دمك شكلك دايم كذى اصلا متعوده عليك بس وينك من الصبح لاطعني ماكني

زوجتك

بندر عصب وارتفع صوته : العب كورة بالملعب اللي ورا البيت ويني يعني ماتدرين ان عندي دوام

صوفيا تناظر ساعتها بلؤم : دوام لذالوقت

بندر تذكر شكل زينة وتضايق مره : اطلعي من راسي ياكثركـ والله يلا جهزي العشاء ابي اتعشى

صوفيا ( قاهرني يوم ورا الثاني يهمشني اكثر ذا وانا تركت طلعاتي مع صحباتي عشانه وش يرضيه بس..

صحيح اخذته بتحدي وعشان اكسر خشمه بس وش فيني اتلخبط بوجودهـ عيونه ذي هي اللي ذبحتني..بس

لازم اخليه يعرف اني منيب ميتة عليه )

صوفيا بعصبية : شغاله عندك انا وبعدين ماسوينا عشاء تبي اطلب لك شغالاتي مو فاضيات مشغولات

" بندر يدور شيء يليق انه يضربها فيه "

بندر : انكتمي احسن لكـ و بسرعه سوي لي أي شيء ميت جوع

صوفيا بدلع : مااعرف أ نا ماعرف اطبخ وتعرف هالشيء

" بندر تكدر تعذب واهو يلاحظ الفرق بين صوفيا وزينة ايام الحب ،،،،،،،"

بندر انسدت نفسه واهو له 3 ايام ما أكل شيء وخسر صوفيا ........

تنهد بندر ....

>><<< الله يعين على هالحياة بس استاهل أنا اللي ضيعت وهج الشمس نوارة الحب و الحياة كلها

يارب أنا طالبك تشوفها عيني حليلة لي >>><<<

صوفيا تضجرت من شروده واللي طين عيشتها إنه غلط باسمها وقال لها زينة بوضع رومانتيك مره

يعني المفروض تكون لذالأجواء جوها و قداستها بس هو غلط وطلع اللي بقلبه ما ينلام والله بحب زينة .......

وراحت تركته حتى عشاء ماتكرمت وسوت له لو خبز وجبنه << - - ينرحم خخ ^_^

عجز يتحمل بندر يحس بكتمة فظيعة

وطلع من البيت ....

(())) و تعــود إلي الذكريات أرتكز برأسي على نافذة حزني ..

ينهمـر مطر الندم في الخارج ...

ليس بيدي أن أعيد اشياء كثيرة ...

أنني انتظر من ينتشلني مما انا فيه ..!!

رأيت وجهي على زجاج نافذة حزني و لمحت بريق الحزن في عيني

كأن كل شيء قد تغير ...

حتى أرض الواقع إبتلعت ماءها و جفت ثانية ...!!

و إذا بدموعي قد جفت ايضاً ...

و اقلعت عيناي عن البكاء ..... وكل شيء تحول إلى جفاف

و كأن الدنيا لم تمطر ....!!

و كأن النفس لم تندمـ ((()))((

طبعا رحلة بندر مع العذاب رحلة قديمة عمرها سنين من اول ماتفرق اهو و زينة

عاد كيف واهو شايف وضع زينة المؤسف بجد حالته سيئة للغاية ..

مايدري وين يروح

متر الشوارع كلها !!

اخيرا

وصل بيت امه ( امه رجعت من السفر لها شهر تقريبا ) راح لامه وبوس راسها وجلس معها نص ساعه...

بعدين طلع بيته القديم يبي ينام فيه ... محتاج للراحة بمعناها اللي انطبع بذالبيت !!

اميرة وهي تنوم عزوز : بندر لو يعرف ابوي طين عيشتك

بندر بضيق : خلاص ابوي وش يبي زواج وخذيت بنت اخوه ذي خلاص تعبت يااميرة والله بموت ناقص

عمري شكلي

مسك بندر ولد اميرة الصغير ويلعبه يعضعضه

اميرة : بسم الله عليك ياخوي ربي يعطيك طولة العمر بالعمل الصالح بس والله عيب تترك زوجتك لوحدها

وتجي

بندر : وش دعوه عاد تدري عني او ادري عنها

اميرة بدهشة : ماعليش بس ضروري عشان عمي مايزعل بعد

بندر( خربت معه) : يزعل ولا يرضى خلاص انا تعبت نفسيتي زفت شكلي بستخف

بندر ( يصرف السالفه عشان ماتلاحظ اميره ضيقته ) واهو ينزل شماغه : وش اخبار نسرين عساها مرتاحه

اميرة : ايه مره مبسووطه تقول انها سعيده حيل

بندر : دووم يارب

اميرة : الله لايخسرها ويسعدها

بندر : اقوووول منووو بالله عليك ابي اكل ميت جووووع

اميره : هههههههههههههههه وراها مجوعتك صوفيا

بندر : طبخها الحمدلله والشكر اكل البيت ماله عندي هناك

اميره : ماتنلام متعود على طبخي انا و ( وسكتت ) كانت بتقول زينة

طبعا ما فاتت على بندر اللي تذكرها في كل حالاتها .....

شويات و اميرة تجيب الاكل لبندر اللي اكل و بعد ربع ساعه اتجه لبيته القديم

-

-

((())) و تسافر بي الذكريات نحو وجهكـ ... فأبكي على ايامي معك ...

اتذكر حديثنا ....!!

نقاشنا ... عتابنا .... وضحكاتنا المجنونـــة ...!!

و حتى دموعنا الصافية النقية ..!! ))(()

بندر ابتسم و دخل بيته اهو وزينة ... ناظر الصاله يامــــا و يامــــــــا سهرنا سوا هنا

بس أناظر في مكانك و أذ*** و أذكر حنانك
تنزف أشواقي عشانك .. و آه يالمكان

ألتفت حولي و أشوفك و أرمي كفوفي لكفوفك
ألمحك مقبل و أفز ! و ما ألاقي إلا طيوفك
و أسمع بكا الجدران .. و آه يالمكان

حتى الزوايا حبتك تشتاق مثلي لجيـّتك
نبكيك و جروح الغياب بعثرتها و هي حنتك
ضعنا ! و ضيعنا الأمان .. و آه يالمكان

يا زمن إرجع ورا كل ما وقتي سرى
لين ترجع جيـّته و أنسى كل اللي جرى
و نلتقي بنفس المكان .. و آه يالمكان

الله يا حلو الماضي يعطر جـــــــوي بذكريات الغالية ...

يا قصـــــــة عشـــــــــــق انتِ يازيــــــنة ما إنكتــــب لها الفرح ... آخ لو دريت بس انكـ في يوم راح تكونين

بعيدة عني وبحاله نفسية سيئة كان والله ماتركتك لو وطيِتِ على خشمي ...

انا رخمــــــه لاني تخليت عن وعودي معك انا غبي لان كرامتي اعمت عيوني ...

وش الكرامة ماتنفع بشيء اذا القلب مات ......!!!

جلس يسترجع ذكرياتــــــــهم وخــــــــــــــــــباله م وضحـــــــــــــــــكهم ....

دخل غرفة النوم

شافها مغبرة وواضح انو ماعاد احد يدخلها

تبادر لذهنه مقطع من اغنية لمحمد عبده ..

" يقطعـــــكـ دنيــــــــا مالهــــا أول و تـــــــــــــالي ...."

وهي الدنيا مستحيل تصفى لأحد ....

وطلعت من قلبه آهه من قلبه ترثي حال هالدار ...

وبكل خطوة والثانية تنزل دمعه من عيونه تخفف بركان القهر اللي بين ضلوعه على حـــــــــــــــــــــال زينة

مشي في الغرفة بخطوات متثاقلة حزينة

وفتح الدولاب فاضي مافي شي إلا رفات غبار

ناظر في دولاب زينة فتحه وناظر مافيه شي.....!

قفل الدولاب بحسرة...... وهو يتذكرها يــــــــــاما ويـــــــــاما وقفت هنا

ومسكت هالدالوب .. يتحسس لمساتها بإحساس الحرمان

بس فجاءه لمح شيء...!

أيه لمح ظرف في مجموعة اوراق ....!!

اخذ الظرف ومسح الغبار اللي عليه بدا يكح

بندر : كح كح

وفتح الظرف ..

الفيشال اكسبريشن طبعا لا تعليق ...بس اكيد الحيرة لها نصيب الأسد

شاف مجموعة اوراق كثيرة

سحبها بخفة

لا أوراق موثقة من مستشفى " ذا قود هيلث " في ايطااليا وشذالاوراق...؟

مسك الورقة الاولى قرا فيها

انبهــــــــــــــــــــ ـــــر عيونه ماتتحمل الصـــــــــــــــــــــ ـــــــدمه ابد مستحيل,,,,

ناظر الورقة الثانية ..

وشاف نفس المعلومات في الورقة الاولى بس من عياده" سيرش اباوت شايلد "

ناظر ورقة ثالثه فيها نتائج فحوصات مؤكدة ..

واسماء الاطباء موقعين .....

ناظر التاريخ................

وااااااو قبل 4 سنوات !!

بندر يفكر بينه وبين نفسه بـ :

((...زينة معقولة تسوين كذا ولا تعلميني ليش بس...؟ حرام عليك عذبتِ قلبي ليش خليتني اظلمك واتعبك معي

بموضوع الحمل والعيال ليش ماصارحتيني انك ماتقدرين وانو ضرر عليك ؟

ليش تظاهرت بانك بارادتك تأكلين موانع كان صارحتيني كان ماصار ذا حالي انا وياك...))

صدمته كبيره يوم قرا إن زينة معها قصور والحمل يأثر على عقليتها وان هالمرض وراثي ميه في الميه ...

من وين طلع لها بس ..كل العائلة مافيهم هالمرض .....؟

بكى بحسره

و بللت دموعه الورق اللي بين يديه

جلس ساعه كاملة يتذكر كل شيء قسوته عليهااا

وضربه لهااا

مع انها تعبانه مريضة ماتقدر على هالشيء ...

بس كنت اعتقد انهااا ماتبي ضنى مني ....

بندر فكر كثيروقال : انا ممكن اكمل حياتي ويمكن الله يرزقني ويجيني ضنى بس زينة مسكينة لا ضنى وحتى

عقلهااا شكلي طيرته لها بجنوني وعنجهيتي اخ بس حتى الناس بعد ماعرفوا انهاا كانت في صحة نفسية

اخذوا عنها فكرة انا دمرت حياتها

لازم اقويها وارجعها لعمي زي مااخذتها منه كسرتها بقوووه انااا بس اهي ماساعدتني

<<<<>>> ما فوق جرحي جرح
وجروحي تاويني وصبري فقدته بجرح
الموت له حروة خوفي يمسيني >>><<<

استلقى على الأريكة التي قد اكتست بالغبار رمى جسمه بإهمال فظيع وسط حزنه و خيبته

عاودهـ ذاك الصداع المزمن ....

بقوه هذه المرة

ضعط بيدينه على راسه بقوه فظيعة

الألم مزمن جداً .......

الرؤية بدأت تتلاشى تدريجياً

ضعط بيده على جيبه بيشوف الحبوب ..بس للأسف ميب فيه

ناظر التسريحة المكتظة برفات الغبار ...

يبحث بسرعة عن أي مسكن ... او مضاد ..

بحركة عصبية ألقى بكل ما كان موجود و أحاله لكسرات في الأرض ...

مازال يستغفر و يكثر من الإستغفار ....

شيئاً فشئياً ...

حتى تلاشى ذاك الصداع المزمن بتدرج بطئ خفيف ....

ألقى بكامل جسمه على ذاك السرير البالي بوضع متهالك ومرهق ...

( أخر علاجي الكي و أنتِ الكوايـــا ..... للحب عبرة و أنتِ قربك عباير ...

لو هو على زينك بنلقى صبايا ....المشكلة في الحب تعمى البصاير ....)
.
.

الســـــــاعة 3

>>><<< يا حب يا ذكرى واسم
ماادري انا ابكي عليك من العذاب او ابتسم
صدقني في يأسي مشتاق ابي امسي
لا لا يادفى شمسي ابيك <<<>>>

طلع بندر من بيته القديم يجر حزنه العارمـ و ندمه الكبير واثر الصداع مبين بملامحه

وشافه نايف

نايف : ههههههه وش جايبك تبكي على الاطلال اكيد من ناظر خشتك بس

بندر اللي مبين انو متضايق ومو رايق : ياملحك تخفف دمك ينقالك

نايف : اقول اسمع بس ذا بيصير لي البيت ضف عفشك ولااشوفك تفرد عضلاتك هنا

بندر : ارتاح بس عرس مافيه يعني مافيه دام الحكومة لسى مابعد قررت

نايف : وش عليك متزوج و مرتاح ..؟

بندر : أي راحه واي قرف لو على كيفي ضليت عزوبي طول حياتي

نايف قرب له بخبث وقال : لو كانت زينة معك

بندر ضرب نايف بكوعه وقال : انا قايل لك انك تخفف دمك وانا مالي خلقك

نايف يمسح ضربة بندر : اح اح لا تضرب يااخي اشك اني امي كانت تطحن حديد وتحطه مع حليبك

بعدين وين بتروح الساعه 3 اخمد وبكرة تروح خلاص خاربة خاربه ابوي اكيد بيدري

بندر : من هالناحيه اهي خربت من زمان
-
-
-

طلع بندر وراح بيته هو و صوفيا ...

فتح باب البيت ماشاف احد في الصالة ...

طلع غرفة النوم ولبس بجامته ويبي يحط راسه وينام

بس مايعرف ليش كان في شيء في راسه يدور قلق مره

شاف نور سيارة سطع مع الشباك استغرب ذالوقت مين يجي للبيت ،

، قام طل مشباك ماشاف احد

ورجع نام او بالأحرى يتصنع النومـ .....

صوفيا كانت تدخل على طرف اصابعهااا خايفة انو بندر يشوفهااا وارتاحت لانه نايم ..

( يتظاهر بالنوم )

دخلت الغرفة وفتحت الباب واخذت بجامتها وطلعت << -- بطله ماتخاف بلا بشكلها خخ

بندر بصوت اجش : من وين جايه

صوفيا : بسم الله الرحمن الرحيم من وين يعني من عند امي

بندر : من جابك

صوفيا : هاااااااه السايق

بندر : متأكده

صوفيا : وش قصدك هاااااااه تشك فيني

بندر : لا اشك ولا شيء سؤال وبس لان السيارة نورها مو نور صالون دواد السايق حق امك

صوفيا : ماخذ سيارة سلمان اخوي

بندر : اها متى جا سلمان من جده

صوفيا بإمتعاض : وانا وش دراني...

بندر ماحب يظلمها

" وتعوذ من ابليس وعداها قال يمكن تكون زعلت من النقاش اللي بيني وبينها المغرب وزعلت راحت لامها

وارتاح ونام وقال ياليتك ضليت عند امك ولا جيت ليتك تزعلين وتفارقين عني طول عمرك "

"

"