منتديات قصايد ليل - عرض مشاركة واحدة

06-11-2011

طبعا الجميع يتسآل عن حالة نسرـرـرـرين ....

نسرين زادت حدتها الانفعالية بعد ماطلقها خالد وبعدما اكتشفت ان ضي بعدها عايشه

حاولت بشتى الطرق تدمير حياة خالد اللي حبها من قلبه واخلص لهااا ،،

بس كل طرقها باءت بالفشل لان الله سبحانه يحمي خالد وضي من نسرين وخططها الجهنمية ....

نسرين صار لها فتره يعني شهر شهر وونص جالسه لوحدهااا في غرفتهااا ماتطلع حتى امها ما تسلم عليها

ولا شيء .... ورافضه رفضا قاطعا انها تروح طبيب نفسي .. تقول انها مش مجنونه وذي نظرة قاصرة لذو العقول الصغيرة جدا ...

حالة نسرين ازدادت حده وعصيانها وتمردها زاد ....

إلا ان خطبهاا واحد من اصحاب ابوهااا

نسرين بدون مقدمات حتى مابعد عرفت اسمه وحالته وافقت

( على بالها قهر خالد او تبي تنتقم من اهلهاا ومن نفسها بهالموافقه )

بنـــــــــدر بشمــــــــوخه واقف أمام نسرين ......

طبعا الجميع يتسآل عن حالة نسرـرـرـرين ....

)()(( لا استطيع المقاومة .. بل لا استطيع التفكير في سؤال حزين ..؟
كانت لي بسمة فأصبحت دمعـة ))(()

نسرين زادت حدتها الانفعالية بعد ما طلقها خالد وبعدما اكتشفت ان ضي بعدها عايشه

حاولت بشتى الطرق تدمير حياة خالد اللي حبها من قلبه واخلص لهااا ،،

بس كل طرقها باءت بالفشل لان الله سبحانه يحمي خالد وضي من نسرين وخططها الجهنمية ....

نسرين صار لها فتره يعني شهر شهر وونص جالسه لوحدهااا في غرفتهااا ماتطلع حتى امها ما تسلم عليها

ولا شيء .... ورافضه رفضا قاطعا انها تروح طبيب نفسي .. تقول انها مش مجنونه وذي نظرة قاصرة لذو العقول الصغيرة جدا ...

حالة نسرين ازدادت حده وعصيانها وتمردها زاد ....

إلا ان خطبهاا واحد من اصحاب ابوهااا

نسرين بدون مقدمات حتى مابعد عرفت اسمه وحالته وافقت

( على بالها قهر خالد او تبي تنتقم من اهلهاا ومن نفسها بهالموافقه )

بندر بعصبية ضرب الطاولة : أنتِ ماراح تتزوجينه لو ايش ..؟

نسرين بعصبية اكثر : والله طول ما ابوي عايش محد له كلام علي

بندر عصب : على اساس ان الوالد يدري عنكـ يعني ..لو يعرف خيبتك ما كان جاب لك ذالهميل

نسرين : هميل داشر سكير محد له كلام علي أنا كبيرة و فاهمه منيب حاجة احد يحطني بالصورة فهمت !

نايف خش بالموضوع : يعني بعد كل الحكي اللي قاله لك بندر ما زلتِ مصره انتِ عقلك من ايش ابي افهم !

نسرين تبتسم : بندر لإن ابوي زوجه بالغصب يبي يخالفه باي طريقة ..؟

بندر عطاها نظرة : أنا ماراح ارد عليك لإنك مهما قلتِ اختي الكبيرهـ بس عاد اقل شيء احترمي نفسك و

هيـــــئـــي للوالدة الجو اللي لابد يتوفر لها فاهمه

نسرين بقوة عين : امي وعلى عيني وراسي منب حاجة احد يوصيني عليها

بندر تنهد : اعوذ بالله من الشيطان الرجيم ..

نايف : مره يحول متقطعة على حال أمي يعني ...لو انك تدارين امي كان ما وافقتِ تنخطبين وهي خلاص ماعاد

باقي إلا يومين و ترجع الديرة المفروض تدارينها مين بيكون عندها لا تقولين داليا داليا بزر توها ...

نسرين بإقناع : وأنتم وش حاجتكم تكملة عدد بس ... يالله عليكم يعني أمي راح تحس فينا او تعرف امي تعبانة

الله يشفيها ...

بندر بنظرة ثاقبة : اخذيها مني زواج مافيه لو تفزعين الـ...( قبيلتهم ) كلهم ..

نسرين : بتزوجه يعني بتزوجه

نايف بعصبية : اهب يا وجهك قدمي مشئية الله قبل

نسرين : بإذن الله تعالى

بندر : والله بالطقاق اللي يطقك انا شرحت لك وحطيتك بالصورة و بينت لك ماضيه الأسود

نسرين : أنا منب بحب الناس اللي تناظر الدنيا بمنظار أسود وإنت ذي حالتك الله لا يبلانا مكتوب على جبهتكـ

ابن أمه يحكي معي ...!!

بندر دق جـــواله ناظر الرقم " سلطان " بندر : أنا علمتك و أنتِ و عقلكـ !

طلع بندر و هو لا يزال يحكي مع سلطان عن تفاصيل القضية ..

داليا توها تنزل تتسحب

نايف : هههههههه صح النومـ

داليا تبتسم و تشر بيدها : وش يقولون إذا احد قال صح النوم هههه مدري والله ...( ناظرته) هاه تتقهوى

معي !

نايف اتجه صوب داليا : كنز نوم انتِ شفاطة نوم وين تودين النوم

داليا تبتسم : نايف ترى مالي خلقك توني صاحية سحبتها لذالوقت

نايف يشد شعرها بحنية : يا ظالمة وشذالسحبة متى نمتِ ؟

داليا تتذكر : حرام عليك قطعت شعري ههههه والله يا 10 او 10 ونص بذالمحاري

نايف : وش مسهرك يالمخيسة وانا متكي إلى الساعة 7 كاني جني بلحالي هنا

داليا : والله جلست على النت

نايف : يذا النت اللي لاحس عقول الشباب والصبايا ترى ما اخترعوه إلا لـ

داليا تبتسم قاطعته : وش رايك اجيب لك اللاب تبعي عشان تطمن شياطينك

نايف : هههههه احلفي بس يعني لو اني شاك فيك لو 1% بخليه عندك

داليا تبتسم : يابعد عمري يخوي وربي ذالثقة على راسي من فوق

نايف : ذالعشم يالدبه اتقي الله وش نافخك ؟

داليا كشرت : ذا وأنا مسوية دايت بس ولا يهمك يالله على يدك خذني و قطني بممشى الملك عبدالله

نايف : احلفي بس و ماتبيني اشخص معك

داليا : ههههههه اجل بتشوتني و تروح و تتركني عاد الممشى الله وكيلكـ

نايف : خذي معك وحده من بنات عمك المصرقعات

داليا : ههههههههههه لا هذي إهانه تو ماي قروب ذز از ا قريت مستيك

نايف ( تذكر اللي شافها بالزواج ) : إلا اقولك بزواج بندر مين اللي كانت لابسه اخضر

داليا : ياخي لا تذكرني بذاك العرس أحس انه عشا عادي او استغفر الله عزاء مو فرح و طقطقة

نايف بإهتمامـ : مين طيب اللي لابسه اخضر

داليا تفكر : اخضر اخضر مدري بس ليش ؟؟

نايف : دليل جاوبي عدل لا الفعك بكف

داليا تبتسم : هههههههههه مدري فيه كثير لابسين اخضر بنت مديرتنا اللي جت يمكن

نايف بتقرف : لا تهبى بنت مديرتكم لا تكون سويرة الدبه بسسسس

داليا : هههههههه وش دراك عنها

نايف : الله اكبر ترى ما لبست الغطاء و العباية إنت وهي إلا من 3 سنين

داليا : تتذكر يوم تجينا و تنام هنا تر فض تروح لبيتهم

نايف : ههههههههه اذكر اني توسطت لها عند امها وهي اللي يسلمها جت هنا وقالت ذا محلي خخخخ

داليا : ياحبني لك بس لا تكون حاط عليها العين ايه عشان

قاطعها : لا وحدة تجنن خقاق شكلها ما اقصد ذالبزر الدبه

داليا : اخضر فاتح او غامق طيب ؟

نايف يتلفت يدور شيء اخضر : لا يعني اخضر اخضر كشميري عرفتِ كيف

داليا : احلى يا كشميري هههههههههه منتب سهل والله

نايف : ههههههه افا عليك هاه مين عرفتيها

داليا شهقت : يالخبل أخضر اخضر << لا موف خخ اكيد اخضر خخ

نايف وقف ويمشي وراها : ايه مين ؟

داليا : ههههههههههههه اخضر و فيه حزام دموي شوي و شعرها اسود طويل

نايف : كفك ياشيخه أي ذي مين من المصرقعات لانها حسبتني انتِ

داليا : ههههههههه يالمفهي ذي ريم

نايف ( ريم الله يالدنيا اذكرها شيطانية و دايم هوشات مع عيال عماتي والجيران متى احلوت كذى )

داليا : اعجبتك ذالعصلى بالله ههههههههه

نايف يعدل شخصيته : ابرك منك يالدبه هههههه والبنت من جد خقاق بس تعالي شفتها مستلمه بنت

وحاشرتها بزاوية ولسانها الله لا يوريكـ من قلب وبأمانه تجادل خخخ وش سالفتها

داليا : خخخخخ لو شفت هنيف وش بتقولـ ..؟

نايف : هنيف عاد عالم خاص من الرجة والعربجة لو يغيرون اسمها من هنوف إلى نواف

داليا : على اساس ان ماعندها اخو اسمه نواف هههههههه من وين تفكر انت ؟

نايف : هههههههههه طيب عديها يا بطة وانصحك لا تكثرين بلع ( وسحب صحن الحلا اللي تأكل منه و اخذه
معه وطلع ) يالله بالاذن استعدي الماما بكرة بإذن الله هون

داليا : هههههه احلف بس ينقالك بتنسيني هات الصحن بسس إلا تعال بسألك عن نسرين وش صار على

خطبتها ...؟ ياخي ابوي ذا اشك انه طبيعي احيانا

نايف ناظرها و عصب : اقول احترمي نفسك و كلي تبن وحتى صحنك خذيه ماعاد لي فيه

داليا : ايووه ياقاامد .....ترى مافيه تضبيط مع ريمووت انصحك من الحين

نايف ناظرها و ابتسم غمز لها : يهديك الله ..

بندر صدم نايف اللي كان لاف بوجهه ويحكي مع داليا وهو واقف عند الباب ..

بندر ابتسم : وين وين ..( ناظر ساعته) ماعندنا دشير يالله ارجع !

نايف : ياخي وش فيك انت ههههه يعني إذا راح ابوي و تركي تطلع لي انت بس على فكرة شكلك غلط و...

قاطعه بندر : الثور مين اللي قالكـ إني مهتم فيك

نايف : وهـ بس وهـ مين يعني اكيد قلبي ( اشر على قلبه )

بندر : زين عندك قلب ههههه

نايف : وابشرك شكله هه هه والله اعلم بدأ يردح سامري

بندر ناظرهـ و ابتسم : مين اللي داعية امها عليها ذي

نايف بحماس : إلا داعية لها وتحصل مثلي هي وين بسس ...

بندر : ذكرتني بمحمد الله يذكره بالخير

نايف : لا عاد ابو حميد حالة خاصة منتهي مولي مع زوجته بمخباتها احس

بندر ابتسم بألمـ : الله يوفقهم إذا متفاهمين وش دخلنا فيهم

نايف : احلى 10 على 10 اتخيلك الدكتور طارق الحبيب او الدكتور ميسرة

بندر : ههههههه يالله بس اذلف شوي بروح نسرين احاول اقنعها

نايف : خرطي الحكي مع نسرين الله يهديها وإذا فيه خير ربي يرزقها فيه ...

بندر : آمين ...

دخل بنــدر و جلس مع داليا شوي ...

داليا : يا حي الله يا حي الله بندر وين الناس يا رجال من يوم ما اعرست وانت ساحب سيفون علينا وش دعوة

بندر يبتسم : تعرفين الواحد لازم يصبر عن وجيه القرف شوي

داليا شهقت : الحين حنا صرنا قرف و ذي صوفيا صارت الشيخة

بندر مسك خدوها : متى بتصيرين مؤدبة متى ..؟ ولا صوفيا ولا مليون وحدهـ يغيرون مقداركم عندي يالدبه

ماشاءالله سامنه ! وشذالخدود بس

داليا كشرت : ياربي خلاص منب آكله شيء ابد ذا كله من الاكتئاب وانا احط حرتي بالتشوكلت

بندر يبتسم : إكتئاب حتى انتِ تعرفين إكتئاب ...؟ وش اللي مخليك متكرنه و تافلة العافية ...

داليا بدلع : كل شيء يكفي اقل شيء ان ماما مسافرة من 4 شهور وربي تعبت ( بكت )

بندر ضمها بحنية وهو يتذكر امه : خلاص حبيبتي اصبري بكرة بإذن الله بتجي امي بس عاد لا تشوفكـ كذا

متكرنة ثم تطَين عيشتنا زود عن ما هي متطينة

داليا و الدمع بعينها : بندر

بندر : عيونه امري كم من دليل عندي انا

بندر يمسح دموعها بطرف شماغه ...<< رحوم لخواته بشكل لا يضاهى

داليا : مبسوط انت و مرتاح ...؟

بندر لمح بنظرة اخته تساؤل الأخت تجاه اخوها : الحمدلله ليش هههههه

داليا : بس شكلك يقول غير

بندر ابتسم بألمـ : شكلي وش فيه يا محلاتي والله و انا مشخص بالشماغ جديد توه ترى

داليا ابتسمت : الله يسعدك و يرزقكـ يارب ..

بندر ابتسم : وين ام رامي ..؟

داليا : بغرفتها فوق اقنعها بليز باللي فيه خير ...

بنــدر يسحب خطاهـ لحد ما وصل الوالـــــــد اللي امر بنداء نسرين و بندر كان جالس .

بندر : خبلة انت تاخذين واحد معروف انه يتزوج ويطلق وفوق ذا كله معه حرمتين

نسرين : كيفي انا من يومي محد يتدخل في حياتي وانت بالذات اطلع منها

ابو تركي : بندر ايش فيك على اختك حياتها واهي تفكر فيها

بندر : يبه والله الرجال مخابر وانا اعرفه رخمه سبيكة خبل

نسرين : يبه انا موافقه أي وقت لو الحين

ابو تركي : لا فكري واخذي وقتك وبعد اسبوع قرري

نسرين : رايي ما راح يتغير لو ايش... موافقة موافقه عناد لبندر بوافق بس

نايف : انت ماضيعك إلا عنادك شوفي لوين وصلك

نسرين تضحك : اقول وصلني لوين وصلني لاني باخذ واحد مليونير شاريني بجد

نايف بحسرة : ههههههههه أي مايخالف خبر اليوم بفلوس بكره ببلاش

نسرين : ادري ماتبون لي الخير بس غصب عنكم بتزوجه وراح اكون سعيده معه بعد

ابوها : قدمي راي الله طيب قولي ان شاءالله قبل أي كلمة تقولينها

نسرين : ان شاءالله

بندر : يبه الله يخليك ياابوي والله اسال اخوي تركي شف وش يقول عنه معروف سيرته مو كويسه ابد

ابو تركي : لا خبرك قديم الرجال تعدل وانتظم وصار اسمه يهز السوق

بندر : لا ابوه ولا ابو الفلوس يبه ماعلينا قاصر ولله الحمد وش تجيب الفلوس بدون راحة البالـ

نايف يضحك ويناظر اخته : أي تدرين ان هبه زوجة عمي محمد الله يرحمه كانت متزوجته

نسرين بغرور : ذي هبه وانا نسرين وبعدين هبه مافي رجل أعمال ما شخصت معه و تزوجته

نايف : نفس الطينه ههههه

نسرين : انت بالذات قليل ادب بس هين والله تندم ان شاءالله

بندر خايف على اخوووه : نايف اتركها اذا طاح مابراسها تجي تدورنا

نسرين : مالت عليكم والله لو مايبقى غيركم انت ونايف مستحيل يمكن تركي يمكن بعد يمكن ذا اذا احتجت احد

منكم بس وعد مني اذا تزوجت مانتم شايفني رقعة وجهي خير شر

بندر : لحول ولا قوة إلا بالله

نايف : وامي طيب ...؟

نسرين : وش دعوة تدري عن الناس عاد اهي نفسها مو حاسه فيه

بندر : انا مر علي ناس قاسين بس زيك ماشفت اقلها اصبري لين تجي عشان تقولين هالحكي

نسرين تضحك : ههههههه عشان تعرف انت واخوك ذالنتفه ان نسرين ماتنكسر ابد ..

نايف يضحك : وااااااااااضح والدليل قرارك الانتحاري ذا،،

نسرين خسرته وطلعت غرفتهااا مبسوطه ........

>>>><<<<<:: الأمس بكل ما يحمله ذهب و ولى أدراج الرياح.....

و الغد الآتي بكل ما سيحمله يبقى من خلف الأماني بصيص أمل في إنتظـار غدٍ مشرق

بإذن الله تعالى >>><<<<؛؛