06-11-2011
|
#52
|
الساعة 10 و ربع
نواف : نايف بندر بندر وصل اشوى
نايف : يارب لك الحمد والشكر الحمدلله يارب
اتجه نايف و فتح الباب : وينك يا رجال لطعتنا ساعة على اعصابنا !
نواف يناظره بإرتياب : وش فيك تأخرت عسى ماشر دورنا عليك بكل مكان ولا لقيناكـ وينكـ ؟
رفع بندر نظره لنواف وانرسمت صورة زينة بباله مايدري ليش ...؟نقول إحساس مشترك او إحساس العاشق المجنون ادرك هالشيء ربما !!
بندر : ولا شيء بس اضطريت اتاخر شوي
دخل بندر و طبعا بدأ يسلم و يتلقى التهاني و اللي يناظره حشى يتلقى تعازي الله يحمينا وإياكم ولا يفجعنا يارب
ابو تركي : سعوود
سعود ( صاير مطراش لكم اليوم ) : سم عمي
ابو تركي : اذلف لبندر قله يفك هالعقدة اللي بين عيونه لا اروح له انا و افكك عظامه
سعود تنهد ( حتى معالم الوجه بتتحكمون فيها وشذالمهزلة والإستبداد ) : ابشر عمي
طبعا سعود راح جنب بندر و سحب على عمه لإن يشوف بعينه حال بندر ماله داعي يطين اخلاقه ...
الساعة 12
ابو تركي : هاهي اخوي ماودك نزف الولد !
ابو محمد : تونا خير
ابو تركي : لا احسن خير البر عاجله ( خايف من ان بندر ينحاش للحين خخ)
ابو محمد : على بركة الله شورك وهداية الله
حجرف : احم احم
بندر ناظر : ترى منيب بحب حركات إثبات الوجود ذي
حجرف : هههه اعصابك طيب يا كوتش المهم يالله رز الفيس و القامة بتنزف
بندر مستغرب : بدري الساعة توها 12
نواف : والله توقعت عمي يسويها وقلت لسعود بعد ههههه
بندر تنهد : ياليل التبن والله
سلطان : هاه بندر هههه تذكر يوم تواعدنا تدخلني بزفتك وادخلك بزفتي بس حسافة زفتك الأولى فاتت الحين قد التحدي !
بندر منكتم مره بس ماحب يبين : الله يجزاك خير حياك اتشرف
_
-
اعلنت أوتــــــار الزفـــة على أنغام رابح صقــــر
وطــراز الكوشة روماني قديم ولكن طابعه اثري جداً ويوحي بمقدار الفخامة و الأصالة من التصميم ..
صوفيا طلعت ملكة الفرح ... امبراطورة الرومان في تلكـ الكـــوشة ....
بدأت الزفة و كما هي العادة بدأت صوفيا تجر خطاها بخيلاء بجمالها و زفتها المميزة جدا كيف لا وهي من تصميم صديقتها المقربة المقيمة في جـــــدة ...
داليا تغلي قهر ( الله يناظر صوفيا يقول عندها زوج مشتاق لها ينتظرها مالت عليك انتِ وذالخشه لا وشاقه الكشرة ماحلى ولا طرى ) قامت من باب الذوق و سلمت عليها وباركت لها
اميرة بحكم حملها ضلت بعيدة عن مظاهر الإنس والسعد +_+ و اكتفت بالنظر من بعيد فقط ...
نسرين تصدرت الحفل وكان قمة البريستيج والجميع اثنى على إطلالتها المميزة ...
ريم جالسة عند ود : بصراحة اسمحي لي ود اختك ضربت مشاعر داليا واميرة بعرض الجدار الحين امهم تعبانه تقوم تسوي كل ذالزحمة ليش ..؟
ود : الحمدلله بس اسكتي مادريت شوي وإلا تأكل هوى بندر ما وصل إلا 10 ونص او 
ريم : ما ينلام والله ينرحم
ود : وين ضي و ابتهال وتغريد والصبايا
ريم : نزلت عليهم الحمى الطائية و الفزعة النجدية وقالوا إلا و نصير معها بالزفة
ود : احسن عشان الناس ما يحسون بشيء
ريم : تتوقعين وش ردة فعل زينة ...؟؟؟
ود : مدري بس اكيد تلاقينها سافرت عند عمي انا لو بمكانها مستحيل اجلس بنفس المكان
ريم : دخلوا ناظري العيال كلهم وعماني بالواجهة هههههه
ود : لازم يتركون بصمتهم ههههه يالبى قلب سعود بس وينه
ريم : وااااااااي ود اخوانك رزة مين اللي على الطرف!! اللي قبالنا
ود : الشاعر سلمان
ريم : اخسس يانا منيب سهله ولد عمي الشاعر المشهور سلمان بن .. الـ....
ود : أي صح تراه مزعجني يبيني اخطب له تعالي اخطبك له
ريم : احلفي بس لا احلفي وبقوة بعد توني صغيرة انا
ود تهز كتفها : انتِ الخسرانة
وتابعوا يناظرون الزفة طبعـــا العاشق الجريح بندر لا تسع القدرة حروفي على وصف حالته واكتسى بنظرات الشموخ و الثقل وعدم التفاعل مع كل المعطيات المتوافرة ....
قطع اندماج ريم صوت بنات ورا ..
البنت 1 : واو يجنن بالله وش اسمه ذا ..؟
البنت 2 : هذا اخو رجل الأعمال خالد متزوج تو بس يجنن احس انه طيوب وجنتل مان صح
ريم شهقت ( لا ياللي ما تستحن تحشون بأخواني )
البنت 1 : والله ماييجب راسه إلا أنا و تشوفون !
ريم استغربت وش ناوية عليه هالبنت وظلت تتابع بصمت بينما ود تستمع بالزفة !!
يوم قرب سعود ...قامت البنت و كشفت وجهها و شعرها وقفت تناظره بدلع ومياعة
سعود يحس كأن احد دخل سيخ براسه من هالمنظر البشع خخخ
ريم خمتها ام التكرن وقامت وقفت بين سعود و هالبنت و سحبتها ريم بقوة
البنت 1 : خير يالمتخلفة وش تبين اتركيني
ريم : والله مالمتخلف غيرك تعالي بس تعالي برى وانا اوريك شغلك
سحبتها ريم برى : وقفي قدامي اشوف
البنت : احلفي بس ومين تكونين
ريم : اكون ريم بنت محمد بن ....
البنت : اها طيب وش اسوي لك على هيك نسب !
ريم : وش تسوين لي انا ماانفعكـ بس سعود وخالد ينفعونك هاه
البنت : يؤ يؤ سعود وخالد اخوانك
ريم بمسخره : لا عيال الجيران المهم ماأحب اخذ واعطي مع بنات مثلك
البنت بدلع ضحكت : أنا اللي متقطعة على سوالفك تصدقين
ريم بتهديد : اقول اسمعي علم ياصلك ويتعداك قسما بالله لو ما تركدين وتتركين حركاتك اللي سويتها تو مو بأحسن لك اخواني اصلا اكبر من انهم يناظرونك يالخالة واستحي على وجهك تغازلين متزوجين
البنت : اعصابك مسوية فيها شريفة انتِ ووجهك
ريم صرخت عليها وبدأ بينهم نقاش فظيع ...
نايف كان توه يحضر الزفة و سمع اصوات الهوشة
نايف : احم احم
ريم : نواف ادخل كلهم دخلوا
ريم تمشي على ورا وتتهاوش مع البنت اللي مازالت تهدد ريم إنها بتجيب راس أخوانها << حركات بزران خخ
ريم : اذلفي لا ابوك ولا ابو من هم على شاكلتك
تمشي على وراء وهي خاشه جو ....
البنت تسترسل مع ريم بالحكي ....
ريم : تفووو عليك وعلى من رباك يالخبلة
نايف ( استغربت هالبنت اللي تجنن والأخضر طالع جنان مع اني اكره اللون الأخضر بس حبيته عليها بس لسانها طويل ....!! )
ريم وهي ترجع على وراء صدمت شخص
نايف بلم ساعة انحرج مايدري وش يسوي !!
ريم : أي وجع داليا وينك تو ماتجين وأنا ادق عليك من تو ابيك تفزعين لي ...
نايف : احم احم
ريم التفت قدام ورفعت عيونها وشهقت بقوة : يمممممه مين ن ا ي ف
نايف يضحك عليها : بسم الله عليك سمي لا يدخلك جني
ريم تتخبط تصدم الجدران ( ماشافني إلا وأم التكرن متربعة فوق راسي فشلة )
ريم درعمت أقرب غرفة و قفلت الباب وراها ......وهي ماتزال تسند ظهرها على الباب و دمعتها نزلت ماتمنت تكون بهالموقف بيوم !!!
-
-
تمـــــــــــــت الزفـــــــــة و تـــــــــــــم الفــــرـرـرح
في الأوتيل
بندر يحس الجو خانقه ....كتمه ...ضيقه .... ( صورة زينة بباله )
صوفيا كل كلمات الوصف لا تفي وصف إستعدادها الفاخر والمتكلف بأبهى الحلل والطلعات ...
بندر بنظرة صارمة : بكرة طالعين من هنا على البيت طيب
صوفيا غرقت في بحر عيونه : والسفر ...؟
بندر ناظرها بعدم إكتراث : لا ياقلبه انسى السفر كلش لإن مع بنــــــدر ( ناظرها نظرة مزرية) مافيه سفر أنا مرتبط بقضايا
صوفيا بدلع عضت شفتها : اهم شيء نسافر الحين بعدين بكرة بعد سنة اهم شيء تكون معي ...
بندر تنهد ( ملعون ابو الحال اللي حدني اسمع غزل من غير زينة ) ناظرها بهدوء ,, وطلعوا يتعشوون ..
اولاد ناس ولا نحـب الوصايـا
كلن يرى نفسه يعـادل عشايـر
ماكـل قلـبٍ ينشـرى بالهدايـا
ولا كل كسر تفيد فيـه الجبايـر
-
-
-
() ( تدري أنا ماعاد أظن أن لي معـك قسمه ..
ويا عزتي للي القدر هو نده وخصمه ..
قاوم هبوب العاصفة وهدته نسمة ..نسمة رقيقة ظالمها ما بقلبها رحمة ...))
زيــــنة
سا عات احس ان الزمن قاسي ولا يمكن يلين
ساعات احس ان الفرح محال ولا يمكن يحين
هذا الي شفته بدنيتي كل ما مضالي من سنين
يامن يعلمني الفرح ويفرح القلب الحزين
اشكي مرارة حيرتي الدنيا ما ضني بتزين
واذا بدى بعيني الامل تجد احزاني وتبين
روح زماني وانتهي و تركلي الجرح الدفين
دنيا كفى الله شرها تخلي كل قاسي يلين
دخلت غرفتها اول مارجعت البيت ...
تحس بمشاعر حزن تطعن فؤادها ... تذكرت شكله عيونه مشاعره راحوا للغير !
أه يالقهر ..أه يالحظـ التعيس !!
بكت بحسرة فظيعة وهي تتنتظر ابوها يدخل يضمها !
تنتظر بدر اخوها يدخل يضمها و يهدي من روعها !!
واللي زاد الطين بله
( أمها دخلت وش اللي طلع منها ....)
مضاوي : انتِ جيتِ ...؟
زينة تبكي ولا ترد
مضاوي : تبكين عليه على اللي رماك رمي الكلاب و تزوج اللي احسن منكـ
زينة تبكي ومشاعرها ماتت نهائياً ....
مضاوي : حسافة كان نمتِ عند عمتك هيا يعني تعرف هي كيف تتعامل مع النفسيات امثالك ههههه مالي خلق اجواء كئيبة و حزينة ...
طلعت وسحبت الباب
زينة قامت و بكت بهستريا و تشاهق بصوت عالي ...... ومازالت على هذا الحال ....
مدت يدها لأقرب طاولة فيها حبوب النفسية عشان تنام واكلت 3 حبات عشان تخلد للنوم فهو ملاذها الوحيد ..
حتى إنها في الفترة الأخيرة قد اعتادت على السنن الرواتب و قراءة القرآن ولكن في هذ ا الوقت كلمات أمها اشعلت كل براكين الجروح فنست او تناست و زين لها الشيطان الحزن العتيق ...!!
-
-
العم ابو تركي حط بندر قدام الأمر الواقع و حجز لهم من نهار الغد لقضاء شهر العسل في ماليزيا !!
بندر اعلن رايات التمرد والعصي ولكن ...تذكر انه ابوه و تدارك الأمر و استعان بالله الواحد الأحد
وسافر لقضاء شهر العسل ......لا داعي لذكر تفاصيلهم في شهر العسل اسرد لكم الحالة بإختصار
" مشاعر باردة ...عدم مبالاة وعدم إكتراث من بنـــدر .....مع انه يرحمها كثير اذا شاف انفعالها بالمناظر و المجمعات يتعاطف معها لإنها ليست إلا اسيرة لثنايا حبها له .." هذا اللي فهمه بندر من حركاتها ...
"
"
"
|
|
|
|
|