منتديات قصايد ليل - عرض مشاركة واحدة

06-11-2011

(14)

)()( لم أعد أشعر بشيء ..عدا تلكـ الآهات التي تعلو مع كل نبـــضة من بقــايا نبضــات الحــياة بداخلي )()(

في المستشـــــــــــفى فتحت ضي عيونها.
وشافت محمد شايله خالد بحضه ويبوسه
ضي بصوت متقطع : خالد ...........
خالد نزل حمودي .
ومسك يد ضي : عيون خالد الحمدلله على السلامه ..... طيبة ان شالله الحمدلله الدكتور قالي انك بخير...
ضي تبتسم : وش جبت .....؟
خالد واهو يبتسم : ولد يدنن نسخه مني ...
ضي تضحك : طيب سليم مو معاق ولا شيء.....
خالد : الحمدلله طيب وكل شيء تمام
ضي مسكت يد خالد : وش اللي صار لي ؟
خالد يناظر عيونها بحب كبير : انتِ قولي لي وش صار لك انا من ساعة ماتعبت وانا مو مع العالم فقدت حياتي وبهجتي كلها
ضي بصوت خافت ابتسمت : يابعد عمري والله...
خالد : آخ ياقلبي بس وين ابوك يقولك وش صار لي ؟
ضي : الله لا يحرمني منكم .......
" دخلت ام خالد ومعها تغريد والهنوف وريم وراما ......
سلموا عليها وتحمدوا لها بالسلامه وشالواا حمودي .... "
راما راحت تركض لابوها وضمته وجلست بحضه ،
خالد مسك حمودي و عطاه راما : شفتِ هالنونو اخوك اسمه حمودي
راما ببراءة : اخووي ذا اخوووي .....
ريم بلقافه : أي اخوك اجل .....
راما : ابيه ودي آخذه وناسه
خالد :اخاف يطيح منك صغير هذا ياماما مايعرف شيء
راما : يعرف يقول راما .............
ريم بلقافتها : اقول اهااا بس
ضي: وش فيك عليها صغيره ماتعرف .....!
خالد يناظر راما : لا يمه مايعرف بس ان شالله يكبر ويلعب معك بس لا تضربينه طيب ( ضحك لها)
راما : لااااااا مااحب اضرب احد بس ماما دايم تضربني
( خالد انكسر من كلام بنته لاحظ انها متحطمه نفسيا )
الجميع تأثر بهالموقف خصوصا بعدما عرفوا سالفه نسرين ورا محاولة قتل ضي .......
( خالد محتار كيف بيقول لضي ...)
ضي : وين بتوووو ؟
ريم : عند زينة
تغريد استغربت : غريبه زينة وش عندها بتو، او لانها اخت بدر يعني هههههههه
خالد : هههههه هذا انتم يالبنات اخت زوجكم تتمصلحون معهاا لين تتزوجون وبعدين تسحبون عليها
ضي : الحمدلله انا ماكنت اعرف خواتك إلا بعد الزواج ههههههه
ام خالد: لا ياام محمد انتِ غير والله الله يقومك بالسلامه بس
خالد : افاااا يمه ترى راسها بيكبر علي من تووو لو شفتِ وش تقووووول؟
ريم بلقافتها : وش تقول ؟
خالد: وانت وش حاشرك عيب بعدك بزر ههههههه امور مثل كذا عيب تحكين فيها
ضي طقت يد خالد بشويش لانها انحرجت ...
خالد : يالبى قلبهاا يمه ذبحتني خجوله بالمره
، وقام وبوس راسها ....
ريم والهنوف كاتمات الضحك << ربشات خخ
"تغريد تفكر غريبة بتو تروح لزينة وش عندها ومن متى اصلا زينة تعطي احد وجه من صار لها سنين متغيرة "
الهنوف : تغريد بشري عساك بس حليتِ اللغز ؟
تغريد من غير نفس : أي لغز ...
ريم : اللي لك ساعة تفكرين فيه .........
تغريد بحماس : تبون الصدق لاا هههههه
"
"

إبتهال عند زينة تواسيها بس لاحظت ان صحة زينة مرة تدهورت مره نفسيتها تعبانه حيل ماعندها ثقة بحالها ابد ....
إبتهال تحاول تسوي جو لزينة : تدرين زينة ضي جابت ولد ..؟
زينة بحزن تحرك دمية بيدها : الحمدلله على سلامتها ويتربى بعز والديه ...
إبتهال : الله يجزاك خير طيب تدرين ان نسرين الحيوانه استأجرت ممرضة عشان تقتل ضي والجنين اللي في بطنها ...
زينة بحزن وألم وحسرة ( مو مع إبتهال خير شر ) : اللهم صلي على محمد الله يعافينا من حالها..
إبتهال : امممم امممم طيب تدرين ان ان وش بعد أي تدرين ان ود حامل ..؟
زينة بمراره : على البركة ........
إبتهال انفجرت : خلااااااااااااص تعبت ترى احاكيك وانت زين تكلمتِ كلمة او كلمتين خلاص عاد سولفي معي انا متهاوشة مع سعوود لين شاتني عند بابكم ومتوعد فيني اذا دقيت عليه يجي يأخذني....

(( زينة ابتسمت بسمة مصطنعة)) ...

إبتهال : بسمتك بايخه مره ههههههههه تسكيته واضحه ........ إلا اقولك صدق تدرين تدرين متى زواج اخوك بدر ..؟
زينة ابتسمت وناظرتها : لا .... بس اكيد قريب اهو قال هالشهر
بتو : كيف بتحضرين وانت بهالحال .....
زينة : ماراح احضر .....
بتو : افااااااا كبيرة اخوك الوحيد
زينة بحزن : ماقلت لك امي بتجي ان شالله الاسبوع الجاي وبروح بيتنا ان شالله ...
بتوووو : حلو عشان اجيك كل وقت ههههههههه اللي يسمع يقول اني مااطيح عندك 24 ساعه في بيت جدتك
زينة تبتسم : لعيوني او عيون بدر
بتووو : تبين الصراحه مابي اكون كذابه لعيون بدر اول ثم عيونك ههههههه
زينة ابتسمت وضمتها
بتووو : وش رايك اغديك على حسابي في أي مطعم انت تختارينه ..؟
زينة بإمتعاض : لاااا مالي خلق ......
بتو : وانت ماتعرفين غير هالكلمة كرهتها ترى ارحميني ...
دق جوال بتوووو<---تغريد يتصل بك ..
بتو : شفتِ تغريد دقت تاخرت راح الوقت ولااكلتِ أي شيء ........
. بتو : هلا تغريد سوووق مانيب رايحه تعبانه وزينة قرفتني وش تبين..؟
تغريد :ههههههه من زين ذوقك عاد يوم اخذك معي للسوق من يوم ما خقيتِ على " فيل فري" غسلت يديني من ذوقك المخيس ايه صح وش فيها زينة عسى ماشر ..؟
بتو : تتدلع تعبانه ورافضه تبتلع ....
تغريد بلقافة : حامل ...
تغير وجهها : لااا
زينة سمعت وتضايقت مره .....
تغريد : وش فيها اجل ....
بتو : اللي خبري خبرك ههههههه
تغريد : الله يكوووون في عونها سلميني عليها وقولي لها تكتب وصيتها هههههه
بتو : لا عاد لا تخرشين البنت تحسبين كل العالم زيك
تغريد : تخفيف ذنوب ان شالله ، المهم ترى نواف بالملعونه واختها جاي بيأخذك لا تتأخرين عليه ثم يفضحنااا ويخليك يسويها عادي ولاشيء تراه ملحوس ماينقال عنه شي
بتو : وناسه عشان انام عند زيووون
تغريد : وجع و بندر ..؟
للمرة الثانية ندمت بتو على كلمتها وحست ان زينة تألمت لانها كرهت طاريه وكرهت كل حياتها وذكرياتها معه ،
بتو : يلاا بس خلي نواف يجي لا يتأخر علي...
"
"
"
"
نواف معصب مايدري وش توصيف البيت اللي اخذه من سعود على باله ان بتو عند صاحبتهاا
نواف : خير وش مجلسك عند صاحبتك لهالوقت ناظري الساعه 3
بتو تعدل نقابها : وش اسوي مسكينه محتاجتني مايصير اخليها
نواف : أي بس عاد مايصير تجلسين إلا هالوقت تدرين لو يدري خالد يزعل عليك
بتو : لا انا مستأذنه منه وسمح لي وقال اذا بتامين بعد
نواف وقف السيارة ربط فرامل خخخ : لااااااااااااااااااا والله ذاللي ناقص عشان اذبحك انا بيديني
بتووووووو : عادي نواف ذي بنت عمي ومسكينه منهارة نفسيا
نواف ماميز كلمة بنت عمي من العصبية : ان شاءالله تنهار كليا مو نفسيا بس مايصير تجلسين لهالوقت....
بتو : حرام عليك ماعندها احد إلا انا
نواف : وين امها وابوها واخوانهاا خواتها على الاقل مقطوعه من شجرة معقولة .؟
بتو : لا والله تستهبل انت ووجهك هاااااااااه ... يعني ماتدري ان عمي سعود ماعنده إلا بنت وحده واهو بإيطاليا وزجته رازه عمرها تحضر الدكتوراة هناك و و احم احم احم في كندا يدرس
نواف شهق ووقف السيارة : انت كنتِ عند مين ..؟ مين
بتو : وش فيك انت شكاك اعوذ بالله من حالك زينة بنت عمي سعو د
نواف قلبه تزايدت دقاته : زينة ....
بتو منخرشه : أي
نواف بأسى : وش جايبها هنا؟
بتو : عند جدتها نورة ........
نواف : أي بس سعود قالي انك عند صاحبتك
بتو : نذل مع مرتبة الشرف ههههههههه يدري لو قلت بيت جدة زينة ماتدل وبترفض ترجعني
نواف ( اآ ه لو تدري بقلبي انا طاري زينة لو اتعنى له بآخر الدنيا ) : وش فيها طيب تعبانه؟
بتو : أي ياحرام تعبانه ...
نواف بمراره : اهي حامل صح ....؟
بتو : لااااااااا تعبانه شوي بس ........
نواف : طيب انا شايف بندر قبل شوي يكلم خالد اخوي في بيتنا يعني موجود ليش زينة في بيت امها نورة ؟
بتو : مدري مقرود وخبل ومايستحي على دمه ....
نواف استغرب : وشو ليش طيب
بتو : حيوان وبس .......
نواف : مافي شيء اسمه بس ليش طيب مزعلها بشيء ( مشاعره انطعنت بقوة )
بتو : ياويلك اذا قلت لاحد اهو طلقها بس ماارسل ورقتهااا للحين
نواف( بارقة امل امامه ليستبيح جمال وبراءة زينة ) : غريب اللي اعرفه انو يموت فيها ؟
بتو : حتى اهي تموت فيه ( صفقه على قلب نواف )
نواف : ليش بيطلقون طيب ؟
بتوووووو : نصيبهم وطبعا ذا غير حركات العذال
نواف مايعرف ليش انبسط مع انه يحب بندر ويبي له الخير دايم لانه مايقصر معه بشيء،
بتو : اقول يالاخووو كنك روقت ....
نواف ابتسم : أي والله
بتو : بما انك مروق الله لا يهينك هات لي كوب كوفي من اللي دايم تأخذ منه كيوبز كافيه
نواف : وانا كم بتووووو ( اول مره يقول بتو ) عندي تأمرين امر
ونزل وجاب لها ، بتو : اللهم زود وبارك كم مات يهودي اليوم ههههههههههههه
نواف : عادي تحسديني على اني مروق .....
بتو : لا بس مو عادة لك انت اكره شيء عندك الزحمة والطريق هههههههههههههه
نواف : لا ابشرك عقلنا ...
بتو تحرك الملعقة في الكوب وتقول : اقول اغسل يدك من اللي تفكر فيه ...؟
نواف ابتسم لانه فهم قصدها قال واهو يحرك الدرقسون : ليش ؟
بتو : ماعتقد البنت منهارة نفسيا بندر ولد عمك كسرها هاللي مايستحي على وجهه
نواف : اقول عاد إلا بندر حرام عليك مايستاهل انتِ وش دراك احنا مانعرف عن شيء ؟
بتو : لا السالفه كلها عندي صبتها علي زينة ياحرام تخيل ماعندها احد تفضفض له
نواف ( آآآآه من زينة بس راح تذبحني ماتدري ان فيه قلب يتحسر ويتعذب ليلياً عشانها) ..
نواف : وش السالفه ؟
بتو : صحيح اني خبله ومتسرعه بس عاد كاتمة اسرار .....
نواف : امحق ههههههه عز الله اللي فضحيتها بكرة بنلاقي الخبر في كل الرياض وملحقاتها
بتو : ياويلك من ربك بالعكس زينة اقرب شيء لي من يوم اننا صغار وانا بعد مااخفي عليها شيء..
.نواف : عسى مافضحتينا وافصحت لها عن مكنون الاشواق لبدر ههههه
ابتهال : احد قال كان دمك خفيف هاهاهاهاها
نواف : احمدي ربك متحمل مصالتك اليوم ههههه لإن فيه ظرف استثنائي ليس إلا

بعــــــد مــــــــرور 3 شــــــــهور .....

><>>< ضــوء الواقـــــع لا يـــقتـــل أحلامنـــا المستحيـــلة فقطـ ..
و إنما يعريــــهــا أيضاً فتعيــش كالميـــت بلا كفـــن ><<><

الجميع مرت أحداث بحياتهم بأحداث عادية جداً وليست جديرة بأن تـــدون !

" هشــام و سعـــود يعزفون أوتار الأبوة المرتقبة بشوق فظيع .."

" حجــرف مــازال يحاول جاهداً أن يقنع مشــاعره بالحب بمصداقية والبعــد عن عدم الإكتــراث الذي حوط ملامح حيـــاته وإن كان اقبل وبقوه على عالم النت وخفاياه .."

" خــــالد وضي حب لا ينضب و شوق حافل بالعطاء والتقديــــر "

" الصبــايا سهــرات و ونــــاسه وكالعــادة تذمر من الدراسة ^_^ " << شطورة خخ

نلـــقي الضـــوء على الكــاسر الجــــريح ...

)()( كلما ارخى الليل ســـــدولة تجــدد مــوعــدي مع الألــم ! )()(

هذا هو لســـان حــال بنــــــــدر المحقق الذي أخرس العديد من المجرمين ..!

المحقق الذي كشف خيـــوط العديد و العديد من الجــــرائم ..!

المحقق الذي أحــــــرز تقــــــدم لا يضاهى في مجال عمله

هذه الرؤية الخارجية لبنـــــــــدر

و لكــن مــــــاذا عن دواخل بنــــــــــدر ...!!

بندر خســـر مـــــشاعر حـب ..
وإحســـــــــاس بالامـــــــــــان ....
وخلجـــــات اشتـــــــــياق ...

كل مايدخل بيته يتعذب واهو يناظر كل زواية وكل ركن له حكاية فيه مع حبيبة القلب اللي حلف لله إنه مايحب غيرها
مهما جرحها وقسى عليها إلا إنه بيظل يحبها واهي اللي في القلــــب لو يتــــزوج غيرها فــهو بغرض الإنجاب فقــــط لااقـــل ولا اكثر ...
هزل جســــــمه و بســــمته اختفت

" ام تركي حالتها تزداد سوء يوما تلو الاخر لذا قرر تركي يأخذ اجازة ويسفرها ألمانيا فيه امل انها تتحسن بإذن الله ... "
" الجميع ودع ام تركي وتركي بالدموع خصوصا اميرة اللي حالتها مره سيئة بفعل الحمل وعاطفتها الجياشة لامها ..."

)()( آخ ياغـــــربتي أنا وســـــــــــــط اهلـــــــي وناســــي واحس اني غريـــــــــب ..)()(

هذا اهو بـــــــــــندر كان جالس في الصالة رامي جسمه كله بشكل متهالك على الأريكة المذهبة ...!

" امه سافرت واخوه الكبير سافر و زينة راحت و تركته لانه طلقها.
بس قلبه معها كل ليله يسترجع شكلها و ذكرياتها و ريحة دموعــــها..."
-
-
نايف شماغه على كتفه : سلاااااام
بندر بحزن رفع راسه : و عليكم السلام هلا والله
نايف طق رجل بندر : اخبارك اليوم ؟
بندر يبتسم : مسوي الماما يعني لينها راحت
نايف يبتسم : على طاري الماما الله يردها بالسلامه الحكومة تحت طالبك
بندر نظرته مستغربه : لا تقول خخخ
نايف : يعز علي والله بس ابوي طالبك تحت لا وفي الزاوية اللي خبرك
بندر : خخخخ ياليل لا تقولي بالزاوية اللي ابوي يجلدنا إذا ما صلينا يوم انا صغار
نايف :خخخخ لا و ازيدك من الشعر بيت عمي سعد توه طالع منه انا ذالاثنين منيب برتاح لجمعتهم بلحالهم خير شر ههههه
بندر وقف : اجل ياهقوتي ان فيه قرار دكتاتوري وربك يستر خلني انزل اشوف لا يكوفنا ابوي هنا
نايف : تلقى خير ...
-
-
نزل بندر وكاهله مثقل بالتفكير
واتجه لابوه بخطوات تجهل مصيرها...
سلم عليه و سولف معه شوي عن الدوام والعزايم
العم ابو تركي نادى بندر يجلس جنبه : انت حالتك مو جايزة لي وش فيك ..؟
بندر يبتسم : ولا شيء يبه بس متأثر بالوالدة الله يرجعها بالسلامة.....
العم فهد بنظرة تخوف : آمين يارب ....إلاّ يا ولدي خبرك انا كبرت وودي اشوف عيالك اليوم قبل بكرة اول رافض اتدخل في حياتك بس الحين مصر اشوف ضناك ياابوكـ
بندر تفطر قلبه تذكر مواجعه ( ياخوفي يبه تكفى لا تقولها ) : ان شالله يبه ان شالله الله كريم ...
ابو تركي : وشلون ان شالله وانت ماتبذل الاسباب ... صار لك 3 شهور مطلق زينة خلاص ياولدي كفاية عذاب انا بخطب لك وحده ان شالله تجيب لك الضنى ...
بندر استغرب يحس دمه نشف وقال : لا يبه الله يوفقك لا تخطب لي مابي اتزوج انا برتاح سنه سنتين وبعدين اتزوج ان شالله ....
ابوه : لا انا مااضمن اعيش للسنه الجاية او لاااا بخطب لك إن شاءالله
بندر ( مستحيل اتقبل وحده غيرها يبه راح اظلم البنت اللي بتزوجها قلبي مع الجمال زينة وبس )
بندر يبوس راس ابوه : يبه ما اعصى لك امر بس سامحني مـ
ابوه سكته : واذا قلت لك اني خطبت البنت وابوها وافق...

؛^؛^ صــــــدمة مشـــوهـــة المـــــــلامح انطبـعــــــت ^؛^؛

بندر بإقناع : انا اللي بتزوج يبه كيف ماتحط عندي خبر بعدين مين ذالبنت اللي بأخذها مسحيل اتزوجها يبه ..؟ ويبه للمعلومية ترى عندك ولد بعمر الزهوراسمه نايف مابعد تزوج هههه زوجه افرح بضناه
ابو تركي بحزم و جدية : علم يوصلك ويتعداك ملكتك على بنت عمك ( ارتج قلبه بقوه ) الخميس الجاي والعرس تحددونه متى مابغيتوااا....
بندر : يا يبه ياعلني مابكيك والله ظلم راح اظلمها معي زوّج نايف عندك اياه يابعد راسي
ابو تركي : لا بزوجك انت و البنت بتطيرك حلوه ومزيونه تجوز لك وانا شرطت على ابوها نكشف اذا تقدرتحمل او لاااااااااااااااااا اخاف تصير مثل زينة ماتقدر تجيب لك ضنى ؟
بندر تضايق وكل هموم الدنيا على راسه من جد يحس فيه صيحه : بعد كل شيء مضبطينه ..؟
ابوه : ايييه مستعجلين
بندر طار عقله ورفض قام من مكانه : يبه مستحيل مالي نفس مابي اتزوج يبه توي مطلق حتى زينة مابعد ارسلت ورقتها لسى على ذمتي تدري او لا !
ابوه : اذا تبي ترجع زينة رجعها وانا ابوك مسكينه ماعندها احد بس عاد الزواج بتتزوج صوفيا يعني تتزوجها

<>>< صــــــ ـ ـ ــدمـ ـ ـة ><<>

بندر ارتاع ( خاف ) : لااااااااااااااا يبه صوفيا لاااااااااا
ابو تركي : لواء يلويك ان شالله كيف بس تتجرا تقولي لي لااااااااا، كنت بخيرك بين صوفيا او ريم بس عاد الحين بعند واختار صوفيا واللي ماتطوله بيدك وصله برجلك وملكتك الاربعاء ..
طلع العم ابو تركي بخطواته الراكزة المغرورة وبندر بقي متهالك عاجز عن إستيعاب كلام ابــوه
-
-
-

>؛< لن يغـنـــــــيكـ إختفاؤكـ... ستــعــود لإنــكـ تــؤمن بالــــقدر ! >؛<

بنـــــدر انهــار شعوره
وقلبه تفطر وكل كيانه يرثي زينة " كيف بناظر غيرها كيف بس بعيش بدونها كيف بنساها ليت النسيان ينشرى والله لااكون اول من يشتريه "...

"آخ يازينة ولهت عليك وحشتني عيونك الجذابة وضحكتك وصوتك سواليفك وحشتيني محتاج لك انا موت شوفي ابوي بيعدمني بيزوجني صوفيا اللي اهلها عجزوا عنها شاتوها علي
الظاهر ذي حوبتك يازينة فيني انا عجزت تعبت وش اسوي اهرب وين اهرب وين اروح لو اخذت زينة وهربنا وتركنا هالعالم "
صحى من زوبعـــة فكــره الحـــزين ...سخــر من مشــاعره اللي تبكــي على إنســـانه شرت فــراقه و فضلت البعــــد ...." يا تــرى يا زينة سعــيدة بالفــــــراق ...؟ "

مع مرور الأيــام التي تجمع معها كمية لا بأس بها من الجــروح لكل ابطــالي الأفذاذ

بندر انقـــــــلب فوق تحت
صار معصب 24 ساعه من عقب المزاح والضحك والسوالف
انجبر انه يتزوج بنت عمه اللي خططت عشان تأخذه بس انتقام منه ومن زينة لان البنات تحدوها بلعب كذى انها تتزوجه واهي دخلت الفكرة برأسها وصارت تلمح لامها ( امها مغربية ) للمعلومية فقط ..
انتشـــر الخــــــبر بسـرـرـرعة فظيعة
-