منتديات قصايد ليل - عرض مشاركة واحدة

06-11-2011

( 12)

< كــــان مســـــاء لاهـــب ...كنا قبلـــه حلميـــــــن موعوديـــــــــن >

فـــــــي بــــــــــيت الجـــــــــده نـــــــــــــــورة

( ياقـــو قلبــــكـ .. تجرحني من قلب و تــروح... قولي و ربك ..؟
من علمك درس الجروح...ما جاك مني يجرحــكـ ولا جاك مني يألمكـ
ليه القسى ..وقلبكـ نسى ..؟ )

< إحـــساسي تجاهــك عميـــق بعمـــق الأيــام التــي طوتني في خبايــاهـا >

" زينـــــــــــة ملازمة لغرفتــــــــــــــها
ولا تطلـــــع منـــــــــــــها ابد حتى اكل ماتأكل ولا تشرب كل وقتها تبكي وتتألم من جروحها..
زينة ضعفت مره صارت تعبانه ثقتها بنفسها مره معدوومه ، بندر دمرها ودمر مشاعرها قضى عليها ذبحها بالتجريحات وشوهها بالضرب والكفوف ... صارت حساسه مره تكره تطلع للنور .وقتها كله محصور في استرجاع الذكريات والبكي عليها،،،، المشكلة تحبه وتموت عليه "

صار لها اسبـــــــــــــوع على هذالحال .....

( أيتهــا الأيــام اســرعي الخطــى لينســى المعــذبــون جـراحــاتهـــم .. ))

" واذا بتتساءلون عن بندر حالته في الدوام ولاعاد يطيق البيت خير شر يكابر على مشاعره وكلام نسرين ما زال يتردد في ذهنه فيسقطه كالجريح ....الأهل يتساءلون عن غياب زينة ولكن الصمت الإجابة من بنـــدر "

جلست على الاريكة الفوشي وتسمع إليسا حبـــــــك وجــــــــع

(آخ يابندر ليش كذى وعدتني تحميني من جور الايام ... حلفت لي تكون لي سند وظهر وعلى العكس انت اللي كسرت ظهري وجرحت كرامتي انت اللي عذبتني و طلعتني كذابة ونصابة وبعد ممثلة ....)

ابتهال واقفـــــــــه عن باب غرفة زينة ...
إبتهال : هاااااااااه وش فيك خاشه جو ههههههههههه
زينة بحزن تجفف دموعها : أي جو واي قرف ...
إبتهال : اقول اسكتي واذا بتصيرين كذا بايخه ترى بطلع تعرفيني انا مااحب جلسات الحزن ....
زينة ضمتها وبكت
إبتهال تجفف دموع زينة : بس يازينة حرام عليك ارحمي حالك حتى جدتك المسكينة تحت تشكيك لي تقول سنعيهاا ماتأكل ولا شيء ......؟
زينة دموعها انهمرت بقوة يوم شافت ابتهال : ليش يابتوو واللي صار لي شوي ..
إبتهال : ييعني افهم انك تحبين هاللي مايتسمى ..
زينة بسرعه ( تذكرته اشتاقت له ) : لااااااااااااااا بالعكس كرهته قد ماحبيته...
إبتهال مكشرة : انا مدري بس يقولون اللي يحب مايكره ابد ..
زينة تلم شعرها المبعثر : قلتيها يقولون بس الواقع انا اقولك اللي يحب ثم يكره يكره بقوه ...
إبتهال تبتسم : امممممممممم بدوري يسلم عليك
زينة تبتسم بألم : الله يسلمه لا ياللئيم مادق علي
إبتهال : وش يبي فيك تغثينه باحزانك هههههههههه ...
زينة نزلت راسها : قلتِ له عن اللي صار ..؟
إبتهال : لا ماحبيت اشغله و إن شاءالله وش دراك يمكن الوضع يتصلح
زينة تنهدت : الوضع عمره ماراح يتصلح وش تتوقعين يعني ؟ مستحيل اصلاً
إبتهال تمسح شعرها : لا حرام عليك خليك متفائلة
زينة سرحــــــانه ..
إبتهال : ممكن شوي بس تقطعين حبل افكارك وبعدين تربطينه لين اطس هههههه
زينة بحسره: آخ يإبتهال وعلى بالك اللي ينقطع ينربط ..
.إبتهال بإستهبال : ايه اكيد
زينة بوجع يوخز قلبها: لااااااااااا مستحيل ......
إبتهال : هههههههههههههه يختي هاللي مايتسمى مقطع قلبك
زينة بضعف متناهي : مو قطعه وبس إلأا حرقه لي إحراق
" وبكت واهي تتذكره قبل تعصف الزوبعة في حياتهم كان ملاك بكل شيء "
إبتهال : كنتم تحبون بعض ليش تغيرتوااا ، ياهمي يعني احتمال انا وبدر نصير زيكم ؟
زينة تبتسم : لااااا بدر اخوي غير طبعه حليم ورقيق... اوما (وسكتت بحزن حتى اسمه يجرحني) فهو غير كبرياء....
و دمعـــــت عيونها...
إبتهال بحزن : خلاص يختي سووووري على السؤاال بس عاد اسمعي ترى حالتك حالة ماتسر ، فرح اختي تغريد بعد بكرة لازم تجين !
زينة تجفف دموعها : باركي لها واعتذر لي منها ولا تقولين لها عن اللي صار لي ادري فيها بتتشمت لاني كنت ...
إبتهال قاطا عته: بقولها بقولها إلا اذا جيتِ ما راح اقول لها
زينة دمعت عيونها وبكت : إبتهال ترى مو ناقصة انا وربي حياتي طين في طين مليت كرهت حالي يختي عجزت احس اني بموت ذبحني قطع قلبي...
وبكت بقووووووووه << تنرحم بقوة
إبتهال : وادري بعد الحيوانه اللي ماتتسمى اخته الكبيرة نسرين ماقصرت فيك ..؟
زينة : حسبي الله عليها اهي اللي دمرت نفسيتي وثورت بندر علي بعدما حسيت انه بدا يهضمني
إبتهال : بلا بشكله هااللي آخذ بنفسه مقلب على باله مزيون مالت عليه وتقولين كبرياء أي كبرياء واخته تمشيه بكلامها....
زينة واهي تبكي : آخ يإبتهال انتِ ماتدرين وش اللي صار لي اصلا انا اللي بديت انا اللي استاهل انا اللي انصعت ورا كلام امي وآخر شيء ورطتني و يوم طحت بالسالفه راحت ولا حتى سألت عني تخيلي

( وشرحت لها السالفــــــــــــــــــ ـه بالتفصيل)

إبتهال واهي تمسح دموعها : أي بس بندر يحبك واللي يحب يسامح الله سبحانه وتعالي العظيم القدير يسامح ويغفر عاد كيف هالعبيد يرفضون يسامحون ....
زينة بألم : بندر كرهني يتفنن بتعذيبي تخيلي كل هالسنين ينتقم مني لين قالت له نسرين عن آخر كذبتهاا وتهور وفقد اعصابه ... وساعتها مالقيت احد اروح له اهلي برى ابي احد يوصلني بيت امي نورة بس تخيلي مسوي قوي علي لان ماعندي اهل هنا
إبتهال تبكي : وشذالحكي احنا وين رحنا .......
زينة : انا دقيت عليك لانك من ريحة الغالي بدر
إبتهال : الله يخليكم لبعض ولايحرمكم من بعض ...
زينة تذكرت بدر اشتاقت له كثير : آمين يارب
إبتهال : طيب وش راح تسوين مع بندر ..؟
زينة دموعها في عينها حابستهم : اهو طردني وطلقني و ابيه يطلقني خلاص لا يمكن استمر معه و دقيت عليك بس مدري مين بـ
إبتهال قاطعتها : افااااا لا تخافين انا اسنعك واجيبها لك اخواني ماراح يقصرون ........
زينة : الله يخليكم يارب ويجزاكم خير انا ماعندي احد غيركم انتم
إبتهال : يلااااا عاد ياويلك اذا جيت وشفتك متضايقة بعد يختي باعك برخيص بعيه باارخص..
زينة عيونها تدمع : الله يعين ان شالله ويصبرني ويطبع على قلبي نسيانه
إبتهال اشفقت لحال زينة وطلعت واهي متأثرة مره ...
*
*
*