منتديات قصايد ليل - عرض مشاركة واحدة

06-11-2011

( الجـــــــزء الخــــــامس fifth part )

< منذ أن عرفتكـ و أنا أعرف أنك " قابل للضياع "
ربما لذلك...!!
صرت " ضد الإنكسارات" مهما تتابعت,,, ولمـــرات عدة !! >

(1)

عنــدما تــدق الساعة ، معلنــة منتص الليل
ينقلب فيها يوم " مات " ليوم آخر " سيعيش" في تلك اللحظة الفاصلة بين
< موت و ميلاد >
لا يهم شيء غير أن الأمل سيجتاح جزر الشخصيات الطيبة
و الحقد سينصب خيامه في فيافي رحاب الشخصيات الشريرة ..

نسرين تتأنق بدقة فائقة ....وهي ترسم الكحل استوقفت نفسها وهي تتأمل حالها في المراية
" كل ذالزين ولاني سعيدة ...غيري اقل جمال مني وسعيد بحياته ...غيري اقل مادية مني و سعيد....< نبعت فيها مشـــاعر غريبة جداً مزجـــتها بنظـــرة ما تـــطمن > إن ما كسبت الرهان ما أكون بنت فهد يا خالد اجل انا تعيفيني عشان وحدة غريبة .......( نسبتها لقبيلتها مع انهم من قبيلة وحده بس المقصود العرق اللي ترجع له في القبيلة ) وهنا نشوف مشكلة مستأصلة الجذور في المجتمع "
داليا دخلت تتسحب : نس نس انا بطلع عند بنات عمي طيب
نسرين وهي تحاول تضبط كنترول نفسها : ارجعي بدري لا تتأخرين انا مدري وش جايز لك مع الـ..
داليا قاطعتها : ياليل رجعنا لطيري ياللي لا تنسينا نهم اهل عيالك ترضين احد يقول كذا عن عيالك ..
نسرين ابتسمت بغرور : عيالي غير لا تنسينا ني امهم يعني..
داليا واضح انها تكرنت خخ : لا يعني ولا يقول ....وعلى فكرة ترى فيه ثنتين تحت ملطوعات لهم ساعة يمكن
نسرين ببرود : تقولين لي وليش ما ضيفتيهم !
داليا وهي تضبط شعرها في المرايا : والله تعرفين هيك شخصيات ما اتقبلهم خير شر اووما ذي اللي ينقالها ام زكي ما هضمتها ابد يعني احس انها عبله كامل يوم كانت بشخصية " ريا"
نسرين بشموخ لا يضاهى : لا يكثر بس وارجعي بدري واترك حركات الناس البداوية شوي << يبي لها تصفيق وبقوة ^_^
داليا : ماراح اتأخر بإذن الله

نسرين طلعت تمشي بشموخ وخطوات مليئة بأحاسيس غريبة ولكن تتفق مظاهر الغرور على تلك الخطوات ...

جرت الخـــــطى لحد ما وصــــلت عند ضيوفـــــــــــها ....

بعد الضــيافة الأكثر من راقية والكلام الرسمي المتداول

نسرين : اسمعي ام زكي ابي منك طلب صغير ما راح يكلفك أي شيء وبالمقابل لك شيك مفتوح اكتبي فيه اللي تبين.!
ام زكي (حضرمية مع إحترامي لجميع الفئات ولكن هكذا تمت الواقعة ): شيك مفتوح معناتو تبين شيء كبير
نسرين بلؤم : اهو كبير كبير بس ما راح يكلفك أي شيء انت بالذات؟
ام زكي تتلفت : اش معنى انا
نسرين : لان قلبك قوووووي ( طقت كتفها ) قامدة اوي يعني
ام زكي بنظرات يعتليها الإستغراب : ايش المطلوب مني ؟
نسرين مسكت الشيك وحطته قدام ام زكي : برسلك لوحده حامل مواعيدها عند الدكتورة هالة ، اهي اكيد جاني خبر انها متنومه في المستشفى ابيك تتفقين مع بنت خالتك الممرضة الـ.....( نسبة لمنطقتها ) مدري وش اسمها وتطقونها ابرة تسبب لها نزيف وتسقط الجنين ......وتذكري شيك مفتوح ( قربته لعيونها )
ام زكي بإسلوب اللي تطمع : اووووف ماتحسي ان الموضوع صعب شوي في حياة او موووت
نسرين بقهر تعدل ساعتها : ياشيخة اهي ماتستاهل اهي خطفت رجلي مني
ام زكي بنسبة ضئيلة من الخوف : بس اخاف يكشفونا
نسرين : لاااا ما راح يكشفون ابد انتِ متأثرة مره بالافلام العربية هههههههههه
ام زكي بإقناع : طيب ايش رايك نسوي لها عمل تتفرق مع زوجها؟
نسرين عضت شفتها : وش دعوه يعني ماحاولت بس تخيلي المشعوذة تقول عجزت و اللي ما تتسمى ملتزمة يعني صعبة شوي وذالمشعوذة اخذت مني ألآلآف على الفاضي بس خرطي بس
ام زكي : لا شوفي ام هاجوس قامده اووووي وشغلها يصيب
نسرين بتقرف : لا.... بعد كيف تبيني انزل نفسي لهالمستوى هاه بتساعديني او لا !
ام زكي : انتِ تعرفين انا محتاجه فلوس كتير عشان راح ابني فيلا لي في جده بعدما طلقني السافل
نسرين : آخ الرجال خونه مالهم امان مايملى عيونهم إلا الجحود
ام زكي : ياعمري انتِ لا تخافي تشوفي اذا ماجاك ذاللي مايتسمى يترجاك ترجعين له هما الرجال كدا مثل الكورة تشوتيها وتجيك راجعه
نسرين : والله ماحد فاهمني غيرك كفك هههههههههههه
ام زكي : كم عندي من نسرين انا اعتمدي ياشيخه...يا أميرة الكل
نسرين : اوكي بس لازم احذر انتبــــــوا ترى الزفت مرابط عندها 24 ساعه
ام زكي : لا تخافي بسوي نفسي زائرة عشان يستحي ويطلع
نسرين : لا فيه تغريد عندها تخيلي طايرين فيها وانا كانوا مايحبون يناظرون خشتي
ام زكي : غيرانين منك يااختي
نسرين رزت عمرها : أي صح من هالناحيه انا متأكده ميه الميه ............