منتديات قصايد ليل - عرض مشاركة واحدة

06-10-2011

الجزء الخامس والعشرون

صحيت لقيت حالي بين يدينه حاولت افك ايديه من علي ماقدرت وبنفس الوقت مستحيه اصحيه وانا بهالوضع شسووي افففففف مالي الا افيقه
غنادر : غساااان
غسان : هممممم
غنادر بصوت عالي شوي : غساااااااان فكني
غسان "حسيته صحى" : لا
غنادر : غسان بروح للحمام [ . . عزكم الله . . ] عشان اصلي
غسان باس رقبتي بقوه حسيت بقشعريره من بوسته العاده كنت انقرف مدري وش صابني الله يستر
غسان : يلا روحي
غنادر قمت رحت للحمام عزكم الله توضيت وصليت رجعت للغرفه مالقيته وين راح ؟ شكله بالحمام عزكم الله ماني بناقصه اطلع ويزعجني بجلس انتظره شغلت الـ tv وقعدت اقلب بالقنوات ماحسيت الا وهو طالع لابس فوطه وصدره عاري تعودت على شكله كذا راح الخجل هههههههههه
غنادر : غسان انزل
غسان : انتظريني
جلست على وضعي 10 دقايق الا وهو طالع
غسان مسك ايدي : يلا
نزلنا سوا كان موجود على الطاوله شموخ وشهد وفياض وام غسان وبشرى
غنادر بابتسامه : صباح الخير
الكل : صباح النور
رحت بست راس خالتي ام غسان : كيفك خالتي ؟؟
ام غسان : بخير عساك بخير
رحت وجلست بجنب شموخ وشهد لان هم وسعولي مكان ماحسيت الا وغسان يقول وهو معصب : غنادر تعالي هنا
غنادر "ماحبيت اجادله قدام اهله فشله" : زين .. قمت وجلست بجنبه

بعد الفطور راح غسان لدوامه وجلست انا مع شموخ وشهد وفياض نسولف ونلعب وبشرى وخالتي يتفرجون بمسلسل [ الدنيا لحظه = = > يا قدمه هع ] فجأه دخل غسان وكانت عيونه حمراء وثوبه فيها دم !!!!!!!!! وعيونه مدمعه ..؟؟ الكل قام بخرعه قمت وراهم بشوف وش فيه
ام غسان : شفيك يمه ؟؟؟؟؟؟؟؟؟
غسان : ولا شي يمه
بشرى بخوف : غسااااااااااااااان قول فيه شي صاير شي ؟؟
غسان : لا لا تخافون بس صاحبي توفى بحادث وهذا دمه .. وراح لجناحنا تركنا بصدمتنا
ام غسان : لا حول ولا قوة الا بالله .. ياقلبي عليك ياوليدي الله يصبر اهله ويصبرك
بشرى : الحمدلله على كل حال .. التفتت لي : غنادر شفيك !
غنادر باستغراب : شفيني؟؟؟
بشرى : تاركته وهو بأصعب ظروفه روحي شوفي وش فيه
ايه صح صادقه بشرى انا ليش واقفه هنا صدق ماعندي احساس رحت لجناحنا توقعته جالس ماشفته دخلت الغرفه شفته منسدح ويبكي غسان يبكي !!!!!!!!!!!!!!!!!!!!!!! مستحيل في شي بداخلي تحرك ماتوقعته يبكي ابد صح شفت دموع بعيونه بس ماتوقعتها تنزل خبري الرجال ماتنزل دموعه بلا شعوري رحت له وضميته من الخلف وهو حط راسه عل صدري ومسكني من خصري
غسان بصوت باكي : ضميني اكثر ياغنادر محتاجلك
غنادر نزلت دموعي : انا معاك حبيبي وضميته بأقوى ماعندي
غنادر بصوت رايح فيها من البكا : غسان انت رجال لا تبكي
رفع راسه وهو يبتسم وباس راسي : هو موب صاحبي بقوه بس حتى لو ما انسا ايامنا سوا
غنادر حطيت راسي بصدره
غسان بابتسامه مزيفه : انا حبيبك !
غنادر : ايه حبيبي
غسان : تحبيني ؟؟؟؟؟؟؟؟؟؟
غنادر بلا شعوري : احبك
ضمني له بقوه وباس راسي ...

الجده : البيت من دون غنادر ووعد ونوف وشذى مظلم
دانه : اخس اخس يا يمه قبل كنتي تشتمين وعد نوف والحين مظلم
الجده : هم والله نور البيت بس حركاتهم وقهرهم لغنادر ماله داعي
دانه " لانك ماتدرين انهم يبون غنادر تتقرب من غسان " : هم بس يمزحون معها لا اكثر
الجده : بس مزحهم ثقيل
فواز : من هم اللي مزحهم ثقيل ؟؟
الجده : نوف و وعد
فواز : ههههههههههههه ياحليلهم مشعللين البيت بقوووه .. اممممم الا يمه جونا خطاب اليوم
الجده : لمن ؟؟؟
فواز : لدانو
الجده بابتسامه : هذي والله الساعه المباركه من هم اهله
فواز : خالد الــــــ .... وهو اسمه متعب
قامت دانه باحراج وراحت لغرفتها
فواز : هههههههههههه ياحليلك يادانه اول مره اشوفه تخجل
الجده : بنتي كل الحيا فيها
فواز : ههههههههههههه توي ادري والله .. لا اوصيك يمه خليها تصلي استخاره وخلي لها فرصه تفكر بعد وانا والله ماعندي اغلى منها وماراح اغصبها ابد
الجده : عارفه ياوليدي انك رجال ولد رجال الله يرحمه
فواز : امين .. يلا استئذن
الجده : بحفظ الله

انتهــــــــى الجزء الخامس والعشرون