06-10-2011
|
#15
|
الجزء الخامس عشر
نمت بالطياره ما حسيت الا وهو يصحيني
غسان : غنادر غنادر
غنادر : هممممممم
غسان بهمس : يلا اصحي لا تفشلينا الناس يطلعون وانتي نايمه؟
غنادر : اووووف ابعد فيني نوم لا تزعجني
غسان "هذي اللي بتجنني" بعصبيه رص على سنونه : غناااااااااادر قومي
ما فيه امل تصحى مسكت ايدها اووووف صايره ثقيله حطيت ايد على خصرها عشان اسحبها بسهوله وايدي الثانيه اشد ايدها عشان تقوم
غنادر بشهقه : هئئئئئئئئئئئئئئئ.. فكت يدينها مني : بعد ما تستحي انت قدام العالم
غسان : خلينا من هالكلام ما تبين تطلعين عبايتك؟؟ البسي بس طرحه
غنادر : لا .. بتغطى
غسان : كيفك .. اسمعي ترى بمشي بسرعه وهنا مو مثل الرياض زحمه والناس يمشون مو لازم سيارات امسكي ايدي احسن لك
غنادر "افففففففف يلا وش اسوي "
شفتها تمد ايدها بإحراج ابتسمت عليها ومسكت ايدها حسيتها صغيره بين ايديني وناعمه بدون شعور ضغطت عليها حسيتها تحرك ايدها كأنها تنبهني ههههه ياحليلك ياغنادر
وصلنا الفندق اللي انا حاجزه انا ما نمت دااااااايخ على الاقل هي نامت بالطياره بس صح ماطولت ,, شلت شنطتي وشنطتها شفتها مستغربه ههههههههه حسبالها مثلها مقدر
وصلنا عند باب الفندق شفتها واقفه تنتظرني افتحه ماتشوف ايدي اليمين شنطتها واليسار شنطتي
غسان : وش تنتظرين افتحي تشوفين ايديني فاضيه؟؟
غنادر : اففففف .. طيب خلاص لا تدف
فتحت الباب ودخلت , دخلت وراها نزلت شناطنا عند الباب وسكرت الباب وطلعت المفتاح من جيبي وقفلته موب ناقصين ازعاج ..
دخلت الفندق شفت غرفه مفتوحه توجهت لها بسررعه اففففف بعد يرفع صوته علي والله وطلع له لسان هالخمه نزلت عبايتي وغطوتي وطلعت شفته منسدح على الكنبه اووووه ونايم بعد اففففف انا وش اسوووي ؟؟ جلست عنده مسكت الريموت قعدت اقلب بالقنوات اووف كلها ايطاليه ولا قناه يتكلمون حتى بالانقلش ؟؟ التفت له شفته نايم بهدوء شعره يجذذذذذذذذب يشد والله ناااااعم مرره ماشاء الله لو تشوفونه ودكم تلمسونه مديت ايدي بلمس شعره بس في آخر لحظه قلت لا مستحيل المس شعره اخاف يصحى .. شفته يتقلب وانا مافيني نوم شبعت شكله مو مرتاح قطع قلبي والله جد اول مره اعطف عليه مسكت كتفه وقربت منه عشان اصحيه
غنادر بهمس : غساااان
ماحسيت الا ووجها الابيض وخدودها الورديه وشعرها طايح على وجهها تصحيني لا وبهمس بعد مسكت وجهها وبستها على جبهتها
غسان : نعم ؟
حسيتها تسحب نفسها ههههههه بعدت عندي وخدودها محمره هههههه خجوله هذا وانا ماسويت شي
غنادر باحراج : احم.....روح للغرفه نام هناك انا شبعانه نوم
غسان جلست وقلت : حتى انا مافيني
غنادر : انت ما نمت روح للغرفه
غسان بابتسامه : لا خلاص مافيني , اوووف شكلك طفشانه
غنادر : لا عادي .. بس ليش القنوات كلها ايطاليه ؟؟
غسان : اكيد .. اممممم مافيه ولا قناه انجليزيه ؟
غنادر : لا افففففففففف
غسان بابتسامة حنان : خلاص ولا يهمك بنزل لصاحب الفندق اقوله ينزل عندنا قنوات عربيه على انجليزيه ولا تزعلين
شفته مسك كابه ولبسه وطلع ,, اول مامسك وجهي حسبته بيهاوشني ليش اصحيه لان فواز يسوي كذا قلت بلكن مثله بس استغربت اول ما باسني حسيت خدودي تحمر انا خجووووله بدرجه فضيعه لايغركم لساني ههههههههه ما ادري احس بديت اتقبله , لاااااااااااااااااا ياغنادر هو بس بيستغلك يبيك تحبينه وياخذ اللي يبيه ويرميك عند اهلك مثل الثوب اذا عجبهم لازم يشترونه لو بأغلى الاثمان وبعدين لا لبسوه وزهقو منه وصار مستعمل مافيه احد بيلبسه اكيد وبيرمونه بأقرب زباله عزكم الله اييييييييييه ادري بك ياغسان نذل تبيني احبك بس حاااااامض على بوزك
شفته بعد 15 دقيقه يدخل , شغل الـ tv ومسك الريموت ويقلب بالقنوات اكثرها عربيه وانجليزيه اشوى الحين اقدر استغل وقتي شفته يبتسم وقرب مني لما لصق فيني مدري ماقدرت اتحرك ابي ابعد عنه ماقدرت
غسان بابتسامه : شرايك؟
غنادر بلعت ريقي واحس بقشعريره بجسمي : احمممم .. ايه كذا احسن ااا .. شكرا
غسان بابتسامه مافهمت معناها ؟ : العفو بس كذا شكرا حاف ؟؟؟؟
غنادر باستغراب : وش تبيني اسوي؟
غسان : ما ابيك تسوين شي انا اللي بسوي
شبيسوووي استغرب ماعطاني فرصه افكر وو
باسني على خدي وراح للغرفه وهو يبتسم ايييييييه اكيد ابتسامة انتصار حسباله حبيته ؟؟ بس جد ليش انا ماتحركت افففففففف ايه عشان بشوفه وش يبي , لا بس انا قبل اذا قرب بعدت عنه وحسيت بقرف بس الحين عادي ما انقرف غناااااادر هذا اللي يبيه يبيك تحبينه ؟؟؟؟ لا لا انا ما احبه ولا عمري راح احبه الله لا يقوله
جلست اقلب بالقنوات نص ساعه طفشت ورحت للغرفه بشوفه نام ولا للحين ؟ دخلت شفت الغرفه بااااااااادره الله ياحلو البراد ياناس فرق بين جوو الرياض موووووووووت حر خاصه هالسنه الـ 1431 هـ مرررره حر الله يعين قربت من عنده بتأكد لقيته غاطس بالنوم الاخ ولا على باله اصحيه ولا لا ؟؟؟ لا ليش اصحيه توني مصحيته , انا شفيني قبل كنت ما اصدق على الله ينخمد استانس واقعد ادق على ديوم , لا ديوووم تهاوشت معها ههههههههه بس مو هواش هواش طلعت وجلست بالصاله وحطيت رجولي فوق الطاوله وقعدت العب بجوالي احس بملل الله لا يوريكم وماعندي رقم ايطالي عشان ادق على شذوووي ..
انتهى الجزء الخامس عشر
|
|
|
|
|