منتديات قصايد ليل - عرض مشاركة واحدة

06-10-2011

الجزء السادس

مرو اسبوعين مافيه اي حدث كالعاده اروح للجامعه ارجع لبيت جدتي طبعا وامي ماعاد شفتها بعد ذاك اليوم فكه وموضوع زواجي ههههه ماله حس على قولتهم بعد موافقتي قفلو على الموضوع مدري ليه اررررتحت نفسيا
بس ما اكتملت فرحتي لاني اليوم جاء فواز عندي وو.....
فواز : غنادر متى امتحاناتك النهائيه؟
غنادر باستغراب : ليش!؟
فواز : جاوبي اول
غنادر : بكره اول اختبار الله يسهل
فواز : الله يوفقك حبيبتي حبيت اقولك ملكتك بعد اختباراتك على طول والزواج للحين مااتحدد
غنادر بصدمه : وشوووووووو؟؟؟؟ ليه هالاستعجال ومنو اللي قرر
فواز : من يعني غسان
غنادر : ومنووو غسان ؟؟؟
فواز بتعجب : وشوو .... ماتعرفين غسان من ؟؟ اللي خاطبك
غنادر : ويييييييييييييع الحين اللي خاطبني غسانوووه الخبل
فواز بعصبيه : وجع غنادر وشو الخبل .. وش شفتي منه انتي
غنادر بدموع : لا مابي مابي ليش ماقلت لي انه هو ايه هو صاحبك من زمان اكيد قلت له زوج امي وش يسوي فيني وطلبت منه يتزوجني ليش كذا يافواز ليييييش؟؟
فواز وقف بعصبيه : غنادر لا تعصبييييني زياده .. صدق ماتنعطون وجه انتم .. المهم ملكتك بعد اختباراتك على طووول يعني بعد اسبوع وثلاث ايام وطلع واخذ الباب وراه
لييييييييش كذا يافواز انا ادري كل اسرارنا عند صديقك ذا اكيد متشفق علي عشان زوج امي وش يسوي فيني قال يلا بتزوجها حرام مسكينه ولا بعد يمكن من فواز طالب منه ايييه طفش مني .. بس هين ياغسانوه والله لكدر عليك عيشتك هييييييييييييين!!

جاني فواز وقالي ملكة غنادر بعد اسبوع وثلاث ايام يعني اول ماتخلص من اختبارتها على طول ملكتها ... عادي ملكه مو مشكله بس الله يعيني عليها لاني انا اللي بشتري اغراضها هي اكييييد ماراح ترضى تشتري شي وقالي بعد انها اول مادرت ان زوجها غسان سوت مناحه الله يعينه الرجال عليها بس شكله بينتحر هههههه والله عنيده هالغنادر وذا ملكت شي ماتتركه لو بالموت يعني بصعوبه راح تتقبله بحياتها ويمكن يطلقها بعد او بيتحملها يارب يتحملها والله غنادر ماتستاهل تكون مطلقه مع اني ادري انها تتمنى الطلاق اعرفها خابزتها وعاجنتها بعد
دخلت علي شذى وقطعت حبل افكاري
شذى : هاااي
دانه : هلا شذى
شذى : صدق الخبر اللي سمعته ولا اشاعات؟؟
دانه باستهبال : لا كذبة ابريل
شذى : هه هه ماتضحك , لا جد غنادرووووه مخطوبه؟؟؟
دانه بضحكه : توك تدرين؟
شذى بعصبيه مصطنعه : لاوووالله وشو تنطزين ؟؟ جدتي مارضت فواز يعلمنها الا هالحييين ليه كذا والنذله غنادر ماقالت لنا مسويه فيها مستحيه هههههه عن اذنك بروح لها
دانه بضحكه : يااووويل غنادرمنك

بعد ماطلعت من عند دانه اتجهت لغرفة غنادر
فتحت الباب بعصبيه متصنعه
شذى : غنادررررررررر نذذذذذله ليش ماقلتي لنا؟؟؟؟؟
غنادر بصدمه : عن اييييش؟؟
شذى : عن خطبتك؟
غنادر بضحكه : هههآي وش اسوي طانت موب راضيه قالت لاتقولين لاحد
شذى : وحنااا احد؟؟
غنادر : اجل؟
شذى ماقدرت اصبر ورحت لها وبستها على خدها : مبروووووووك
غنادر بتكشيره : على شنووو غاصبيني ترى
شذى "قالي فواز" ضربتها على كتفها : اقووول بس بكره بتحبيه اد البحر
غنادر : وووع ووع احب مين غسانوه الخبل
شذى ماقدرت امسك حالي : ههههههههههههههه حرام عليك هذااا زوج المستقبل
غنادر : اقوول لا يكثر بس
شذى "ماينفع معها اكبر عنييييده" : يلا بس اجتهدي وذاكري عشان تفتكين من زوج امك الحقير
غنادر بفرحه : وهذا اللي هامني
شذى : ايييييوووه ابيك كذاا ياحلوه يلا انا بروح اوصل الخبر لوعد ونوف ههه
وطلعت من عندها

بعد ماطلعت شذووويه جوني وعد ونوف باركولي اففففف احس هم على قلبي شكرتهم فديتهم عسل دقيت على ديوومه وسألتها بتداوم بكره اسوي روحي مادريت انو فيه اختبار انهبلت ههه لان الساعه 11 بالليل قالت يووه ماذاكرتي ومن هالقبيل سسويت حالي منصدمه والله مادريت و...إلخ بعدين قلت لها امززح قالت خرعتيني يا الخبله وسكرت جوالي ونمت استعد لبكره اول اختبار !!! الله يسهل

&&&

مر هالاسبوع والثلاثة ايام ومافيه جديد اختبر واجي واليوم آخر اختبار لي خصلت منه ماحسيت الا ودانه عندي
دانه : مبرووووك نهاية الهم والغم
غنادر : وبعده الكدر افففف
دانه : تعوذي من ابليس , شوووفي تراني شريت لك فستان ملكتك والاكسسوارات تبعه والبوت تبعه عزكم الله
غنادر : ليش تعبتي روحك عندي فستان
دانه : مادريت
غنادر : ايه فستاني يوم عرس بنت جيرنا
دانه فتحت عيوني بصدمه : مهبووووله انتي ؟؟؟ حسبالي تقولين شريت ؟ لاياقلبي لازم فستان ملكه خاص
غنادر بطنازه : هههههاي قالت شريت قالت لمن غساانووه اشتري توكلي انتي ويااه بس
دانه بعصبيه : غنادر وبعدين....!!!!!!!!

انتهى الجزء السادس