منتديات قصايد ليل - عرض مشاركة واحدة

06-10-2011

الجزء الخامس

دخلت علي دانه وهي مبتسمه مدري حسيت انها عندها خبر بالموضوع
دانه : ممكن اجلس؟
غنادر : ايه شفيك انتي مو على بعضك؟
دانه : ترى فواز قال لي عن اللي متقدم لك
غنادر "حسيت والله" : طيب ماقالك اني رافضه؟؟؟
دانه وهي تحاول تقنعني : غنادر ياحبيبتي الحين وشو الافضل لك تروحين عند امك واذا راحت مثلا لصاحبتها ولا لسمح الله مسشتفى والا اي مكان راح تخافين وتجين هنا بعد ذيك المره صح؟
غنادر "اشوى ماقال لها فواز" : ايه ليه انتم ماتبوني اجي؟
دانه : مو عن كذا ياغنادر افهميني بتمين طول عمرك كذا خايفه من الجاي؟ ترى هذا مايرضى عليه الله اللي تسوينه بنفسك واذا يوم من الايام مثلا فهد بالمدرسه وامك طالعه وانتي مادريتي بتاكلينها صح؟
غنادر بلا مبالاه : لا ادق على فواز ويجي ياخذني
دانه : واذا فواز مثلا كان جواله مقفل ولا من هذا القبيل وش تسوين تجين على رجلك؟
غنادر : وش فيها؟
دانه : تستهبلين انتي ولا تهيبلين؟
غنادر : وحده منهم ههههههههههه خلاص دانه انا مارضيت اقتنع مو لازم ترى
دانه بعصبيه : غنادر ترى فواز زعلان منك حيييييييييييل وهو وافق قدام ربعه كلهم لا تطيحين وجه
غنادر : ياسلام يوافق والشور بإيد من ان شاء الله هو؟
دانه : لا طبعا انتي بس هو يبي مصلحتك
غنادر "بسكتها الصراحه ازعجتني حيييل" : خلاص اشوف
دانه بفرحه باستني : فديييييييتك يا احلى بنت اخت , ايه خليك كذا واهم شي صلي صلاة الاستخاره اذا حسيتي براحه نتوكل على الله يلا امشي خنطلع شفيك جالسه؟
غنادر : طييب انا جايه بعدك
طلعت دانه وانا جلست افكر بكلامها انا بوافق عشان من فواز بسسسسس لاني والله مقدر ما اكلمه لو لحظه بس عادي لا تزوجته راح اطفشششششه من حياته لما يطلقني ويقول توووبه ماعاد ابي شي اسمه زواااج هههههههه حسيت حالي شريره

بعد ماراحت دانه لغنادر نزلت وشفت امي ووعد جالسين بالصاله ناديت امي ووعد استغربت بس ما اهتميت رحنا لغرفة امي وقلت لها واستانست حييل ان غنادر بتفتك من زوج امها لانها تقول امها كل دقيقه تدق وتقول اسئلو غنادر متى بترجع بس ان شاء الله ماهي راجعه لهم هذا كان كلام امي
الجده : ووش رايها
فواز "خفت اقول رافضه وتقول خلاص لاتضغط عليها" : تقول بفكر
الجده بابتسامة حنان : ايه ياوليدي خلها على راحتها
فواز : اكييييد واصلا انا ماارضى على حبيبة خالها
دخلت علينا دانه
فواز : يلا أنا استئذن وغمزت لدانه واشرت لجوالي يعني دقي
دانه ابتسمت

بعد ماطلع التفت لامي : يمه قالك فواز
الجده : ايه ان شاء الله بس توافق
دانه براحه : ان شاء الله عن اذنك يمه
ورحت لغرفتي ودقيت على فواز
دانه : الوووو فواز
فواز : هاه وش قالت العنيده؟
دانه : ههههه ابشرك روضتها
فواز بفرحه : لا ووالله ... زين زين
دانه : وشكلها بتوافق بعد
فواز : ايه ان شاء الله , صدق انك داهيه
دانه : هههههههه اعجبك , بس ما سألت منهو؟
فواز : انا قلت لها صديقي
دانه : ايه بس مادرت اي واحد
فواز : مووب لازم , يلا تامرين على شي؟
دانه : لا سلامتك
فواز : الله يسلمك مع السلامه
دانه : في حفظ الرحمن

بعد يومين جت امي عندنا نزلت لها وسلمت عليها
مشاعل : غنادر متى بترجعين ماصارت ؟؟ فهود اشتاق لك
غنادر "هذا اللي مربكني فهووودي فديته" : خلاص يمه بكره راجعه
"كنا متفقين انا وفواز وجدوده ودانه على هالكلام اوووه نسيت اقول لكم اني وافقت على ........ مين والله مدري ههههه اللي متقدم لي صدق مااعرف اسمه؟؟ المهم قبل يوم جاني فواز بغرفتي"
فواز : سامحيني حبيبتي على الكلام اللي قلته لك
غنادر ضميته باقوى ماعندي : فوااازي حبيبي انا مازعل منك مهما حصل
فواز : ياحبيبة خالها انتي , هاه صليتي؟
غنادر بتردد : ايه
فواز : وش رايك
غنادر : من شورك
فواز ضمني بحنيه : مبرووووك ياقلبي
وووبس هذا اللي صار نرجع لامي"
الجده : الا ماوصل لك خبر يا مشاعل
مشاعل : خير يمه
الجده بابتسامه : غنادر تقدمو لها ناس ووافقت
مشاعل بصدمه : وانا آخر من يعلم ؟؟؟؟؟؟
الجده : لا والله انتي رابع وحده باقي بنات خواتك
" هنا بغيت افطسسس ياحليلها جدتي تعرف تنكت"
مشاعل بعصبيه : مبروووك ياغنادر وخليك هنا احسن لك
وطلعت معصبه اففففف هم وانزااح
رحت اركض لغرفتي وسكرت الباب احس اني مستانسه بس اذا فكرت اني بتزوج يووووووه والله البلشه لا ان شاء الله اصلا ماراح ابقى الا يومين وبيطفش مني وبيطلقني ههههههه وامي ماراح ترضى بوحده مطلقه تعيش عندها هههههههاي احسن حاقه

انتهى البارت الخامس