كانوا جالسين يسولفون
طلع وائل بكت الدخان وبدا يدخن
عدنان تضايق من ريحه الدخان:وائل والي يسلمك بتدخن دخن بعيد ترا ريحته تأذينا
وائل الي جالس يكح لان عنده الربووا:كح..كح لاتحاول كح كح لاتحاول تقنعني انك ماققد جربته
عدنان:ياخي شوف نفسك كيف جالس تكح انت مريض يادلخ بالربواا وهذا ياثر عليك
وائل وهو يكح:اقول بلا نصايح
عزام بحزم:والله ياوائل لو ماتبطل لاعلم ابوي
معتز:ايوه لو ماتبطل بنعلم ابوي
ابو عزام الي جا مع احمد عشان ينادون الاولاد يتعشون:وش بتعلموني فيه ان وائل ثور مايعرف مصلحت نفسه
وائل كأن احد كب عليه مويه باااارده تجمدت اطرافه
ابو عزام:والله ياوائل جالس تدخن من ورى ابوك هذا العشم فيك؟؟
وائل ساكت ووجه طايح في الأرض من الحيا
ابو عزام بصراخ:ليش ماترد علي انا جالس اكلمك ولى انبلع لسانك
عزام:يبا هد اعـــــــــ
ابو عزام يقاطعه بصراخ:انتوا كنتوا تعرفون انه يدخن وما قلتولي صح
ساكتييين وجالسين يطالعون في وجيه بعض
ابو عزام بهدووء يسبق العاصفه:من متى كنتوا تدرون وما علمتوني اصلا انا كنت شاك الولد زادت عنده ازمات الربو وصصار مايستغني عن البخاخ
وائل:.....................................
ابو عزام:هين هين ياوائل اذا ماوريتك بس مو ذذحين بعدين لما نرجع البيت طيب (وراح وخلاهم)
عدنان لف عليه:شف ماقلنالك وانت ماتسمع الكلام ثـــــــــــــــور الله يعافينا
معتز ببرود:على العموم ابوي ذحين دري والله يعينا على الي بيجينا هذا الي كنت خايف منه انه يكشفك وبيحط الغلط علينا
وائل بعصبيه:اذا بتجلسون تعاتبون انقلعوا عن وجهي
احمد لسا دمه بارد من الموقف الي صار توه:اقول نسيتوني انا وش كنت ابغا منك ايوه صح العشا جاهز
قامواا كلهم وراح معدا وائل وعزام
عزام:وائل ياله قوم تعشا معنا وانشالله يحلها ربك
وائل:أي شلون تنحل وابوي كشفننا
عزام:انشالله تنحل انت قوم ذحين لأحد يشك ولايزعل عمي ساامي منك
قام معا وائل وهو خايف من ابوه وش بيصير في البيت وخايف من التهديد الي قاله
يترا وش بيسوي ابو عزام؟؟؟؟
بعد العشا االرجال خرجواا جلسوا في الحوش والحريم جواا
طبعا رجعوا الشباب دخلو جو بعد الموقف الي سار بستثناء وائل الي خايف مررره
جا وقت الوداع عشان يودعون عدنان طبعا هذي الواقف عدنان يكرها وخايف من بكره اليوم الأعظم وداعه من اهله
ابو عزام:ها ياولدي لاوصيك ارفع روسنا وارحع بالشهاده خلنا نرفع روسنا فيك
عدنان بأبتسامه :لاتوصي حريص ياعمي
(وحظنه)
ابو نجود:ها عدون حبيبي والله وربي ماني عارف كيف بتكون جلساتنا من دونك
عدنان وفي حلقه غصه:البركه بالبقيه انشالله وساممحني ياعمي على الي سار من فتره وهذا انا احب راسك (وباس راسه)
ابو نجود حنون وطيب:والله ياولدي اني مسامحك وانا ماشوفكم واشوفك انت بالذات الا اخوان لنجود الي ربي حرمها منهم
عدنان بأبتسامه :لانجود عن ميه راقل(نجود عن ميه راجل قالها بالمصري)
جلسواا يضحكون عليه وعلى هبالله عدنان للحظه هذي مازال متماسك
كمل التسليم عليهم وهو خايف لاتطيح دمعه تعبر عن حززنه
عزام بمرح:ياله ادخل سلم على الحريم وبعدين لاوصيك ارجع متزوج وحده امريكيه حسن النسل شويه ترا انا لو بدالك بسويها
ضحكووا كلهم عليه
ابو احمد:هههههههههههههههههه هو بس خليه يسويها ويشوف وش بيصير له
عدنان بضحكه:عزووم لاتدخل وراي جوا وتقول هذي الكلمه لا والله امي تجلس تحذفك بالجزم كلها
ودخل جواا
طبعا الكل كان مستعد البنات كانوا حاطين طرح على روسهم والحريم مايغطون بطبيعه الحالل
سسلم عليهم كلهو ووصل عند الحريم
نسرين بدلعها المعتاد:ترووح وترجع بالسلامه
عدنان بس صافحها مصافحه ويقلد صوتها:الله يسلمك
رنا:يالله نشوفك على خير عدنان
عدنان:الله يستر عليك رنا ويوفقك انت وحمود اخوي تراه حنون وطيب وخواف مايحب يشوف الدموع يعني استغلي هذي النقطه لصالحك
رنا جلست تضحك بحيا والحريم جلسوا يضحكون عليه من جد عدنان بيكون له فراغ كبييير محدب يسده
وصل لـــ سمر :يالله ياعدون لاوصيك على الهدايا اذا رجعت مارح اوصيك على نفسك لأنك قطواا بسبع ارواح
عدنان:هههههههههههههههههههههههههههههــ طيب جاملي شوي على الاقل مو كل شي عندك جديه في جديه
سمر:هههههههههههههههههههههههههههههههههههههههههه
وصل للمكان الي كان ينتضره بس مو عارف كيف يعبر جف الكلام لذلك قر هذا القرار
جلس شوي وجلس يسولف ويتريق على الحريم ومره يتهاوش معاهم الكل استغرب ليش ما ودع نجود
اتصلوا الرجال وقالو للحريم يطلعون بيمشون على بيوتهم
قامواا الكل يلبسون عباياتهم نجود لانها كانت اخر وحده جالسه على اخر كنبه ورراها عدنان بمسافه بعيده شوي فلذالك كانت اخر الي بيطلعون
قام عدنان جرييي وسكر الباب نجود الي انفجعت من هذي الحركه وبدا قلبها يوقف بالتدريج
عدنان:نجود انا ماحبيت اودعك قدامهم لان انتي لك وداع خاص
نجود انفجعت كيف يكون وداعه وتكلمت :يعني كف مثلاااا
عدنان اتصدم:لاوين كف انا اذا فيوم ضربتك فهذا عشاان شي في قلبي وراح تعرفينه مع الأيام
نجود:مايسير اعرفه ذحين
عدنان:كل شي بوقته حلواا اتمنى انك تسامحين يانجود ترا والله محد ضاامن عمره يمكن مارجع ولا عد تشوفوني ابداا ماتدرون عن الدنيا سبحان الله
نجود والغصه في حلقها:الله يوفقك ياعدنان وبعيد الشر عنك لاتقول هذا الكلام وترا لو ماتسكت بصيح ذحين
عدنان:لا الا الصياح انا ماعرف اسكت بنات
نجود بمرح:اقول بيني وبينك لاوصيك جيب مناك وحده سنعه تحسن النسل شوي بدل هذي الشيف
عدنان في نفسه الى تخسى هي الشيفه جنب وجهك هذا والله ماتكونين لاحد غير :هههههههههههههههههههههه حسبي الله على بليسك لالا انا حاط عيني على وححده وناوي عليها بنيه سووء
نجود الي من جواا جرحها كل ماله ينزف عدنان حاط عينه على وحده وهي تحبه صدق الدنيا مي على هواا الأنسان:يالله اجل شد حيلك عشان نخطبها لك اذا رجعت
عدنان:انتي بتخطبينها لي؟؟؟
نجود:اكييييد هو انا لازوم اشوف عروسه الغفله هذي الي حاط عينك عليها هو يحصلها اصلا واحد زيك يتزوجها
عدنان يجرها في الكلام بس نجود اذكى من انها تنجر بالكلام:ليش في شي حلو
نجود:لا الحقيقه لا
عدنان انصدم ونجود كملت على الرغم من الي جوتها بس بتردله الحركه:على العموم تروح وترجع بالسلامه والله يوفقك وبعد من عند اللباب لانا طولناها شوي وأهلي يستنوني ولو شافنا احد بهذا الشكل بيشك
طبعا عدنان مصدومم بعد عن الباب
وخلا نجود تطلع من الباب وفي وجههاا ابتسامه نصر وهي تشوف الصدمه على وجه عدنان ردت شوي ولو شوي من كرامتهاا الي ضاعت على يد واحد متعجرف زي عدنان
خرجت وتركت عدنان جريييح وجرحه ينزف راح وطلع فوق وارتمى على سريره
ونزلت دمعه حزن لانه كان عارف ان نجود مستحييل تحبه بعد الي سواه فيها وان ضنونه كانت غلط
بس هو ماخذ عهد في نفسه انه مايتخلى عنها مهما صار وكيف يتخلى عن وحده نبض لها قلبه الي ماقد نبض لاحد وفي هذي الحظه بالذات عرف ان الحب صعب ومو سهل زي مكان يتصور عرف ان الحب له قيمه وانه اصعب انواع الحب الي من طرف وااااحد مايعرف ان نجود تمووووت في الهوا الي يتنفسه
في اليوم الثاني بعد المغرب عدنان كان محظر شنطته واغراضه ويستنا صديقه بدر الي بير
ووحون سوا للمطار
طبعا في هذا الحظات كان يتودع من الأهل
سلم على احمد الي حاول قد مايقد انه يمسك نفسه
سلم على عهود الي فتحت مناحه
وسلم على ابوه جا عند الاصعب امه
ام احمد تمسح دموعها:يمه ياولدي دخيلك لا تتركنا على عمانا اتصل علينا طمنا عليك ترا والله قلبي ما ررح يهنا الراحه طول منت مو قدامي وحولي
عدنان يحاول يتماسك:انشالله يما (ودق جواله معلناا ان بدر سار برا يستناه يروحون المطار)
يالله سلمولي على تركي وخالد وهند ورشا و=امس راحوا ماسلمو علي والله شكل تركي كان تعبان ممره يالله سلمولي عليهم ويله مع السلامه
خرجوا وجلسوا يودعونه الين وصلوه عند باب الشارع وام احمد طول المسافه تقرا عليه وتحصنه وتستودعه الله وعدنان يححاول قد مايقدر يتماسك
عدنان بغصه وهو يشوف دموع اهله من امه وابوه واحمد وعهود:يالله استودعكم الله الذي لاتضيع ودائعه
وخرج بسرعه قبل ماتفضحه دموعه
بدر:كان نمت وش رايك
عدنان بغصه:ترا ماني رايقلك
بدر:ترا حتى انا عندي اهل بكوني دم قبل ماخرج
عدنان بغصه:ياحظك بكيت انا الغصه مي راضيه تطلع
بدر:اديك كف عشان تطلع
عدنان سكت وما علق
فتح جواله وارسل هذي الرساله
(نجود انا خلاص رايح المطار امنيتي تنسين كل الي سار وماتشيلين بقلبك على انا رايح اكمل دراستي عشان اعيش الانسانه الي بعيش معها باقي حياتي في هنا وسعاده هي وحده اول ماشفتها قلبي دق وحده مستحيل نساها
وانا عشانها بسوي المستحيل)وارسل
نجود الي كانت تبكي>>عشان عدنان رح يسافر وزاد بكاها ياربي لازم يقولي يبغا يجرحني زياده طيب وش اسويله يعني اهنيه على الصخر الي جوا جوفه هذا مو قلب هذا حجر الله لايبلانا
وارسلت(يعني وش اسويلك ازغرطلك ولا ارقصصلك مصري ياخي انت ماتحس ماعندك قلب وش اسويلك يعني بالله اجل قلبك خفق على قولك اشوا كنت احسبك حجر ماتحس وبعدين رقمي امسحه من جواالللك))
عدنان ولاول مره تطيح دموعه من هذي الرساله جلس يبكيييي وبدر ساكت يخليه يفضي الي في قلبه
وهو عارف ان السبب واحد نجوووود الي اخذت عقله وروحه
عدنان كان حاط يدينه على وجهه من بعد مافك الشاش عنه وجالس يبكيييييييييييييييييييييييي بصو ت مسموع بدر الي عوره قلبه على صاحبه والي اول مره يبكي قدامه نزلت دمعه حزن على خده معقوله عدنان يكون بكل هذا الضعف وبنت تاثر فيه لهذي الدرجه معقوله عدنان الي مافي اقدر منه على التحكم بمشاعره يكون انسان حساس لهذي الدرجه ومين هذي نجود ااااااه لو اشوفها كيف قدرت تاخذ قلب عدنان؟؟؟
بدر:بس ياعدنان المفروض انك تقولها انك تحبها ياخي كافي تعذب نفسك
عدنان وهو يهدا:رح اقولها بس قريييب قريبب خليها خلي جرحها الي جرحتها فيه يطيب ويبرا شوي
وكملوا طريقهم للمطار بهدووووء وبصوت المكيف والمسجل الي على اغنيه..( اكمل انت الحب)
تعرفونها صح الي هي بأقولها بامصري عشاني ميح يعني افهموها
بعد الحب دا كلوا ياغالي والي ازاي ابعد وانساك... وابعد ليه وانا قلبي وبالي وكل مافي بيتمنا ك انا مش ممكن مهما جرالي حأبل اعيش غير بس معاك >>>عرفتوها صح المهم
في بيت سامي
ابو احمد:عهود حبيبتي بكره عندك جلسه عند الشيخ
عهود بخوف وهي تبكي:مابغا ارووح
ابو احمد بحنيه:لا لازم تروحين ياحبيبتي عشان انشالله تتعالجين
عهود بدأت تبكي لانها عااارفه هي وش تسوي ووش تصير اذا راحت عند الشيخ وبداا يقرا عليها
طبعا الكل حزين ومتأثر بسفر عدنان عدنان مهما كان محد يقدر يسد فراغه والله حتى انا معجبه فيه لاتضحكون علي بس احسه شخصيه واقعيه واغلب الشباب اذا حبواا من جد يحبون بجنون الشباب عندهم يحبك لازم تحبينه يعني تحبينه بالغصب بس في النهايه البنت تحبه لانها تحب فيه حبه لها تمسكه فيها البنت ماتبغا من هذي الدنياا غير احد يحبها ويقددرها ويراعيها ولايجرح مشاعرهاا مو صح كلامي؟؟؟
في اليل عهود كانت نايمه قامت مفجوووعه من الحلم الي شافته
عهود بخوف جسمها يعرق:ياويلي وش معنى هي حلمت فيها لايكون هي السبب فلي انا فيه ياربيييي (وبدات تبكي)
يوم الخميس بعد العصر
الشيخ هذي المره بيجي عندهم البيت
الحاضرين احمد – وابو احمد
الشيخ:كيفك ياعهود
عهود بخوف فضيع:الحمد لله بخير
الشيخ:جالسه تاخذين الأدويه الي اديتك تتروشين بالمويه المقري عليها والسدر
عهود:ايوه ياشيخ
الشيخ:ماتلاحظين أي تحسن
عهود:الا شوي
الشيخ:من أي ناحيه
عهود:قلت حالاتي الي تجيني>>> الي هي لما تغيب عن الوعي وتبدا تضارب وتصارخ وتحاول تنتحر
الشيخ:متى اخر حاله
عهود:قبل يومين بس بعدها صرت احلم بكوابيس كلها حوال انسانه وحده
الشيخ تحمس:ايوه وش تحلمين
عهود:احلم تحاول تخنقني تضربني تحلف انها ماتخليني في حالي احلم انها تحط على ثعابين وحشرات
الشيخ بأهتمام:اهااا هينا السر منهي هذي البنت؟؟؟
عهود بخوف:هذي بنت عندنا في المدرسه
الشيخ:انتي وياها على عداء
عهود:ايوه تضاربت انا وياها مره ودخلت بسبب هذي المضاربه القسم المضاربه مكانت تخصني هي حاولت تاذي بنت عمي وانا دافعت عنها وصار بينا عداء
اليشخ:قد هددتك مره شي؟؟
عهود :كثييير كانت تهددني بس انا ماكنت اخاف ليش ياشيخ هي السبب؟؟
الشيخ يرقع:لالا انشالله بس يالله نبدأ
وبدات رحله العناااء بالنسبه لعهود
نهايه البـــــــــــــــــــــــــــــــــــــــــــــ10 ــــــــــــارت وبـــــــــدايه الـــــــــــــــ11
اتمنى لك قرائه ممتعه
شفنا عدنان كيف تطور حبه لنجود شفنا عهود وبداينكشف سر مرضها المفاجأ
تتوقعون عهود بتتعالج ولا بيخف مرضها وبتضل تعاني؟؟؟
زواج رنا واحمد رح يتم؟؟؟؟
ترقبوني في البارت الجاي
|