ياليل كان الحب هذي مواريه..
..عزالله أني رحت ياليل فيها

دار الزمان ورجع الوقت ماضيه..
..جتني ياليل وأنا ما كنت أبيها

صدفه على شاطي البحر جت وأنا فيه..
..ومن الوله بغيت أسلم عليها

جتني تخطى ورد الأحباب تهديه..
..ورفضت لاخذ وردتن من يديها

ياليل درب الحب ماني بغاويه..
..لي كلمتني لصدرت واحتميها

الجرح ماهو بلى ولاني مخاويه..
..هايم دروب الحب كيف أنتهيها

الحب ياهل الحب كيف أنا أنهيه..

..شيرو علي علومكم وأبتديها

ياليل نخيته واعتبرني معنيه..
..قال أنتهيه وأنصحك شطب عليها

ياليل أنا ماعاد فيني مشاريه..
..لا تلومني يا ليل يوم أحتريها

ياليل جرحي في الحشا من يداويه؟..
..قلي قبل ماجيك وأشتكيها

ياليل جرح الحب والله ما أدانيه..
..جرح الغدر يأثر علي وعليها


ملطوووووووووووووووووش