البارت السابع عشر
000000000000000000000000000000 0000000000000
الساعه 1 الليل .. رجع فيصل بيتهم وماشاف أحد الكل نايم تعرفوا مابقى شي للمدارس والجامعات .. ركب فوق وشاف نور الصاله مشغل على خفيف عرف انّ في أحد ..
ريماس قامت على طول بعد ماشافت أخوها جاء : فيصل وين كنت خوفتنا عليك .. الحين تعال أبيك تحكي لي السالفه كامله والله راسي عورني من كثر التفكير فيها .. تعال وفهمني السالفه .. وترى " لعت ريقها " .. رسيل راحت
فيصل بصدمه : شنو ومتى راحت ومن وداها وليه خليتها تروح من الأساس .؟؟؟؟؟؟؟؟؟؟
ريماس منزله راسها : اتصلت لأخوها رائد وقالت له يجي ياخذها لبيته عشان اهلها مايحسوا بشي بهالفتره الحاليه واني حاولت فيها بس عيت
فيصل جلس على الكرسي وتنهد ناقص هو كفايه أنها فاهمه السالفه غلط والحين أكيد بتقول لرائد الي فهمته وهو راح يفهم غلط .. ضرب ايدينه بطاوله بضعف وقهر من شمس لو يشوفها ودّه يقتلها ويطلع حرّته كلها فيها .. بس آآه ماباليد حيله ..
ريماس : ها مابتحكي لي السالفه .. فيصل أنت بس فهمني وصدقني لك مني وعد أني بنفسي راح أفهم رسيل السالفه وأجيبها لك بنفسي .. بس انت فهمني الحين انت ليه ساكت .. وترى امي بدت تحس ...
فيصل وهو يفتح زرار ثوبه الأول يحس بضيقه كبيره : جيبي لي كاس مويه وتعالي أحكي لك بس ماتقولي لأحد طيب ..
ريماس فزت على المطبخ تجيب كاس الماء : ان شاء الله
&&&&&&&&&&&&&&&&&&&&&&&&&&&&&& &&&&&&&&&&&&&&&&&&&& &&&
رائد بحنيه : رسيل حبيتي ليه كل هالبكاء دا صدقيني مافي زوج وزوجه إلا ويتخانقوا بس انتي فهميني السالفه والبكا والنياح ماراح يفيدك بشي ..
شوق : رائد خليها تهدأ الحين وبكره ان شاء الله ادا هدت راح تحكي لنا .. " توجه كلامها لرسيل " حبيبتي رسيل انتي الحين اهدي ونامي وبكره ربك يحلها واي شي تحتاجيه البيت تحت امرك اوكي .. يلا تصبحي على خير .
وطلعوا شوق ورائد
رسيل وهي منسدحه على السرير وتضرب المخده وهي تبكي : ليه يافيصل انت شنو شفت منّي عشان تخوني انا ماسويت لك شوي ؤربي ماسويت لك شي عشان تخوني ليش ليش يافيصل حرام عليك
وبعدها ماحست بنفسها إلا وهي نايمه من التعب
&&&&&&&&&&&&&&&&&&&&&&&&&&&&&& &&&&&&&&&&&&&&&&&
بعد يوم كامل كان جميل للبعض ومتعب للبعص .. نشوف فيهم واحد واحد
في بيت أبو عزام كانوا مجتمعين على سفرة الغذاء صارت الساعه 2 الظهر ..
سجى : يبه نبي نروح المكتبه المدرسه ماباقي عليها شي واحنا للحين ماجهزنا بعدين تصير المكتبه زحممه
ابو عزام : ههه ان شاء الله اليوم شوفي واحد من اخوانكم يوديكم
بعدها سكت الكل إلا يسمعوا صوت التلفون
ام عزام : انتوا كملوا غذاكم اني بارد
وراحت
وبعد ماجعت والابتسامه باينه بوجها
راكان بلقافه : يممه شنو هالتلفون الي خلاك تنبسطين هالقد
ام عزام بفرح : البشاره ياعزام البنت وافقت عليك وقالت عشان نتفق على الملكه اليوم هم عازمينا عندهم على العشا
عزام وكأنه توه يستوعب
عاد الحين انتوا توقعوا شلون هو فرحان بشكل موطبيعي فرحان لآخر درجه
راكان بإستهبال : مبروك ياعريش
ملاك : هاهاهاها سخيف ؤربي سخيف
ابو عزام : عجل على بركة الله الحين كملوا غداكم وبعدين نتكلم بهالموضوع
طبعاً الكل فرحان وسوالف وهدره على الأكل الي يقول ادا جبت ولد سميه بإسمي والي يبارك والي يستهبل والي والي والي .............
بعد الغذاء اجتمعوا يالصاله كلهم ويحلوا بحلويات و سلطة الفواكه وبيبسيات وشاي يعني وناسه ع الآخر
راكان ياكل من الحلى : يبه عزام والحمد لله وافقت البنت وقريب راح تكون الملكه متى بعرس أنا ؟
ام عزام : ههههه يصير خير الحين بالأول خليه يملك
ليال : صحيح راكانوا بتخطب .. عجل يمه خلّي عرسهم بليله وحده بس كل واحد بقاعه عشان نوفر بدل مانروح مره ثانيه نجهز لعرس راكان وعفسه
ملاك : إيه صحيح يمه كلام ليال ..
راكان وكأنه مو مقتنع : لا لا مو عدل
ام عزام : هههه استغفر الله الولد لسى ماصار شي وانتوا بديتوا تجهزوا لعرسهم ..
سجى بنحاسه : إي والله يمه من زود الدلاخه الي بعيالك
>>>>>>>>>>>>>>>>>>>>>>>>>>>>>> >>>>>>>>>>>>>>>>>>>> >>>>>>>>>>>>>>>>
على طاولة الغذاء
ام فيصل : إلا يمه فيصل واين زوجتك ما اشوفها معانا بالسفره ؟ عسى ماشر
فيصل وريماس ارتبكوا
ريماس ترقع : احم .. يمه الصباح كذا الساعه تسعه رسيل تقول بتروح لأخوها رائد اتقول احم بتسوي شغله لشوق وبتجي -----> يازين الترقيع
ام فيصل بإستغراب : هَو .. من صباح الله .. طيب ماقالت لكم الشغله ؟
ريماس : لا يمه
بعد ماخلصوا غذاء
الكل ركب يريح شوي ماعدا ريماس وفيصل
ريماس : ها فيصل متى بتروح تجيب زوجتك ؟
فيصل بسرحان : ويعني بالله عليك بترضى تجي ؟
ريماس : طيب بروح معك
فيصل : والله من رأي ياريماس نخليها تعيد أفكارها كفايه انا حاولت معاها اني افهمها بس هي عيت
ريماس : فيصل لاتخلي رسيل تضيع من بين ايدينك وانا من رأي تروح تجيبها وإلا صدقني يمكن تروح البنت من بين إيدينك وساعتها انت يلي راح تندم
فيصل : لا لا بعدين انا ابغاها الحين ترتاح شوي وبعدين ربك يحلها ان شاء الله
>>>>>>>>>>>>>>>>>>>>>>>>>>>>>> >>>>>>>>>>>>>>>>>> >>
في غرفة طعام بيت أبو عزام ....
جالسين ع الأرض وعدالهم صحن الفواكه تقصصه "ملاك" ..
وراكان شبه طايح ع الارض ومتساند ع وحدة من الكوشنات يطالع التلفزيون ..
كان ما يطالع ملاك ..
بالعكس عينه ع التلفزيون يشوف مصارعة ..
وهي ع نياتها تقصص الفواكه وتطالع المصارعة ولايعة جبدها : راكان حرام عليك قلبك ما يعورك ع هاللي تكفخ من الصبح ..
طالعها برود : ليش حد قال لك اني انا اللي انضرب بداله ؟
ضحكت ملاك : ههههههه انزين ما قلت كيذا بس بعد منظرهم يلوع بالجبد ..
راكان : اقول سكتي لا ارقعك بكف الحين ..
ملاك بتحدي : ارقعني يلا اشوف .. برقعك انا بكفّين ..
×
×
×
كان جالس يتأملهم وهم يتضاربون ..
بيفقدهم كثير بعد مايطلع من البيت
شقد راح يوحشونه خبالهم
يفكر يسكن معاهم
بس مايعتقد إنّ أهله بوافقوا ......
خصوصاً أنهم يبون يفرحون فيه بما أنه أخيراً تزوج
أصلاً أبوه سبق وكلمه بهالموضوع وقال له إنّ بنا ليه بيت والحين لسى ما كتمل
توهم يبدوا فيه
×
×
×
انفتح الباب وهو شبه سرحان ..
كانت ملاك تضحك : عزام اخونا العود عند الباب .. يا هلا ومرحبا .. ليكون كنت تتجس علينا انا وراكان ؟؟
صد راكان على عزام : اوه من وين طالعة الشمس.. الأخ جاي هني .. تعال كمل البرتقال ايديها ما فيها بركة طلع البرتقال حامض ..
ضحك عزام بتمثيل : هههههه وتبغاني آكله وهو حامض ؟؟
راكان : اي شنو فيها .. يلا كل اختك تبغى قشور البرتقال تبغى تسوي خلطة عقب حق وجهها ..
ملاك تخصرت : لا والله ؟؟ متى قلت اني أبغى اسوي ؟
راكان : يا الكذابه .. توك قلتي بتسوين خلطة بقشور البرتقال والروب والخيار وشعرة تيس..وبصراحة مالي بارض ادور لك تيس.. فأفضل تاخذين شعرة التيس اللي واقفة مقابلتنه الحين ...
ضحكت ملاك بقوة ..
بينما عزام ما كان مستوعب شنو السالفة ..
ملاك جلست ع الارض من كثر الضحك : ههههههههههههههههههههههههههه تيس عاد ..هههههههههه آاه يا بطني .. من وين اتجيك هالألفاظ .. هههههههههههههه ..
عزام وشكله توه استوعب : أنا تيس ؟؟ (قام بيلحق راكان) يا الهرم انا اخوك العود ..
قام راكان بسرعة وهو يضحك : هههههه عادي انزين شنو فيها لو كنت تيس .. التيس ياكلون لحمه .. يعني منك فايدة..
عزام : اوقف بسرعة اوقف.. هالناقص تتمصخر عليه ؟؟ دامك اخوي لازم اكون تيس ..
وجلسوا يركضون ورا بعض وهم ميتين من الضحك ...
لدرجة ان عزام نسى انه كان زعلان ومهموم ..
|[]|
بعد مرور أسبوع /
طبعاً رسيل نامت هالأسبوع كله عند بيت اخوها رائد ورفضت أنها ترجع لبيت زوجها
وفيصل طلّع حجه لأمه الي بدأت تحس بالسالفه
" طبعاً اليوم ملكة عزام ...............&............فج ر "
×
×
×
الصباح الساعة 2 الظهر
الجوري : اللآآآآآآه وناسه مابغينا يجي عرس بالعائلة شوي بجد استملينا
لجين : خخخخخخ الله يعينك بس بكره مدآرس ياحلوة
الجوري كشرت : وف عاد لاتنكدي علي الصبح من طاري هالغفه دي ما أقول إلّا ياحضك انتي افتكيتي
لجين : هه اصلاً غمضي وفتحي إلّا انتين كبرتي وصرتي حرمه
الجوري تستهبل : هداني غمضت وفتحت ماصرت حرمة ولا كبرت
لجين بإستخفاف : هاهاهاها ما أسخفك
الجوري : إلّا تعالي شنو بتلبسي الليلة ؟
لجين : هع هع تصدقي للحين ماقررت
الجوري : أقول يله قومي نشوف لنا أي شي ملانه أقوم السوق
لجين قامت : يله
|[]|
ملاك : ليالو وصممخ يصمك يا العلة انتي يله اتأخرنا وحضرتك جالسة تشاهدين " بنرفزة " يابرادتك ياه
ليال تحط ايدينها على اذنها وهي مغمضه عيونها بقوة : وجعتن ان شاء الله اش تبين انتي ؟
ملاك : بنروح المشغل يالخبلة ترى مالي دخل ادا راكانو عصب لأنك تأخرتي .. يله اني بروح السيارة وانتي عجلي ها ياويلك ان بديتي تستعبطي ماني ناقصتك
ليال : طيب طيب انتي دلفي اني بلبس عباتي ولاحقتكم
/
بالليل
عند الرجال /،
راكان وهو كاشخ بالثوب والشماغ الأبيض , بهمس ل عزام : مبروك " بستهبال " منها المال ومنك العيال
عزام متوتر , دار راسه ل راكان : ما أسخفك .. يازينك ساكت
الشيخ توه واصل
مشعل الي مطقم مع راكان , كان قاعد بجهة اليمين بالنسبة لعزام وراكان من جهة اليسار : يس وصل الشيخ .. أقول لاتفشلنا ياخي وتقول مانيب موافق
عزام : أحد قال لك سيخف
مشعل بحالميه : وايد وأحلى شي سمعتها منك
راكان بتكشيرة : وع ع ع ع . ما أبيخ اللهجه الكويتية عليك
×
×
×
بعد مدة .,
دق جوال أم عزام --------> أكشخ حتى العجايز لهم جوال ^^= >> أقول طسي بس
ام عزام : الو
راكان : يما أنا عند الباب المطبخ قولي لوحدة من خواتي تجي تاخذ الكتاب مني عشان يخلوا العروس توقع
ام عزام : طيب انت خليك الحين انادي وحدة تجي لك .. مع السلامة
/
ام عزام تنادي ملاك : روحي جيبي الكتاب من عند أخوك عشان العروس توقع
ملاك : أوكي يمة .... وين هو ؟
ام عزام : عند باب المطبخ
ملاك : اوكي
وراحت للجين
ملاك : لجونه تعالي أبيك شوي
لجين بإستغراب : وين ؟
ملاك تجرها من يدها : تعالي وبتعرفي
|