يوم السبت بدآية يوم الاختبارات ..
كان رعب على كل طالب وطالبه ..
لجين كانت رايحه جايه ..جايه رايحه..
الجوري : لجين اقعدي في مكان ترى راسي عورني..خليني اذاكر..
لجين وهي تقرى المعوذات عشان تهدى:خايفه والله خايفه..
دخلت ام راشد : هاه خلصتوا عشان السايق ينطركم برى..
لجين بخوف : اي يمه جاهزه هالحين باطلع
ام راشد حست في بنتها: يمه وش خايفه منه تعوذي من بليس وان شاء الله الاسئله سهله
لجين تطمنت شوي: ا نشا الله..انشا الله.
الجوري : انا نازله لا تتأخرين.
ونزلوا كلهم وركبوا السياره ولجين تدعي ان الله يذكرها بالمعلومات ويطمن قلبها..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&&&&
ملاك كانت حايسه البيت فوق تحت ..
ملاك : يمه وين عباتي ؟
ام عزام : كاهي قدامك ..
ملاك : آآ ماشفتها ..
ملاك : يلا رآآكآن تأخرنه .. ليآل ..
ليال : يلا بنتظرك بالسياره ..
ملاك : يله .
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&
رسيل نايمه وما عندها شي.. ورؤى لاهيه تتمكيج وتزين تحط قلوس وكحل .
دخات ام رائد : هاه رؤى خلصتي مرآجعه علشان تروحين المدرسه ..
رؤى : هاه اي خلصت مرآجعه .. يله كاني باروح
ام رائد : بسم الله عليك لا تعلمين احد اخاف يصك بعين..
راحت رؤى المدرسه وهي مستعده بكومة براشيم ..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&&&&
دخل الكل قآعته ..
و ريماس و لجين مبسوطات لان الاسئله كانت سهله شوي ..
و الجوري عدت مزبوط اما رؤى كانت حتنكشف بس الله ستر وعدت على خير ..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&
عده الاسبوع الاول على خير ..
في بيت رائد ..
الجوري : بابا شو هديتنه ادا نجحنه .. ؟
ابو رائد : انجحو ولكم الي تبونه ..
لجين : بابا نبي نسافر ..
فارس : اي والله خلنه نروح الامارات او قطر ..
الجوري : لالا الامارات احلى .. قطر رحنآهآ العام ..
ابو رائد : لكم الي تبونه لكن الدرجآت الزينه ..
الجوري ولجين مبسوطات مرره ..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&&&
بعد ما خلصت الاختبارت ..
البنآت جابوا نسبآت ترفع الراس ..
ليال .. 92%
ملاك الدافوره 99%
لجين .. 96%
الجوري92%
رؤى 90%
ريماس 95%
&&&&&&&&&&&&&&&&&&&&&&&&&&&&&& &&&&&&&&&&&&&&&&
وطبعاً ابو رائد وعدهم بسفره و الجوري عطول راحت تتصل عليهم تخبرهم .
اتصلت على رؤى ..
الجوري : الو ..
ريان : الو اهلين ..
الجوري : ابغى رؤى بسرعه ..
ريان بكذب : رؤى نايمه ..
الجوري : ياكبرها عند ربي ..
رؤى : ريان مين تكلم ؟
ريان : هذي .. هذي .
رؤى شهت : تكلم بنآت .. يمه يمه يمآع ..
ريان : اوش ..
رؤى لازالت تصارخ : يمآآآآآآآآآ ..
ريان حط يده على فم رؤى : اشكتي فضحكتينه ..
رؤى تبعد يده .. : وع بعد ايدك ماصخه ..
ريان : اوف ياطويلة اللسان ..
رؤى : ترى بخبر امي ..
ريان : انا بطلع احسن لي ..
رؤى : يكون احسن ..
اخذت السماعه ..
رؤى : الو ..
الجوري : اسمعي اخوك لايرفع على التلفون مرره تانيه .
.
رؤى : ماشي ماشي .. ليه متصله ؟
الجوري : مالت عليك واني جايبه لك خبر بكنوز الدنيآ ..
رؤى : شو انخبطتي اقصد انخطبتي ؟
الجوري : لا شنو انخبطت اقصد انخطبت فال الله ولا فالك . عندي لك خبر احسن من الخبطه اقصد الخطبه ..
رؤى تحمست : اي شنو ؟
الجوري : بنسآفر ..
رؤى : حلفي ..
الجوري : والله ..
رؤى : ونآسه ..
الجوري : الا ابو الونآسه ..
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&&
بعد ماسكرت من رؤى اتصلت على ملاك و ريماس والكل عرف بروحة { الاماراآآآآآآت }
..
الجوري : بابا متى بنروح ؟
ابو راشد : ان شاء الله يوم الخميس
للعلم .(: الحين عند ابطآلنه يوم الثلثاء ..
لجين : آآهآ ماباقي شيء يعني ..
الجوري : بابا نبي فلوس عشان نروح السوق نقضي ..
ابو راشد : وكم تبون ؟
لجين : 900 بالكثير ..
ابو راشد : من عيوني كم لجين و الجوري عندي ؟
&&&&&&&&&&&&&&&&&&&&&&&&&&&&&& &&&&&&&&&&&&&&&&& &&& &&&&&&&&&&&&&&&
بالسوق ..
كانت لجين والجوري يتمشون ..
لجين : اقول الجوري مو كأنه هاد راكان وملاك ؟
الجوري : الا الا هم .. تعالي نروح لهم ..
لجين : يلا ..
وراحوا لهم ..
راكان ابتسم اول ماشافهم ..
الجوري : اهلآ وسهلآ ..
ليال : اهلين ..
الجوري : اقول راكان انقلع خلنه نتسوق على راحتنه ..
راكان : طرده محترمه ..
الجوري : تقدر تقول ..
راكان : اوكي ملاك انا بالمكاعم فوق ادا احتجتون شيء دقو علي ..
ملاك : ان شاء الله ..
&&&&&&&&&&&&&&&&&&
بعد يوم يوم الاربعآء ..
طبعاً الجده ماتقدر على السفر لذالك قعدت بقصرهآ .. و.......
في بيت رائد ..
شوق كانت متأكده انها بتولد لان موبقآدره .. ورائد نايم ..
شوق : رائد .. رائد .. والله والله احس بولد ..
رائد : تتوهمي ..
شوق : لا هالمره صج ..
رائد : شوق ماعليك تتوهمي ..
شوق بصراخ : آآآآآآآآآآآآه بولد .. آآآآآآآآآآآآآآآآآآآآآ ..
رائد خاف عليها وعطول وداها المستشفى ..
بالمستشفى ..
رائد كان ينتظر ثوبه الازارير مفتوحين وشماغه على كتفه وعقاله على راسه يعني حاله مبهدل ..
بعد ساعه ونصف ..
طلعت الدكتوره ..
الدكتوره : مبروك يا استاز اجآك توام .. [ ........] ..
---------------------------------
البآرت السآدس ,
طلعت الدكتوره ..
الدكتوره : مبروك جاك توأم بنات
رائد من الفرحه مايدري وش يسوي : طيب شوق شوق بخير ؟؟
الدكتوره : لاتخاف عليها المدام بخير ولدت طبيعي الحمد لله
رائد : الحمد لله .. طيب فيني اشوفها
الدكتوره : الحين ممنوع لان توها ولدآنه تعال لها بكره ان شاء الله
رائد : طيب الحمد لله ..
اتصل رائد بالكل وبشرهم .
طبعاً الكل كان نايم لكن من عرفوا بالخبر فزوا كلهم واجتمعوا بقصر الجده ..
بقصر الجده ..
ابو رائد : مدام شوق ولدت المفروض نأجل السفر ..
الجده : وليه نأجلها ياوليدي اني مابسافر خليها تجي تقعد عندي هي ورآئد ..
ابو عزام : بس مايصير يعني من الذوق نقعد معاها ..
الجده : لا مايحتاج ياولدي اني معاها ورائد وشوف الخدم مالين البيت ..
الجوري : صحيح كلام جدتي حبيبتي ..
الجده : ابو المصآلح انتي .. <-- كشخه الجده
الجوري : حرام عليك جدتي انتي دوم ظالمتني ..
الجده : جب بس جب لا بالعصا تلويك ..
الجوري بصراخ : يمآآآآآع ..
الجده : ؤصمه ..
الجوري تتحرطم : اوف خلني ساكته احسن لي ..
ملاك بنعومتها : وشنو جابت ؟ ..
الجوري : صحيح رويشد وش جابت ؟؟
راشد : رويشد بعيونك يلي ماتستحين .. جابت توام بنات ..
الجوري بفرح : وناسه ..
رؤى : يسلام وناسه .. وضربت كف بكف الجوري ..
الجده ضربت الثنين بالعصا والكل ضحك عليهم ..
الجوري : قومي رؤى مساكين نحنه محد معبرنه ..
رؤى مسويه زعلانه : صحيح قومي
الجده تعرفهم وتعرف طبايعهم : بلي مايحفظكم ..
الجوري : اقول يبى متى بنسافر الحين ؟
ابو راشد : خلاص نفس الحجز بنتكل على الله يوم الخميس ..
ابو فيصل : ان شاء الله ..
ملاك : بنات يلا نركب فوق ..
لجين : يلا ..
الجده : على وين ؟
رسيل : بنركب فوق جده تامرينه على شيء ؟
الجده : ولا شيء .. آآآ صحيح اليوم يابنات نامون عندي ..
عزام : واحنه ياجده ؟؟
الجده : انتو ما ابيكم ..
راكان : افا ليه ؟؟
ريان : الجده مو راضيه علينه ليه ؟
الجده : لا لا مابيكم اني ابي البنآت وانتو شنو حاشركم شغلات حريم .. <-- خطيره الجده
طبعاً الكل كتم ضحكته ..,
|