.:::: البارت الثامن :::::.

دخلت جود و حلا على البنات..
جود : سلام بنات عندي لكم خبر بمليار ريال ..
شذى بهبالتها : مليار ريال وااااي وايش هو ؟
جود : بكرة خطبة زياد من حلا بشكل رسمي ..
شوق : وااااا مبروك حلا مبروك حبيبتي ..
حلا : تسلمي عقبالك
البنات : مبرووووووووووووووووووووك
جنا راحت تبوس حلا : مبروك .. خلاص تهني فيه يا دبه ..
حلا ضحكت : يا حلوك وانتي زعلانه..
جنا : انا دوم حلوة
دينا : منك العيال ومنه المال ..
حلا : مشكورة وعقبال مايجي دورك ..
اريام : يله بنات نغني اغنيه ..
جود : ايش نغني ؟
اريام : احلى حاجة فيك ..
البنات صفروا و جابوا قدر و صحون واشياء لها اصوات دق::.
عارفه احلى حاجة فيك ايه بتحلي أي شي عينيك تجي فيه
قمر ده ايه الي تنساه ومين تعالى اقولك احلى حاجة فيكي ايه
ولا انتي فاهمة قصدي والي بالي فيه فيكي ياما انا حلمت بيه
الليالي يلا ان شاء الله اموت في هواك ان شاء الله ده كثييرعليا الحب ده
والله حتمنى اكثر من كده ايه
حد في البراءة دي مفيش ولا في الغلاوة دي انا معنديش
انا كل ليكي متكدبيش عينيكي قلبي عقلي روحي عمري
كلي ليكي مش حرده من عمري ولحد اخر يوم في عمري شاريكي يلا
يلا ان شاء الله اموت في هواك ان شاء الله ده كثييرعليا الحب ده
والله حتمنى اكثر من كده ايه

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض..
خلاص اتخذت قرارها .. وهي واثقه منه .. ومتأكده انه صح
حاسه نفسها مخنوقه .. فأخذت الجوال و اتصلت على اقرب الناس لها .. اهلها في جدة..
بس الخط مو ماسك معاها ..
فأخذت فرح الملفات و راحت للمستشفى ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المستشفى ..
كانوا قاعدين على كراسي الانتظار ..
حالتهم من السيئة الى الاسوء .. لا اكل زين ولا نوم زين ولا النفسية زينه << زينه ولا نحول هع هع..
كان الموجودين ( عماد + ساره + مها + هبه ) و ام بندر وابوه رجعوا البيت من التعب
ساره تهمس لـ عماد : عماد انت ما تعرف ايش الي خلى بندر يسرع بالسواقه ؟
عماد : الا انا قلت لك من قبل انه اتصل فيني .. يشتكي لي..
ساره : ما كنت مركزة في هذاك الوقت يعني بس عرفت بحالة بندر ما ادري ايش صار لي ..
عماد : اسمعي قبل ما اقلك .. ابغى اسـألك سؤال ..
ساره : هلا
عماد : لاحظتي شي غريب على فرح ؟
ساره : ايش تقصد شي زي ايش
عماد : يعنيييييييييي .. اممم كيف اشرح لك ... يعني زي انها تلمحلك انها تحب او تخرج مع واحد او شي من كذا !
ساره : فرح !!! لا ..ابدا
عماد : ولا حسيتي ؟
ساره : لا .. ليش ؟
عماد عدل جلسته : اسمعي .. قبل ما يصير الحادث لـ بندر قال لي انه رايح على المول عشان يقتل فرح ..
ساره مصدومه : يقتل فرح!
عماد نزل عينه : ايه .. قال انها خاينه .. ”ناظر ساره“ وانه بيذبحها ..
ساره بتعجب : فرح خاينه .. لا يمكن يصير هذا الشي ايش.. ايش الي خلاه يفكر بهذي الطريقة ..
عماد : ما ادري .. لا تنسي انه بندر تغير على فرح كثير..
ساره : طيب فرح عارفة ؟
عماد : اممم ما ادري بس اظن لا .. ما تعرف
ساره : انا لازم اكلم فرح..
عماد : لا يا ساره .. بس يصحى بندر نحل كل شي .. بس الحين الوقت مو مناسب ..
ساره : عماد انا ..
قاطعها عماد : خلاص سارة .. قلنا مو قته
ساره : ان شاء الله
::::::
في كراسي بعيدة ..
مها : على ايش يتكلموا ؟
هبه بعصبيه : ما اعرف
مها : خير هبه لا تتكلمي معايا بهذا الشكل ..
هبه : مها انتي السبب .. انتي السبب في تواجد بندر هنا و في قسم العنايه المركزة ..
مها تصرخ : هبه اسكتي انا ما دخلني فيه..
عماد التفت لهم : ممكن اشوي هدوء..
هبه وقفت و سحبت مها معاها و نزلوا على الحديقه الصغيرة برا المستشففى ..
هبه : يله فضفضي هنا على راحتك .. الحين يا مها ما صار لك علاقة ببندر..
مها تبكي : بس انا ما كنت ابغى يصير الي صار ..
هبه : بس لك علاقة يا مها صح؟
مها : حتى انتي يا هبه معاي
هبه : عارفه .. عارفه.. انا مستعده اعترف بخطئي ..
مها : بس انا لا .. بندر لي انا مو فرح
هبه : مها لا تخلي الحقد يوصل معاك اكثر من كذا ... انتي نسيتي ايش سوينا في بندر و فرح نسيتي قبل شهرين ايش سوينا .. و ..
مها : هبه قلت لك لا تجيبي هذي السيرة على لسانك ..
هبه بتدخل : هذي كانت من قبل اكبر غلطة .. بس الحين شوفي ايش صار في بندر .. واحنا السبب ..
مها بكيت و حطت يدينها على اذنها : خلاص خلاص ..
هبه راحت و حضنت اختها ... و قعدوا يبكوا ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف ....
اريام : يله نروح المول .. نشتري لحلا فستان و اكسسوارات للخطبه
شوق : ايه يله الحين ..
حلا : لا مو لازم انا راح البس أي فستان من الي عندي ..
جود متكتفه : نعم نعم ... عروستنا الحلوة لازم تتشيك .. و تكون احلى وحدة
دينا : ما شاء الله حلا حلوة حتى لو لبست ثوب مقطع و قديم و خلت شعرها منكوش ..
البنات : ما شاء الله
حلا استحت
شوق : يله بنات .. تجهزوا .. وكل وحدة تدق على امها ..
شذى : حبيبتي انا اول وحده بدق على إمي ... باخذ منها مصاري كرمال خرجتنا ..
جود : ويع الله يقرفك .. ما ينفع لك سوري .. لا تتكلمي كذا فاهمه
شذى : ايه بيمشي الحال استازه
جود : شذى
شذى : اوف خلاص سكتنا ..
حلا زعلانه : طيب اخلصوا ( كنت اتمنى اني ما اتشيك عشانه .. لانه ما يستاهل )

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المستشفى ..
راحت فرح .. عند الدكتور.عادل ...
فرح : دكتور هذي هي الملفات ..
د.عادل يطلع على الملف : اوه شكرا .. يعني قررت تعطي الكليه لزوجك
فرح : ايه .. بس متى العمليه
د.عادل : العمليه ؟؟؟؟ ”ابتسم“ شكلك يا آنسه فرح فاهمه الموضوع غلط ..
فرح : ايش تقصد ؟
د.عادل : صحيح انه احنا نحاول ننقذ بندر من الموت بس لا يمكن نجر شخص ثاني للموت ..
فرح : بس انا موافقه اني اموت عشانه ..
د.عادل : آنسه فرح .. في بطنك طفل .. و نسبة نجاتك هي 15 %
فرح مصدومة : 15% .. و بندر ؟
د.عادل : ما راح يكون عليه خطر لو نقلنا كليتك له .. بس الخطر على حياتك انتي ..
فرح : طيب دكتور انا موافقه على العمليه حتى لو كلفني حياتي .. مو من حقك تمنع عمليه للمصلحة ..
د.عادل : مو من حقي اني اعرض حياة شخص للخطر .. يا آنسه فرح لو تبغي تتبرعي فلازم اقول لـ السيد احمد و اعرض له حالتك و الجنين و حالة حياتك ..
فرح : لا
د.عادل : اسمعي انا راح اوافق على العمليه بس لو تأزمت حالة بندر قبل ما تطلع نتائج تحليل ابوه ..
فرح : بس يا دكتـ...
د.عادل : الا لو تبغيني اكلم السيد احمد ..
فرح تبكي : ان شاء الله .. ”و خرجت“

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو طلال ..
طلال كان قاعد .. يفصفص و معاه شاهي بالنعناع
ترررررنت تررررررنت التلفون يدق ~~
طلال : الو
جود : هلا اخوي .. اخبارك ؟
طلال وهو ياكل الفصفص : الحمدلله .. نعم في شي ؟
جود : والله ياليت تنادي مامي ابغاها
طلال : لو ما ابغى ؟
جود : طلال ابغى اكلم ماما .. تفهم ولا شنو ؟
طلال : لا شنو ... ههههه
جود : هي انت ..
طلال : انت ولا انتي كهكهكهكهكهكهكهكهكه
جود : و بعدين ؟
طلال : وبعدين ولا الحين كهكهكهكهكهكهكهكهكه
جود تنرفزت منه : اسمع لو انت فاضي ومزاجك البايخ رايق بس انا لا .. فالحين انا بقفل و 5 دقايق وبتصل و قسما لو انت رديت مو امي .. والله والله حسابك معاي ”سكرت الخط بوجهه”
~~~~~~
طلال خاف من اخته المجنونه .. و راح ونادى امه
اشوي واتصلت جود .. ردت ام طلال و طلال جنبها
ام طلال : هلا جود
جود : هلا امي ..
ام طلال : ايش بغيتي ؟
جود : امي انا بروح على المول مع البنات عشان نشتري لحلا فستان ..
ام طلال : ايه صح قبل اشوي قالت لي ام نايف انه بكرة الخطبه ..
جود : ايه يمه .... اروح ؟
ام طلال : أي مول ؟
جود : الاندلس مول (مول في جدة)
ام طلال : طيب .. بس لا تتأخروا
جود : ان شاء الله .. بس امي ابغى فلوس ارسليها مع النشبه اخوي .. باي
ام طلال : ان شاء الله يله باي ”وقفلت“
~~~~~~~~

طلال يفصفص: خير يمه .. ايش تبغى هالخبله .. وين تروح ؟
ام طلال : تبغى تروح المول .. عشان تشتري فستان لحلا
طلال تعدل : اها يعني كل بنات عمي يمه بيروحوا معاها ؟ ..
ام طلال : ايه ..اظن
طلال : أي مول اكيد بيروحوا ساوث مول ؟
ام طلال : لا بيروحوا الاندلس مول ... ليش تسأل
طلال يلهي امه عشان ما يجاوب : يوووه اغبياء هناك الاسعار صاروخيه و نار .. كانوا راحوا .. هايبر بنده .. يراعوا في الاسعار شوي
ام طلال : ليش شايفنا مفلسين عشان ما يشتروا الغالي
طلال ببرائه : لا يمه مو قصدي .. اقصد بلاش التبذير
ام طلال : اقول روح انت روح .. الله يزوجك ..
طلال ( فِرح من قلبه : آآآآآمين ) وراح عشان تتحقق الدعوة

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض و في المستشفى ..
بعد ما خرجت من عند الدكتور .. توجهت لـ صالة الانتظار ..
ساره : اخيرا يا فرح جيتي
فرح : معليش كان عندي شغلات .. كان لازم اخلصهم ..
ساره : اممم لا عادي
فرح جلست و كلها تعب و طول الوقت وهي تفكر بـ بندر
ساره : فرح .. وين كنتِ ؟
عماد دق ساره وبهمس: ساره ؟
فرح تفاجأت : كنت في البيت ..
ساره : بس شكلك ما نمتي
فرح ناظرتها بتسأول : يعني في وحدة تقدر تنام و زوجها في المستشفى بين الحياة والموت ..
ساره تفشلت وحست بالخجل : لا
فرح : طيب ؟
ساره : لا بس خفت عليك
فرح : لا تخافي ساره ..
جاءوا مها وهبه
مها بهمس : يوووه شوفي مين جاء ..
هبه : مها خلاص .. ايش قلنا بخصوص فرح و بندر ..
مها : طيب سكتنا ..
وراحوا و جلسوا بعيد عن فرح و بعيد عن ساره و عماد

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المول .. الساعة 4:34
شوق :ااااه من زمان عن المولات..
جود : تستاهلي آخر مره طلبت فيها تخرجي معاي رفضتي
شوق : يا زينك وانتي منطمه ..
جود : هي انتي تذكري مع مين تتكلمي ..
حلا : بس يا بنات ..
دينا : ايوه يله نتسوق ..
جود : طيب بس انتوا روحوا ودوروا على فساتين وانا و شذى و جنا ورانا شغل..
اريام : ايش ناوين عليه ؟
جود : مالكم دخل .. يله شذى جنا
شذى : فله
جنا : صصصصصصصصصصه
وراحوا مع بعض..
شوق : انا اشوف انه ما يصير نخليهم يجتمعوا سوا .. لانه جنا وشذى مع بعض كارثة .. فكيف لو كانت معاهم جود رئيسة العصابه ؟
اريام : سيبيك منهم والله يعين ضحاياهم .. وامشوا يله ..
و دخلوا على محل مبين انه فخم ..
دينا : حلا كلمتي ليان ؟
حلا : لا
دينا : ليش ؟؟ اكيد الحين بتزعل..
حلا : لا تخافي ما راح تزعل
:::::::
عند جود و شلتها
جود : اسمعوا نبغى اشوي نجننن الشباب والاولاد .. ايش رايكم ؟
جنا : اوكي ..
وهم يمشون لاقوا ولدين صغار يمشوا تقريبا عمرهم 7 سنين .. جود و شذى راحوا قريب منهم و جنا راحت بعيد..
شذى : هي انتم تعالوا اشوي ..
الولدين راحوا عندهم : نعم ؟
جود : اشششش وطي صوتك .. احنا مخلوقات فضائية جايين من زحل و نبغاكم تساعدونا ..
الولدين مستغربين : ايش يعني ؟
جود : اشششش اسمع .. ترى احنا جايين و متنكرين بهذا الجلد بس هو مو شكلنا عشان نقتل الانسان والاطفال الصغار ..
الولد خاف: كذابه ..
جنا : لا احنا ما نكذب .. والي يكذب احنا نقتله
الولد خايف : ايش تبون ؟
جود : انت تبغى تتأكد صح ؟
الولد : ايوة
الولد 2 : ايوة نبغى نتأكد
جنا : يله واحد منكم يسوي حركة بيده برقم من ورا ظهره ..
جود : ايوة احنا حــ نعرفها لانه عندنا العين الليزرية الي تشوف ورا الجسم
الولد ارتعب و طلع اصابعه من ورا ظهره ..
و جنا من وراهم تـأشر لهم الرقم الي تشوفه منهم .. وتأشروا بأصابعها ..
جود : سته .. ؟
الولدين طلوا في بعض متفأجئين و سوا الثاني الرقم بيده
شذى بعد ما شافت جنا : تسعه .. والي جنبك اربعه
الولدين خافوا و بغوا يهربوا
جود : هي قبل ما تروحوا يا ويلكم لو قلتوا لاحد عن سرنا ولا بنقتلكم بالاشعة الخارقة..
الاولاد على طول هربوا .. والبنات فاطسين ضحك
شذى : ههههههههههههههههه يووووه مرره توووحفة
جود : هههههههههههه .. يستاهلوا ما في احد قال لهم يتابعوا غرانديزر..
جنا : هههههههههههههههههه يا حليلهم و الله يكثر من امثالهم .. طيبين ههههههههههه
جود : يله امشوا لسه احنا في اول المشوار

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

ملل .. قاعدين في صالة الانتظار و يستنوا قومة بندر بالسلامه بأحر من الجمر ..
و كان موجود كمان ام بندر وابوه .. واخوه بدر ..
فرح قامت و راحت بعيد عنهم
اتصلت فرح على اهلها .. و اخيرا قاعد يرن ..
ام مازن : الوو
فرح خانقتها العبرة : هلا يمه ..
ام مازن : فرح حبيبتي .. هلا والله فرح .. كيفك ؟
فرح : الحمدلله بخير ..
ام مازن : الحمدلله . كيف اخبار زوجك و اخبار اهله .. واخبار الرياض؟
فرح بكيت : الحمدلله كلنا بخير ..
ام مازن : فرح ايش فيك ؟ تبكي ؟
فرح تمسح دموعها : لا مافي شي بس وحشتيني و وحشتني جِدة..
ام مازن : وانتي اكثر ..
فرح : كيفك انتي وكيف ابوي اريام و مازن و جنا و ... و ... ولا تنسي سلمي لي عليهم
ام مازن : يوصل كلهم بخير يمه ..
فرح : امي .. انا هذي الايام مشغولة .. بس راح اكون بخير فلا تدقي علي ولا على جوال .. احد هنا ..
:::::::::::::::
ساره : عماد شوف كيف قاعده تكلم بالجوال وهي تبتسم ..
عماد : وايش فيها ؟
ساره : اكيد هذا حبيبها ..اكيد ..
عماد : خلاص يا ساره .. ايش حبيب وما حبيب احنا تكلمنا من قبل صح ؟
ساره : ايه .. بس ما اقدر اتصور انه فرح تكون السبب في .. الي صار لبندر ..
عماد : هذا قدر الله ومافي أي احد ينلام ..
في نفس اللحظة قفلت فرح الجوال .. و راحت وجلست مكانها ..
ساره : مين كنتي تكلمي ؟
فرح تفاجأت : امي ..
ساره : اهااا ..
فرح مدت يدها و معاها الجوال : خذي الجوال و شوفي آخر المكالمات عشان تتأكدي
ساره حمرت خدودها: لا مو لازم
عماد كان معصب من ساره .. و ام بندر وابو بندر مستغربين .. و مها وهبه ابدا ماهم متفأجئين
فرح وجهت نظراتها لـ ام بندر : اممم امي تسلم عليكم .. و تقول لكم الله يكون بعونكم
ام بندر : تسلم .. سلمي لي عليها ..
فرح : طيب , امم و كمان انا يمكن .. بعد كم من يوم لازم اسافر ..
ام بندر : ليش ؟
فرح : امي قالت لي انه في شي ضروري .. تبغاني فيه و شي ما يتأجل ..
ام بندر : طيب ..
ساره كانت توجه لـ فرح نظرات احتقار ..
فرح ما قالت لأمها عن حالة بندر .. عشان خافت تتصل عليها كل شوي او حتى تجي للرياض و يمكن فرح تكون في العمليه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المول .. الساعة 7:14
جود و شذى و جنا .. خدعوا العجاوز و الشباب .. و بأساليب مختلفه ..
و كمان لاقوا لهم فساتين حلوة .. راح تعرفوها بيوم الخطبه ..
~~ بحبك يا حمار ....~~ طلول يتصل بك ~~
جود : استنوا خلوني ارد على هذا النشبه ..
شذى : هع يله بسرعه
~~~
جود : الووو خير ؟
طلال : بسم الله عليك اختي .. قولي السلام عليكم .. يالغاليه..
جود : طلول .. خلصني.. الزبدة
طلال : وينك ؟
جود : في المول ..
طلال : عارف .. اجل في المريخ .. اقصد في أي محل انتي ؟
جود : ليش ؟
طلال : يا حلو انتي اختي وابغى اكون معاك فديتك ..
جود : نعم نعم .. بس انا معاي بنات عمي .. اقول مدام انك بالمول روح غازل لك كم بنت ذايب فيها
طلال بجديه : يا بنت .. وينك جود .. خلصيني ..
جود : اووووف انا في ( ......)
طلال : اها انا مو بعيد استني الحين جاي دقيقتين بس .. باي ” وقفل“
جود بعدت الموبايل : قفل في وجهي ..
جنا : ايش يبغى ؟
جود : يا ويلي يمكن عرف بحركاتنا وجاي عشان يرشدني للقبر
شذى بخوف : هيييييييييي
جنا : اشوى انك قلتي بنات عمي بدون ما تحددي ..
شذى : ايه صح الحمدلله .. يله باي جود ..
جود : يالخاينات .. والله والله والله و قسم لو رحتوا ليصير لكم شي ما صار ..
شذى بملل : يمآآه ...
اشوي و جاء طلال ..
طلال مروق : سلام جود
جود خايفة : هلا اخوي ايش فيه ؟
طلال : يعني لازم يكون في سبب عشان اشوف اختي ..
جود خف التوتر عندها : يعني ايش ؟
طلال : ولا شي .. يعني سلامتك ”تلفت يمين وشمال“ و وين الباقي ؟
جود : افترقنا ..
طلال : وليش ما قلتي لي ؟
جود : ايش اقول لك انت .. الحين ايش تبغى ؟
طلال ( ابغى اريام ) : اووف ابغى اتسوق ..
جود تتريق: روح تسوق مع نفسك
طلال : خلاص اهدي اشوي .. لا والله عن جد وين بقية بنات العم ؟
جود : في جيبي ! قلت لك افترقنا ..
طلال : وانتي ما لقيتي احد يروح معاك غير الخبلتين.. كانوا النواعم نفعوكِ ( يقصد اريام )
جنا : هي انت مررره اعطيناك وجه ..
شذى : بس انك تزودها لا يمكن ..
طلال : اقول .. خليكم لحالكم ولا تدخلوا بالمشاورات العظيمة الي بيني وبينى اختي ..
شذى : حلوة هذي .. يعني .......
جود قاطعتها : بس خلاص .. طيب يله امشوا .. اوف الله يصبرني
:::::::::::
في احد المحلات ..
اريام : طيب ايش رايك في هذا ..
دينا : لا والله .. الاول احلى ..
شوق : انا بعد اشوف الاول احلى ..
اريام : مع نفسكم .. انا قلت هذا .. حلوي اختاري
حلا : اختار بس ما في احد يزعل ..
شوق : قولي ..
حلا : الاول عجبني ..
اريام : اوف طيب خذيه ..
حلا : ليش شايفته مو حلو ؟
اريام : لا حلو ما قلنا شي ..
حلا : خلاص تيب نشتريه ..
دينا : اوكي ..
:::::::::::
طلال : اشتريتوا فساتين ؟
جود : ايه ..
طلال : ما شاء الله .. صرتوا سريعين ”يطل بالساعه“ الحين الساعه 8 و نص .. ما شاء الله اشتريتوها بسرعه .. بس خمس ساعات استغرقتوا .. خمس ساعات بس .. عادة تقعدوا تلفوا و تدوروا 7 ساعات ..
شذى بافتخار : ما تعرف شي عننا .. احنا خطيرات
طلال بسخريه : ايوة ما شاء الله حصني نفسك ..
جود تمللت من أخوها : شذى جنا ايش رايكم ندق على البنات .. و نقول لهم نرجع البيت ..
شذى تغمز على طلال : ايه يكون احسن ..
جنا : اوكي
جود طلعت جوالها واتصلت على دينا ..
~~~~~~ جود : الو دندونه .. خلصتوا ..
~~~~
طلال : يووه هذي البنت ما عندها اسلوب
جود ناظرته بحقد و شمغت
~~~~
دينا : قبل اشوي و بعد طلوع الروح وافقت عروستنا على فستان ...
جود : تيب مطولين
دينا : لا خلصنا ... كلنا اشترينا فساتين..
جود : يعني نرجع للـ هوم ..
دينا : اوكي بكلم البنات بس وين نتقابل ..
جود : عند (....) .. يله باي ..
دينا : طيب .... بآآآآآيات .. ”وقفلت“ ~~~~~~~
طلال : ايش قالت ؟
جود : بنروح من المول .. وانت كمل مشاويرك هنا وهناك
طلال : طيب ما تبغوا مرافقه الين ما نوصل عند البنات
جود : انت ايش قصتك ؟
طلال : انا ولا شي ..
شذى : يمكن ابوك ارسله لنا جودي ..
جود تغمز : بتعترف ولا شنو .. ؟؟؟
طلال تورط : اوف منكم يله باي .. صدق بنات غثة ..
جنا : شنو شنو شنو .. احنا بنات غثة يا النشبه !
طلال : اعوذ بالله كأني سامع صوت رجال يتكلم .. لا يمكن اتوهم ما اشوف رجال يتكلم معي ..
جنا : انا رجال يا النذل .. مالت عليك ..
طلال قاطعها : يله باي ”و راح“
جنا : حسبي الله منه رفع لي ضغطي ..
جود : تستاهلون حسوا فيني ..
و راحوا عند المكان الي اتفقوا يلتقوا فيه .. بس طلال سبقهم و راح هناك .. مصر اليوم يشوفها ولو بالعبايه ..
و اخيرا راحت شلة حلا عند المكان ..
شذى : بدري بس باقي تتأخروا اشوي ..
حلا : روحي عني ..
طلال قرب منهم ...................

الــــنــهــــــايــــــــــــهــ