منتديات قصايد ليل - عرض مشاركة واحدة

05-14-2011

د.عادل : لازم نسوي اجرائات للكليه المناسبه لبندر .. و هذا الشي مو بيدنا يعني اكيد راح يطول و حالة بندر ما تطمن يمكن يصير وضعه سئ الحين بكره ما اعرف .. فابدأوا بتحليل الكليه للتبرع من الحين ..
فرح بكيت اول ما سمعت كلام الدكتور و مها كمان تبكي .. كأنه مها تحاول تنافس فرح
ابو بندر : ايه راح نبدأ الحين ..
ام بندر : لو يبغى روحي اعطيه اياها ..
ابو بندر : لا النسوان لا
ساره : ايش تقصد يا ابوي .. بس يمكن تطابق ..
ابو بندر قاطعها : لا .. بس الرجال .. ”وراح مع الرجال ”

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

كانوا البنات نايمين على الارض كلهم ..
قاعده سهرانه ..
تفكر بـ جواد و متفشله من موقفها اليوم معاه ..
تفكر في نظراته الجريئة لها .. تفكر بكلامها القاسي له ..
بس كانت عارفه انه جواد كان ممكن يتمادى لو ما تكلمت هي و منعته ..
حلا التفتت لاقت دينا صاحيه ..
حلا مالت على الجنب و حطت يدها على راسها : ايش فيها مرت اخوي ما نامت ؟
دينا : اسكتي ليجيكي كف ما شفتي زيه ..
حلا : افا يا بنت العم .. تبغين تضربيني فوق ما انتي معذبه اخوي
دينا : ارحمينا منك ومن اخوكِ
حلا مبتسمه: ايوا .. تذكري هذا الكلام لمن تتزوجينه.. راح اذلك فيه
دينا : اووووف .. ترى انتوا تزيدوا رفضي لفكرة الزواج من جواد
حلا : والله ؟
دينا : والله .. ترفعوا الضغط..
حلا : هههههههههههههههه .. انا فاهمتك .. واكثر وحده فاهمتك
دينا بتفاجئ :انتي ؟
حلا : ايه انا .. لاني اعرف شعور الحب من طرف واحد..
دينا : يعني انتي تحبي من طرف واحد ؟
حلا : لا .. تعرفي شي ..انسي ..
دينا : لا عنجد ايش قصدك حلا ؟
حلا : خلاص مافي شي .. تصبحي على خير ”و غطت وجهها بالبطانيه“
دينا قعدت تفكر بكلامها ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المستشفى ..
بعد ما خلصوا الرجال الفحص .. الحريم والبنات ترجو ابو بندر يرضى انهم يقدموا الفحص .. بس رفض
فرح بتعب : ساره بروح الحمام ..
ساره : طيب
فرح و هي رايحة مرت على مكتب الدكتور عادل .. دخلت ..
فرح : ممكن اخذ اشوي من وقتك دكتور ؟
د.عادل : ايه اكيد تفضلي ..
فرح : دكتور ابغى اقدم الفحص لــ بندراحمد الحكيم ..
د.عادل : بس يا آنسة .. السيد احمد والد بندر .. رفض انه تقدم أي بنت ..
فرح بترجي : انا عارفه .. بس هو ما لازم يعرف ولا حتى احد لكن انا زوجته و قبل الزواج سوينا تحاليل و بالصدفة كمان سوينا تحليل الكليه وكان في تطابق ..
د.عادل : ولو يا آنسه لازم نسوي فحص التطابق .. الا اذا كان معاك الملف .. و نبدأ بالعمليه بسرعه .. لانه الوقت مو من صالحنا .. واكيد انتي عارفه انه فحص التطابق يلزمه اسبوع عشان نعرف ..
فرح : طيب راح اجيب لك الملف .. بس في مشكله ثانيه ..
د.عادل : ايش ؟
فرح : انا حامل .. يعني راح يأثر على حملي
د.عادل : تمزحي معايا .. اكيد يأثر .. ولا يمكن انك تتبرعي والجنين في بطنك لا يمكن ..
فرح : بس انا لازم اتبرع .. انت قلت الوقت مو في صالحنا ..
د.عادل : ايه بس الجنين راح يخليك في حالة حرجة و هذا غير انه راح يموت ..
فرح : والحل ؟
د.عادل : لازم تنزليه ..
فرح بتبكي : لا
د.عادل : اذن لا يمكن اسوي العمليه يا آنسه .. مستحيل ..
فرح والدموع على خدها : طيب انا راح افكر
د.عادل : طيب ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

.::::في اليوم الي بعده ::::.
طبعا البنات غايبات اكيد عن المدرسة .. الساعه الحين 2:16 ظهرا
ام نايف على التلفون تكلم ام محمد ..~~
ام نايف : ايه خلاص بكره .. طيب اشوف البنت وابوها .. يله باي ~~~ ”وسكرت“
ابو نايف : ايش تبغى ؟
ام نايف : قالوا الخطبه بكرة ..
ابو نايف : خلاص بكرة بكرة مافي أي مانع مدام البنت موافقه ..
ام نايف : و متى راح نخطب شوق ؟
ابو نايف : امممم خليها بعد بكره ..
ام نايف بفرح : ان شاء الله .. ”رفعت صوتها ” يا سيبيريا روحي صحي البنات خليهم يقوموا يصلوا الظهر
:::::::
عند البنات
طلعت الخدامه تصحيهم ..
سيبيريا راحت عند حلا : هلا هلا يله قوم ..
حلا وهي في سابع نومه : هاااا
سيبيريا : يله قوم صلي ظوهور
حلا : يووه طيب
سيبيريا طفشت راحت تصحي الي جنبها .. جنا
سيبيريا تُربت على جنا : جنا قوم يله قوم
جنا : نعااام
سيبيريا : صلي ظوهور جنا
جنا فتحت عيونها : اقول روحي جعل المدفع ينطح فوقك يالبلوى .. روحي عني والا والله لا اكلك باسناني ..
سيبيريا خافت على طول قامت وهربت من الغرفه .. و راحت تشتكي لام نايف .. الي طلعت لهم ..
ام نايف فتحت الانوار و طفت المكيف : بنات يله قوموا بسرعه يله ..
وبعد جهد كبير صحيوا .. و غسلوا وجههم و توضوا و صلوا
ام نايف : خير يا جنا ايش مسويه للخدامه و ايش الي خلاها تموت من الرعبه ؟
جنا توهقت : والله ولا شي ..
ام نايف : اااه
خرجت حلا و جود .. و هم يمشون على الممر..
ام نايف : حلا ..
حلا توقفت : هلا يمه
ام نايف قربت منهم : اتصل المعرس اليوم و قال انه راح يجي يخطبك بكرة ..
حلا نزلت راسها : ان شاء الله ..
ام نايف : عن اذنكم الحين .. ”وراحت“
حلا ما قدرت تسيطر على نفسها قدام جود و نزلت الدمعه ..
جود : حلا ايش فيك ؟
حلا : مافي شي .. ”و نزلت ”
جود : حلا استني ”ولحقتها“
و نزلت حلا الين الحوش ..
و جلست في الكرسي .. جود قربت و جلست جنبها ..
جود حطت يدها الناعمه على خد حلا : حلا , ما راح تقولي لي ؟
حلا : بس متوترة ..
جود : بس هذي خطبه يعني ما فيها شي ..
حلا : ادري بس مو بيدي ..
جود : اقول بلا دلع .. ويله قومي اغسلي وجهك
حلا تضحك : طيب الحين بقوم
:::::::
في غرفة حلا ..
رن جوال جود ..
شوق : وين جود جوالها من اول يرن
شذى : ما ادري
دينا : انا برد .. ”وراحت اخذت الجوال ~~ خوخو يتصل بك ~~ ردت
دينا (مين خوخو هذي ؟؟؟) : الو
خالد : الو جودي
دينا متفاجئة : هلا
خالد : هلا فيك حياتي وعمري انتي..
دينا مصدومة سكرت السماعه بوجهه و قفلت الجوال ..
اريام : مين ؟
دينا : واحد مخربط بالرقم
شوق : يووه ولا انا كثير تصير لي شكلي راح اغير رقمي
دينا مصدومة معقولة جود تكلم واحد لا وبعد يعرف اسمها .. و يناديها حبيبتي مو معقوله

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

بعد ما رجعوا الشباب من المدرسه و الجامعه والشغل .. راحوا على الشاليه ..
مازن : هلا والله فيكم ايها الساده ..
فراس : الحمدلله انك تعرف مقامنا من مقامك ..
مازن : يالنذل والله تفكيرك غبي..
طلال : ياشباب سموا بالله .. لسه قبل اشوي دخلنا..
فراس : انت تسوي نفسك العاقل ها ؟
فيصل : فراس خير ايش صاير هدي اشوي ..
جواد : من وين لك هذا النشاط كله على الظهر .. ليكون اكلت سبانخ هع هع هع هع هع هع هع
الشباب مطنشيــــــــــــــــن
فراس : تخيلوا صديقتي تخلت عني ..
نايف : صديقتك ؟
فراس : ايه صديقتي امس قالت لي انها ما تبغاني ..
جواد : مالت قلت شي مهم ..
نايف : ابغى افهم ايش تستفيدوا من مغازلة البنات .. هذا وانتوا معاكم اخوات ..
فراس : يا شيخ خلينا نتفتن في جمالهم ..
طلال : ايه والله البنات عليهم جمال مو طبيعي .. خصوصا بنات السعوديه ..
مازن : تعيش السعوديه ..
فيصل : هي انت لا تبدأ لنا بالنشيد الوطني ..
مازن : ولي عند امك ابرك لك ..
و كملوا سوالفهم عن البنات و .. و ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

ما قدرت تنام ..
حاولت تتصل على اهلها بس الشبكه مخرفه ..
قعدت طول الليل تدور على الملفات ..
الين ما لاقتهم .. اخذت الملفات ..
فرح والدموع على طرف عينها : انتهينا من مشكلة الملفات باقي مشكله ثانيه .. ايش راح اسوي ساعديني يا رب ..
انزل الولد واتبرع بالكليه .. ولا اخلي الولد يعيش ..
ما لاقت حل احسن من انها تستخير ..
فراحت وفرشة السجادة و لبست الطرحة.. على امل كبير انه الله يساعدها .. و ما اعترضت على قدره
راح تختار اما تكون الزوجة الصالحة لزوجها او تكون الام الحنونه لولدها ..
و تتمنى انه ايش ما كان الي ارتاحت له يكون قرارها صح ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

◄◄◄ نهاية البارت السابع

يا ترى ايش بيكون قرار فرح ؟ و هل بيكون الاحسن ؟
كيف راح تكون الخطبه والى متى بتستمر حلا بالكذب ؟
مها ايش بيكون موقفها ؟
دينا راح تكلم جود بخصوص المكالمه ؟
شوق راح تقبل فكرة الزواج ؟ او حتى موعده ؟