منتديات قصايد ليل - عرض مشاركة واحدة

05-14-2011

.:::: البارت السابع ::::.

في الرياض ..
صحى من النوم و ناظر الساعة .. الساعة 9 ونص ..
فز من السرير : فرااااااااااااااااااااااااااااااح
فرح خافت و دخلت عليه : خير بندر في شي ؟
بندر صفع فرح كف : انا مو قلت لك تصحيني و حددت لك الوقت صح يا حيوانه ..
فرح ماسكه خدها من بعد الكف : ......
بندر و هو يغير البجاما : الله ياخذك .. حسابك معاي لمن ارجع ..
و بعد ما لبس خرج بسرعه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وفي مكان آخر ..
في جامعه في الرياض..
مها : اليوم انتي راح تعزمي فرح على أي مكان.. و تتعمدي انها تتأخر ..
هبه : ليش ؟
مها : لا تتدخلي , سوي الي قلتلك عليه و بس..
هبه : اوف طيب ..
مها : اليوم بيكون سواد ليلك يا فرح ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في جدة .. بعد انتهاء اليوم الدراسي ..
في السيارة ..
بعد هدوء طويل
زياد : امممم ليان ايش صار اليوم ..
ليان : ولا شي ..
زياد : يعني كيف تصرفت حلا .. حسيتيها زعلانه و لا ما همها .. ولا ايش ؟
ليان : يعني وحدة مرت بتجربة اغتصاب ايش تتوقع بيكون شعورها ؟
زياد : .....
ليان : انت ممكن اجبرتها على الزواج بس ما راح تقدر تجبرها على انها تحبك ..
زياد : طيب تعرفي تسكري فمك ..
ليان : اوووف

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في سيارة نايف ...
حلا كانت مسنده راسها على يدها و هي تطالع بالشباك ..
نايف ملاحظها : حلوي .. ايش فيك؟
حلا ابتسمت : لا ابد ولا شي
نايف : طيب تامرين بشي ؟
حلا : سلامتك ..
نايف بابتسامته الحلوة : طيب الغدا علي .. البيك , باسكن روبنز , الطازج .. اختاري
حلا : لا ولا شي .. شكرا ..
نايف : براحتك ..
حلا كانت مهمومه بزياد .. و ماهي متخيلته ابدا في حياتها ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض ..
مها اول ما دخلت البيت سحبت أختها و راحوا على غرفة هبه..
مها أخذت جوال هبه : يله اتصلي ..
هبه : الحين ..
مها : ايه الحين ..
هبه : ان شاء الله ..
أخذت هبه الجوال ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند فرح ..
كانت جالسه عالا رض من الصدمة .. يا حيوانه .. وصلت له ان يسبها بهذي السبه الكبيرة ..
فرح الي عمره أبوها ما أهانها و لا أي احد قدر يهينها ..
فرح استسلمت للبكاء .. و تعبت من هذي العيشة ..
إلا قطع تفكيرها صوت الجوال .. أخذته ..
~~ هبه يتصل بك ~~
مسحت دموعها و عدلت صوتها
~~
فرح : الو ..
هبه بتأتأه: الو فرح ..
فرح : هلا هبه كيفك ؟
هبه : الحمدلله ..
فرح : كيف اهلك ؟
هبه : والله كلهم بخير و يسلموا عليك ..
فرح : الله يسلمهم ..
هبه : امم فرح .. حبيت اعزمك .. على المول..
~~
مها تأشر لها و تنقلها الكلام..
~~
فرح : اليوم ؟
هبه : ايه يعني لو كنتي فاضيه ..
~~
مها بهمس : يا الخبله اصري عليها
هبه : اصبري ..
~~
فرح : امممم اليوم يمكن ما راح اقدر ..
هبه : فروحه الله يوفقك .. من زمان ما شفتك ..
فرح : والله مالي خلق ..
هبه : يعني مالي خاطر عندك ..
فرح : هبه و الله اممم..
هبه : خلاص ترى زعلت ..
فرح بملل : لا كله و لا زعلك .. طيب متى ؟
هبه بحزن : اممم الساعة 7 المغرب ..
فرح : طيب استأذن من زوجي وارد لك خبر ..
هبه : اوكي باي
فرح : باي ~~
فرح كانت طيبة و على نياتها و ما كانت تعرف ايش الي ناوين عليه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في شاليه الشباب ..
ضجة و كل واحد يتكلم و انواع الازعاج
طلال : شبااااااااااب مين الجوعان ؟
الشباب بازعاج : اناااا انا
طلال رفع صوته : طيب ومين الي راح يعزمنا على الغدا اليوم ؟
الشباب فجأة هدووووووووء ..
طلال : مالت .. صدق انكم مصلحجيين ..
مازن : تتفلسف انت و خشتك ؟ ليش ما تروح انت تشتري لنا الغدا؟
طلال بحقد : يالمنافق انا امس اشتريت لكم الغدا ..
جواد بتحسر : ااااخ لو كنت اتغديت عند امي ابرك لي .. كنت باطلب منها تطبخ لي كبسة.. يمي ..
نايف : اقول انقلع انا ما ارضى اخلي امي تطبخ عشانك ..
جواد : و انت ويش عليك ؟
نايف : امي ما تتأمر عليها .. لمن تتزوج تأمر على زوجتك
جواد : اخ بس متى يجي ذا اليوم ..
الشباب ضحكوا لانهم عارفين مأساته مع دينا ..
فراس : والله انصحك تكون عازب احسن لك .. تخيل تروح تغازل البنات ..تدردش وياهم .. فلــــه..
فهد : والله مالت عليك هذا همك .. بدال ما تكون عائلة ..
مازن : ياهوووو شوف مين يتفلسف الحين .. يا حركات .. والله شكلك ناوي تكون عائلة اخوي؟
فهد : ادعوا لي بس ..
رامي : ياهووو اموت انا
مازن : يا حليلك يا اخوي .. و مين سيئة الحظ ؟
فهد : مو شغلك ..
مازن : مو شغلي ها ارويك يا النعجة ؟
فيصل : ههههههههههههههههههههههههههههههههه
نايف : ايش الي يضحك ؟
رامي : خير الحين تذكر فيصل يشاركنا الحوار ..
فيصل : والله انكم تحفة .. ولا نشوى تسوي حوار زيكم
فراس : اقول فصو ارجع لغيبوبتك ..
فيصل : وجع و انت ويش عليك ؟
طلال : الا ايش بلاك ؟
فيصل : انا غير عنكم .. تعرفون ليش ؟
مازن : ليش ؟
فيصل : انا بخطب ..
جواد : والله مبرووووك
مازن بفضول : ايه بس مين ؟
فيصل : مع مرور الوقت بتعرفها ..
مازن : هين يا فيصلوه .. يعني اخوي من جهه ما يبغى يقول لي والحين اعز أصدقائي من جهة ثانية..
فيصل : خلاص عاد .. الا مين راح يجيب لنا الغدا ..؟
نايف : خلاص عشان هذي المناسبه الغدا عليا

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في العصر .. الساعة 5
دخلت ام نايف على بنتها .. الي كانت جالسة فوق سريرها و منسرحة
ام نايف : حلا يا بنتي .. اقدر اتكلم معاك ..
حلا : اكيد يمه ..
ام نايف : اممم انا قبل اشوي سكرت المكالمة مع ام محمد (عمة زياد ) و اصروا انهم يخطبوك مره ثانيه ..
حلا ارتبكت : منجد يمه ؟
ام نايف : ايه يا بنتي ..
حلا نزلت راسها .. و تذكرت القسم الي حلفته بالقران بيدينها ..
حلا بعد ما تداركت الدموع : يمه انا موافقه ..
ام نايف بفرح : صدق والله ؟
حلا : ايه ..
ام نايف : فكرتي بهذي السرعه ؟
حلا : اممم انا فكرت من قبل و استخرت مره ثانيه .. و .. حسيت انه كذا احسن ..<< ما تعرف ترقع
ام نايف و الدموع تنزل : يمه الحين انا ببشر الكل ..
حلا منزلة راسها .. ما تقدر تسيطر على دموعها : بشريهم ..
ام نايف ما لاحظت دموع حلا : بس لا تنسي فكري زين ”و خرجت ”
حلا في هذيك اللحظة حررت دموعها .. و قعدت تبكي ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

الساعه 7 المغرب ..
فرح تجهزت للطلعه .. بعد ما اتصلت على بندر و كلمته بدون نفس .. رضي انها تروح..
و في المول ..
هبه : هلا والله ..
فرح : اهلين فيك ..
هبه :كيفك .. تصدقين لك وحشة ..
:::::::
و في بيت بندر ..
مها بدأت بخطتها .. و دقت الجرس على باب بيت بندر ..
فتحت الخدامة الي كانت مخططة مع مها .. على كل شي ..
دخلت مها .. و راحت على غرفة النوم .. و دخلتها .. خرجت الشريط من الشنطة و حطتها على التسريحة ..
وهي تحطها شافت صورة بندر و فرح ليلة زواجهم .. رمت الصورة بالارض و البرواز انكسر
مها بحقد و عصبية: كان لازم انا اكون في هذي الصورة مو هذي العجوز .. ” وبعدها خرجت ”

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

اريام راحت عالمطبخ ..
اريام : جنا انتي هنا وانا قلبت الدنيا عليك ..
جنا : ايه انا و ماي براذر فهوده .. مسوين طبخه
فهد : احم و من ذوقي ..
اريام : اقول ولي انت عاد .. ”التفتت على جنا ” الا ما دريتي ام نايف اتصلت قبل اشوي .. و قالت انه زباد خطب حلا مرة ثانية .
فهد منصت : اوف من هذا بعد ..
اريام : ايه بس هالمره حلا وافقت
فهد طلع عينه من الصدمة : وافقت ؟؟
اريام : يس
فهد مصدوم : ليش ؟
اريام : ويش عليك انت ؟
فهد طلع من المطبخ وهو معصــــــــــــــــــب
جنا : ايش فيه؟
اريام : ما ادري ماهي اول مره يخرج بدون ما يتكلم ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف .. الساعه 9 و نص
في غرفة حلا ..
جاءوا البنات عندها اول ما سمعوا الخبر ( جود - اريام – دينا – شوق – شذى – جنا )
جود : مبرووووك .. حبيبتي
حلا : مشكورة جود ..
جنا : مالت عليك .. كان عندي امل انه يتزوجني ..
اريام : اقول يا زينك وانتي ساكته ..
شذى : خخخخخخخخخ..
:::::
في غرفة الجلوس ..
كان الموجودين ... (نايف – جواد - طلال –مازن ..)
مازن : يعني مو انتم الوحيدين الي ناوين تتزوجوا ها ؟
جواد : ايه واضح عندنا نسيب مستعجل على الزواج..
طلال : طيب ليش هو متمسك فيها و ليش حلا رفضته المره الاولى ؟
نايف : ما ادري والله ..
مازن : ايه صح يمكن كان راعي حركات و بعدين تعرف على حلا و حبها و طلبها للزواج ..
جواد : والله ينفع تكتب مسلسل درامي ..
طلال : نايف سيبك منهم و قول لي منجد ليش يبغاها ؟
نايف : ايش عرفني , ما فكرت بهذا السؤال ابدا..
طلال : ؟؟؟

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في نفس الوقت و في كرنيش جدة ..
كان جالس في طاولة قريبه من البحر .. ينتظر شخص ..
و بعد خمس دقائق لمح الشخص الي كان يستناه جاي ناحيته ..
وصل الشخص عنده : سلام .
فهد : هلا اتفضل .. يا ........ يا النسيب
زياد جلس : اهلين فيك
فهد : معليش كنت راح اطلبلك شاهي بس زي ما انت شايف مافي وايتير ( نادل)
زياد : لا عادي .. اصلا انا مستعجل .. فتفضل و قول الي عندك ..
فهد : طيب راح ابدأ مباشرة .. انت تعرف حلا ؟
زياد ناظره : ههههه ايش هذا السؤال طبعا هذي البنت الي خاطبها ..
فهد بجديه : انا عارف انها البنت الي خاطبها .. اقصد تعرفها يعني شفتها في شي بينك و بينها قبل ما تخطبها ؟
زياد بارتباك و بجديه : ليش تسأل ؟
فهد : لا تنسى انها بنت عمي ولازم اعرف كل شي يخصها ..
زياد : اها ايوا بنت عمك .. صح
فهد : تكلم ..
زياد : مافي شي بينا غير الخطبه ..
فهد وهو معصب : طيب عرفنا انها خطيبتك الله ايش اقول بس .. يعني انت كنت تحبها تعرفها شفتها ؟
زياد : اعصابك ياهو .. انا مو ملزوم اجاوبك حتى لو كنت ابوها .. لاني الحين بتزوجها و بتكون تحت مسؤوليتي ..
فهد : يعني افهم انك تعرفها ..
زياد : لحول رجعلنا لنفس السيرة ..
فهد : جاوب يا بطل ..
زياد : وانت ايش يخصك ها ؟
فهد بحقد : تعرف لو انت ما خطبتها كان انا خطبتها
زياد ب: يعني تحبها ؟
فهد : وامووووووت فيها بعد ..
زياد قام بطريقة عصبيه : انت كيف تسمح لنفسك تتكلم عن زوجتي بهذا الشكل
فهد بعناد : ما اقدر ما اتكلم عنها هذي البنت خياليه و فوق الوصف
زياد وهو خلاص بيفور ......

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

رجع من الشغل وهو حاس نفسه تعبان ..
دخل لغرفته وما شاف زوجته و تذكر انها راحت مع هبه ..
وهو بيروح للدولاب .. شاف الصورة مكسورة .. قرب منها ..
صورته مع فرح .. شالها من الارض وهو حاس بشي غريب .. اول ما شاف هذي الصورة احساس .. غريب بس حلو ..
تذكر هذي الصورة .. صورة زواجهم من بعض وهم متصورين كانوا حاطين اغنية لمستك .. كان يتذكر لحنها الهادي
لمستك نسيــــــــــت الحـــــــياه وانت الي بحلم اعيش يوم معاه
والليله هي البدايه و خلك معايا بعمــــري اللـيله دي ابتــــــــدا
ولازم نعيش يله قرب كمـــــان تعالَ حبيـــــبي لابعد مــــــكان
ننسى الي ضاع بين اديـــــــــنا نعيـــــــــــــــش بس لـــــــــينا
خلاص الي جوانا بان
سرحت بعيونك لـــــــــــــــفين ايوة انتة جمبي وهعشلك سنين
وحياتي قرب علية يا عمري وعنيا نعيش الحياة لو يومين

وهو يتذكر الاغنيه و في يده الصورة ما حس بالدمعه الي نزلت على خده بحراره
الدمعه .. الي نزلت مشتاقه لفرح مشتاقه لريحتها مشتاقه للمستها ..
حط الصورة على التسريحة فشاف الشريط ..
اخذه و اخذ الورقه الي كانت فوق الشريط .. قرأها ( الى بندر ارجو منك ان تشاهد هذا الشريط اول ما تمسكه لانه غايه في الاهميه و راح تكتشف خفايا زوجتك فرح .. المرسل : اختك في الله) بندر لمن قرأ الرساله حس بفضول بهذا الشريط .. حب يعرف ايش فيه ... كان يحسب انه من فرح
على طول اخذ الشريط و راح وشغله ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

زياد وهو خلاص بيفور : فهد اسحب كلامك ..
فهد : ليش خايف انه يكون هذا الشعو متبادل مع حلا ؟
زياد : لا ماني خايف بالعكس انا متاكد انه حلا تحبني ..
فهد : ههههه قال تحبك قال .. اصلا حلا كانت تحبني وعشان كذا هي رفضتك المرة الاولى .. بس في المرة الثانيه قالت لي
انها راح توافق عشانها مضطرة ..
زياد بارتباك : مضطرة ؟
فهد : ايوا يا زياد هي قالت لي انه صحبتها ليان كسرت خاطرها و زي كذا
زياد : حيوان لا تجيب طاري اختي على لسانك ..
” و راح و ضربه بوكس على وجهه طاح فهد من قوته .. وقام و ضربه على انفه و نزله دم .. و اضاربوا الين ما تدخلوا الناس وبعدوهم عن بعض و تدخلت كمان الدوريه .. الي شافتهم و بعدين كل واحد راح لسيارته ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف ..
شوق : يله شغلوا الميوزيك خلونا نفرح بعروستنا ..
جنا : يله خلونا نرقص
و حطوا اغنية يعشقني .. وقاموا يرقصوا عليها ..
اريام : خير يا عروس ليش مكشرة ..؟
حلا ابتسمت : لا ولا شي
اريام : تخبي علي ها ؟
حلا : خلاص اريام مافي شي
شذى خرجت الكاميرا وقاعدة تصور الي يرقصون ( وهم جود و شوق و دينا) و تعلق هي وجنا
جود كان رقصها مافي احلى منه مرره روعه وهذا غير جمالها الرباني الي يخلي حتى البنات يذوبون وهي تبتسم والغمزة تبان و تهز ما شاء الله عليها .. بس
وكانت لابسه تي شيرت حبل مخططة بدرجات البرتقالي و بنطلون جينز و شعرها كانت مسويته مرفوع بس خفيف
و حلا كانت لابسه بلوزة ثقيلة و طويلة بيج و لابسه عليه ستريتش بني .. و شعرها مفتوح عادي ..
شوق كانت لابسة فستان عنابي طويل و مررره جنان و طويل الاكمام .. وشكله جذاب عليها .. وشعرها مسويته كيرلي
دينا كان شكلها جنان و بريء مسويه مكياج خفيف ولابسه تي شيرت توب ابيض ضيقة و بنطلون جينز ضيق و ماركة و شعرها كان مفتوح ومنزلة خصل على عينها ..
و كملوا سهرتهم بالرقص ..
رن جوال دينا .. ~~ طلول يتصل بك ~~
دينا : الو ..
طلال : هلا دينا ..
دينا تغطي اذنها عشان الاغاني : ايوا طلال
طلال : متى بتوحوا ؟
دينا : ايش ماني سامعتك ؟
طلال : اووف متى حتروحوا ؟
دينا : استنى اشوي ماني سامعه شي ..
و خرجت دينا من غرفة حلا .. وراحت غرفة استقبال الحريم ..
طلال : هي مطولين ؟
دينا : ما ادري والله يمكن ..
طلال : طيب بس تخلصوا دقوا علي يله باي
دينا : باي
في هذي اللحظة ..
وهو ناوي يروح لغرفته .. سمع صوت يعرفه زين صوت يميل له ..
فتح الباب .. دينا .. دينا ما غيرها كانت موجوده هناك ..
جواد منهبل : دينا ..
دينا متفاجئة : جواد
جواد وهو يطالع دينا من فوق لتحت
دينا متفشله منه ومن نظراته .. وما استحملت انه يطالعها بهذا الشكل ..
فمشيت بخطوات سريعة متوحهه للباب الي كان واقف جنبه جواد ..
مشيت دينا وهي خايفة .. مرت من جنبه وريحة عطرها الجنان ..
جواد مسك يدها .. دينا وقفت من الخوف ..
دينا والدموع في عينها : جواد ايش تبغى مني ؟
جواد متفهم وضع دينا بس ما يقدر يسيطر على عواطفه تجاهها : دينا انا ما راح آذيك ..
دينا والدموع تنزل : طيب سيبني يا جواد انساني .. انسى دينا ..
جواد تجرأ و مسح دموعها ( ياالله ما انعم ملمس وجهها ) : دينا انا ...
دينا بعدت يده و مشيت ..
مشيت و سابت جواد مهموم فيها ما عبرته ولا عبرت مشاعره .. بدون أي احساس ولا قلب راحت ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

اخذ الشريط و شغله يبغى يعرف ايش سالفته ..
شغله .. وقعد يتفرج .. كان في مطعم و في طاوله فرح و وحده ........
و بعد ما سلموا .... ( انا اقول لكم ايش الي صار بالشريط )
مها : كيفه زوجك ؟
فرح : بخير و يسلم عليك ..
مها : كيفه معاك ؟
فرح : كويس مافيه الا كل خير ..
مها : اهاا .. يعني انتي تحبيه ؟
فرح : ههههههههههههههه اكيد لا يعني ليش السؤال ؟ ما في احد يحبه واولهم انا ..
مها مبسوطة من اجابتها : كنت اتوقعك تحبيه ؟
فرح : لا و ليش توقعتي .. اكرهه موت و اسألي الكل .. هههههه .. والله سؤالك غريب
*********** بندر وهو يتفرج ويحاول يستوعب الي تقوله فرح
و مين تحبي ؟
فرح رفعت الكوب : عبدالله اكيد ..
************بندر وهو يعض شفايف : ياحيوانه يا مصخة
مها : طيب انتي ليش تزوجتي بندر مدام انك تكرهيه ؟
فرح : بندر غير لي حياتي ..
مها : ايش تقارني حياتك قبل ما تتزوجي بندر ببعد ما تزوجتيه ؟
فرح : لو قارنتي حياتي الحين بالي قبل .. فاراح تكون حياتي مشئومة و تافهه و مالها طعم و اكرهها
و توقف الشريط ..
بندر و هو في حالة غضب شديدة : يا حيوانه والله لارويك .. اليوم انا ذابحك
و خرج من البيت بسرعه .. وركب سيارته و مشي فيها وهو معصب و يتوعد لــ فرح
طبعا الشريط ملعوب فيه و ركبوا اللقطات على بعضها و حذفوا لقطات باتقان ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند البنات ..
شوق : ياترى متى موعد العرس ؟
حلا نزلت راسها : ما ادري بس اتوقع قريب
اريام : باقي ثلاث اسابيع على الاختبارات النهائيه .. يعني يمكن في بعد الاختبارات
جنا : فله خلونا نفصل الفساتين الحين ..
شذى : عند شوق مجلات ازياء حلوة .. ايش رايك نختار منها ؟
جنا : طيب اشوفها اول شي ..
جود : الله الحين صاروا بنات .. يا خسارتي عليكم يا تلميذاتي ..
جنا : لا احنا ما زلنا عربجيات يا تيتشر ..
و في هذي اللحظة دخلت دينا : سلام بنات
اريام : اهلين دينا متى صحيتي ؟
دينا : ههههي ما يضحك
اريام : جنا بالمناسبه انا راح ابات عند حلا ..
جنا : وانا كمان راح ابات ..
اريام : اظن انه ماله داعي للبزران ..
جنا : ايش عليك مني ؟
حلا : صح ايش رايكم كلكم تباتوا اليوم عندي ..
جود : انا ما عندي مانع .. راح اكلم ماما
دينا : بس بكرة مدارس .. والاسابيع الاخيرة هي الاهم
شذى : اقول فكينا من الدراسه ياهو .. خلينا نفلها ..
شوق : هذا لو ماما رضيت يا شذى بعدين تفلسفي
دينا : اوكي اكلم مامي ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في شاليه الشباب ..
وهم قاعدين يسولفوا .. كان الكل موجود ما عدا فهد و مازن و جواد
دخل فهد وهو معصب وبينفجر : وينه نايفوه ؟
نايف : خير يا فهد ايش فيك وايش صاير في وجهك ؟
فهد : سيبك مني الحين و تصرف مع الحيوان زياد .. ما لازم يتزوج حلا ..
نايف : ليش ؟
فهد : كان يحبها تفهم ايش يعني يحبها ؟
فيصل : اهدا اشوي فهود ..
نايف : طيب هو الحين بيتزوجها وين المشكله ؟
فهد : هو حيوان تفهم ايش يعني حيوان .. اسأل اختك عنه .. هي ما تحبه تكرهه تزوجته بس عشانه اخو صحبتها وبس ..
نايف : انت غلطان حلا كانت راح تقول لي لو ما ارتاحت له ..
فهد : ايوا تقول لك .. طيب ايش مصلحتها انك تعرف .. ” و خرج ”

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

كان يسوق السيارة وكل همه بالي شافه .. يسوق بسرعــة ونيته يذبحها اليوم .. بندر ما كان حاس بالي حوله
رن جواله ~~ عماد يتصل بك ( زوج ساره اخته )~~
بندر ( هذا وقتك ) : الوو
عماد : هلا بندر
بندر : نعم ايش فيه ؟
عماد : اعصابك ماراح اكلك .. ايش فيك معصب ؟
بندر : هذي الحيوانه انا بذبحها ..
عماد : مين ؟
بندر : فرح الله لا يجيها يوم تفرح فيه ..
عماد : ليش ؟
بندر : خاينه .. خاينه يا عماد ..
عماد خايف عليه : اهدا اشوي يا بندر .. و تعوذ من الشيطان ..
بندر : اعوذ بالله من الشيطان الرجيم ..
وكان سيارة حتصدموا بس الله ستر بيييييييب بيييب
عماد : بندر بندر .. وينك انت ؟
بندر : بالسيارة .. بروح عند الحقيرة و اذبحها ..
عماد : بندر هدي اشوي واسمعني في أي شارع انت ؟
بندر : انا في (.......)
عماد : طيب وقف لحظة اركن السيارة على جنب وانا الحين جاي
بندر زاد السرعه : لا ماله داعي ..
وزاد الســـــرعه .. و كان قدامه اشارة انتبه لها في اخر لحظه ..
و لف لجهة الاشارة فــ ..... فانصدم بعامود الاشارة ... و في عامود ثاني دخل في جسمه ..
عماد يصرخ : بندر , بندر انت بخير بندر ..
و على طول راح للشارع الي وصفه له بندر

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المول
فرح حست بشعور غريب كأنها حست انه في شي مو حلو .. ناظرت الساعة 11 ونصف
فرح : معليش هبه انا تأخرت لازم ارجع للبيت ..
هبه : لا فرح لسه بدري
فرح : اكيد زوجي رجع من قبل نص ساعة ويمكن ساعه .. انا لازم ارجع يله باي
هبه : الله يوفقك فرح بس المحلات الي من هذيك الجهه ..
فرح خانقتها العبرة : طيب

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف ..
وافقت الامهات بعد جهد كبير لطلب بناتهم ..
اريام : للحظة حسيت اني راح انفجر .. بالغصب رضيت ..
دينا : الحمدلله : ماما ما رفضت زيكم ..
حلا مبسوطة لانهم حولها وهي تحتاجهم اكثر من أي وقت ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في احد البيوت..
قاعدة تصلي .. صلاة تتمنى انه الله يسامحها على أخطائها ..
خطأ كبير .. بحقها و حق غيرها ..
و بعد ما سلمت قامت و راحت على الصالة .. الي كان موجود فيها اخوها و ابوها ..
ليان : السلام عليكم
ابو زياد + زياد : وعليكم السلام ..
ليان جلست : ومتى ناوي على الزواج ..
زياد : انا و ابوي خططنا انه الخطبه تكون بعد بكرة و بكرة نقول لهم ..
ليان : والزواج ؟
ابو زياد : والله زياد مستعجل فابيكون بعد الاختبارات .. على طول ..
ليان : اااها .. مبروووك ..
زياد : الله يبارك فيك ..
ليان ( لا يمكن اسمح بهذا الزواج لازم اسوي شي و بسرعه )
و قامت وراحت على غرفتها .. اخذت الكرسي و طلعت فوق دولاب الزينه .. و اخذت الكميرا ..
ليان بهمس : ما راح اسمح له يتزوجها .. الا لو وافقت هي بنفسها .. بفضحه .. بفضحه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف ..
نايف اول ما دخل سلم على امه و كان وده يطلع ..
ام نايف : وين رايح
نايف : عند حلا
ام نايف : بنات عمك عندها قول لي ايش تبغى منها وانا بروح اقولها
نايف : اووف طيب قولي لحلا اني ابغاها ضروري .... اه و.. وخليها تروح لغرفتي ..
ام نايف : ان شاء الله .. ” وراحت“
نايف راح على غرفته وهو على نار ..
حلا دخلت : هلا نايف بغيت شي ؟
نايف : تفضلي ..
حلا : اوكي بس بسرعه لانه البنات .. يعني عندنا نشاطات
نايف : يعني مبسوطة ؟
حلا : اكيد , ايش تقصد ؟
نايف : انتي راضيه في زياد بدون ما احد يجبرك حلا ؟
حلا بارتباك : ايه ..
نايف : متأكدة ..
حلا منزلة راسها : ايه متأكدة ..
نايف : امم طيب روحي .. بس تذكري طالما انا موجود لا يمكن احد يخليك تسوي شي انتي مو مقتنعه فيه ..
حلا باست نايف و اشوي بتبكي : عارفه يا احلى اخ ..
نايف : يله روحي عندهم اكيد يستنوك ..
حلا : طيب . مع السلامه ”وراحت“
نايف قاعد يفكر بكلام فهد
فجأة قطع تفكيره دخول امه ..
ام نايف : نايف اقدر ...
نايف : ايه اكيد تفضلي يمه ..
ام نايف جلست : يا يمه شوف كم صار عمرك وانت لسه ما تزوجت ..
نايف : ههه اشوي علي يمه من اول ما دخلتي ..
ام نايف : يا ولدي تزوج و خلصني ياحبيبي كم مره في اليوم وانا احاول اقنعك..
نايف وهو يفكر : طيب يمه بس بشرط ..
ام نايف بفرح : آآآمر و تدلل
نايف : ابغى اتزوج مع اختي حلا .. في نفس اليوم ..
ام نايف طايره من الفرح والدموع بتنزل : طيب و نخلي الفرحة فرحتين
نايف : اذن خلاص اتفقنا ..
ام نايف : آآآه واخيرا واخيرا بشوفك عريس ..
نايف : والله يا يمه انك نكته .. لا تخليني اغير رأيي
ام نايف : لا لا قال يغير رأيه ..
نايف : طيب
ام نايف : طيب ما عندك فضول تعرف من هي ؟
نايف : لا .. اهم شي عندي اني بتزوج في زواج اختي , وبعدين ما شاء الله مخططة حتى على البنت
ام نايف : ايه وهي من بنات عمك .. اخلاق و جمال و رزانه و هدوء ..
نايف متمدد : طيب ..
ام نايف : انا ابغى اخطب لك شوق بنت عمك ..
نايف : شوق ؟ بس يمه لو طلبت انها ما تتزوج الا لمن تخلص الجامعه فأنا ما ابغاها ..
ام نايف : طيب خليها علي ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وصل على الشارع الي قال له بندر عنه .. ومشي و بمنطقه مو بعيده .. شاف تجمعات و دوريات ..
نزل من السيارة .. و قرب من المكان اكثر .. بندر
كان المسعفين بيركبوه سيارة الاسعاف ..
عماد وهو خلاص بيبكي : بندر بندر..
الشرطي : انت تعرفه ؟
عماد : ايه هذا هذا صاحبي ..
الشرطي يكلم الشرطة الملتفه على الناس : خلوه يمر ..
عماد جرى على سيارة الاسعاف : بندر .. ”التفت للمسعف ”كيفه دكتور ؟
المسعف : حالته غايه في الخطورة ما ادري لو راح ينجي ولا .. توكلنا على الله ..
عماد يبكي : يالله احميه يا الله ..
و اتصل على ساره و قال لها عن الحادث ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

فرح اول ما وصلت للبيت .. وهي كانت خايفة
دخلت الغرفه ما لاقت بندر ..
وراحت تشوف في الصاله و الحمام بس ماهو في .. وهذا غير انه جواله مقفل ..
فرح : ان شاء الله بس ما يكون صاير له شي

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

قاعد على السرير ..
يفكر فيها .. اخيرا شافها .. شاف البنت الي يحبها من صغره .. كبرت وصارت احلى..
بس كمان ما نسي كلامها له ..
ليش يا دينا ليش تكرهيني .. اكثر من مره سأل نفسه هذا السؤال ..
بالرغم من كذا جواد متمسك فيها اكثر واكثر..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

على بحر جدة ..الجو روعه حتى بمنتصف الليل
كان مازن و فيصل يتمشوا هناك
مازن : آآآه يا سلام ما احلى البحر
فيصل : ايه والله فعلا هواء نقي
مازن : اراهنك انك تتمنى تكون حبيبتك بدالي ..
فيصل : ايه والله ياليتها بدالك
مازن : مالت عليك .. الا صح ما راح تقول لي مين ؟
فيصل : قول كذا من البدايه بدل ما تلف وتدور ..
مازن : يعني راح تقول لي ؟
فيصل : لا
مازن : فصولي قوووول ..
فيصل : ولي عاد ..
مازن : واو شوف البنات امشي نروح لهم و نشوف جود ايش راح تسوي..
فيصل : ايه راح تقتلني ..
مازن : كشفتك جود ها ؟
فيصل حط يده على فمه : هيييي كيف عرفت ؟
مازن : كنت شاك بس الحين تأكدت .. جود يا فيصل ؟
فيصل : والله انك نذل ..
مازن : نسيت اني صديقك واعرف كل شي عنك حتى عواطفك ..
فيصل : بس لا تقول لاحد ..
مازن : ان شاء الله ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في المستشفى .. وفي قسم الطوارئ ..
قاعد و هو مهموم على صاحبه يفكر ايش ممكن يصير له ..
اشوي وجات ساره و معاها فرح ..
ساره : عماد وين بندر ؟
عماد بتعب وهم : في غرفة الطوارئ
فرح تبكي وهي منهاره و ساره تبكي
عماد يحاول يهديهم : خلاص اهدوا اشوي ان شاء الله بندر بخير..
بس مافي فايدة .. كانوا مصدومين ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

حلا : بنات مين يبغى نسكافيه ؟
البنات : انا
حلا : طيب الحين راجعه ..
اريام : بجي معاك ..
حلا : يله ..
في المطبخ **
اريام : حلا ...... الين متى بتخبي علي ؟
حلا وهي تخرج علبة النسكافيه : اخبي عليك ايش ؟
اريام تجيب الكاسات : لا تسوي نفسك ما انت فاهمه ..
حلا : لا عنجد ؟
اريام : من يوم ما رجعتي من بيت ليان تغيرتي .. تحسبيني ما لاحظت من اليوم الي بعده..
حلا تحمي الحليب : لا مافي شي ..
اريام : لا في شي .. طيب ايش صاير بينك و بين ليان ما صرتوا زي اول وليان ما صارت تمشي معانا ولا تسلم ولا تتكلم و طول الوقت زعلانه ..
حلا بغضب: صارت خلافات بيني وبينها ..
اريام : أي خلافات ؟
حلا وهي تحرك الحليب : خلافات عاديه
اريام : وليش ما عرفت فيها ؟
حلا سابت الي بيدها : خلاص اريام سكري على الموضوع
اريام : طيب خلاص ارتاحي
حلا بلطف : اريام خلاص اعتبري ما صار شي .. الي فيني مكفيني
اريام بزعل : قلنا خلاص
حلا راحت عند اريام و ضمتها و بكيت .. واريام كمان بكيت
اريام : حلا النسكافيه ..
حلا تمسح عينها : ايه صح
و بعدين كملوا سوالفهم مع البنات و ناموا ما عدا بنتين ما ناموا

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الغرفه قاعد على الكرسي ..
فهد وهو يفكر وباله مو معاه ابدا : هين يا زياد خايف على اسم اختك .. بس انا ارويك فيها راح اخليك تكره حتى تسمع اسمها..

الساعة 1:29
كانوا ينتظروا .. يتمنوها اخبار سارة ..
جاءت ام بندر وابوه واخته .. وحتى مها وهبه واخوهم ..
مها كانت تبكي بشده و توجه نظراتها بحقد لــ فرح الي كانت تبكي و عقلها مو معاها وهي تمسك بطنها (وولدها)
خرج الدكتور عادل .. والكل تجمع عنده ..
ساره : طمنا دكتور !
د.عادل : ما ادري ايش اقول لكم ..
ام بندر تبكي : صاير لولدي شي ؟
د.عادل : بندر وضعه ما يطمن .. حديده دخلت في جسمه و آذت معدته و الكليتين .. الحمدلله معدته الحين بخير لكن فقدنا الكليتين ..
عماد : انا راح اعطيه كليتي لو لزم