منتديات قصايد ليل - عرض مشاركة واحدة

05-14-2011

.::::: البارت السادس :::::.

توجهت حلا لغرفة ليان ..
دخلت وراحت عند التسريحة و خرجت العطر .. و تعطرت منه و ..
حست بحركة .. الا والباب انقفل
التفتت حلا : زيــــــاد
زياد و هو يقفل الباب بالمفتاح : يا عيون زياد ..
حلا و شعر جسمها واقف : انت.. انت ايش الي .. جابك هنا .. و..
زياد و هو يقترب منها : اشششششششش ..
حلا وهي ترجع بخطواتها و بارتعاش : انت .. ايش ايش .. تبغى ..؟
زياد وهو بيموت من جمالها الساحر : انا ايش ابغى ؟ انا يا حلا ..
حلا بارتعاش (ترتجف) : .............
زياد وهو ملاحظ خوفها : حلا .. انا احبك وابغاك .. طلبتك بالشرع بس انتي رفضتيني ..
حلا بدأت تتغلب على خوفها : ايه انا ما ابغاك .. وما احبك ..
زياد بصراخ : باااااااااااس ..
زياد قرب من حلا اكثر و حلا تتراجع الين ما منع الجدار خطواتها البريئة .. و زياد قرب منها الين ما صارت المسافة بينهم .. بس مجرد خطوتين
حلا زاد خوفها وهي تبكي و بترجي : زياد .. حاول تفههمني .. ز زياد ..
زياد بحركة سريعة مد يده .. على فم حلا .. (بمعنى اسكتي).. حلا مصدومة من حركاته .. زياد انهبل عليها و قرب منها
زياد : انا ما جبتك هنا عشان .. تبرريري وجهة نظرك .. لا .. انا الي راح اوضح لك وجهة نظري ..
حلا ميته من الرعب و ترتجف من الخوف ..
زياد ذايب على ريحة عطرها : حلا .. ”حلا لفت وجهها عن زياد تعاند“ راح تتزوجيني فاهمة ”و لف وجهها ناحيته ” اقول راح تتزوجيني فاهمة ..
حلا ناظرت باحتقار .. و تفلت عليه
زياد مصدوم من ردة فعلها .. ابوه ما سوا له هذي الحركة .. تجي هذي و تسويها ..
زياد ناظر حلا و هو مقهور .. مسكها من يدها و رماها على السرير ( سرير ليان)

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض ..
بمشيتها الجريئة و الواثقة .. دخلت على احد المطاعم ..
لاقته قاعد يستناها ..
توجهت له و سحبت لها كرسي و جلست ..
مها : سوري تأخرت ..
هاني : لا عادي
مها : جبت الشريط .. و انا فهمتك ايش تسوي فيه ..
هاني بابتسامة عريضة : اكيد

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

فيصل بعد ما رجع للبيت ..
فيصل : شوق ..
شوق : هلا
فيصل : امممم ايش رايك اوصلك على بيت ابو طلال
شوق متفاجئة : ليش ؟
فيصل : يعني انا رايح هناك .. فقلت تروحين معي ..
شوق ببرائة: اها .. قصدك اروح عند جود ؟
فيصل يتصنع البرائة: ايه ..
شوق : والله .. احم قصدي ان شاء الله الحين باتصل عليها و اشوفها ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

خايفة .. حست انه الدنيا تسكرت بوجهها ..
زياد : هذي الحركات ماحد يسويها معاي .. فاهمة
حلا تبكي و المكياج تخرب .. بس ما زال حلاها الرباني و اضح عليها :..............
زياد منهبل عليها : يا الله .. يا حلا .. تصدقين فوق هذا السرير اول مره شفتك و حبيتك من نظرة.. ااه .. ما احلى الصدف
حلا تحاول تستنجد : ليان .. ليان
زياد : لا تحاولي .. حتى لو ليان سمعتك ما راح تجي .. تعرفي ليش .. لان انا الي قلت لليان تجيبك هنا .. وانا وهي رتبنا كل شي..
حلا مصدومة : كذاب كذااااااب
زياد : لو كنت كذاب .. طيب وين ليان الحين .. ليش ما رجعت لغرفتها .... عشان تفسح لنا المجال وانا الي طلبت منها ..
حلا ماهي مستوعبه كيف تقدر صديقتها الي احتفظت باسرارها .. الي كانت بنظرها اكثر من مجرد صديقة .. الحين تخونها .. و مو أي خيانه .. خيانه تستاهل تنهي كل شي بينهم ..
زياد : المهم .. ”جاب طاولة و فوقها مصحف ” : انا راح اخيرك خيارين ..الخيار الاول اما اسيبك و تقبلين تتزوجيني .. والثاني اما ”سكت“ اما امسِك ..و ..و بعدها ما بيكون عندك خيار غير انك تقبلين تتزوجيني و ما اظن يحتاج لها شرح ..
حلا بقهر : يعني في كل الشرطين انت ربحان؟
زياد و هو يضحك : حزرتي ها .. الحين اختاري ..
حلا : سيبني في حالي .. الله يخليك سيبني ..
زياد : لو استمريتي بهذا الترجي .. راح انجبر اني استخدم الخيار الثاني ..
حلا : .......................

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

على التلفون ~~~~~~
جود : اهلين .. تعالي في أي وقت
شوق : يعني اجي
جود : اكيد ..
شوق : انا اسفة لا تلوميني .. فيصل اصر اني اروح معه لبيتكم في هذا الوقت
جود بفرح و رومنسية : فيصل ؟
شوق : ايه فيصل .. يله ما راح اطول عليك .. باي
جود : باي
:::::::::
جود سكرت المكالمة .. واتصلت .. ~~~~~
جود : هاي حبيبي..
خالد : هايات يا الحلو ..
جود : سوري خلودي , بس جاني اتصال من بنت عمي ..
خالد : لا عادي خذي راحتك
جود : المهم .....و ..... و...

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

مر وقت طويل ...
حلا ساكته و هي تفكر برعب .. ما تقدر تسوي شي
زياد ما مل من تفكيرها الطويل .. لانه ما رفع عينه عنها .. و هو مفهي فيها ..
حلا حاسه بضيق ..ياليت الارض تتشقق و تبلعها .. ماعندها حل ثاني ..ولا أي خيار هي الحين تحت رحمته وبس و ما تقدر تسوي أي شي
حلا بتأفف و الدموع قدرت عليها : خلاص ان شاء الله راح اتزوجك ..
زياد بفرح : كنت متأكد ..
كان قرار صعب بالنسبة لها .. بس كيف وهي مهدده انه ينأخذ منها عرضها .. هو الشي الوحيد الي ممكن يبين مستوى البنت يبين هي فوق او تحت .. راسها مرفوع ولا منحط .. ما كان عندها أي اتخاذ ثاني .. حلا فكرت بنفس هذي الطريقة ..
حلا و الدموع تنهمر : فيني اروح الحين ..
زياد : لا
حلا رفعت عينها عليه : وليش ؟
زياد : مو قبل ما اتأكد انك راح تقبلي
حلا : بس ..
زياد اشر على الطاولة : هذا هو المصحف و يله المسيه و احلفي
حلا تتحجج : بس انا مو واضيه
زياد بعصبية : يله عاد
حلا بخوف قربت من الطاولة ومدت يدها
زياد : قولي اقسم بالله على اني راح اقبل الزواج من زياد .. متى ما كان ..
حلا بتردد و تأتـأة .. حلفت بالمصحف
زياد : اوكي .. انتي تعرفي الي يخل بقسمه ايش يصير فيه ..
حلا : ...........
زياد : طيب اقسمي بإنك لمن اخطبك ما تخرجي خاتم الخطوبة من يدك لو ايش ما صار .. و ما تقولي لاحد عن الي صار لك اليوم ..
حلا ناظرت زياد .. و حلفت بالمصحف
زياد فرحته ما توصف .. حس انه راح يبدأ حياة جديدة .. بس ما هو عارف انه راح ينهي حياة شخص ثاني ..
حلا كرهته زيادة .. ولا يمكن تعترف فيه كزوج او تحبه ..
زياد فرحان مووووت : اخيرا راح تصيرين لي اخيرا حبيبتي..
حلا و هي تبكي ... خصوصا وهي تسمع صدى كلماته ”اخيرا راح تصيرين لي اخيرا حبيبتي“..
زياد فتح الباب و هو يوجه نظراته لها كنظرة اخير : الحين تقدرين تروحين ”وخرج“ ..
حلا قامت من السرير و خرجت من الغرفة .. الغرفة الي ذاقت فيها الالم و الخيانه الكره الذل الانانية و الحقد .. الغرفة الي راح تغير لها حياتها كليا .. الغرفة الي ما ودها تدخلها مرة ثانيه..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض ..
على كنبة الصالة ماده رجولها .. و تحسس بطنها ..
و سرحت بعيد .. للمستقبل .. مستقبل يكون فيه .. ولدها
دخل بندر : فرح صحيني بكرة الساعة 7 ونص ..
فرح : ان شاء الله

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند جواد .. هو و دينا يتراسلوا ..

جواد .::~~
لــــــــو ؟؟ همست العشق في إذن الحجر
ذاب مثل الروج في شفة فتاااااه"
لــــــــو ؟؟ يسير الحب مخفي بالقلوب
مستحيل الحب تخفيه العيون”
لـــــــو ؟؟ يسير الملح كحل للعيون ام الهدب
ما تتوب العين من سحر البشر برموشها

من جواد الى دينا

دينا :
يوم تحس بضيق
والدمعة تنزل من عيونك
إتصل علي
لاني احب اتشمت

من دينا الى جواد

جواد ::.
مهما الدنيا ذي دارت بنا
تبقى انت في بالي
يا اغلى من سكن في قلبي انا
الشوق لك وداني
يانصي الثاني
يانصي انت الثاني
ادري بقدري عندك له مكان
ابد ما يهزه ريح
لغيرك ما وله قلبي ولان
تبعد وابعد وهي الضروف
اللي تبي الفرقا
اما لهفي ماعليها خوف

دينا::.
كل ماغمضت عيوني
ونمت.. اتخيلك
وكل مااتخيلك
اتعوذ من الشيطان
وارجع انام

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو طلال ..
و بعد الاستقبال..
جود : هلا والله
شوق : اهلــــــــــين فيك
جود : امممممم ووين اخوك ؟
شوق : قال انه بيقعد بالحوش .. يستنى طلال..
جود عارفة انه فيصل يعرف ان طلال موجود في البيت .. ففهمتها : اها طيب انا بروح اجيب لك شي تشربينه
شوق : لا شــكرا ماله داعي ..
جود : لا ولو يا بنت العم ”وقامت“

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند طلال..
قاعد يفكر .. سرحان بــاريام .. والله لها وحشــــــــة ..
تذكر لقائهم و قاعد يضحك .. كانت صدفـــــة حلوة .. يتذكر لمن فتحت البرقع .. و هي تتنفس ..
و كانت شكلها تعبان و بريء .. وه فديتها بس..
::::::
عند اريام ..
كانت من بعد ما شافها طلال .. و هي هاديه .. منسرحة و مؤدبه << حشى ما صارت هع

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

خرجت حلا من الغرفة .. و هي تمشي و مصدومة من الي صار لها ..
ليان و هي تبكي على منظرها و راحت عندها
ليان ببكاء : حلا..
حلا ناظرتها بنظرة احتقار خلتها .. تسكت
مشيت حلا و لبست عبايتها و خرجــــت .. متألمة .. ليش يصير معاها كذا
ناصر , فهد , زياد .. كلهم حبوها و اذوها بسبب جمالها في لحظة تفكيرها حسدت كل بنت محرومة من نعمة الجمال..
مشيت بالشارع وهي مو حاسة بنفسها .. ما انتبهت لنفسها .. الا لمن نبهتها سيارة كانت راح تصدمها ..
و بعد ما انتبهت انها تمشي و ماتعرف فين تروح .. وقفت موزين و رجعت للبيت ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت آخر
فتحت باب البيت و توجهت للحوش ..كان يخبل و هو طفشان .. و هي عارفه انه يستناها ..
راحت عنده
ملاحظة : (جود تكشف وجهها عليه بس تلف الطرحة على شعرها طبعا من ورى اهلها )
فيصل لمحها و ووقف : جود ..
جود بدلع : وفي غيري ..
فيصل ابتسم وهو منهبل عليها : معقولة في غيرك ..
جود تتصنع التفكير : امممم يمكن
فيصل قرب منها : افااا .. لا تطمني مافي غيرك في حياتي ..
جود ابتسمت له بجاذبية : اشوى
فيصل ( فديت هالجمال .. ) : الا ايش اخبارك؟
جود : الحمدلله .. و انت ؟
فيصل : صرت بخير لاني شفتك ..
جود : ولهان علي ؟
فيصل برومنسيه : موووت ..
جود : وانا بعد ولهت عليك
فيصل : حبيبتي والله ..
جود استحت لمن قال حبيبتي ..
فيصل : اه جود يله باي .. بروح الحين قبل ما ننكشف ..
جود : افاا بهذي السرعه ..
فيصل : انا يوم اشوفك احسها سنة كامله ..
جود : اوكي .. يله روح
فيصل ابتسم لها وراح ..
جود دخلت في عالمها الخاص وهي تودعه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

مبســـــــــوط صار الي براسه ..
دخلت عليه اخته
ليان و هي تبكي : انبسطت ها؟
زياد : ايه .. لو ما كان عندك مانع ..
ليان مقهورة من برود اعصابه : قولي انت ترضاها علي ؟
زياد طفش منها : حتى ما راح افكر .. لانه ما في احد يفكر يطل بوجهك ..
ليان بجرح راحت من عنده و هي ندمانه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف ..
حلا دخلت البيت .. وراحت بسرعه عالمغسله تغسل المكياج .. وبعدين راحت لغرفتها ..
وهي رايحة لغرفتها ..
شافتها ام نايف : حلا ؟
حلا : اهلين يمه ..
ام نايف : ايش فيك ؟ ليش كذا صوتك
حلا : لا مافي شي..
ام نايف : طيب الحين الساعة 12 و نص يعني العرس ما خلص .. لسه بدري على الزفة ..
حلا : ها .. لا العرس التغى ..
ام نايف : ليش ؟
حلا : ما اعرف بس التغى .. و انا في بيت .. ”تنهدت“ .. في بيت ليان و بعدين و صلني اخوها ..
ام نايف : اها .. طيب يله روحي نامي .. بعدين لا تنسي الاختبارات قربت ..
حلا : طيب .. تصبحي على خير

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

::::: اليوم الثاني :::::

في المدرسة الثانوية .. في الصباح قبل ما يدق الجرس
دينا : شفتي فزاع يا اريام .. جابوه و هو يلقي كلمته؟
اريام تذكرت طلال : ايه يهببببببببل ..
جنا : لا تتكلموا عن فزاع تراه لي انا وحدي
اريام : لسه امس قلتي انه توم كروز لكي لوحدك و ممنوع احد يتكلم او يجيب سيرته
جنا : وااااي توم كروز .. ايه هو بعد لي
شذى : طالما كذا فـ بشار الشطي ليا انا
جنا : انقلعي انا حجزته و كمان محمود الشهري و زاهر و راشد الماجد و تامر حسني و عمرو دياب و مجودي(ماجد المهندس )و راغب علامة و مهند و يحي و حسين و ..و ..
اريام : لا حشى ولا الحاج متولي يتزوج زيك ..
جنا : ايش يخصك انتي بعد
دينا : اعقلي عن صحبتي ..
اريام لاحظت انه حلا مو معاهم و سرحانه .. اريام حاولت تتكلم بدون ما تلفت انتباه البنات
اريام : حلوي ؟ ايش فيك ؟
حلا انتبهت لها : ولا شي ..
اريام : روقي و قولي لي ايش فيك؟
حلا : خلاص عاد ما فيني شي ..
اريام لمحت ليان ..
اريام : اوووف علة القلب توها جايه من بيتها ..
حلا لفت و شافت ليان : مالت عليها .. صدق علة القلب..
اريام متفاجئة : هلاو .. انا اتكلم على ليان ..
حلا : ايه وانا بعد ..
اريام : لا اكيد خرفتي ..
حلا : لا ابدا انا ما خرفت ولا شي بس اعبر عن مشاعري..
اريام ما فهمت .. بس سكتت ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض ..
فرح دخلت للغرفة و لاقته لسه نايم ..
فرح : بندر قوم .. وراك شغل..
بندر : اووووف
فرح : بندر مو انت قلت لي اني اصحيك الساعة 7 و نص ..
بندر : روحــي عني ....
فرح بحزن : براحتك .. ”وخرجت“

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في ثانوية البنات ..
دق الجرس ..
و متعودين في الطابور الصباحي ..تصف اريام مع دينا و حلا مع ليان .. و طبعا في طابور الاول ثانوي جنا و شذى..
حلا صفت مع وحده من زميلاتها .. ليان شافت حلا مع البنت انقهرت .. بس ما تلوم حلا .. لانه من حقها تقاطعها من بعد الي صار لها ..
حلا اول ما دخلت الفصل طلبت من دينا انهم يبدلوا .. يعني حلا تجلس مكان دينا (جنب اريام ) و دينا تجلس مكان حلا (جنب ليان)

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في جامعة البنات ..
في الفصل ..
جود : تصوري قال لي حبيبتي ..
شوق : آآآخ من هذا اللئيم .. يعني اصر اني اروح معاه عشان مصلحته ..
رهف : و جود بعد مشت الكذبة ها ؟
شوق بحقد : ايوه .. قالت انها بتروح تجيب لي عصير .. و انا اقول جود مو طبيعيه معقوله تعرف اداب الضيافة .. اتاري و راها قصة عشق و حب.. لا و مع اخوي بعد
جود : هي انتي ..لا تطلعي كل الي في قلبك .. بعدين مو ذنبي انك خبلة و غبية ..
رهف : هههههه والله انكم تحفة ..
جود : ولي انتي الثانيه ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الفصل .. (حصة دين)
دينا : ايه صح تذكرت حلا كيف كان العرس امس ؟..
حلا ناظرت ليان : حلو ..
ليان نزلت راسها ..
دينا ناظرت ليان : رقصتوا صح ؟
ليان : امممم لا
حلا : انا رقصت بس هي لا ..
دينا : ليش ؟

ليان توهقت وما عرفت ترد : ..........
حلا ترفع حاجبها : خلتني لوحدي اعاني بالرقص و راحت ..
اريام : و ليش راحت ؟
حلا : اسألوها ..
اريام و دينا طلوا على ليان ينتظروا اجابة ..
ابلة صباح : اريام دينا حلا .. خير انشاء الله .. وين احنا.. السبورة من هنا..
ليان ارتاحت لان الابلة تدخلت

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

◄◄◄ نهاية البارت السادس

راح تنحل الخلافات بين حلا و ليان
متى بيصير الزواج ؟ و ايش الاحداث الي بتصير ؟
فرح و بندر الى متى راح يدوم الخلاف بينهم ؟ و ايش بيصير معاهم ؟