منتديات قصايد ليل - عرض مشاركة واحدة

05-14-2011

.::::: الباريت الرابع ::::::.

في الملاهي .. بعد ما دخلوا ..
تفرقت المجموعات ..
حلا كانت متضايقة لانها في نفس مجموعة فهد على عكس فهد المبسوط
فيصل كان فرحان لان جود معه .. و جود نفس الشي و اكثر
دينا كان همها تلاقي فرصة و تعتذر من جواد بس هي خايفة يفهمها غلط .. و جواد مطير عيونه فيها
::::::::::::
فهد ناظر حلا : اش اول لعبة بنلعبها ؟
جود : الشوايه...
فهد : لا قطار الموت احسن والا اش رايك يا حلا ؟
حلا تبغى تقهره : لا الشوايه احلى ..
فهد : طيب الشوايه بكيفك ..
فيصل : تصدق يا فراس ما لنا داعي صح ؟
فراس : ايوه احنا مو من مستواهم عشان نقول رأينا
فهد : انكتموا و يله عالشوايه

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

طلال : اش نسوي الحين ؟
جواد : بنرقص .. يعني ايش بنسوي اكيد بنلعب
اريام : طيب اش راح نلعب
شوق : نلعب القلابة ( اللعبه الكبيـــــــرة الي تدور تقريبا في كل ملاهي )
اريام : ويييييع ياكلاسيكية
شوق : كلاسيكية بعينك ..
جواد : لا القلابه مررره بايخة و مملة..
اريام : انا اقول نلعب قطار الموت فيها دراما ..
جواد : لا .. الدراما نخليها بعدين..
طلال : طيب وايش المخلص؟
دينا : طيب الدواخة حلوة (الدواخة لعبه ترتفع عن الارض وهي تدور والكراسي الي فيها تدور و تتقلب ) << تعريف خطير
جواد : ايوة الدواخة على قولتكم .. حلوة .. يله..
اريام : لا والله .. يعني الدواخة ما فيها دراما..
شوق : ايوة بس عشان حبيبة القلب يرضى بإي شي..
جواد : اقول يله بس .. بلا فلسفة

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

جنا : لا والله السفينة احلى فيها حماس
شذى : السيارات حلوة كمان (السفينة و السيارات غنية عن التعريف )
جنا : ايوة لكن ......
رامي : اوف .. الين متى واحنا بنوقف هنا
نايف متكتف : الين ما ينتهوا وزارة الشؤون العامة على اتخاذ القرار
مازن : وجع ما جاءوا الا معانا .. والمشكلة اثنينهم
نايف : احمد ربك .. جود ما جاءت معانا .. ذي البنت تساويهم الاثنين و كمان مضاعفهم
رامي : ههههههههههههه ما شاء الله
جنا : احم احم قررنا نروح لــ ....... السفينة
مازن : مالت ”وقال بهدوء“ السفينة
شذى : ليكون قرارنا ما عجبك
مازن خايف : لا يا مزموزيل يهبل

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نايف ..
ام نايف قالت لزوجها عن الخطبة
ابو نايف فرحان : زياد عبدالرحمن .. والله والنعم فيه
ام نايف : يعني انت تعرفه
ابو نايف : اكيد اعرفه .. ابوه يملك ابرز الشركات .. و معروف عن ولده بالادب و الاخلاق .. و هذا غير اني قابلته و اتعمقت في معرفته اكثر و هو رجال و يعتمد عليه ..
ام نايف : يعني موافق
ابو نايف : اكيد موافق .. بس القرار بيد حلا ولحد يجبرها

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند الشوايه.. (لعبة شكلها زي الشوايه تدور و تتقلب على بعد مسافة كبيرة )
كانوا يستنوا دورهم....
حلا : يوووووه تخوف..
فهد : لا تخافي طالما انا معاك..
جود بهمس : حلا لسه فهد يحبك ؟
حلا هزت راسها بالايجاب
فيصل : الله يستر شوف المسافة.. وين هم ووين احنا ..
و بعد ما توقفت اللعبة و جاء الدور عليهم ..
على الطرف كان فراس و جنبه فهد و جنبه حلا ثم جود ثم فيصل ...
بدأت اللعبة و هم يصرخوا .. لعبة الشوايه مررررره تخووووووووووووووووووف ( انصحكم لحد يركبها )
جود : مامااااااااااااااااا
فيصل مسك يد جود : لا تخافي انا جنبك ..
جود : اهءء يمه وينك...
فيصل يزيد ضغطه على يد جود : لاتخااااافي <<< هههههاي مسلسل خليجي ممتزج بالهندي
جود : فيصل لا تتركني
فيصل يضحك على خبالها : ما راح اتركك هع هع
جود : خلك جنبي فيصل لا تروح
”جود كان كله تمثيل يعني تمثل انها خايفة ولا هي جبل ما يهزه ريح .. فيصل فاهم على جود و يعرف انها تحبه“
لكن الوضع عند حلا ..
حلا : اهييييئ يماااااااااااااه..
فهد يهديها : خلاص حبيبتي انا جنبك..
حلا وهي تبكي : مااااااالت عليك انا وين وانت وين ..
فهد : افااا يا بنت ”و زادت اللعبة ” العااااااااااام
حلا : اهـــــــــــــــــئ

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند الدواخة ..(كان في كل جهه كرسيين و ورا الكرسيين .. كرسيين ثانيين و كل كرسيين يدوروا) << فهمتوا ؟
جلس جواد جنب دينا .. و شوق جنب اريام ..
طلال متكتف : وليش ان شاء الله جالس جنب اختي جوادوه
جواد ابتسم : والله انا جيت قبلك ..
طلال : اوف هذي المره بمشيها ”وراح جلس مع واحد شكله اهبل “
الكل عارف انه جواد يحب دينا
و بدأت اللعبة
دينا : جواد انا ..
جواد متحمس : ايش؟
و زاد التقلب
دينا : ااااااااااه
جواد متلهف يسمع اجابة يتمناها : اييييش
دينا : جواد انا اسفة ..
جواد بتحطم .. كان يتوقع كلمة ثانية
دينا : اعتذرت لك اش تبغى اكثر من كذا
جواد : ها لا ولا شي .. اعتذارك مقبول
كانت اللعبة تدور بشدة
اريام : واااااااااه شوق هيلب مي
شوق : ويلاه ويلاه
اريام : عاشوا ..سرى.. ورا << طقاقة
شوق : اووه ..يله.. كمان ..
اريام بتفاعل : هذي لا تحرموني منه
شوق : هذي لا تحرموني عنه
و الناس الي جنبهم فاطسين ضحك ..
:::::::::::
جواد : دينا انا احبك والله
دينا ترحم جواد بس هي ما تحبه : جواد اتكلمنا من قبل
جواد : بس انتي اعتذرتي عن الكلام الي من قبل
دينا : مو كله .. نصه
جواد : زي ايش؟
و قفت اللعبة ...
دينا على طول فكت الحديدة و نزلت.. جواد مقهور منها بس ما راح يستسلم ابدا لانه يعشقها << خلاص عرفنا
وهي تمشي حول اللعبة شافت اريام و شوق دايخين
اريام : <صدفة ومن بين كل الناس..
شوق : من يوم شفته و عيني جات في عينه>
دينا : ههههههههههههههههههههههه
عند السفينه .. فعلا حماس
كان الاولاد في جهه و البنات في جهه ..
والرقص والغناء .... مررره فله في السفينه ..
*******************

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند القلابة.. شوق اصرت يركبون القلابة
شوق : يا سلااااااام اللعبة الاروع
طلال : لحول انا ما ابغى اركبها
شوق : احسن
جواد : تو رطني مع البنات ها ؟
طلال : اقول يله اركب و بس
اريام : اااه ان حاسه راسي بينفجر
جواد : هههههههههههههههه حلوة بينفجر
اريام جلست فوق الكرسي
دينا : خلاص يا اريام لا تركبي مدام راسك تعورك ..
شوق : ايه حتى لو تبغي انا بجلس معك
اريام : لا خلاص انتي و دينا اركبوها وانا بجلس هنا لوحدي
طلال : ايوة و انا معاها
جواد : هي راعي اللعبة يقول بنركب ولا ايش؟
شوق : امممم
اريام : يله روحوا

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو زياد ..
زياد رجع للبيت
ليان : اهلين اخوي
زياد : هلا .. بشري
ليان : عمتي كلمت امها و هي قالت بتكلم ابوها و بتشاورها
زياد بفرح : ان شاء الله توافق
ليان : ان شاء الله

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند حلا
حلا : لعبنا ثلاث العاب فـ ايش رايك نجلس عالطاولات .. والاولاد يلعبون
جود : اوكي
فهد : لا خلاص انا ما ابغى العب
حلا: بس احنا ودنا نجلس اثنيناتنا بنت و بنت وبس
فهد تفشل : اوكي
فيصل كان طول الوقت يطالع جود .. و جود نفس الشي

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

جنا : يله نلعب الحين السيارات
شذى : يله
رامي : يعني هم يقولوا و احنا ننفذ
نايف : والله هذا الواقع
رامي : لا ما يصير احنا شباب و راح نواجههم
مازن : تكلم عن نفسك .. ويله روينا شطارتك و واجههم
رامي راح عند البنات .. واشوي و رجع
نايف : ها بشر ؟
رامي : قالوا لي .. ضف وجهك انت و وجهك ذا .. ومالت عليك و انت مو رجال انت بزر و جاي تتحكم بالاكابر وانت خبل و خشمك طويل و رقبتك اطول من خشمك .. و انقلع لمكانك لا احسن نرويك مكانك الاصلي .. القبر..
نايف و مازن فاطسين ضحك

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

بدأت لعبة القلابة ..
طلال : انتي بأي صف ؟
اريام : نفس اختك دينا
طلال : يعني ثالث ثانوي..؟
اريام : يعني اش رايك ؟ ثالث ابتدائي
طلال : اها
اريام : ااااه حاسه راسي بينفجر خلاص
طلال بخوف : طيب اش تستني يله قومي
اريام قامت و مشيت مع طلال .. وقفت اريام ..
اريام : حاسة نفسي مخنوقة
طلال : اصبري اشوي و بنوصل
اريام توجهت لـ مكان كان خالي من الناس و كله عشب و جلست و فكت البرقع الطرحة و هي تحاول تتنفس
طلال انصدم من تصرفها .. و طالع فيها .. اش هذا الجمال كله !
اريام كانت منجد بنوته حلوة .. طلال انهبل على جمالها .. ما توقعها حلوة مرره .... اريام حست انها بدأت تتحسن ..
و اتنفست ببطء بعدها التفتت على طلال و استحت منه ومن نظراته .. و طلال كان مفهي
اخذت الطرحة و لفتها على وجهها و حطت البرقع.. وو جها ينقط حيا
طلال : احم .. ااااالحين انتي احسن؟
اريام : ايوه حاسه نفسي احسن
طلال ابتسم لها ابتسامة تعذب : الحمدلله على السلامة
اريام ابتسمت له : الله يسلمك ”اريام انهبلت عليه وهو يبتسم لها لانه يشبه فزاع الوسيم مرره“
كان موقف رومنسي ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الرياض ..
فرح حست نفسها تعبانه زيادة .. اتصلت على بندر عشان ودها تروح المستشفى .. بس بندر ما رد
فرح باستسلام قررت تروح المستشفى بنفسها و لوحدها .. بدون ما تستأذن
و على طول لبست العباية و خرجت ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

عند الطاولة ..
جود : حلا .. كان ودي افتح معاكي هالموضوع من زمان
حلا : شنو ؟
جود : انتي لسه تحبيه ؟
حلا : مين ؟
جود : ناصر .. مين غيره
حلا بحزن : لا خلاص نسيته
جود : عنجد؟
حلا : اكيد .. بس ليش تسألي ؟
جود : يعني شفتك ما تفتحي مجال لـ فهد بأنك تحبيه .. توقعت انه هذا السبب
حلا : بالعكس انا اكرهه من كل قلبي .. الي سواه فيني مو قليل ..
جود : ايه اكيد مو قليل
اكيد تتسألوا مين ناصر و اش صار بينه و بين حلا ..
من قبل 6 سنين لمن كانت حلا بالاول متوسط طبعا كانت جميلة جدا من صغرها .. كان ناصر شاب من الشباب الي يخدعوا البنات .. حلا تعرفت عليه من وحدة من البنات الي كانوا معجبات فيها واقنعوها بانها تكلمه .. حبته بجنون .. كان يرسلها الهدايه .. و كان يشوفها اكثر من مره و يقول لها كلام حب.. وفي يوم من الايام .. اتفق معاها انه يقابلها في احد الشقق الي وصفها لها .. بس الحمدلله .. نايف اخوها لحق وراها و طبعا تمشكل مع ناصر .. و حلا اخذت علقة بس .. مع مرور السنين اهلها بدأوا يعطوها الثقة الي اخذوها منها من هذاك اليوم
(بالمناسبة انا راح اكشف لكم عن سر .. حلا راح تحب بس مين؟ ما راح اقول لكم )
جود تغير الموضوع : المهم .. يعني السنه الجايه بتجون في مدرستي ها ؟
حلا : ههههه وراكي وراكي
جود : الله يعيني بس

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في مستشفى في الرياض ..
فرح خايفة .. يمكن تكون مصابة بمرض خصوصا نقص وزنها و تحس بحرارة .. و تنسد نفسها عن الاكل و تتقئ .. وكان طول الوقت تفكيرها انه ممكن تكون مصابة باحد الامراض الخطيرة..
صار لها اكثر من ساعتين منتظرة .. الدكتور اخذ وصفها لحالتها مع .. تحاليل..
اشوي و تقدم الدكتور ناحيتها
الدكتور : مدام فرح
فرح : طمني دكتور .. اش فيني .. أي مرض؟
الدكتور بلهجته المصرية : ههههههههههههه .. فال الله ولا فالك يا مدام فرح
فرح : ...........
الدكتور : مبروك انتي حامل ..
فرح توقف قلبها عن النبض : انا .. انا حامل
الدكتور : شي غريب .. يعني انتي ما حسيتي بحملك ؟ ما هو صار لك شهرين و نص .. عن الحمل
فرح مصدومة : ...........

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

الساعة 12:00(منتصف الليل) في جدة ..
-جود و فيصل كانوا يمشوا في الملاهي مع بعض..
-فهد ما ساب حلا في حالها..
-جواد و دينا يتكلمون ..
-شوق مخربه الجو الي بين اريام و طلال
-فراس و هو يمشي لوحده قابل مازن .. و راحوا يغازلوا البنات
-جنا و شذى طنشوا الشباب و راحوا يعكروا مزاج الناس خصوصا المتزوجين .. و جاءت عليهم اكثر من دعوة ضدهم
& و بعد يوم ملئ بالمتعه و الاحداث و الضيق و الفرح و الحزن و الكره و الحب .. رجع الكل لبيته..&

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

الساعة 2:43
في بيت ابو نايف .. و في غرفة حلا
دخلت ام نايف على بنتها...
ام نايف : ممكن اجلس ؟
حلا : ههههه ما يحتاج سؤال يا احلى ام ..
ام نايف : امم تعرفي يا حلا انه هذي الحياة لها مراتب و تطورات و انتقال من مرحلة لمرحلة .. عشان كذا اكيد بيجي يوم و تتزوجي و تتركينا و تعيشي بعيد عنا .. صح ؟
حلا عدلت جلستها : ايوة
ام نايف والابتسامه في وجهها : جاء هذا اليوم و انتي انخطبتي اليو..
حلا : انا ؟؟
ام نايف : اكيد انتي ..
حلا : مين ؟
ام نايف : خطبك زياد .. اخو ليان صحبتك..
حلا متفاجئة : ليان .. و ليش ما قالت لي؟
ام نايف : ما ادري .. بس يا بنتي قبل ما توافقي او ترفضي اعرفي انها حياتك انتي ..و استخيري .. و ايش ما كان قرارك انا وابوك راضيين فيه .. و الحين انا بروح .. وانتي فكري ... طيب؟
حلا : ماشي
و خرجت ام نايف من عند حلا
حلا كانت متفاجئة .. كانت تتوقع انه ليان تستشيرها او تقول لها بس ليش ما قالت لها ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت بندر..
كانت فرح طايره من الفرح .. اول ما رجعت من المستشفى .. رتبت بيتها .. و زينت غرفة النوم .. و جهزت كيك .. كان همها انها تقول لبندر بس بطريقتها الرومنسية .. حطت في غرفتها طاولة دائرية صغير فوقها شموع حمرا .. و حولها كرسيين .. و حطت الكيكة عالطاولة و خلت جو الغرفة رومنسي
قعدت تستنى بندر و هي تتذكر ..
<<<< <<<<<<<<<<<<<<<<<
بندر : تعرفي فروحتي .. انا ناوي يجيلي عشرة اولاد منك
فرح : اوف عشرة مره وحدة
بندر : و اكثر بعد
فرح : هههههه الله يعيني انا
بندر : لا والله .. الا قولي لي لو جانا ولد اش بنسميه ؟
فرح : انت سميه وانا راضيه بأي اسم انت تقوله حبيبي ..
بندر : تسلمي لي .. امممم لو كان ولد باسميه بسام .. ولو كانت بنت باسميها بسمة لان فرح و بسام و بسمة ..كلها يعني السرور في الحياة .. بالخص حياتي..
فرح : هههههههههه ياحبي لك
بندر : بس انا احبك اكثر مما انتي تحبيني..
>>>>>>>>>>>>>>>
ضحكت فرح وهي مشتاقة لهذيك الايام .. و تتمنى تشوف ردة فعله بسرعة

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

طلال داخل بموجات من الاحلام .. وهو يتذكر اريام .. موقف حبه لها كان غريب
و يتمنى يشوفها مره ثانية

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

اخذت الورقة الموجودة في شنطتها قرأتها .. خالد و تحت مكتوب رقم..
تناولت موبايلها و ضغطت بيدها الناااااعمة على ازرار الموبايل..
~~~ خالد : الوو
جود بصوتها الجذاب : الوو
خالد نقز : هلا والله
جود : عرفتني ؟
خالد : و في احد يقدر ما يميز صوتك الحلو يا جودي ..
جود : ههههههه
خالد : يا حلوها ضحكتك ..
جود : تسلم ..
خالد : اشوي اشوي علي ..انا بموت من صوتك ..
جود : افا .. بسم الله عليك .. مدام كذا اسكت احسن لي..
خالد منجد ذاب على صوتها : لا لا انتي ما تهونين علي..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

زياد كان مبسوط و فرحان .. كان طول الليل يفكر في حلا .. الي حبها من نظرة
و فكر بمستقبله معاها و فكر باشياء كثيرة

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في مكان اخر .. في الرياض
مكان مملوء بالحقد و الغيرة ..
تفكر بحبيبها الي اخذته فرح منها .. الي تركها عشان فرح
مها : والله ما اخليها ترتاح .. ابدا
هبه (اختها) : حرام عليك خلاص سيبيهم في حالهم
مها : لا ما راح اسيبهم .. كيف يتخلى عني انا و يروح للعجوزة الخبلة..
هبه : بس هو حر في اختياره .. و هو ما وعدك انه يتزوجك..
مها : بس كان يعرف اني احبه .. و ما اختارني .. ما راح اخليه يتهنى معاها .. و تشوفي

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

رجع بندر للبيت ..
اول ما دخل كان الجو رايق في البيت والاضاءة خفيفة..
بندر توجه لغرفته .. فتح الباب .. كان الجو هناك فعلا مختلف..
دخل .. و كانت فرح تستناه عند الباب
فرح بطبيعتها الطفولية البريئة : اهلين بندر .. تفضل..
بندر دخل : ايش الي صاير اليوم ؟
فرح : ولا شي .. ”سحبت الكرسي من الطاولة“ :تفضل و اجلس هنا
بندر جلس يبقى يعرف اش السبب : ايوة و بعدين ..
فرح جلست بالكرسي : ولا شي بس كذا..
بندر تأفف : الحين هذا كله عشان ولا شي ..
فرح طنشته .. و هي تقطع من الكيكة : حبيبي كنت ابغى اسألك يعني مو الحين احسن وقت عشان الواحد يجيب طفل..
بندر : ايش طفل ما طفل .. لا مين قال .. انا مو موافق اجيب طفل..
فرح متفاجئة : نسيت يا بندر انت كنت تتمنى يجي لنا ولد اكثر مني ..
بندر : هذاك زمان بس الحين ما ابغى حتى افكر .. ولا ترجعي و تفتحي هذا الموضوع..
و قام بندر من الكرسي و دخل الحمام .. و ساب فرح مكانها و هي تبكي : ليش يا بندر ليش ؟

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في اليوم الثاني ( الجمعه ) الساعة 4:35 عصرا
نزلت حلا من غرفتها بثقة .. وهي متأكدة من قرارها ..
ام نايف : هلا يا بنتي ..
جواد : احلى يلي انخطبت .. معقولة تتزوجي قبلي يالدبة
حلا تبغى تقهره : مو ذنبي انه حبيبتك ما تبغاك
جواد انقهر مرره
ام نايف : ليش ما نزلتي تتغدي ؟
حلا : يمه انا اتخذت قراري ..
ام نايف : أي قرار ؟
حلا : بخصوص الخطوبة
ام نايف متحمسة : بهذي السرعة .. فكرتي يابنتي زين ؟
حلا : ايه يا يمه وانا مـ..................................

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

◄◄◄ نهاية الباريت الرابع

راح توافق حلا والا بترفض ؟
فرح ايش راح تسوي بموضوع الحمل ..؟
فهد ايش موقفه من خطبة زياد لحلا؟