منتديات قصايد ليل - عرض مشاركة واحدة

05-14-2011

.::::: الباريت الثالث ::::::.

زياد : صحبتك ..امس
ليان بخوف : مين حلا ؟ اش فيها ؟
زياد : اسمها حلا (يا حلوها)
ليان : خلصني اش فيها
زياد بقلة صبر : ابغى اخطبها
ليان : .............
زياد : اش فيك ؟
ليان: و ليش بتخطبها ؟
زياد : حبيتها
ليان: كيف يعني حبيتها ؟
زياد : انا حبيتها من اول نظرة و هي اخذت تفكيري وابغاها بـ سنة الله ورسوله
ليان : بس يمكن هذا مو حب يمكن اعجاب
زياد : اووو يعني انا ما اعرف اميز اقول لك حبيتها و يمكن كمان عشقتها..
ليان : طيب انا بقول لعمتي واخليها تخطبها لك..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

دينا : وبعدين وصلني على البيت و اول ما قفلت الباب على طول مشي
جود : اووف والله حرام .. تذليه لانه يحبك
دينا : انا عارفة ..الحين ابغاك تساعديني عشان يسامحني لاني ما احب اظلم او اجرح احد
جود : اوكي اولاَ اتصلي عليه واعزميه على مطعم ثانيا اشرحي له كل شي و استسمحي منه
دينا : ما ادري والله..
جود : سويي الي قلته لك ..
دينا : خايفة !
جود : من ايش خايفة ؟
دينا : اخاف من جواد..
جود : دينا سوي الي قلت لكِ عليه احسن لك..
دينا : افكر..
” جود همها من كل هذا انه دينا تحب جواد وبس ”

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

صحيت .. و قامت من سريرها و توجهت لــ حمام وغسلت وجهها .. خرجت
راحت عند الدولاب تختار لها لبس .. حست بحركة من وراها .. التفتت
بندر : ممكن تبعدي اشوي
فرح : اكيد ”وبعدت عن الدولاب“
بندر دخل للحمام و غسل وجهه .. و خرج
بندر : هي انتي و ين المنشفة ابغى استحم ..؟
فرح : الحين بجببها لك
بندر : و مين قال لك تاخذيها؟
فرح : اسفة .. بس
بندر : اوووف روقينا و ارحمينا من الصبح
فرح : ...........
بندر : لحول , ليش انا .. انا بالذات الي اتصبح بهالوجه ما غيره
طبعا ما يحتاج اقول لكم احساس فرح رغم انها جميلة و مافيها عيب خلقي او حتى ادبي

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

دينا فكرت بكلام جود.. ووافقت عليه
اخذت الجوال و اتصلت على النشبه “جواد“
::::::
عند جواد الوضع سيء ما نام طول الليل ... يا ناس يا عالم جرحته .. والله جرحته
...اشوي و رن الجوال ~~ (دندونتي غلاتي) يتصل بك << فرق شاسع في النيك نيم عند دينا
اخذ الجوال و ناظر الاسم .. ناظره نظرة عتاب نظرة حقد .. ناظره بألم .. ناظره بعيون مدمعه
و رمى الجوال فوق سريره و تركه يرن
:::::
دينا : ليش ما يرد اكيد نايم ؟.. اووف باتصل عليه بعدين

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في احد الكوفيهات الساعة 11صباح
اريام : اقول لك جود كانت بتطير من الفرح عشانه .. وعالساعة 10 خرج
حلا : هههههه يا حليلها جود ..
اريام : الا ابشرك ..واحنا في المول قبل ما يخرج فيصل قال انه راح يكلم الشباب و البنات و بنروح كلنا عـ الشلال
حلا : واااو فله .. من زمان عن الطلعات..
اريام : ايه .. يعني اكيد بيكون فلــــــــــه

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الغرفة دخل .. فيصل
فيصل : شوق ..
شوق : هلا..
فيصل :احم .. اليوم انا راح اتفق مع الشباب عزيمه على الشلال ..
شوق بس سمعت الشلال : والله ..
فيصل : يس بس مو عشانك ..
شوق : اها المهم .. اني بروح .. والله من زمان عنك يا الجمعه
فيصل : طيب قولي للبنات ..
شوق : من عيوني فصولي..
فيصل : اااااخ من المصالح..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

الساعة 1 ظهر في الرياض ..
جاءوا الضيوف المنتظرين.. ام بندر و مها (بنت جيران ام بندر .. من قبل 30 سنة )
بندر : هلا والله يا امي ..
ام بندر : كيفك يا وليدي؟
بندر : والله بخير .. اش اخبارك .. وانتي يا مها؟
مها : الحمدلله بخير..
بندر : وين ساره اختي؟
ام بندر : والله ..... و .. و
ام بندر : وين فرح ؟
بندر : امممم الحين بتجي
م بندر : والله اشتقنالكم
بندر مبتسم : تفضلي يايمه .. انا بروح انادي فرح ..
بندر راح لغرفة النوم .. فرح فوق فراشها متمدده و كانت تعبانه .. كانت حرارتها مرتفعة اشوي
بندر بصراخ : انتي لسه نايمه ؟
فرح : لا بس حاسة نفسي تعبانه ..
بندر : قومي الله لا يوفقك .. امي تسأل عنك ..
فرح : خالتي جاءت
بندر : يعني ايش رايك يله قومي .. ”راح عند فرح و سحبها .. فرح طاحت عالارض و حست راسها خلاص ..
بندر : يله بسرعة .. يالله ليش مبتليني بهالبليه ” و خرج ”
فرح كانت طايحة عالارض .. و ما قدرت تتحرك

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وفي بيت ثاني .. وفي غرفة الضيوف بعد استقبال الضيفة
ليان : والله يا عمتي انا ما كان ودي اقول لك الحين بس اخوي اصر اليوم
ام محمد : ليش لا .. انا مستعدة اخطب له مية بنت هو بس يامر .. بس كيف البنت ؟
ليان : هي صحبتي في المدرسة .. و كل الصفات الحلوة فيها
ام محمد : خلاص .. اذن انا بكلم ابوه و بخطبها له اليوم ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

مرت ربع ساعة .. و فرح ما خرجت
بندر دخل الغرفة وهو بينفجر
فرح كانت مغمى عليها و طايحة في الارض ..
بندر : اوووووف .. لحول احنا ناقصين تطيح الحين .. اووف..
بروح اقول لامي أي عذر يفسر غيابها
”و خرج“ ..
::::
وبعد مرور ساعتين
صحيت فرح ... تاملت المكان الي هي فيه و تذكرت .. بندر
فرح وقفت .. وحست بدوخة .. بس توازنت
و جلست فوق السرير و هي تسترجع احداث الي صار
:::::
قبل اشوي خرجت ام بندر و مها .. دخل بندر وشاف فرح فوق السرير
بندر عصب : انتي اش اخرتك ؟
فرح ناظرت بندر نظرة تعب : .........
بندر : انتي بتذبحيني ” وقرب منها“ و هذا غير انك حطيتيني في موقف محرج مع امي
فرح تعبت من لومه و تعبت من كلامه وقفت تبغى تروح .. أي مكان بس تبغى ترتاح من الخصام الي ما ينتهي
بندر : لمن اكلمك .. جاوبيني
فرح : انت اش تبغى مني بالضبط ؟
بندر : اتكلمي معايا بادب
فرح : بندر انت اش تبغى مني ... انت تكرهني صح ؟ طيب طلقني ..
بندر : فرح الزمي حدودك .. و طلاق ماني مطلق
فرح بصراخ مرتفع : اش تبغى فيني سيبني في حالي .. انا ماابغاك .. ليش ما ودك تطلقني ليش؟
بندر اعطى فرح كف جامد .. من قوته فرح طاحت عالارض واغمى عليها
بندر : لاني احبك << بدري
بندر حمل حاله و راح ..
وهو يتسأل في نفسه .. ليش قال هذي الكلمة ليش قال احبك .. كأنها طلعت من قلبه قبل ما تطلع من لسانه
و خرج من البيت.. و سابها مرميه على الارض

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

دينا : اتصل الحين
جود : يووه بكيفك ؟
دينا : لا خلاص بعدين
جود : لحول .. انا عندي فكرة لمن نروح الشلال قابليه هناك و اعتذري
دينا : ايه صح والله ما فكرت
وبعد صمت لم يدم دقيقة
جود : دينا
دينا :هلا؟
جود : انتي تحبيه ؟
دينا : مين .. جواد .. لا طبعا..
جود : علينا يا دينا .. قولي ترى والله ما بقول لاحد..
دينا : احلف لك بالمصحف اني ما احبه .. والا ليش اخبي عليكي .. و همي الوحيد اني ما ابغى اجرح احد ..
جود : طيب خلاص صدقتك ..

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في السيارة
مها : خالتي ليش فرح ما كانت موجودة ؟ اقصد ما كانت عارفة انك بتزوريهم
ام بندر : والله ما ادري يا بنتي !
مها : انا عندي احساس انها كانت موجودة في البيت و بس عرفت اننا جينا ما ودها تشوفنا..
ام بندر : لا يا مها فرح مو كذا..
مها : والا اش تتوقعي السبب يعني يا خالتي؟..
ام بندر : ..........
مها : اكيد تكرهك و ما تبغى تشوفك..
ام بندر : لا ما اظن..
مها : وكمان يمكن تكره ولدك .. و تزوجته بس عشان مصالحها الخاصة ..
ام بندر : مصالحها الخاصة ؟
مها : ايوة انا سمعت انها كانت تكره الدراسة و تبغى تتوقف عنها بس ابوها منعها و قال انها ما راح تتوقف الا لو تزوجت .. وبعدين استغلت ولدك الي راح لجده .. و عرفت انه من عائلة غنيه .. فلعبت بعقله و خلته يحبها .. وهي ما تحبه ولا فكرت تحبه ..
ام بندر انصدمت : معقولة ؟؟؟؟
مها : انا سمعت كذا والله اعلم
ام بندر : .................

مها كانت تكذب و كل كلامها كذب بس لانها تحب بندر .. الي جاءت اليوم عنده بس عشانه
فـأكيد نيتها تفرق بينهم .. و تخلي ام بندر تكرهها.. لان بندر كان صديق طفولتها وكانت تحبه بس هو ما حبها

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وبعد وقت ماهو طويل ..
فرح صحيت .. بس هذي المره و هي تبكي
بس مو عشان الضربه المتها .. لا عشان حست بالقهر من بندر على كلامه و تصرفاته

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

الساعة 7:30 مساء
وقت الطلعة ...
راح اقول لكم عن حوسة الشباب والصبايا (لعلمكم ممنوع ذهاب من هم تحت الـ 16 و فوق الـ 24..
::::::::::::::::
في بيت ابو نايف
جواد : حلا الين متى بنستناك ؟
حلا : وجع .. خلصت
جواد : يووووووه يله يا ثقل دمك ..
حلا : طيب لا تصارخ .. ترى ما عاش من رفع صوته على الحلا..
جواد بنص عين : قولي بيموت الي يتكلم مع الشينه..
حلا : غاير ؟
جواد : اعوذ بالله .. على ايش؟
نايف : اووف لا تلوعون كبودنا .. و تسدون نفوسنا ويله امشوا.. اوف..
:::::::::::::::
في بيت ابو فراس ..
شذى : مسكين الي كل شي على حسابه..
فيصل : تصدقين مافي واحد فاضي زيك..
شذى : ههههههاي مسكين والله يحزن امانه شوق .. روحي جيبي حصالتي اعطيه كم قرش يتدبر فيهم ههههههاي..
شوق : ههههههههههههههه ..
فيصل : والله يا شذى لو ما سكتي .. مالك روحه.. والله..
شذى : لا لا يا اخوي كله ولا زعلك .. اساسا انت فوق رؤسنا .. و .. و
::::::::::::::
في بيت ابو طلال
جود : راح اشوف فيصل..
دينا : هذا الي شاغل بالك..
جود : اكيــــــد..
دينا : مالت وبعد اكيد..
ندى : هاااي .. ..
دينا و جود تورطوا : هااي..
ندى : لابسين العبايه ها ..وين رايحين؟
دينا : ها ولا مكان بس نلف و ندور مع طلال..
ندى : يالنذلات .. تروحون كلكم و ما تقولون لي؟
و دينا و جود .. يحاولوا يفسرولها اعذار جايبينها من المريخ .. (طبعا من هم تحت الـ 16 ما يعرفوا انهم رايحين عشان ما يبكوا عند ابائهم , والاباء ما يقصرون ) هع
::::::::::::::::
اريام: جنا وجع وين موبايلي؟
جنا : اش دراني .. قالوا لك رادار
اريام : لحـول .. طيب وين جزمتي السودا؟
جنا : اوف والله ما ادري
فهد : يله انتي ياها .. خلصونا {مبسوط لاني اليوم بشوف حلا}
::::::::::: الخ

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وبعد ما ركبوا السيارة و وصلوا للشلال
و خرجوا طبعا وصلوا كلهم مع بعض .. قبل ما يدخلوا و .. اتجمعوا الشباب
فهد : قبل كل شي راح نتقسم لمجموعات ..
طلال : ايوة يكون احسن .. يعني راح نتوزع لثلاث مجموعات و كل مجموعه فيها خمسة
نايف : ايوه .. يكون احسن
... بعد ما توزعوا .. بعرفكم على المجموعات بالحظ
المجموعة الاولى : { مازن + شذى + جنا + رامي + نايف }..
المجموعة الثانية : { فهد + فراس + حلا + جود + فيصل }..
المجموعة الثالثة : { طلال + اريام + شوق + دينا + جواد }..
نايف : انا اعترض..
فيصل : خير على ايش تعترض..
نايف : ما ارضى جنا و شذى يجتمعوا مع بعض .. لا وبعد معايا ..
شذى + جنا : مااااالت..
مازن : ايه صح .. لازم يتفرقوا..
نايف : خلاص انا عندي فكرة انا اخذ حلا اختي وانتوا خذوا وحدة منهم..
فهد بسرعة : لا .. ما يصير .. كذا انتوا بتخربوا نظام المجموعات..
نايف : اهدأ اشوي هذا مجرد اقتراح ..
فهد : خلاص كذا هو الترتيب....
اريام : اش فيه اخوي خرف..؟
جود : ايش نسوي لو عائلتكم كلها ما عادا عمي .. متخلفة..
جنا : هي انتي التزمي حدودك..
جود : اعوذ بالله بتاكليني..
جنا : كلهم بدون استثناء ما عادا انا..
اريام : وجع .. الحمدلله انا مو في مجموعتك..
جنا ترفع يدها (للدعاء) : الحمدلله , الحمدلله..
حلا : وه فديت نفسي انا و جود سوا..
جود : احم احم
في مكان يغلبه الحزن .. يغلبه القهر .. و الحقد ..
رجع بندر و دخل للبيت .. كانت فرح عند الشباك .. كان شكلها يجنن .. كانت لابسه قميص نوم حرير قصير الى ركبتها
و شعرها البني الناعم كان مفتوح و خصلات شعرها جايه على وجهها ..
قرب بندر منها .. فرح حست بوجوده والتفتت له و بعدها رجعت و لفت راسها عالشباك
بندر : فرح ..
فرح : ...........
بندر : فرح انا ما ادري اش الي صاير فيني .. و
فرح التفتت له و جاءت عينها في عينه و بخوف : ليش اش صاير فيك ؟
بندر حس بجاذبية في فرح قرب منها اكثر و مسك وجهها بيدينه: ما ادري والله
و قرب و جهه في وجهه .. و ما باقي شي يفصل وجهه عنها الا مسافة 3سم ...
الا بعدين تراجع كأنه في شي يبعده عنها .. شي يمنعه ...... بعد عنها .. و خرج من الغرفة
فرح كانت متفاجئة من حركته ... بس ما علقت

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في بيت ابو نواف
سيبيريا (الخادمة) : ماما في واحده يبقى انت في تليفون
ام نواف : مين ؟
سيبيريا : ماما انا ما يعرف
ام نواف : طيب
::::::::
~~~ عند التلفون
ام نواف : آلو
الطرف الثاني : الو
ام نواف : هلا مين معي ؟
الطرف الثاني : انا ام محمد
ام نواف : اهلين بس بس مين انتي ؟
ام محمد : ايه انا عارفة .. انا عمة ليان صحبة بنتك حلا
ام نواف : مين ليان ... اها ليان عبد الرحمن ..
ام محمد : ايوة .. احب ادخل بالموضوع مباشرة .. احنا نبي نخطب بنتك حلا لـ زياد اخو ليان
ام نواف انصدمت : حلا؟
ام محمد : ايه حلا بنتك ..
ام نواف : عن اذنك .. اشاور البنت و ابوها
ام محمد : خذي راحتك .. مع السلامة
ام نواف : مع السلامة

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في الملاهي .. بعد ما دخلوا ..
تفرقت المجموعات ...

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

◄◄◄ نهاية الباريت الثالث

اش الاحداث الي راح تصير في الشلال؟
السؤال ما زال مستمرا : راح توافق حلا على زياد؟
بندر اش خلاصته مع فرح ؟ و مها راح تستمر بالكذب , والى اي درجة راح تتمادى؟