منتديات قصايد ليل - عرض مشاركة واحدة

05-14-2011

.:::::الباريت الثاني :::::.

وصلت حلا لبيت ليان .. و نزلت بعد ما وصلها اخوها نايف ..
ما شاء الله اش هذي الفخامة في هالفلة
حلا دقت الباب .....
ليان فتحت : هلا والله ..
حلا : اهلين فيك ..
ليان : تفضلي ” واخذت عبايتها منها“
و راحوا لغرفة ليان ..
ليان : اعتبري البيت بيتك
حلا : هههه في هذي لا توصيني
ليان : هههههه بجد

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

جود اتصلت على حبيبة قلبها .. اريام
جود :الو اريام
اريام : هلا والله بالقاطع
جود : اريام انا عازمتك على الكوفي
اريام : خير اش فيكِ كذا الناس يتكلمون؟
جود : لا تسألي انا بنفجر من الطفش و دينا راحت عند الخياطة .. اش قلتي ايوة ولا لا
اريام : اوكي

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

قاعده في غرفتها وبالها بعيد
خرج بندر من الحمام بعد ما اخذ له شاور.. وراح عند المرآيا ونشف شعره
فرح تناظره بحنيه و هي مبتسمة ..
بندر التفت لها : اش فيه على اش تضحكِ..
فرح : ولا شي .. بس جوزي ومن حقي اطالعه..
بندر ضحك : حلوة هذي زوجي و من حقي اطالعه..
فرح : ليش؟
بندر : لا ولا شي بس تصدقين ما احس انك زوجتي ابد
فرح انصدمت من جرأته و من كلامه وصراحته: وليش اش فيني؟
بندر يضحك باستهزاء : ولا شي يا ..... يا زوجتي ”و دخل الحمام عشان يلبس“
فرح اتلخبط كل شي في راسها ليش يعاملها كذا ليش تفكيره كذا و ايش قصده ؟؟؟؟؟

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

الساعة 8:30
قاعدة فوق سرير صحبتها و منسدحه عليه و تشيك في الجوال
... ليان نزلت عندها كم من شغلة في المطبخ ..
دخل زياد للبيت ..
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
ايه صح نسيت باعرفكم على العائله
ابو زياد ”لاهي بالفلوس و تجميع الفلوس ..
والام متوفية
زياد 19 ” ولد يخبببببببل يجننن و يدوخ يشبه ملك جمال الباكستان عباس عمران وهو مرره يدوخ و مدلل ما عمره طلب شي الا و صار
ليان 18 ”بنت حبوبة و طيوبة ...... من حيث الجمال فجمالها عادي
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

فتح اطلع زياد لغرفته ..
و تذكر شي .. فراح لغرفة ........ ليان
لباب و ..........................

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

دينا : مامي , والله فشلة اجلس عند الخياطة و هي خلصت من شغلها
ام طلال : طيب اتصلي بـ فهد او طلال
دينا : يا ماما الف مره اتصلت
ام طلال : طيب استني اشوي وانا بدبرها .. يله باي
بعد ما انتهت المكالمة ..
ام طلال توجهت لعند جواد
ام طلال : يا ولدي ما شفت فهد ..
جواد : لا والله يا خالتي طلع وما قال لي فين بيروح و اتصلت ما رد
ام طلال : اووووووف
جواد : ليش بغيتي شي..
ام طلال انتهزت الفرصة : كنت بطلب منه يروح يجيب اخته دينا من عند الخياطة
جواد مطير عيونه : صدق ,, اقصد خلاص ولا يهمك انا بروح اجيبها

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

فتح الباب و شافها .. متمددة فوق السرير و خصال شعرها على وجهها .. لا هذي مو اخته هذي اساسا مو انسانه هذي
ملاك و ملاك و صف قليل بحقها .. جمال اخذ عيونه لفترة ما وده يصحى ..
حلا ما انتبهت له .. دخلت ليان : هاااي ”و شافت اخوها“
حلا طالعت على ليان وانصدمت لمن شافت اخوها ..
ليان متفاجئة: زياد .. اش تسوي هنا ؟
زياد التفت لاخته : ها .. انا .. اش فيه
ليان : ممكن تطلع لو ما لاحظت صديقتي موجودة
زياد التفت لـ حلا : صديقتك ؟ ”وخرج“
حلا ناظرت ليان : اش فيه ؟
ليان متفشلة : لا ولا شي
حلا : ..............
ليان : اقول يله امشي ننزل .. العشا جاهز
حلا : اوكي

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡
في المول (بعد ما خرجوا من الكوفي)
اريام : وين دينا؟
جود : راحت عند الخياطة
اريام : اها و شوق و شذى
جود : ما ادري عنهم في البيت اكيد
مر واحد يغازلهم
شاب : ياهو يا حلو انت وهي اعطونا وجه
جود بهمس : واو يخفق
اريام : ايه والله يهبل
الشاب : اش تقولون اكيد لاني وسيم ”وغمز“
جود : وه وه شكلي باخذ رقمه
الشاب : عبرنا ياحلو

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

جود: عيونك الحلوة ..
اريام دقت جود : انطمي
جود : آآآآآآي
الشاب فرح : و تفضلي يا حلوة رقمي وانا اسمي خالد يا ..... الا اش اسمك ؟
جود اخذت الرقم : جو.........د ..... جودي
اريام تناظر جود بحقد
خالد : عاشت الاسامي جودي..
جود غمزة له غمزة تدوووخ
خالد منهبل على عيونها : يللا اشوفك على خير ”وراح“
جود : ااااااااه يهبل
اريام : جود مالت عليك تقولي له اسمك ..
جود : ما عطيته اسمي .. في فرق بين جود و جودي
اريام : ايه واضح
لمحوا شخصين ماريين .. شخصين يعرفونهم
جود : اريام شوفي .. مازن .. و ......(قالتها برومنسيه ) ...فيصل
اريام : ايه والله
مازن و فيصل قربوا ناحيتهم
مازن : اريام ..
اريام :سم
مازن التفت لفيصل : انا قلت لك يا فيصل انها اختي و بعد جود (فيصل اخو شوق و شذى)
فيصل ابتسم ابتسامه تصرع : ايه
جود ( بيذبحني بهذه الابتساامه) : كيفك فيصل؟
فيصل : الحمد لله
مازن : ليش انا ما لي رب؟
جود استحت : هلا مازن
مازن : اهلين ”التفت لاخته“ وانتي خير اش الي جابك ؟
اريام توهقت : انا امممم لا بس حبينا انا و جود نغير جو
مازن : اهاااا
جود : اش رايكم نلف المول سوا
مازن :احلفي .. و مين قال اننا فاضين لكم
فيصل :خف على البنت اشوي بعدين ليش لا اش ورانا ؟
جود فرحت لانه فيصل موافق خصوصا معاها : اوكي يله احنا لفينا المول .. اش رايكم نروح لقسم الالعاب (ملاهي)
اريام : وييييع العابهم زي وجههم .. روحي جيبي البيبي ويله ركبيه ..
مازن : والنعم فيك يا اختي اول مره رأيك يكون حلو
اريام : مآآآآلت
جود : يووووه ليش لا عادي نخبل بالاطفال
فيصل : هههههههه ولا يهمك الحين انا و مازن بنمشيكم في الشلال ( ملاهي في جده)
جود + اريام : هيييييييييييييييييييييييي
مازن : لا مافي روحه
جود + اريام : اووووووووووووووه مالت
مازن : وجع فشلتونا قدام خلق الله وطوا اصواتكم يقول كأنكم بلبل منتهي صلاحيته هع هع هع هع هع هع هع
جود + اريام + فيصل : بايخة
مازن : والله حلوة هع هع هع هع بلبل و منتهي هع هع هع هع
اريام مطنشته : لا مافي ما يصير نبي نروح الشلال
فيصل : خلاص بكره و بعد نخليها جمعه للعائلة
جود : وعد
فيصل ناظر عيونها بارتياح : وعد
جود مبسوطة و ذايبه فيه
و بعدين لفوا السوق .. و راح فيصل على بيته

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وفي الشارع بالقرب من بيت الخياطة ..
واقفة تنتظر الفرج .. كانت الشوارع فاضية .. و ظلمة و هي ميته رعب
لمحت سيارة من بعيد .. قربت السيارة .. هذي مو سيارة فهد هذا ....... جواد
وقفت السيارة جنبها
دينا : جواد اش الي جابك ؟
جواد : مفاجأه صح .. يللا اركبي << واثق
دينا بتأفف فتحت الباب الخلفي .. بس ما انفتح
دينا : جواد افتح الباب ما ينفتح
جواد التفت لها و بخبث : و ليش بتركبين ورا تعالي جنبي
دينا : جواد عن الهبالة و افتح الباب
جواد : ما في انا قلت لك شرطي .. بعدين بسرعة انا مستعجل
دينا : جواد ..
جواد مطنششش و رفع صوت الاغاني .. دينا طفشت وهي تعرف انه جواد عنيد .. و باستسلام ..
راحت و فتحت الباب الامامي و دخلت وهي بتنفجر .. جواد طل عليها و ابتسم لها ابتسامة تدوخ .. و حرك السيارة

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

دخل البيت بعد ما رجع من المول .. شاف اخواته الخبلات يرقصوون قرب من التلفزيون و طفاه ..
فيصل ببرود : الاغاني حراااااااام
شوق : وجع وانت اش عليك
فيصل : اخواتي وانا حر فيهم ..
شذى : حرارة ببطنك .. بعدين روح شوف جوالك الي مخصص لهم ثلاث مجلدات اغاني لا و بعد كل الانواع والاجناس
فيصل : اقول اسكتي انتي يالدبه
شذى : ياولد يا الرشيق
فيصل يدلع : ايه جسمي مثل راقصات الباليه
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
عائلة (شوق) بنت عم حلا
ابو فراس ” صارم بس الي يعرفه بيقول عنه انه حنون
ام فراس ” طيبه وحالها حال نفسها
فراس 24 ”ولد مغازلجي
فيصل 20 ” وسيم و يخبل و يجنن مرره يهبل .. حبوب و عفوي و فله و رومنسي و يدووووووووووووووووووخ
شوق 19 ” حلووة و جذابه .. عيونها سود عاديه بس واسعة ورموشها كثيفة .. شعرها مدرج بني ناعم و انفها طويل اشوي بس حلو عليها ... هي في جامعة جود – خوافة – متفاهمة – على نياتها – و فرفوشة
شذى 16 ” تجنن وملامحها هلاك ... صفاتها من صفات جنا نذلة و ذكيه و .. و ... و
شهد 13 ” ثقيلة دم و طفولية

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
شوق : اوووووووووووووووووووووووووووف فيصلوه مانا ناقصيناك
فيصل يغني : انا دوم حر و اخواتي نار نار

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

وفي السارة .. جواد مشغل الاغاني و فرحته لا يمكن أي احد يوصفها ..
دينا جنبه .. بلحمها و شحمها .. بكل شي فيها
جواد : دينا
دينا : نعم
جواد : يعني طالما احنا في كورنيش جده .. فــ اش رايك نروح البحر
دينا تدور على عذر : الوقت ليل وما ينفع و بعدين ماما تباني ارجع بسرعة
جواد : لا عادي انا بعدين اقول لها
وقف جواد قريب من البحر ..
وهو يصفق على الاغنيه ( يحلمون) .. ودينا متعمدة تسوي حركات بمعنى .. طفشانه
جواد : تبي ايس كريم
دينا بدون نفس : لا شكرا
جواد : طيب .. تبغيه شوكلاته ولا فانيلا
دينا : ما ابغى
جواد يستهبل : فانيلا .. طيب استني
دينا ساكته لانها لو تكلمت بتنفجر

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡
في الرياض
مهمومه بزوجها الي تغير عليها .. و كلامه يتردد في عقلها
............... ليش ...................... ؟؟؟؟؟؟؟؟؟؟؟

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

جواد ركب السيارةومعاه الايس كريم : تفضلي
دينا : ما ابغى توني محليه
جواد : يا حليلك تسوين رجيم عشاني
دينا بغرور : عشانك ؟
جواد : ترى يا حبيبتي انا ودي تتخنين ..
دينا : وانت اش يخصك ؟
جواد : انا زوجك ان شاء الله قريبا
دينا متفاجئة بس ما قدرت تمسك نفسها : ومين قال اني راح اوافق عليك ؟
جواد توهق ما يعرف اش يرد : ..............
دينا : حاول تفهم انا ما احبك انا اكرهك ما ابغاك قصب يعني
جواد منزل راسه :...................
دينا : انت دائما تحرجني قدام الكل و تحطني بمواقف .. تحاول تجبرني من هذي المواقف .. لا يكون بس معاك امل اني ممكن اكون لك انسى
جواد : ...............
دينا : انا برجع البيت بالتاكسي ”“بغت تخرج الا ......
جواد مسك يدها و سحبها .. دينا شافت عيونه كلها حنيه و جمود .. و مشى بالسيارة ......
.. صمت.. جواد مو حاس حتى بضجيج السيلرات ..هدووء .. كاتم انفاسه و دموعه الي حابسها في عيونه
دينا نزلت راسها وهي حاسه بتأنيب الضمير لـ جواد : مو ذنبه انه حبني
و بعد وقت كان بالنسبه لهم طويييييل وصل جواد لبيت دينا
دينا نزلت من السيارة .. وبس قفلت الباب الا والسيارة مشيت فورا ... جواد اخيرا حرر دموعه الي منعها تنزل

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

و بعد انتهاء اليوم الي كانت اخر احداثه :.
- ليان قاعدة مع حلا يسولفون و .. يتكلمون .. كلام عادي .. بعدين رجعت حلا للبيت
فهد سرحان بجمال حلا
و زياد نفس الشي يفكر بـ حلا
اريام و جود رجعوا لبيوتهم
دينا ما نامت لانها حست انها ظلمت جواد
جواد راح عالبحر وهو يبكي و محروق قلبه و يتذكر كل الي قالته دينا
فرح ما زالت مهمومه
شوق و شذى و فيصل انتهى يومهم بعد ما تحاربو و تساببوا

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

في اليوم الثاني (الخميس) الساعة 9:08 صباح
قرر زياد يتخذ قرار و هذا القرار لازم يستعجل فيه
راح غرفة ليان ....
ليان : خير ان شاء الله اش فيك من صبح الله
زياد : ليان ابغى منك خدمة
ليان : خير
زياد : صحبتك ..امس
ليان بخوف : مين حلا ؟ اش فيها ؟
زياد : اسمها حلا (يا حلوها)
ليان : خلصني اش فيها
زياد بقلة صبر : ابغى اخطبها
ليان : .............

‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡‡

◄◄◄ نهاية الباريت الثاني

هل راح توافق ليان على طلب اخوها؟ 
و حلا اش ردة فعلها؟
دينا اش راح يصير معها و مع جواد؟ 
بندر اش قصته مع فرح؟ ... احداث راح تصيربينهم 
و هل راح يكون فيصل قد كلمته على التمشيه ؟ 