كني على بند المواجع ترسمت
شخصاً.. ( يخاف أن الأماني تبيدة )
للحزن عمري و البلى ما تكلمت
ضيقة قديمة من وراها جديدة
لو الأدب .. !! فالناس ينقاس بالصمت
الصمت فيني .. كم كتب من قصيدة
وش عاد لو بيني و بين الشعر همت
مسراي موحش و المنافي بعيدة
أعيش حلم أستكمله كلما نمت
و أصحى بعلم يهد حلمي و أعيده
وحيده لكني بنفسي تزاحمت
هذي و أنا وحدي و نفسي وحيدة !
يا كثر ما بيني و بيني تلعثمت
بين أبسط حقوق الفقيد لفقيده
للراحلين وجيه تعشمت
يطرون لي دايم مع أول شريدة
باسبابهم ( لله ) ياما تبسمت
من بعدهم حتى حياتي زهيدة
سلمّت وجهي للمدى ما تسلمت
إلا بنت(ن) مغبونه حزنه رصيده
تكذب على نفسه بكلمة ( تأقلمت )
و تصدق الكذبة ( مشاعر فريدة )
و أقول خيره بالتجارب تراكمت
دنيا بها [ كل يوم شي أستفيده ]
اللي مبعثرني و أنا ما تلملمت
ماني ب/راجيه منه لحظة سعيدة
ياما و ياما عن همومي تغيشمت
و قلت [ ربي يفعل اللي يريده ]
عن ( حزة الغيبه )
و
عن (موقف الشمت )
الله
يجنبني " هروج النقيدة "
لكن على أية حال يكفي تعلمت
من وحدتي و الناس جملة مفيدة
أنا مع نفسي لو أني تفاهمت
أغناني الله عن بقية عبيدة
.!!
م/ ن