منتديات قصايد ليل - عرض مشاركة واحدة

05-03-2011

في بيت نرجس أجتمعت عائله نرجس كلها
وانبسطوا البنات معهم
صباره/ عليك الله يادمارا تديني ع..........
انفجرن صديقاتها من الضحك يوم قالت دمارا
نرجس/ أسمها تمارا بس خففي نطقه التاء
فله/ الله يرحم والدينك فكينا من لهجتك اللي حادرتلها وادي
ورده ومازالت بلهجتها الصعيديه/ شابوش عليك ياصباره أيوه كده أقهريهم
زهره/ الله يخلف وحده تهرج سوداني أوروبي والثانيه تهرج صعيدي متخليج
وقامت نرجس وجابت المسجل عشان يرقصون وكانت أغانيها سودانيه ومصريه
قالت فله/ وجع هالحين مافيه أغنيه خليجه
نرجس/ كانت عندي بس ضاعوا
زهره/ لو أنك حرمه طيبه كان فتحتي أستديو لأغاني الديره اللي لحم كتافك من خيرها ياناكره المعروف
صباره بلهجتها السودانيه/ آآي داير الأهمال ماعوزنيه
ورده بلهجتها الصعيديه/ ياباي عليك أطمري قوام وجيبلينا أغنيه من أغاني بلدي وججججع بصحيح
وراحت نرجس دور مالقت قامت زهره وطلعت جوالها ودورت أغنيه يرقصون عليها
وفي الأخير حطت أغنيه راشد الماجد ( المسافر راح )
فطمرت الشله تصايح من الوناسه ويرقصون وكان كل اللي حاضرين فاتحين فمهم
مايدرون وشلون يرقصن على أغنيه من عصر جدي ولابعد حزينه
وبعد مافرفشوا الشله رجعوا الفندق
،
( يوه هذي كليتكم شكلها يروع )
قالتها زهره لنرجس في اليوم الثاني يوم أخذتهم نرجس توريهم جامعتها
نرجس/ أسمها جامعه يابقره
فله/ أمحق جامعه
ورده/ ياباي أيه ده جامعتكم باين عليها جامعه للترعيب وإظهار قلب الطالب
صباره/ آآي عليك الله يانرجس هرجس جامعتك فيها عيال ؟
نرجس/ أييييه فيها بنات وعيال ومن جميع الجنسيات حتى السعوديه
زهره وهي تشهق/ عيال ديرتنا عندكم
نرجس/ أيه ولاشايفتني ألعب عليك أنتي وجهك
فله/ قلت جامعاتنا عشان يدرسون برى ولابعد بالسودان
نرجس/ ليه ياحبيبتي وش فيها السودان
فله/ بصراحه بصراحه هم يدرسون ولا يحترقون
زهره/ صادقه السودان خط الأستواء فوق رأسها الله يعين عيالنا بس
وبعد ماتفرجوا على الجامعه راحو للحديقه اللي تعشو فيها ذيك المره
وأشتروا آيس كريم وجلسن على الكراسي
ومروا من عندهم شابين سعودين
وأول ماشافوا أشكالهن بالعبايات ماتوا من الضحك
قال واحد/ شدعوه باثمان بالنهار
قال خويه/ لا موب باثمان واحد إلا درزن
وزادو في الضحك
أرتفع ضغط البنات قالت فله/ درزن سيارات تلقطك أنت وياه
قال الأول بأستغراب/ هاه تكلمون مثلنا
ومات خويه من الضحك
وقفت زهره من العصبيه وحطت يدها على خصرها
وقالت/ أقول ورى ماتنقلعون ياجوج ومأجوج
كان الشباب يموتون من الضحك
صباره/ أمشوا يابنات ذولي سكارى موب كفؤ نكلمهم
قامن البنات قال الأول/ بدري ماقعدنا معاكم
ورده/ تقعد معك أم أربعه وأربعين ياالسخله
قال خويه/ طيب بأخذ معك صوره كذكرى
ورده وهي ميته من الضحك/ ليه من زمان ماأخذت صوره مع بشر
قام خويه يضحك عليه قال/ وش قصدك
ورده ومازالت تضحك/ شوف شكلك بالمنظره وتعرف
حمد الله والشكر قرد مقعد
قامت نرجس تسحب البنات وتبعدهم عن المشاكل
ورجعوا الفندق قالت نرجس/ شفتوا أشكالنا تضحك قلت لكن بس ماتفهمن
زهره/ ياسلام وش تبينا نسوي نزل عبايتنا ونطلع كذا ؟
نرجس/ على الأقل لثمه موب لازم تكشفون
فله/ أفاااااا يانرجس نلبس لثمه ونصير مثل غيرنا أول مايطلعون من ديرتهم نسوا أنفسهن
نرجس/ بس أنتم مضطرات غصبن عليكم
صباره/ ليه مضطرات شايفتهم حاطين على أرقبتنا السيف
نرجس/ أنتي شفتي تعليقاتهم على أشكالنا والله قهر
زهره/ عادي خليهم يتكلمون الكلام بلاش
نرجس/ كيفكن أنتن أحرار
وبعد ماجلسوا شوي يسولفون راحت نرجس بعد ماأتفقوا أنهن بكره يروحون السوق
وبعد ماطلعت نرجس رجعوا أخوانهم وكان واضح عليهم الطفش