ول مانزلوا من الطياره تقدموا الشباب يدورون تاكسي
وأخذوا فندق في نفس حي نرجس
وبعد مانزلوا الفندق دقوا على نرجس يبشرونها أنهم جو
قالت نرجس أنها بتجيهم بعد خمس دقائق
وجلسن البنات يرتبن أغراضهم
ودق باب الغرفه قالت فله/ وحده تفتح الباب
طنشوها وقامن تسدحن على السراير
فله/ زهره أفتحي الباب
زهره/ ليه بيت أبوي يوم أفتحه
فله/ وجع إن شاالله قومي أجل ياورده أفتحيه
ورده بتعب مصطنع/ يووووه ماتشوفيني لسه متأثره من الحلم بعدين
وش يضمني أنه مايكون واحد من سلاحف النينجا ياسر ولامحمد نور ولا الشلهوب
لالالالا آسفه افتحي أنتي
وكان الباب مازال يدق
فله/ عيب أنا أكبركم قومي ياصباره
صباره بضحكه/ كان غيرك أشطر بعدين أنا أحس بدوار البحر ماأقدر أقوم
قامت فله وجلسن البنات يتضاحكون ويطقون أيدين بعض
يوم سمعت فله ضحكهم أفتحت الباب ورجعت بسرعه تبي تهزأهم وماتدري من فتحت له
فله/ تضحكون بدون سنون يابقر 2007
بعدين........ وسكتت يوم شافت صديقتها طايره عيونهم باللي وراهم التفتت بتشوف وش فيه
آآآآآآآآآآآآآآآآآآآآآآآآآه ( كان صياح الشله كلها )
وكلهن أطمرن على السرير وجلسن خايفات ومازالن يصايحن
زهره/ آآآه شيرخان عندنا ألحقونا
قالت نرجس/ وجع هذا أنا نرجس
كانت الشله فاتحه فمها بتصايح بس أسكتن وجلسوا يقزون الضيفه الغريبه
ورده/ وش يضمنا أنك نرجس قولي كلمه السر
نرجس/ نرجس هرجس
كان يطمرن عليها
فله/ يأخذك شكلك ورى شكلك كذا بلاء بشكلك
نرجس وهي تدور/ وش فيه شكلي
ورده/ وش مافيه لابستلي بنطلون أبيض وجاكيت أبيض
ماناقصك غير الحزام الأسود وتصيرين من أبطال الكاراتيه
نرجس/ هذي الموضه ياغبيه
صباره/ أجل وين عبايتك
نرجس/ مالبست عبايه
فله وهي تضرب بيدها على صدرها/ مالبست عبايه ليه ماعندكم رياجيل بالسودان
نرجس وهي تجلس/ إلا وش كثرهم
ورده وهي تشهق/ طالعه قدامهم كاشفه هو من زين زولك ياكونداليزا رايس
نرجس/ عندنا ماأحد يتغطى
كان تقوم عليها الشله وتكفخها وتهددها أن غصب طيب ماتطلع معهم إلا بعبايه
وبعد التكفيخ راحت نرجس وعزمتهم بكره في بيتهم وبتأخذهم جوله على ديرتها
،
في بيت نرجس تعرفت الشله على أهل نرجس
وجلسوا تقهوا عندها وبعدها طلعوا مع نرجس يتمشون
وركبوا مع سواق نرجس
وفي السياره قالت فله/ نرجس زيني البرقع شكله يضحك
نرجس بطفش/ وأنا وش عرفني وشلون ألبس البراقع
صباره/ أيييييه الله يرحم أيام زمان
وصلوا حديقه الحيوان قالت ورده/ أمحق ترحيب على طول حيوانات
وتفرجوا على الحيوانات ومروا بالفيل كان يقعد يزاعق
قالت زهره/ وخري عنه يانرجس روعتيه
كان تموت الشله من الضحك ويطقون أيدينهم بأيدين بعض
نرجس/ لاوالله أنتم اللي روعتوه بعبايتكن تقول خفافيش
صباره/ أنطمي بس هذا حجابنا عزالله ماينزل عنا إلا في بيوت أهلنا
قامت الشله تصفق وتصفر وتصايح تعيش صباره تعيش تعيش تعيش
عاد تحمست صباره وقالت/ والمؤمن الحق يبتلى من الله والجزاء............
تسحبها ورده برقبتها/ أقول أمشي ماتنعطين وجه
بعد حديقه الحيوانات راحو لمطعم وعصبن البنات إلا يبون مكان معزول ومغطى
وبعد هوشه طويله عريضه مع راعي المحل كرشهم
وراحو أشتروا ساندوتش وعصاير وحلويات
وراحو يأكلون بحديقه هاديه مافيها ناس كثير وجلسوا بين الأشجار
نرجس/ ترى هذي أشهر حديقه عندنا كل السواح فيها
زهره/ أمحق مافيها إلا خمسه ثلاثه نايمين وأثنين يتمشون
نرجس/ تو الليل مابدى عندنا
صباره/ يافرقى عين أبوي حتى هنا تسهرون
وبعد ماأكلوا وخلصوا قاموا يتمشون
شافوا بزر سوداني
قالت ورده بلهجه صعيديه/ بقولك أيه ياواد علامك تسمرع هنيه بلحالك
أجري عند أمك جرت عليك سلق الشوارع
رد عليها بكلمه سودانيه مافهمتها
قالت بنفس لهجتها/ ياباي عليك واد ملسون
زهره/ هالحين أنتي ليش تهرجين لهجه صعيديه
ورده/ والله أسهل عندي من اللهجه السودانيه
وبعد ماتمشوا رجعوا للفندق على أساس نرجس بكره مسويه لهم حفله
بمناسبه زيارتهم للسودان وبتنادي صديقاتها وبنات عمانها وخوالها
وأول مادخلن الفندق كل وحده مسكها أخوها يهزئها عشان راحو وماقالوا لهم
إلاورده مبسوطه عشان أخوها ماجاء بس ولد عمها هزء زهره وقالها توصل الكلام لورده