علياء " رافعة حاجب " : من في البيت ... نعال غريب
ام محمد " حست بأن الحين وقت رحيل علياء " : ما ادري ...امشي انجوف
علياء دخلت الحجرة .... واستغربت هاذي معلمة وياهم في المدرسة ... درستها فصل واحد ...
علياء " اترفع حواجبها بدهشة " : معلمة حنان
حنان " والدمعة في عينها " : اي ... تعالي يا بتي .... تعالي خليني احضنج
علياء " مو مصدقة الي تسمع " : شتقولين ..... معلمة فيج شي
حنان : علياء ... انه امج ... لا تقولين معلمة ... امج انه وانتي بتي
علياء " مو مصدقة " : شنو ؟ لالالا هههه اكيد انتي تمزحين ... لا مستحيل ... انتي تمزحين معاي ... قولي الصج ... قولي ؟
حنان " تجهش بالبكاء " : يما ... انتي بتي .. صدقيني ... ما اجذب عليج .. قولوا لها ... قولوا ...
علياء : ابي دليل واحد ايقول انج امي ... " وتبداء علياء بالبكاء "
حنان " ترفع عبايتها " : جوفي ريلي اليسار وريولج ... الشامة نفسها.
علياء " ودموعها تذرف ... تنظر إلى ريلها اليسار ... وتطابقت الشامة " : لا ... لا مستحييل ...... ليش ؟ ليش ؟
حنان " تعطيها الصور " : جوفي ها الصور ... هاي الصور تثبت انج بتي ... وشلون اني عطيتج لأمج المزيفة .
علياء " تنظر إلى الصور ... ولا تدري شنو اتسوي " : انتي .... انتي ... انتي امي
حنان " تفتح لها ايدها " : اي انه امج ... تعالي يمه خليني احضنج ... تعالي لحضني
وتركض علياء إلى حضن امها الحقيقة ... وحصلت علياء على دفئ حضن الأم الحقيقة ... والي اهي قطعة منها ....
ام محمد انزلت رأسها على طرف الجدار ... وكانت تبجي بهدؤ ..
..
.
.
.
.
وعاشت علياء سعيدة مع امها واهلها الطيبين ... والكل كان يحبها .. وكانت امها تعوض عنها .. اتسوي لها كل الي تبي .. واشترت لها الي كان خاطرها يبي ... وكانت كل يوم تطلع معاها ... ويتسوقون ... ويشترون ... ويروحون السينما والمجماعات ... يعني حياااة سعيدة ... واخير الدنيا ابتسمت في ويه علياء ..
في غرفة علياء
تفتح علياء ايميلها لتره ما النهاية مع وسن
ورائتها انها اون .... ومسرعة كلمتها بدون هلا وشخبار
علياء : انه ابي اعرف ... ليش انتي اتعامليني جذي ؟ ... ليش انه شسويت فيج
وسن : ما سويتين فيني شي سويتين لربعي
علياء " مستغربة " : وشنو سويت لهم
وسن : علياء بس كافي جذب وتمثيل .. انه عرفتج وعرف اسلوبج والاعيبج على البنات ... ما عندج إلا جذب في جذب ... وتلعبين في المشاعر ... واتعذبينهم ... وفوق هذا تبيني اكلمج ... ليش ناويه على عمري منج
علياء " بعصبية " : الحين انه جذي ؟
وسن : خلاص ما يحتاج اطولينها ... عرفتين راي فيج ... وها الصداقة الي بيني وبينج ما ابيها خلاص ..
علياء " بعصبية اكثر " : ممكن اعرف من الي قال لج ؟
وسن : ما يحتاج عرفت وخلاص
علياء : ما يصير تتهميني بشي انه ما اسوي ... ولا براضيه اتقولين ليي من .. يمكن هاي انه متهاوشة معاها وحاقدة علي .. اطلع علي اشاعات
وسن : مها ... ارتحتي
علياء : ايوه مها ... تبين اقول لج هاي اهي شسوي فيني
وسن : الي سوت فيج سوت مو مهم عندي
علياء : هاذي الي ما تستحي على ويها ... اهي اول من كانت تبي تذبحني .. مع ان انه ما سويت لها شي ... في الأبتدائية واهي قلبها اسود عليي .. جافت السيارة بتصدمني وانه ما كنت منتبه .. خلتها تصدمني .. وعورت اريولي ... يعني انتي ما تشوفيني ما امشي عدل على ريولي اليسار ... ما تشوفين عميه ... ما سئلتين السبب .
وسن : المهم انه انتهى كلامي معاج ... يالله باي
علياء : باي
علياء بدت تبجي ... وتدخل هنا ام علياء ..
ام علياء : يما ... علاية شفيج حبيبتي .
علياء " تبجي " : يما ..
ام علياء ... تحضنها ... : بس خلاص يمه ... خلاص ... شفيج
علياء : ليش يمه الدنيا كل تظلمني ... ليش محد يحبني ... ليش الكل يكرهني .. مع اني ما سويت شي ... ليش ؟ .... الي ايحب الكل .. صار يكرهم ... والي قلبه طيب ... صار جاسي ... يما ليش الدنيا تمشي بالمعكوس ... ليش الدنيا جدي ... ليش
ام علياء : قومي حبيبتي ... قومي خلا نطلع اشوي ..
علياء " تمسح دموعها " : يالله
في طرف اخر
يرن هاتف وسن ... وتذهب لرفعه
وسن : هلا مها
مها : هلا وسون ... شخبار
وسن : الحمدلله ... وانتي
مها : بخير
مها : ها شسويتي على علياء
وسن : خلاص تركتها ... ما بحاجيها
مها : هههههههههههههههههههههههههههههههههههههههههههه
وسن : وشله تتضحكين
مها : لأنج اضحكين
وسن " مستغربة " : ليييش
مها : يا هبلة .. هههههههههههههههههه ... احنا انقص عليج .. بس كنا منقهرين ليش ان علياء اتحبج كل ها الحب ... فسوين لج صادوووووووه
وسن " ترفع حواجبها " : يعني كل الي قلتون خطاء
مها : هههههههههههه اي خطاء
وسن : باي
في حين ام علياء .. كانت تسرع بالسيارة .... وكانت الأشارة صفرة وراح اتصير حمره ... ولكن لم تستطيع الوقوف من السرعة ... وطوفتها .. وتأتي سيارة اخرى من جهة اليمين ... جهة علياء ... ويحدث التصادم
علياء " بصريخ " : يمااااااااااااااااااااااا
في حين
وسن كانت تشرب ماء ... ويسقط الكأس من ايدها ... ويتحطم ...
ام وسن : يما شفيش
وسن " مرتبكة " : لا ما فيني شي .... ما في شي
وبعد فترة ... يأتي الأسعاف ... ويحمل علياء الي كانت في غيبوبة ... ام ام علياء فلم تصاب الا بالكسور .........
وقد علمت عائلة ام محمد وام ناصر .. والكل كان ينتظر الدكتور شنو ايقول ... ويرن هاتف مريم .
مريم " تبتعد عن المكان " : آلو
وسن " هلا مريم
مريم : هلا
وسن : وين علياء ... بقيت اكلمها
مريم " تتلعثم " : علياء
وسن : اي
مريم : علياء في المستشفى .... واهي في غيبوبة .. من الحادث
وسن : شنو ؟
وسن : اي مستشفى
وتدلها مريم المكان ...... وتأتي وسن .. بعد ساعتين مسرعة ....
وسن : وين ؟ وين ؟
مريم : اهني
تدخل وسن والدموع في عينها : علياء ... علياء ردي عليي ... علياء سامحيني ... قصوا عليي ... وخلوني اظلمج ... علياء لا تعذبيني .. ردي عليي ما كنت ادري .... اسفة علياء .. علياء والله احبج ... علياء ردي ولو بكلمه ... لا تروحين ابعيد عني .. ما ابيج الا انتي ..... علياء
علياء تفتح عيونها ببطء .. وتفرح وسن
وسن " اتصرخ " : دكتووووووووور ... تعالوا فتحت اعيونها
علياء " والدمعة في عينها " : جرحتي قلبي وذليتينه ...
وسن : عل
وتدل علياء رأسها إلى الطرف الثاني ... وتسلم روحها إلى الله ... وتهجر هذه الدنيا ... وبلاويها
وسن " تصرخ " : عليااااااااااااااااااااااااااااااااااااااااااااااا ااااااااااااء


النهـــــــــــــــــــــــــــــــــــــايــــــة


ويستمر الناس في ظلم انفسهم .... ولكن لا يعون ذلك ويحمّلونها على الدنيا وايقولون كل من ظلم الدنيا ... الدنيا ما تعمل ... نحن نعمل على صنع الظلم ... نحن نعلم أن الدنيا تتغير من حين لأخر وتتطور ... ولكن لا يعني هذا ان تتغير انفسنا معها .. فلا يجب ان نكره او نعمل اي عمل سئ ... فلنكون يدا واحدة ... متكاتفين ... نساعد بعضنا .. نحب بعضنا ... كما واننا لا نحكم على الأشخاص من خلال ما نسمع الناس ماذا تقول ... يجب ان تكون مع الشخص تحدثه .. تعرف شخصيته .... لأن بعدها لا يفيد الندم ... ولا الساعة تقبل به ........................
ارجو ان ها الرواية اتكون عبرة للجميع .... وارجو انها عجبت الكل ... ويمكن فيها بعض الأغلاط ... لازم ايكون لأن اول مشوار ليي في كتابة الروايات ........


ملاحظة : الرواية مستوحاة من قصة واقعية " حقيقية "



تحياتي للكل :