وتضع مريم القلب بجانب سريرها ... وتخرج إلى الصالة علشان تقره الرسالة ..
وكانت الرسالة ...
إلى حبيبتي مريوم ...
ادري ان فراقي عنج .. راح ايكون صعب عليج ... ولكن ما راح افترق عنج ... راح ارجع لج فاتحة ايدي مرة ثانية ... ومتشوقة لسماع دقات قلبج الي كل دقة تعبر عن مدى حبج لي ... ومتشوقة لسماع كلامج الحلو ... وسوالفج الي تونسنيي ... يمكن ما عطيتج الوقت الكافي لتعبرين عن حبج .. بس حبي لج وانتي هم اتحبيني ... هاي اكبر دليل وما يحتاج للأوراق والرسايل .... اتمنى في غيابي عنج ... انج اتحافظين على نفسج .. ولا تفكريني اني راح اكون مرتاحة وانه بعيدة عنج .. لأن كل لحظة بتمر عليي .. بيكون خيالج وكلامج في ذاكرتي ومخي وقلبي ... ما راح انساج ... واتمنى انج بعد ما تنسيني ....
وفي النهاية ما بطول عليج ... اتمنى ان الصورة اتحافظين عليها ... واعتبريني قاعده جنبج ... .. يالله تيك كير
باي ...
مريم كانت دموعها تنزل ... حضنت الرسالة وشمتها .. واتقول في نفسها : احبج احبج احبج .....

في بيت ابو محمد
بعد الصراحة الي قالوها العيال اتجاه الكبار ... هدائت الأمور .. ورجعت المياه إلى مجاريها .. اذ تصالح ابو محمد ويا اخوانها .. الي مخاصمنهم .. ولا ايكلمهم ... رجع لأخوانه ولأخته .... وصارت الجمعة في البيت ... والكل كان مستانس ..... اما علياء كانت حاسة بأن ام محمد مغيبة عنها شي فكانت اشوي مضايقة ... مع ان كانت عندها مهمة كبيرة .. بانها اتخفف عل مريم .. من الحزن الي شايلتنا في قلبها ...
علياء : بس مريوووم ... كافي ... يعني دموعج شراح اتسوي .. وبعدين اهي ما قالت لج بتهاجر .. علشان اشوفك وين يا مهاجر ... اهي سفرة رايحه تستانس في ها العطلة وراجعة .
مريم " تمسح دموعها " : ما اقدر ما اكلمها ... اسبوع وشي
علياء " اتطالعها بحنان " : وشدراج ... يمكن تتصل لج .. انتي ما تعلمي الغيب ... يمكن تتشوق لج .. واتروح لج مكان النت وتقعد اتكلمج ...
مريم : اهي رايحة تفتر وادور .. لو تحبس روحها مكان النت .
علياء : شاسوي لج بعد ... بس اتصبري اعتبري ان اهي ما سافرت .. مثلا كمبيوتركم خراب وهو في المصلح ........... " بملل " : اوووووه .. يالله الريم ... بلا بياخة ... شيلي ها الكشرة الي عليج .. يعني انه الحين اكلم من مثلا ... محد يفهمني غيرج ....... بس يالله ريووم
مريم " تبتسم من خلف دموعها لعلياء " : انزين ... الحين انتي ما قلتي لي اخر اخبارج ويا القاسية قلوبهم .
علياء " تضايقت " : بس تصطفل اهي بطريج وانه بطريج ... يعني انه متقطعة على مرافقتها ... سمعي عندي انه قاعده
مريم " تعرفها .. وبملل " : معرووفة ... الي ما يبيني ما ابيه ... والي ما ايثمني .. انه ما اثمنه .. ويروح ايدور ربعه .
علياء : ههههههههههههه ... فديتها انه الي عارفتني .. وفاهمتني
مريم " تقمز لها "
في طرف اخر
زهرة : بايخ ... وسخيف ... اربع ما صارت راز لي الفيس اهناك .. فشلني قدام ارفيجاتي
روعة : حمدي ربج .. بعد ان وداج .. جوفي مصيبة غيرج اتهون عليج مصيبتج ... الحين انه جم مرة البنات يعزموني .. وانه لا اروح .. امي ما تعرف .. وابوي مو متفرغ ... والأخ العزيز في اوكرانيا .. من ايوصلني .. والحين كا انتي طلعتي وياهم اتغذيتي ودرتي وجيتي ..
زهرة : صح كلامج ... بس بعد
روعة في نفسها : يا كثر ما تحن .. اشلون اسكتها .. اي لقيتها " و تكلمها " : ما قلت لج ... اتهاوشت ويا الأخت
زهرة " مو مصدقة " : حللللفي
روعة : ايي ... تعالي اروايج على البوتر
زهرة : غبييييية قلت لج لا تتهاوشين معاها ... مسكينة ... حرااام
روعة : ممكن نبي نقعد اشوي
زهرة : يالله من لساعة وانتي قاعدة .. قومي
سكينة : انزين لحظة اشوي .. اكمل بس دقيقتين وقايمة
روعة وزهرة : يالله ننطرج
سكينة : عااد مو على راسي ... روحوا اشوي وتعالوا ..
روعة : انزين
زهرة : امشي خلى انسوي جولة تفتيشية على الأختين ... كل متغيبين فوق ... امشي انروح لهم ..
روعة " عجبتها الفكرة " : يالله
وهم في الطريق ... جافوا محسن وبشار بيطلعون
روعة : بشااااااار
زهرة : محسسسسسن تعال اشوي
محسن : نعم ... شنو تبين
زهرة : ابيك تشتري لي من البقالة على قولتكم
محسن : انزين شنو ؟
زهرة : ابي جبس ليز الحار ... وابي كاكو مارس
بشار : وانتين ... هي زوعة شتبين
روعة : احترم نفسك ... ابي .... ابي ... جيب ليي مثلها
بشار : انزين ... بنجيبهم وبنحطه على الكرسي وبنطلع ... بس بناديكم .. وانتون اجون
زهرة : على امرك ... روح خلصنا
ويركبون فوق حق علياء ومريم ... ويفتحون الباب مرة وحدة .
علياء " تنقز " : بسم الله الرحمن الرحيم ... هي شفيكم
مريم : ميانين ما عليج منهم
زهرة : عليائو شتسوين قاعده اهني
علياء " ترقص " : دانس ... شسوي يعني .. اسولف ويا الريم
روعة : وها السوالف ما تحلى لكم الا فوق ..
علياء : وه خفتين تكفيين ... والله احنا بكيفنا وراحتنا .... الحين انتو شتبون
زهرة : نبي نعرف شتسون
مريم : انه اقول لج شنسوي .... "وتقمز لعلياء "
ويحملون المخدات ... ويركضون بناحيتهم ...
في حين روعة وزهرة .. طلعوا من الحجرة ركيض ... زهرة : شيل عليها
مريم وعلياء : هههههههههههههههههههههههههههههههههههه
علياء : ئال ايه قال ... شتسون ... فايند يور كوارتر
مريم : فاااااال ان يور فيس
علياء : قيثمي فايث " ويصفقون بأيادي بعض "
واستمرت الفرحة على العوائل والجمعة .. بعد التفرقة الي دامت حوالي سنين ... وعرفوا الكبار مدى الغلط الي غلطوها .. ودفعّوا قيمتها على العيال ... فلكل كان حاس بالذنب ... ليش انهم حرموا ها اليهال ... من الفرحة ... و الأهل والجمعة ...
اخر يوم لبقاء علياء في العائلة
ام محمد وابو محمد اجتمعوا مع الباقي وقالوا لهم ...اثناء نوم علياء ... استيقضت علياء ...
علياء " ترفع حاجب " : غريبة ... وينهم ... معقولة الكل قام من النوم ... الحين الساعة جم " وتنظر الى الساعة " : توها 12
وتنزل علياء فرأت بشار يطالعها .. والدموع في عينيه ويطلع بره البيت
علياء " اتناديه " : بشااار .... بشااار ... تعاال
علياء : شفيهم ذيلين ... شسالفة مرة امي والحين بشار ...
روعة تخرج من الغرفة ... وترى علياء وتطالعها بنظرة حنان " : توج قاعده من النوم
علياء " وهي تغسل ويها " : ايي توني ... " وتصك الماي " : الا بقول لج .. شفيه بشار ايصيح ... ابوي صرخ عليه
روعة " تتلعثم " : ها ا ... اي اي ... ابوي قال له اييسوي رياضة .. وانتي تعرفين من احد ايقول له .. ايصيح
علياء " مستغربة من ارتباك روعة " : اها ..
علياء تدخل المطبخ ... وتحمل لها سندويجة ... وتروح الحجرة ...
علياء : صباح الخير
الكل : صباح النور
ابو محمد : يالله انا طالع الحين .... يالله سلام
ام محمد وفاطمة : مع السلامة
علياء اتروح تقعد على الكمبيوتر .. واتفتح المسن ..
علياء : يما ... محمد قاعد
ام محمد : انزين كلميه .. قولي له شخباره ... شمسوي
علياء : هههه ايقول لج قاعد بين اربع طوف .. حتى حفظهم من كثر ما امقابلهم ... يسئل ما تقدرون اجيبون ... التذكرة رخيصة ايقول
ام محمد " اتفكر " : قولي ليه بنجوف ... بسئل ابوه وبنجوف اذا قدرنا
علياء : اوكي
علياء : ايقول اذا وافق .. طرشو لي مسج قولو ... والحين اهو بيقوم .. سلمي على الكل
وبعد ان انهت .. علياء محادثة اخوها محمد ... تدخل هنا وسن اون لاين
علياء تبتسم ... بس بعدين بوزت .... وظلت مدة علياء لا اتكلمت ولا اهي اتكلمت ... بعدين علياء اتشجعت واتكلمت ... وكانت المحادثة :
علياء : سلام
بعد فترة وسن : عليكم السلام
علياء : شخبار ؟
وسن : تمام
وسن : يالله برب
علياء : تيت
وبعدين بالغلط تكتب وسن الكلام : اي ... انزين سووي انتي جدي احسن
علياء " تستغرب ... شتهر هاذي " : ؟
وسن " في نفسها " : صج غبية ... وشها الغلطة ... وتكتب لها : بالغلط
علياء " انقهرت " : اها
علياء " في نفسها " : هاي اخر شي اتوقعته منج ... تتهربين مني ... ليش يا وسن ... شسويت لج .... لكن ما عليه ... راح تندمين ... وذيك الساعة ماراح ايفيد ندمج ..
وتقوم علياء بعصبية من على الكرسي ... وتاخد الجريد من الأرض وتشققها ... وتشوت العاب محمود الي على الأرض وتقول بصوت عالي : انه اراويج هييين . علييي ... ان ما نزلت راسج للقااع .. هيييييييين
فاطمة : علوي شفيش
ام محمد " تقوم لها " : عليااء ... توج زينة وشحلاتج ... شلي قلبج ... علويه .
علياء " بعصبية " : مالكم دخل فيني ... محد لي دخل فيني ... عسااني علة ان شاء الله محد له خص فاهميني ... ولا حد يكلمني
ام محمد " خافت على علياء ... اكيد الحين راح تنهار ... شا سوي ... لازم اطلعها الحين اتشم هوه واتغير جو
ام محمد : علياء ... تعالي معاي اشوي ... بنروح الحديقة ... امشي وياي
علياء " تهداء نفسها " : انزيين
وتخرج علياء ويا ام محمد ... وتوديها ام محمد حديقة هادئة وحلوة ... علياء قعدت اطالع المكان ... وهي ساكتة .. ومضايقة من تصرف وسن ... ولا بعارفة اشلون راح اتكون النهاية ....
وبعد فترة ..............
تعود ام محمد ويا علياء البيت ... في حين علياء استغربت لوجود احد في البيت ..