علياء : ولييييييييييييييه .... تونا مكملين مدرسة مستانسين ايقول لينا درسواا ... اووووووووف شهالعيشة
روعة تتأفف : اففففففففففففففففف ..... والله حالة ... الحين اهو عادي ... شلي قلبه علينا
فاطمة : الحين انه شنو اكتب ... اي دروس كملت مدرسة وجامعة ... اجي ادرس مرة ثانية .... والله ابوي على قولة عليائو صج فراااااااغة
علياء " اتقلد على نبرة صوت ابو محمد " : ابيكم تقعدون من النوم 7 واتنامون 9 " وترجع لنبرة صوتها " : شنو احنا دياي الروضة نرقد 9 ... حتى الدياي ذاك اليوم جفتهم رقدوا الساعة 12
روعة : هههههههههههه سكتي والي يعافيج .... اخاف بس الحين ايطب علينا فجأة ً ... هههههههه
وينشغلون في كتابة الجدول ....
في حجرة الأولاد
بشار : انا ابي اطلع في العصر اروح العب ... والله اقعد ادرس
وتدخل اهني علياء الغرفة
علياء : يالله انزل ابوي يبي ايجوف الجدول
بشار : يالله
وينزل الجميع ويجلس مثل المكان الي جلسو فيه سابقا ً .. ويعطون الأوراق لأبو محمد .... ابو محمد يره الأوراق الأولى تلو الأخرى
ابو محمد : بشااار
بشار : ها ... اقصد نعم
ابو محمد " بعصبية " : ما حطيت لك وقت للرياضة
بشار " يبلع ريجه " : رياضة حق شنو
ابو محمد : حق شنو يعني .... حق اتخفف ها الدبة الي عليك ... كانك درام قدامي
علياء تتضحك ... وابو محمد ينظر إليه ... وتسكت
بشار : انزين عطني الورقة احط الوقت
ابو محمد " يعطيه الورقة ....
ابو محمد : علياء ... رواية شنو الي بتكتبينها
علياء : رواية ظلم الدنيا
ابو محمد : لا زين زين ...
يالله الكل الحين ايروح ايسوي شغلته يالله
ويذهب الجميع ......
وفي اليوم التالي
الساعة 7 ... ابو محمد يدخل كل غرفة ايقعد الجميع
ابو محمد : علياء يالله قومي
علياء " مغمضة عينيها " : اي اقوم ... ما شبعت نوم .. توه الناس ... بعدين بعدين اقعد
ابو محمد " يتطنز عليها " : شرايج بعد الساعة 12 اجي اقعدج
علياء " بأبتسامة " : ايكون احسن
ابو محمد : إن شاء الله ........" وبصرخة " : يالله قوووووووومي
علياء " تنقز من السرير " : يبا ... الساعة جم .... او او سوري ... ما كنت ادري
ابو محمد : يالله قدامي
علياء : انزييين
وتنزل علياء للتفطر وتقعد على الكرسي مالها
ام محمد : الحين انتي ما قالو لج الساعة 7 قايمة من النوم .. اتخلين ابوج ايجي ايقعدج
علياء " تتحلطم " : يووو يمه .. اكا قعدت .. ياحبكم للحنة من صباحاة الله
ام محمد : بس بس سكتي ... هكو ابوج يه
ويتفطر الجميع ... ويذهب الجميع ليدرس كما المفترض ان يسوونه
في غرفة البنات
روعة : ههههههههههههههههههههههههههههههههههههههههههههه ه الله يغربلج ... و لاحسيتين ان ابوج الي يقعدج ... ياحليلج بس
علياء : شاسوي بعد ... فيني النوم ماشبعت
فاطمة : بس اووووووووص .... تبون ابوكم الحين ايجي يلعب فينا لعب .. خفضوا صوتكم .... لاتفضحونا
علياء : ويه .... شسمعه
روعة : انه بدرس ما عليي منج ... بعدين تبلشيني
علياء : تكفين عااد ... حتى انه بدرس مومدمغة
في غرفة الأولاد
بشار : اووووووف .... اكره شي تعال ادرس في العطلة .. مو كفاية المدرسة ... الناس في العطل ايسافرون ... يستانسون
واحنا تعالوا درسوا ....... والله حالة
وبعد فترة ..... علياء تنزل ترة الأوضاع
علياء " تتفحص المكان لا ترا ابوها ... فتذهب لأم محمد " : يمه يمه
ام محمد : وصمه ... شتبييين
علياء : وين ابوي راح
ام محمد : شيخصج
علياء : يمه وين رااااح
ام محمد : سافر
علياء : صجججججججججج ؟
ام محمد : اي رااح السعودية وباجر بيرجع
علياء : وليش ما اخذنا وياه نبي انروح من زمان ما جفنا الأهل
ام محمد : سكتي بس سكتي .... الحين اتجوفينه كل معصب ويباكم تدرسون تبينه ايوديج السعودية
علياء " بحزن " : انزين ... يالله باي
ام محمد : الحمدلله والشكر على ها الجيل ... كل كلمة والثانية قالوا شنو ... قالوا لج بااي ... والله سالفة
علياء تركض للغرفة لتبشر الباقي
علياء " بصريخ " : الفرررررررررررررررررج
روعة : شنو
علياء : ماي فاذر ساااااافر .. راح السعودية وما بيجي الا باجر
روعة تنقز من مكانها : حلفي
علياء : والله ...... يالله هدو الكتب والدفاتر .... والى الكمبيوتر والتلفزيون ... هجوووووم
والكل يخرج من الحجرة ... علياء نزلت تقعد على الكمبيوتر " ما تقدر تستغني عنه ..... وروعة راحت اتقول لبشار ... وفاطمة نامت
علياء تتكلم بصوت منخفض : خل نفتح بس ماي ايميل انجووف الربع ...
وتفتح ايميلها " : يا سلالالالالام وسنووو قاعدة خل اطق سالفة وياها من زمان ما كلمتها البطريقة
(( وسن ... رفيقة علياء ... وكانت وياها في نفس المدرسة ... وسنتين كانو ويا بعض في نفس الصف ... علياء اتحب وسن وااااايد .... بس وسن متقلبات المزاج ... مرة اتكلم علياء ... ومرة اطنشها ... او تتهاوش معاها ... ومسيجينة علياء رايحة وطي ))
وتكون المحادثة بين علياء ووسن كا الأتي :
علياء : ياهلا ومرحبا ...... توه ما نور المسن
وسن : اهلين .... منور بأصحابه
علياء : وين مختفية صار لج واايد وما قعدتي
وسن " بعد فترة طويلة اترد " : النت انقطع ... وتوه اليوم مستوي
علياء " منقهرة من التأخير: لالا الحمدلله عيل ان انفتح
وسن : اي الحمدلله
وسن : زين بمشي الحين انه باي
علياء " توها بتقول باي إلا طلعت وسن " ( علياء تكلم نفسها بصوت مسموع ) : اوووف .... انه مادري هاذي وش قصتها .... كل ما اكلمها ما تزيد المحادثة عن خمس دقايق .... هاي الي بتجنني .... ولا بعد تتأخر في الرد ... ماالت اقوول
روعة تسمع علياء شتقول وتتكلم مرة وحدة : ها للحين انتي على وسنو هاذي
علياء " تنتبه " : اي " وبحزن " : للحين عليها
روعة : محد قال لج اتكلمينها ... والله وحدة مو عاطتج ويه ... وانتي مايته عليها
علياء : مهما وسن اتسوي وياي ... ماارضى احد يتكلم عليها جذي اذا سمحتين " بعصبية " عن اذنج
روعة : والله حاالة .... اقعد انه احسن لي ... لأني بفتقده من ايجي الوالد
وتقعد روعة على الكمبيوتر ... بينما تذهب علياء إلى الحجرة ... واهي معصبة
ويأتي لها محمود : علاء ( يعني علياء .. بس لأنه توه ياهل ما يعرف ايقول اسمها صح )
علياء " بملل " : نعم حبيبي
محمود : تعا نلعب ثوي ( تعالي نلعب اشوي )
علياء تتأفف : لا حبيبي .... علاء اور راس ... وبيلوح اينام ( علياء ايعورها راسها ... وبتروح اتنام )
محمود " بحنه " : تعاااااال
علياء " بعصبية " : قلت لك لا ...... اوووف اتباعد عني زيييين
وتذهب عنه علياء .... في حين محمود ذهب لأم محمد وهو يبكي ..
ام محمد " بصريخ " : عليااااااااااااااااااااااااااااء
علياء في الغرفة تتكلم : يالله ..... يالله ... وتذهب لأم محمد : شنو
ام محمد : جم مرة قلت لج لا تصرخين على محمود ياهل اهو مو بقدج
علياء " بملل " : مالي خلقه ....... وبعدين لا تقعدين اتصرخين لأن من صراخج هذا الي ماله معنه ... بتخلينه ايخاف
ام محمد "بدهشة " : نعـــــــــــــــــــــــــــــــــم
علياء " تذهب عنها " : عن اذنج
(( علياء اذا معصبة او حزينة ... تنسدح على السرير وتشغل لها اناشيد هادئة ... او بتقعد في السطح تتأمل الطبيعة الشمس والسما والغيوم ... بتحب ها الأشياء .... وبتهداء تدريجيا ً ))
حان وقت الغذاء الكل اجتمع على الطاولة وظل ياكل
علياء : يمه ... ما تدرين ليش ابوي خلانا انسوي فكره ها الجداول والدروس ... اهو كان عادي ... شلي قلبه علينا
ام محمد : بعد امس كان ويا ابو علي ومل راسه بالأفكار ... الا اهو ايودي اعياله معاهد ... ومادري شنو ... وايخليهم يدرسون ... ويتعلمون
روعة : اي ديليك حاصل ليهم ... الفلوس في ايدهم .. ما يعرفون شيسون فيها .... موب احنا
علياء : انزين .... وليش ما يودينا معاهد ؟ ما فهمت قصده
ام محمد : مو لأنه اهو ما عنده افلوس ايوديكم معاهد تتعلمون ... فا ايخليكم تدرسون ... علشان لمن ذاك ايقول له ... اهو ايقول ايي انا اعيالي يدرسون مال السنة الجديدة
فاطمة : مشكل
ويرجعون مرة ثانية للأكل ..........
وفي اليوم الثاني
قعدوا من النوم البنات الساعة 10 ... بس بشار قعد من النوم الساعة 9 .... اتفطروا وبعد الفطور ... كل واحد قام يمشي على الجدول ويدرس ... لأن ابو محمد اتصل ... وقال اهو قريب من البيت
وبعد فترة .......
يدخل ابو محمد ومعه مرة وفي يدها طفل صغير ...
الجميع وقف مستغرب .... وكانوا مصطفين من الكبير للصغير ... والكل على ويوهم اشارة استفهام ...
ابو محمد " يبتسم " : اعرفكم ... هاي مرتي الثانية اسمها رانية ... وهاي اخوكم اسمه بشير
الجميع يفتح فمه بدهشة ومو مصدقين وكل واحد ايطالع الثاني
وام محمد تركض إلى غرفتها .. وتلحق بها فاطمة ...
وابو محمد يكلم رانية : انتظري شوي ... بدي اكلمها اشوي اهديها .. وراقع لك ..
رانية : خلاص اوكي