وين ضعت ؟
وين رحلت ؟
ضعت وضيعتني
وخليتني في غربة ظالمتني
جرحت قلبي
ونشرت همومي
وذرفت دموعي
بضياعك يا ضايع
خليتني في دنيا
ما راح ترحمني
اتصد وتجرح فيني
من الي بيرحمني ؟
او من الي بيعطف علي ؟
يا ضايع الدنيا تتغير !
وما راح اتلاقي احد خيّر

يقطع سكوتها صوت ام ناصر : يالله ام محمد وصلنا البيت
ام محمد تنتبه وتمسح دموعها : يالله مع السلامة
ام ناصر : مع السلامة
وايضا ام ناصر يجول في مخها بعض الخواطر اثناء ما تسوق السيارة :
ياخوي وين رحت
وحبست روحك
وين رحت بعيد عني
وتحرمني من اخو قريب مني
ياخوي ما عندي غيرك
ولا راح احد ايكون محلك
انت اخوي
مسحت دموعي
وكنت مثل البلسم على جروحي
لكن
الحين رحلت عني
من الي بيمسح دموعي من بعدك ياخوي ؟
من الي يراضيني بعد زعلي غيرك يا خوي ؟
من يطمّني ويريحني غيرك
من بيحظني
ويصير لي مثل ابوي
الي رحل بعيد عني
وخلاني بحالي
ليش ياخوي
اترووح عني
دنيا ما تسوى
اتخليها اتكون حوولي
ياخوي
يا ضايع

في طرف آخر دخلت ام محمد البيت .... وذهبت إلى غرفتها لتغرق في دموعها بوحدها .... واثناء بكائها استسلمت للنوم بأن يأخذها لمكان بعيد عن الواقع الي فُرض عليها ........
في حين مسحت دموعها ام ناصر وذهبت للأتصال بأبو ناصر لتخبره بالحكم المرير ...
ام ناصر : آلو .... هلا
ابو ناصر : هلا والله ...... ها من مساعة وانا انتظرج ... بشري شصار
ام ناصر " بحزن عميق " : حبس لمدة 10 سنوات مؤبد
ابو ناصر " يقف من الدهشة " : شنوووووو ؟ 10 سنوات
ام ناصر " تتنهد بحرقة " : اييي
ابو ناصر : ليش 10 ؟ مال شنو
ام ناصر " بقهر " : 3 للمسيرة .... واربع مال الكتب الي من البحرين للسعودية .... و3 بعد حق بيع المسدسات
ابو ناصر " مو مصدق " : واخوج من وين له ايسوي كل هذا !!
ام ناصر : ماادري .... ماادري .. لا تسألني
ابو ناصر " حس بألم وجرح ام ناصر فقرر ان ايخليها براحتها " : انزين على راحتج .... يالله روحي ارتاحي .... اخليج الحين ... مع السلامة
ام ناصر : الله يسلمك
..... وبعدها يرن التلفون مرة اخرى .... وترفعه ام ناصر بملل
ام ناصر : آلو
ام علي : هلا اختي
ام ناصر : هلا هلا
ام علي : ها ... وش صار على الحكم ... طلع والله للحين
ام ناصر : امبله طلع
ام علي " تجهز نفسها حق سماع الخبر ... وتتكلم بحذر " : وايش طلع ؟
ام ناصر : حبس لمدة 10 سنوات مؤبد
ام علي " تجلس على الكرسي من الصدمة ... وينربط لسانها ما تعرف شتقول ..."
ام ناصر : وينج .... ام علي ... وين رحتي
ام علي " بدت عيونها تذرف الدموع " : 10 10........ س .... سنوات
ام ناصر : هذا الي الله كتبه ... ولازم نقبل ابه
ام علي : مستحيييييل
ام ناصر " ماتبي اطول لأن اذا بطول ... بتسلم روحها للدموع " : زين ... يالله ما بطول عليج ..... سلام
ام علي " تصك التلفون بدون ما تحس لحولها ...... واصبح كل الي محيط ابها اسود وظلام ... وسقطت مغمى عليها ... "

في حين استيقظت ام محمد من النوم ... ورائت بأن الوقت قد داهمها ... ويجب ان تذهب لتأتي بعيالها من المدرسة ... وقامت وتحس بأنها ثقيلة ... لبست عبائتها ...وخرجت من المنزل .............. في حين دخل محمد البيت ..فرأ ان لا يوجد احد ....
محمد : وين امي ؟...... وبعد تفكير : ايي صح ... راحت اجيب الباقي .... اروح ابدل اهدومي ... على طول ما اتجي
في طرف آخر ... ام علي ممدة على الفراش في المستشفى وبجانبها ابو علي .... ام علي تفتح عينيها ببطئ
ام علي " تنظر إلى المكان " : وين انه ؟
ابو علي "يقترب منها " : في المستشفى
ام علي " وكأنها فاقدة الذاكرة " : وليش ؟ وش صار ؟
ابو علي : اغمى عليك ِ
ام علي " تتذكر وتبداء بالبكاء ....... "
ابو علي مستغرب من ام علي : اول شي اغمى عليك والحين تبجي .. ليش ايش صاير ؟
ام علي " ببكاء " : اخوي عبدالله ..... حبسوه في السجن ..... وطلع الحكم عشر ....... سنوات مؤبد ... " وتجهش بالبكاء "
ابو علي " بدهشة .. ويرفع حاجباه " : اييييييييش ؟ ومن متى ؟
ام علي : صار له يومين .. واليوم طلع الحكم
ابو علي " مو مصدق ما يسمع " : لييييييش ؟
ام علي " لا تريد ان تتكلم ... لاتستطيع " : لا تسألني ما اقدر اجاوبك ... " وتبداء في البكاء مرة ثانية "
في طرف آخر تصل ام محمد البيت ومعها بناتها الثلاثة .... .. ويأتي لهم محمد
محمد : ها يمه ...اليوم طلعتي من وقت
ام محمد " تذهب لتعلق عبائتها " : لا مو من وقت طلعت مثل امس .. بس يمكن انت اتأخرت
محمد : ا
تقطعه روعة : يمه متى بتروحين حق حكم ابوي والله رحتي ؟
ام محمد " ترجع لحزنها مرة ثانية ": بلى طلع الحكم
الكل يذهب لأم محمد ....
علياء : وشنو طلع يمه
ام محمد " بدأت عينها تغرق بالدموع " : طلع 10 سنوات
علياء " تصرخ " : لالالالالا اكيد يمه انتي تمزحين
محمد : يمه قولي الصج
ام محمد " ببكائها تصرخ " : ما امزح ابوكم راح ايغيب عنكم 10 سنوات
روعة " تبكي " : لا يبا ...... لا تخليني .... ما ابيك الا انت ..... انت اتوديني المدرسة .... يبااا
ويبداء الجميع يبكي ........... ام محمد ارادت ان تهداء الجميع
ام محمد : يالله يا عيال ... روحوا بدلوا ثيابكم .... وتعالوا علشان نتغدى " وتمسح دموعها "
.
.
.
.
وتمر الأيام بصعوبة وبألم على الثلاث العوائل ... والكل عرف بقصة ابو محمد والحكم ... لا الكبار ولا الصغار .....
في بيت ابو محمد
يرن الهاتف .... وتذهب ام محمد لرفع السماعة ..
ام محمد : آلو
ابو حميد : آلو ... سلام اختي
ام محمد " تحاول ان تتذكر الصوت " : هلا اخوي ...... انت ابو حميد ؟
ابو حميد : اي انعم ..... شخباركم ؟ شلونكم ؟
ام محمد : الحمدلله ... زينين .... وانت ؟
ابو حميد : الحمدلله ...... انزين بقيت اتكلم معاك بموضوع ايخص ابو محمد
ام محمد " تتسغرب " : وشنو الموضوع ؟
ابو حميد : مسامحة ما اقدر اقوله على التلفون ... اذا من الممكن تحددين لي وقت اجي بيتكم ... واقول لج
ام محمد : اشلون اجي البيت .... انه ما عندي احد في البيت ريال ... بس ما عليه ... متى تبي
ابو حميد : اليوم العصر ما عندي شي .... انتي مشغولة
ام محمد : لا ... بس بخبرك اذا قدرت او لا .... عطني رقمك علشان ارد
ابو حميد : انزين سجلي عندج ( 00000000)
ام محمد : خلاص ... اجوف الوضع واتصل لك
ابو حميد : صار .... يالله انطرج ... مع السلامة
ام محمد : الله يسلمك
تمسك ام محمد السماعة مرة ثانية وتتصل على بيت ابو ناصر .... ويرن الهاتف ويرفعه ناصر
ناصر : آلو
ام محمد : هلا ناصر .... وين امك
ناصر : لحظة اشوي الحين بناديها
ام محمد : انزين
وبعد فترة قصير تتكلم ام ناصر
ام ناصر : هلا ام محمد
ام محمد : اهليين
ام ناصر : ها شصاير
ام محمد : لا مو صاير شي ... بس قبل شوي متصل لي واحد يعرف ابو محمد ... اسمه ابو حميد .. قال في موضوع يبي ايقول لي ... ويبي ايجي العصر البيت ... بس انتي تعرفي ماكو ريال في البيت اشلون اهو يدخل ..فقلت اذا تقدرين انتي وابو ناصر اجون اليوم ... واذا ما تقدرون .. اقول له يوم ثاني
ام ناصر : اها .... ما عليه بجوف بسال ابو ناصر وبرد عليج لحظة اشوي