الجميع : يالله يالله
ويركب الجميع السيارة وتنطلق إلى السجن ... وبعد وقت تصل السيارة للمكان المحدد... وينزل الجميع من السيارة متجهين لسؤال الشرطي عن مكان الزيارة
ابو ناصر يكلم الشرطي : السلام عليكم
الشرطي : وعليكم السلام ... ها وين رايحين
ابو ناصر : عندنا واحد انتو معتقلينه نبي انزوره ... وانتو قلتو الزيارة من 4 إلى 6
الشرطي : اي عدل ... من الي معتقل عندكم ابي الأسم ؟
ابو ناصر : عبدالله العالي
الشرطي يدور في القائمة : اي هكا .... انزين نطرو شوي انروح اناديه .. عندكم غرفة (10) فاضية قعدوا فيها الحين بناديه
ابو ناصر : مشكور ما تقصر
الشرطي : العفو
ويذهب الجميع إلى الغرفة في انتظار ابو محمد ... في حين يرفع السماعة الشرطي ويطلب ابو محمد ... وبعد وقت قصير يدخل ابو محمد الغرفة
ابو محمد والأبتسامة غامرة وجها : السلام عليكم
الجميع : وعليكم السلام
من ثم قام كل واحد حضنه وربت على ظهره ... وبعدها قعدوا علشان ايسولفون
ام محمد : ويش الحين ... وش قالوا لك
ابو محمد يهز راسه بالنفي : اليوم الصبح ايحققون وياي ... ايقولون كلام متهمينه بي .. انا مالي علاقة فيه نهائيا ً .... قالوا اشارك في المسيرات قلنا اي صح ... تعال انته اتهرب كتب من البحرين للسعودية وانته عندك مسدسات اتبيع واتاجر ابهم !! " ويحرك براسه "
ام محمد توضع يدها على راسها : يالله الحين ده الي طلع منهم .... زين انته لا تراددهم وايد بعدين ايخلون لك العداوة
ابو ناصر يكمل على الكلام : اي شي يقولون قول لا ما عندي تبون فتشوا ... والله على راحتكم بتصدقون صدقوا ... سو روحك طيب وعلى نياتك ومخّبل " بمزح "
ابو محمد : هههههه ... اي اي ادري لا توصون حريص ...... زين الحين ما قلتون لي من الي دره عني ؟
ام ناصر : انه وابو ناصر طبعا ً واختك ام علي وبس ... مادري عنها إذا قالت لأبو علي او لا
ابو محمد : اها ... " ويبستم لعياله ويتكلم " : ها شخبار البطل محمد ؟
محمد : انا زين ... لا تخاف بطل " ويبتسم له "
ابو محمد يكمل : ها علياء إن شاء الله ما خفتين من المسدسات
علياء : بلى ايخوف صوتهم واايد قوي ... بس على قولة امي اكبر وانسا
ابو محمد يضحك عليها .... ابو محمد يحب علياء واايد وكل شي ايسوي لها ... ولا يبي ايزعلها ... ( ويكمل على الباقي ) : اكيد روعة قامت اتصيح لأن ما تحب احد يوديها المدرسة إلا ابوها
روعة : اي ما احب إلا انت
ابو محمد : وفطوم انتي الكبيرة ها ... ساعدي امج واي احد من اخوانج
فاطمة : اكيد إذا مااساعدهم اساعد من ... لا تحاتي انت ... كل شي تمام
ابو محمد : إن شاء الله .... شفيها ايدج لافتها " يوجه الحديث لأم محمد "
ام محمد : احترقت اشوي من الفرن .. ماصار شي بس عادي
ابو محمد بمزح : وانا قاعد اشهر اهني ام محمد اكبر طبّاخة وفنانة ... وبعدين تحرقين ايدج
ام ناصر تعطي كلينكس لأم محمد وتقول لها : هاج غيبي ويهج من الفشيلة فشلتينا
ام محمد تتصنع الزعل : هاذي اخرتها انته واختك تتطنز عليي ... خلاص بمشي الحين انه
الجميع يضحك
ابو محمد : ههههههههه .... قعدي يا معودة من قال اتطنز ... امزح ... اغير جو
ام محمد تبوز : ماني ماني " مثل حركات الأطفال " .... ويقوم ابو محمد وايحبها على راسها : من لي غيرج انتي .... ياام عيالي
ام ناصر تصفق : وي ما نقدر على الرومنسية ... قوم قوم بو ناصر مافي مكان لنا بعد
ابو ناصر يضحك ..... وهنا يطرق الباب الشرطي ويدخل ...
الشرطي : يالله كمل الوقت
ام ناصر تطالع الساعة : صوووبه
ام محمد : مشى الوقت بسرعة ما حسينا ليه
ابو ناصر : انزين يالله قوموا سلموا عليه وانا بقرب السيارة لأن وقفتها بعيد
ويقف ابو ناصر ويسلم على ابو محمد ويخرج ....... ويقوم الجميع ايسلم وعلياء تعطيه الرسمة ... نظر إلى الرسمة ابو محمد ومسّح على راس علياء ... خرج الجميع وركبوا السيارة .... واتجهوا إلى المنزل .... في حين آتى الشرطي ليأخذ ابو محمد
الشرطي : يالله تعال
ابو محمد : يالله
الشرطي ينظر إلى الورقة الملفوفة في يد ابو محمد ويقول بمزح : ها بديت من الحين بالرسالات والمراسلات
ابو محمد : هههههه ..... لاهاذي بتي رسمت رسمة وعطتني اياها " ويفتحها للشرطي
الشرطي والأبتسامة على وجهه : حلوة واايد ... اي كبر بتك
ابو محمد ينظر إلى الرسمة : للحين في الروضة
الشرطي مو مصدق : لا لاتقول ... عيل لها مستقبل كبير في الفن
ابو محمد يقف لأنه وصل لباب السجن : إن شاء الله
الشرطي : يالله ادخل
ويدخل ابو محمد ها القفص الذي سجن فيه وهو لا يعرف ما الذنب الي اقترفه ليحاصر بين اربعة جدران لعدد من السنين
شرطي آخر يكلم الشرطي الذي دخّل ابو محمد السجن : راح تتعاقب على ها المعاملة
الشرطي لا ينظر إليه : وليش شسويت ؟
شرطي ( ب) : وش سويت ! اتكلم المساجين بلطف وطيبة .... لا بعد مو باقي إلا اتقول لهم تعالوا في حظني اواسيكم " بحركة استهزاء "
الشرطي يرفع له حاجب : ما اتنكت .... وانا حر بكيفي الي اسوي ... يالله عن اذنك وراي اشغال
شرطي ( ب) : اي على راحتك
ويذهب الشرطي عنه .... في حين وصل افراد عائلة ابو محمد إلى البيت
ام محمد : يالله روحوا صلوا اذن
الجميع : إن شاء الله
علياء : ماما انه ما اعرف اصلي
ام محمد تبتسم لها : ما يحتاج انتي .... توج اصغيرة ... لمن تروحين المدرسة تصلين
علياء : والمتى بروح المدرسة ؟
ام محمد وكأنها تفكر : ماباقي شي .... بس شوي .... ويالله عن الأسئلة الزايدة ... روحي ويا اخوانج الحجرة
علياء : انزين
(نبذة عن ام محمد ) : " ام محمد اصلها سعودية ... ويوجد لها اهل في السعودية وابو محمد يكون ولد عمها ... لذا فهي من عائلة العالي والتي نصفها في السعودية والأخرين في البحرين "
ذهبت ام محمد إلى الصلاة واكملت وعندما انتهت ..... رن الهاتف
ام محمد توضع السجادة في الخزانة وتذهب مسرعة إلى الهاتف : آلو
راشد : آلو .....هلا اختي
ام محمد تبتسم : هلا اخوي عاش من سمع ها الصوت
راشد : عاشت ايامك ..... كيف الحال ؟
ام محمد : بخير الحمدلله .... نسئل عنكم ؟
راشد : احنا تمام الحمدلله
ام محمد : الحمدلله .... طيب مافي اخبار جديدة ؟
راشد : لا مافي ....... وانتي ؟
ام محمد بتفكير : اي احنا .... ابو محمد انقط في السجن
راشد بصدمة : ليه طيب ؟
ام محمد : الأخ ايسوي اشياء ما ترضى ابها الحكومة ... فما كان إلا ان يسجنونه .... وباجر الحكم
راشد : ايه ... كذا السالفة .... طيب اهو ما يعرف إن هذا ممنوع ؟
ام محمد : بلى يعرف ... بس عناد ... علباله شجاعة
راشد : ههههه والله إن سالفة بعد هذا .... زين يالله ما اطول عليج ... وبعد انتي تخسريني .... يالله سلمي على الكل
ام محمد : يبلغ ..... يالله مع السلامة
راشد : مع السلامة
" راشد احد اخوة ام محمد الذين يعيشون في السعودية .... وهو يعمل في احد البنوك .... طيب ويحب يسئل ويساعد .... "
وتذهب ام محمد لعمل العشاء : محمد ..... محمد يمه " تناديه "
محمد : نعم يما .... نعم
ام محمد تعطيه في يده فلوس : روح اشتر خبز حق العشا
محمد : إن شاء الله يمه
ام محمد : انتبه في الطريق .. روح بعيد عن السيارات
محمد : لاتحاتين .... اعرف خلاص
ام محمد : يالله عيل اتوكل
ويذهب محمد وبعد وقت يعود ويتعشى الجميع ... من ثم ذهبوا للنوم .... وفي اليوم التالي .... يجلس العيال كالعادة للذهاب إلى المدرسة ... اوصلتهم ام محمد ... ومن ثم عادت إلى المنزل ... واثناء ما هي ترتب المنزل وتنظفه ..... يرن الهاتف .... وتذهب ام محمد لرفع السماعة ...
ام ناصر : هلا
ام محمد : هلا والله
ام ناصر : ها .... جهزتين
ام محمد تستغرب : اجهز من الحين .... توها الساعة 7 ونص
ام ناصر : توني متصلة قالوا قدّموا المحاكمة الساعة 8
ام محمد : اها ... خلاص الحين بتجهز
ام ناصر : زين ... مسافة الطريق وجاية لج
ام محمد : انزين .... يالله مع السلامة
ام ناصر : الله يسلمج
ام محمد خائفة من الحكم ... وتدعي من الله ان يخفف الحكم ويكون قليل ... وبعدها وصلت لها ام ناصر ... وذهبوا إلى المحكمة ... وبعدها يدق القاضي ثلاث مرات لبدء المحاكمة ..... ويدخل ابو محمد إلى المحكمة وينظر من بين القضبان إلى ام محمد واخته ام ناصر ...
القاضي بعد التشاور والحديث يتكلم : حكمت المحكمة على المتهم عبدالله العالي بثلاث تهم .. الأولى مشاركته في المسيرة الحقوقية والحكم عبارة حبس لمدة ثلاث سنوات ....
ينصدم كل من ام محمد وام ناصر وكذلك عبدلله ... ويكمل القاضي : والتهمة الثانية تهريب الكتب الدينية من البحرين للسعودية والحكم هو حبس لمدة اربع سنوات
ام محمد بصوت منخفض : لا لا ... ام ناصر تمسك يدها وتهدائها .... ويكمل القاضي : والتهمة الثالثة المتاجرة بالمسدسات دون ترخيص والحكم هو ثلاث سنوات ... ف الأجمالي يكون حبس لمدة 10 سنوات مؤبد
ابو محمد يصرخ : لا لا ليش ؟ ويضرب رأسه في القضبان : لالالا
ام ناصر انزلت رأسها ... وام محمد تبكي بحرارة ..... ويأتي الشرطي ويأخذ ابو محمد ليخرجه إلى السجن ..... وتخرج ام محمد وام ناصر وهما تبكيتان .... ويصلا إلى السيارة .. وتجلس ام محمد في السيارة وتظل صامتة وبكائها منخفض ... ويجول في مخها الأسطر التالية مع لحن حزين :