ياللي تلاعب في خفوقي وتختال
والعذر طبعك والخطايا مشاعرك
يـامال يـاحقّي مـن الوقـت يـامال
قلـبٍ تحبّـه ليـن يـدري ويقهـرك
تركـتنـي لمعـانق اليـآس رجّـال
قلبه صويب وشاعرٍ قيل شاعرك
بعدك غريب معاتب الحب مازال
ماهوب نادم بس ماهوب ذاكرك
غرّك حبيبي هرج حاسد وعذّال
ولاشك غرّك ياحلو زين مظهرك
كلّن يبيك وحاذفٍ دونك إعقال
وكلّن تحت أمرك وشورك وشاكرك
خلاص أبقفي عنك ماعاد لي بال
ياحب لايبكي مع الوقت ناظرك
عرفت بإنك صيف من شمس وظلال
وعرفت بإنك دمع من دون خاطرك
وعرفت بإن الحب لاصار بآمال
يطغى عليه اليآس من دون يخبرك
وعرفت بإن الحب لاهزّ رجّال
أكبر خطيّه من فعايل كبايرك