انا رجعتلكم
ابدا يومي بذكر الله عزوجل
اقوم من النوم الصباح على الساعة 6 اصحي اختي الصغيرة وارجع انام شوية تجي تقومني قومي سويلي شعري عاد اذا زعلتنى وعارفة انها سوت حاجة ماتجي تصحيني مررة طبعا اخذ غفوات اللين يقول الجوال امين من كثر الغفوات بعدها اقوم اخذ شور حلو مع الصباح :tooth:اخرج من الحمام الله يكرمكم اصلي واجلس اقول الاذكار واقراء قرآن بعدها عاد اتفرغ لنفسي اقوم اشوف اش البس عشان الجامعة واجلس قدام الدولاب ساعة عشان اختار لبس بعدها اسوي شعري واحيانا ماامشطو اروح وهوا منكوش نمشي على الموضة كدش :afro:هههههه واحط الميك اب طبعا حاجة قليلة لاني رايحة ادرس مو رايحة زواج طبعا بعض الاوقات افتح الجهاز واشوف اش التطورات الجديدة في المسن واخلية شغال اللين اخلص من نفسي انتهي من كل حاجة اروح اصحي بابا انزل من البيت اشغل السيارة :233:اخليها تتحمى << باقي بس اسوق انتظر بابا اللين ينزل ونمشي اوصل الجامعة واروح جري على المحاضرة لاني سايرة اروح متاخرة بنت باشا هههههههه طبعا اكثر دوام عندي اللين الساعة وحدة ونص والاخلاق وقتها تقفل اذا مالقيت الدكتورة ولا كانت معتذرة ومانزلت اعلان من بدري :busted_red:
ارجع البيت اذا رجعت بدري على الساعة 12 نمت واذا رجعت متاخرة دخلت ساعدت ماما في الطبخ وبعدها اتغدى:36_1_51: واغسل المواعين:3_13_12: وعبال اجي انام يكون المسلسل جا اتفرج واصلي لمغرب وبعدها اقوم اشوف اش عندي من اشياء اسويها واذا مالقيت حاجة فتحت النت وجلست علية اللين بعد العشى او اكثر بعدهااتفرج المسلسل التركي لحظة وداع واسولف مع ماما ونجلس شوية نتريق تلطيف جو واحيانا نجلس انا واختي نغطرف:019: << مجانين:poster_dev: اللين يجي بابا من برا نقوم نعبي العشى ونتعشى وبعدها احط راسي وانام عشان استعد لليوم الثاني طبعا مااخرج من البيت غير في الويك اند ومو دايمن خروجي من البيت للجامعة ومن الجامعة للبيت
هذا كل يومي بالتفصيل
ان شاء الله بس استمتعو بكلامي ومايكون ثقيل عليكم
ومشكور الولهان على الاستضافة
يعطيك الف عافية
مزاجية
|