آرجــوك عيدي الكلمه اللي من شوين ..
الكلمه اللي ضحكــتني ( صرآحــــه ) ..!
قولي ( آحبك ) بإذني بهمس .. تكفين ..
وآنا بزيد الضحك .. وآزداد .. رآحـه ..!
( مــآهي شماته ).. بس ودي تشوفين ..
طير(ن) كسرتي قبل مدّه جنــآحه ..!
حـآول يطير ومآ اسعفته الجناحين ..
شهرين منّك .. ماتعدى مـــرآحه ..!
مع كل ليله .. لا لفاه المحبين ..
ينام خوف الناس تسمع نوآحه ..!
يقول يمكن .. بكره تهون وتلين ..
ويقوم لكن ( ماصباحه رباحه ) ..!
مع كل صبح تسولف علومه العين ..
بدمعها اللي كان ( قصة صبآحه ) ..!
غبتي .. ولا قلتي غيابك على وين ..
( ليتك تركتي للموادع مساحه )..!
على الاقل بجبر غياب المقفين ..
لاطآح دمع(ن) مآرحمني مطآحه ..!
ماجيت في بالك على طول شهرين ..
يآوسع قلبك ( والله انه بـَرَآحه ) ..!
كم كنت آدور عنك الزين والشين ..
ايآ خبر .. لو جرّحتني رمــآحه ..!
ماهو كذاعايش تقل ( بين نارين ) ..
وقلبي همآجه مستوي مع قرآحه ..!
لاجيت ابسلى هبّ نسناس ..( بعدين )..
واليا سليت ( الموت جتني ريــآحه ) ..!
وبعد مرور الوقت ( جيتي بعذرين ) ..
كلن يقول اني انا ( اكثر قبآحه ) ..!
الاول انك كنتي بوسط برلين ..
بالصيف كله قآضيتها سيآحه ..!
والثاني انك ماقـــــــدرتي تدقين ..
رقمي مهو ويآك .. { يـــال الفـــلاحه } ..!
( شريحتك ضآعت قبل لا تروحين ..
لمـآ طلعتي مع هلك لاسترآحه ) ..!
وانا هنا كني على ( حدّ سكين ) ..
الهم هددني ولقّم سلاحه ..!
لو جيتي بعذر(ن) يعدل الموآزين ..
يمكن ( آشوف محرمآتك) .. مبآحه ..!
لاتسأليني عن غلاتك .. بعد حين
( غلاك جعلك ماتروحي مرآحه ) ..!
الصد .. والهجرآن.. والدمع .. والبين ..
مآبقوا بقلبي لحبك .. مســـآحه ..!
من حط له في كل يومين .. وجهين ..
والله مايفرح بالوفى .. والسمآحه ..!
وابشرك طير(ن) سكن قلبك سنين ..
نهض .. واخيرا منك ( آطلق سرآحه ) ..!
لحظة طلبتك .. عيدي اللي تقولين ..
( قولي احبك .. ودي اضحك صراحه )..!
مستغربه .. ماهوب انا اللي تعرفين ..
آدري .. وآدري بأن ( صابك تناحه ) ..!
لكن شسوي في احاسيسي الحين ..
(احس في كلمـــه.. أحبــك وقاآحـه )..!