تفرق الغيدا عن الغيد برغدها
......................... كل شيٍ راهيٍ(ن) في جسم نوره

(شعرها)و(عيونها)و(فمها)و(يدها)
.......................... طلتة(ن) تغني عن الصبح وظهوره


مابقى عود(ن) يثنى ماحسدها
........................ وكم تمناها كتاب(ن) في صدوره


صادقه في كل شي الا وعدها
......................... ياتقدم...ياتأخر...في حضوره


بس توفي منيه الروح وبعدها
........................ ولو تعذر فعلاً البنت معذوره


لاكبد فيها الزمان الا كبدها
................... ولاشعور الا وهي تدرك شعوره


غيمةٍ(ن) حنت سما الروح برعدها
................ لين سقت روضة الصدر وزهوره


نعمةٍ(ن) ماتعرف الا من حمدها
.................... تحفةٍ(ن) تغني عن الملك وقصوره


ذوقتني قبل عامٍ من شهدها
................... وعقبها ماصار للسكر ضروره


ان زعل همالها يضحك بردها
................. وان نشدت روضها تصدح طيوره


كيف اصب عروق دمي في جسدها
.................. كيف اخلي ديرة الوصل معموره


قمت ألاحقا تقول اني ولدها
..................... ذاهبٍ(ن) معها بلا راي ومشوره


مادريت الا وهي تاقف وحدها
................ عند باب القلب مدري خلف سوره


ليه اعذربها ولو يفتر جهدها
................ حتى لو ماهي على وصلي غيوره


المهم انه خذى قلبي رغدها
....................الرغد موجود لكن عند نوره

راقت لي فتقلتها لكم

• ورقه ومحبره وريشه
• فضلاً .. لا اريد شكراً على الطرح .. أريد خرفشة وكتابه !!
• لمذا تتداعين لي بالغباء,,,!!/بقلمي