من رأي اجمل قصائد الشـــاعر محمد الجارالله السهلي .)




محمد الجارالله السهلي { الغمازتين }

الغمازتين



ااي والله اني ضايق ومرهق ومخنوق وحزين ...

واما بموت من الوله وللا بموت من القهر !!

واللي لعب في حسبة ايامي وخلاها سنين ...

اني على ذا الحال ياشعري لي اكثر من شهر !!

بعت المدينه لجل عين ! وقالوا: الخافي يبين ...

ودفنتك بجوفي ! وقالوا: وش بقابك ما ظهر ؟!!

يا مطّول الغيبه ياطول الشوق مير الله يعين ...

العاشق اللي عاش ضامي بين عدّك والنهر !!

عيـّـــــدبي غيابك سنه والليله من العايدين ...

ولا عاد عيدك يا الجروح اللي بقلبي من دهر !!

ياصاحبي لوتعتذر عن غيبتك عذرك سمين ...

حبك بعد ماغبت عن عيني تمادى وازدهر !!

من يوم شفتك والنعاس يعينك النجلا سجين ...

ومن نفس ذاك اليوم وعيوني سجينه للسهر !!

علقتني بالضحكه اللي تسبق الغمازيتيـــن ...

وتركت لي شاعر كتب فيك القصايد واشتهـر !!

سيّلت دمعك واستباح الدمع ستر الياسمين ...

وعلمتني كيف الندى يجمّل خدود الزهــــــر !!

ليتكـ عقب ماغبت غيّبت اشتياقي والحنين ...

او ليتني ماقد دفعت احلام عمـــري لك مهر !!

وياصاحبي لا عاد تنشدني عن الحزن الدفين ...

اقسى الطعون !! الطعنه اللي من حبيب وفالظهر

وسلامتكم
ملطووووش