قربك عطر ودي من البعد أشمك
أخاف يبرد مابقى لي بذكراك
أبنثرك في عروق قلبي وألمك
وأحسسك بالحب في يوم لقياك
باقي معي أغلى هديه تهمك
صورتك كاتب فوقها مقدرأنساك
متى يزين الوقت وأكون يمك
اقلها اعرف ظروفك ودنياك
ياليتني في أنفاس روحك ودمك
أبقى معك وأعيش الأيام وياك
ياكثر ماني بغربتي شلت همك
انشد نجوم الليل من عقب فرقاك
عليك أخاف أكثر من أبوك وأمك
والله ماتلقى قلبٍ مثل قلبي أغلاك
ماأرتاح أنا من الوله لين أضمك
وأعلمك وشلون حالي بلياك