منتديات قصايد ليل - عرض مشاركة واحدة

#1 03-19-2011

يـامدير الجامعه مني تحيه..
أمـابعد:إخذ السوالف بثمرتها..!

طـالبك وان كان لي عندك عطيه..
الأميره لا تطــول محاضرتها..!

لايطول الشرح وتمل البنيه..
الجلوس إن طال يتعب خاصرتها..!

خــلوا القاعه لها بساط أحمديه..
إن عـجبها الجـو ولا هملتــها..!

وخيـروها بيـن ذيــك وبيـن ذيـه..
قولوا ان الجامعه هي جامعتها..!

صبحـوها بخيـر في حزة مجيـه..
يــا صبـاح العاصمه في مملكتها..!

لـــوتـأخـر تستــحق الأوليــه..
لــو تغيــب إكتـب حضور لحاضرتها..!

وخففـوا عنهـا البحــوث المنــزليه..
وعززوا نسبة قبـول مشاركتها..!

وامتحـان الترم يهدى له هديـه..
سجلـوا عنـها الإجـابه بورقتــها..!

هيـئوا كـل الظروف المــدرسيـه..
واحرصوا عدم حـوث مضايقتهــا..!

وانـقلوا من جنبها القشـرا صفــيه..
خـربتــها لعنبــوها خــربتــها..!

تشــرح أوضاع العرب بسكندريه..
جعلهـا السلال ما اكثر بربرتها..!

وجـلسوها جنب بنـتِ حضـرميه..
لاهيه تحــت الدراهم حوشتهـا..!

مـاتسولف بالعلوم العـاطفيـه..
التجـاره مثـل ابوها مشغلتــها..!

والنظـول اللي لها عينِ قـويه..
علمــوها لاتخــلي بسملتـــها..!

وردةِ تطلـب حصـون المزهريه..
حـوطوها بالزهور اللي زهتها..!

دللــــوها دللــــوها الأجوديـه..
حسنـوا بــد البنـات معــاملتها..!

لو تسولف بالعصـور الجاهليه..
صفقـوا كن الجديد بســالفتها..!

لـوكلت نص الحـروف الأبجديه..
مشـها كن الحــروف مكمـلتها..!

لـو تغير في نظام المنهجيــه..
معـك أمـانه لا تزيد معـار ضتها..!

لـوتقول الألف ميـه قـولوا ميه..
لـوتقول الشمس جتها قولوا جتها..!

اتــركوها لو تســب الـداخليه..
لا حكــت لااحدِ يوض مقاطعتها..!

بإختصار القول محسوبك ضحيه..
ضايعِ بـين الشـفاه ومقلمتـها..!

لأن لون المقلمه مثل الشفيـه..
من حَمار التوت يمكن قيرمتها..!

يـامدير أرجوك لا تشره عليه..
والله إني ما استطيع مقاومتها..!

بالمواقف انتظر كني وليـه..
كـلها من شان بس مشاهدتها..!

لاأقبلت قلت أرحبي يـالجامعيه..
وابتدت ترسم غـرور بسلهمتها..!

تبتسم مثل الخوي لاجاء خـويه..
ودها تسمح ظروف مصافحتها..!

وقمـت أعاين في غـموض المعمهيه..
ليـن تركب فـي سزوكي والدتـها..!

واتجـه للسيسي روحـه وجيــه..
أنتظر حــزة وصــول مكالمتها..!

الـوكاد أرجـوك لاتشره عليـه..
والأميره لاتطول محـاضرتها..!

،،،،،،،،،