بيـوت الطيـن , رفرفـة الحـمـام , وغبـشـة استـحـواذ

مـراجـيـح الشـفـيـف مـــن الـفـواكـه لاطــــرف الـسـلّــه

عـذوق الهـمـس مــن نـخـل السـهـر , لاهـزهـا نـفـاذ

مــن عـطـور الحنـيـن الـخـابـز ارغـفـتـه عـلــى مـلّــه

ضيا قمرا زز هي اكرم من عطا ضي وهي الشحاذ

تـقــول لـيــا عـطــت ولـيــا خـــذت : هـــذا لــوجــه الله

ربـيــع ( كـبـودنـا ) تـرعــى حـمــاده ضــجــة الأفــــلاذ

شـغــب غمـازتـيـن , وهـيــل نـصــف مــــوارب ودلّــــه

تـفــوح بطيـبـهـا -المـبـطـي بـهــا- ياطيـبـهـا الأخــــاذ

جمـعـك فحنـجـرتـه ومـوّلــك , والـغـيـم مـــوّل .. لّـــه

نــهــض يسـتـكـمـل الـنـايــات فــــي جـغـراقـيـا الــــرذراذ

طـــلال .. وكـــل فــوضــى رتـبـتـنـا جــســدت : ظــلّــه

وتــر .. ضـــد الـيـبـاس وخـــارج الاسـمـنـت والـفــولاذ

هنـا لغـز البساطـه فـي موسيقـاه .. وهـنـا .. حـلّـه

هو اللي ذوب ( الرا ) في طفولـة ضيـه .. استلـذاذ

هــو الـلـي ذوب الدنـيـا فــي ( رابــع ) أحــرف العـلّـه

كريـم الـروح .. مـد مـن الجسـد خمسيـن جـرح ولاذ

بـنــا , كـيــف انعمـيـنـا عـــن تــعــب ريـحـانــه وفــلّــه

أغانـي ( الفيديـو كليـب )وموسيقـى شهـوة الافـخـاذ

نهشـتـه قـمـح قـمـح وحنـطـة حنـطـه .. هــوى كـلّـه

هـوى .. فجـأه .. عرفنـا كــم تخاذلـنـا عــن الإنـقـاذ

لغـايـة مـافـرغ كـرســي الـخـشـب مـــن بـحــة مـولّــه

وقـف خمسيـن عـام استـاذ للمعشـب وطـاح اسـتـاذ

وظــلـــت ريــشـــة الـطــيــر فـيـــــده خــضـــرا ومـبـتــلّــه