منتديات قصايد ليل - عرض مشاركة واحدة

03-12-2011

سالم:كل ماتذكرت اللي صارفي هل بيت حامت كبدي،،اقول ماودك نبيعه ونشتري بيت ثاني،،
هدى:فكره حلوه خل نطلع عن هل حاره الفضيحه اللي سوتها ناديه موب شوي،،
سالم:موب اهل الحاره اللي درو لحالهم الفضيحه ع كل لسان ولاتنسين الأنترنت الاسم كامل
والـصـــ،،،
هدى:اسكت لاتذكرني تكفى واللي يرحم والديك اسكت،،،
سالم:انتي وشوله تروحين للبيت دامنا خذنا كل شي خلاص اطلبي الطلاق،،
هدى:اصبرشوي لاتنسى ان عندي مجوهرات والماسات يسون 200الف،،
سالم:في هذي مااقدر اقول شي اجل انا ابروح للشركه وش ازين لحالي انا المدير الحين،،،

نور:هاك حصه الدوا،،
حصه:قصرت من هل علأجات،،
ام وليد:راحت المطوعه،،
نور:ايه راحت،،
ام خالد:والحين شخبارك حصه ان شاءاستفدتي من القران،،
حصه:ايه الحمدلله احسن من قبل،بس مااقدر انسى اللي صار لي،،
ام خالد:احمدي ربك انك تطلقتي منه،،وخذ جزاه،،
ام وليد:وين رهف،،
نور:تنوم نوره بنت اميره،،
ام خالد:والله ماانسى اللي سويتوه ووقفتكم معنا ياام وليد انتي والبنات،،،
ام وليد:الحن اهل ولاتخلينا نزعل عليك ومانجيكم،،
حصه ودمعتها ع عينها:اللي سويتوه موب شويه معنا،،
نور حظنت حصه:اسكتي الحن اخوات ولاتعيدينها مره ثانيه ترا اجلدك،،
الــكـل:هاهاهاهاهاهاهاهاهاهاها،،،

_هدى دخلت وماعطت احد وجه رقت لغرفتها ع طول_

حصه:وش فيها ذي السلام لله،،
نور:خليها في حالها اللي صار لهم موب شويه،،
ام خالد:اللي يشوف مصيبة غيره تهون عليه مصيبته،،
رهف:يوووه انا يوم شفت صوره ناديه بالأنترنت مانمت كل الليل وانا ومااعرفها وماشفتها الامرتين وشلون هم اللي اختهم،،
حصه:وشلون مطلعين كل شي طيب باين وجهها،،
نور:كل شي حتى الملاعين كأتبين اسمها كأمل ومكان بيتهم ومكان شغل اخوهم بعد،،،
ام وليد:الله يمحيهم من وجه الأرض،،
ام خالد:طيب درو من اللي سوا كذا،،
نور:يقولون ان ناديه قبل ماتموت كأتبه كل شي،،
حصه:ومن مسوي كذا،،
نور: سهام وصديقها سعد،،
حصه وتعجب:وشو سهااااام،،
رهف:ليه تعرفينها،
حصه:اكيد هذي البنت معنا في الجامعه وسمعتها موب زينه،،
ام خالد:وشلون تعرفت عليها ناديه وهي موب تدرس،،
حصه:كأنت تبي تصادق ليلى بس انا حذرتها منها وجت مرة لبيتهم وتعرفت ع ناديه،،،
ام وليد:طيب وش سوو لهم،،
نور:يحققون معهم الحين،،

_فــي الـشــركــــه_
خالد:انت وش تزين في مكتبي،،
سالم:قصدك مكتبي انا،،
خالد:انت وش تقول خرفت،،
سالم:مااسمحلك تقول كذا،ولاتنسى انك وقعت ع الورقه حقت عقد شركة الكوكو ياكوكو،،وافتتاحية محل الكوافيرا اللي وقعته لهدى،،،
خالد:يعني طول هل فتره كنتم تكذبون علي،،
سالم وبئستهتار:اخيرآ عرفت ياغبي،،اقول تراي عينتك فراش وترا اختي هدى طالبه الطلاق،،
خالد:انا لازم اذبحك ياحمار ياكذاب،،

_سالم ظغط ع الزر وجو الفراشين والعاملين وطردو خالدبرا الشركه_

ام خالد:نور متى نفرح بك،،
ام وليد:قريب ان شاءالله،،
حصه:ياانا ابرقص في عرسك رقص لين اقول بس،،
رهف:ايه بس ممنوع اصطحاب الأطفال،،
حصه:اشو علشان تجين عند نوره بنت اميره،،
نور:لا نوره اول وحده تجي،،هي اللي بتقعد قدامي في الزفه،،
الكل:هاهاهاهاهاهاهاها،،،
ام خالد:عقبالك يارهف انتي وحصه،،
رهف:ااااأااااامين،،
حصه:ومن يبيني عقب اللي صار لي،،
ام وليد:وش اللي صار لك،،اسكتي بس الكل يتمناك،،
عزام:تغطو ابوي ابيدخل،،

خالدرايح للغرفه وبصوت عالي:هدى هدى،،
ام خالد:عسى خير خالد اول مره يصوت لهدى كذا،،

خالد:هدى هدى،،
هدى:نعم وش تبي صوتك واصل لأخر الدنيا،،

خالد:وش تزينين وين رايحه مجهزه اغراضك وماخذه ذهبك عسى ماشر،،
هدى:خالد طلقني،،
خالد:وش قلتي،،
هدى:انا مااصلح لك لاتنسى فضيحة اختي مابي الناس يتكلمون عنك،،
خالد:يعني ماترضين الناس يتكلمون عني،،
هدى:كل حرمه ماترضى لزوجها بالفضيحه،،
خالد:واذا الناس قالوا ان خالد اتهم بجريمة قتل،،
هدى:قتل خالد انت تعبان،،
خالد:وش اللي سويتيه انتي واخوك سالم،،
هدى:انت وش تقول انا وش سويت،،
_وارتفعت الأصوات_
خالد:سالم قاللي عن كل شي،وعزام قاللي ع اللي سمعه منك يوم انك تكلمين اخوك سالم الليل والكل نايم يوم تطلبين 20الف لأخواتك ويوم اسجل لك قصرمن القصور ومعرض وغيرهن من الأشياء بس انا غبي زي ماقال عني اخوك سالم ماصدقت عزام قلت انه صغير وهدى ماتسوي كذا لانها تحبني موت،،
هدى:يووووووه وبعدين معك،،
خالد:حسبي الله عليك كأنك خليتيني اعصي امي واقسى عليها وعلى اخواتي وخليتني ارجع حصه لبيتها زي الفريسه المصيوده،،،حرام عليك انا وش سويت انا وش قصرت معك في شي علشان تسوين فيني وفي اهلي كذا،،،
هدى:انا اكرهك اكرهك،،انا رايحه وورقة طلاقي ارسلها باكر تسمع،،

_خالد فقد اعصابه ودزها وصقع راسها ع حافة التسريحه
وسألت الدماء_
هدى تصرخ:آاااااااااااه

ام خالد وقفت:وش هل صرخه،،

_خالد نزل مسرع وطلع برا البيت_

ام خالد:خالدخالد،،وش فيه ذا،،
ام وليد:لاتخافين مافيه شي،،
ام خالد:بنات روحو شوفو هدى وش فيها،،
نور:يالله بنات امشو،،

حصه وقفت:يمااااااااااه،،
رهف ونور ركضو وجلسو عندهدى:هدى هدى وش فيك،،
ام خالد:وش
فـيـــ،،
نور:ماتت هدى ماتت،،
حصه جلسة تصيح:لالالالالا،،
نور حظنتها:بسم الله عليك اذكري الله هذا يومها،،

،ام خالد حطت ايدها ع راسها وجلست تصيح:لاحول ولاقوة الابالله،،
رهف:يمه وش نسوي الحين،،
ام وليد:دقو ع الشرطه وهم يتصرفون هذي جريمة قتل،،

عزام دخل وشاف امه طايحه ع الأرض والدم سائح والكل جالس يصيح،جلس ينفض فيها:يمااااااااه ردي علي يماااااااااه انا عزام لاتروحين وتخليني يايمه لاتروحين خذيني معك
خـذيـــنـ،،،

سالم:نعم وش تبون،،
الشرطي:مطلوب القبض عليك وتوقيف كل الشغل،،
سالم:ليه عسى ماشر انا وش سويت،،
الشرطي:متهم بجريمة تزوير اوراق،،وفيه كثير من اصحاب الشركات رافعين عليك دعوه سرق مال وضــــ،،ولااقول هناك تدري،،امسكوه،،
سالم:خير وخرو وخر انتم ماتدرون من انا وخرو،،،

_ام خالد ادت الواجب و خذت عزا هدى في بيتها والكل جاء وعزا وراح_

_بـــعــــدســـبــوعـــيــــن_

ام خالد:ياحسرتي عليك ياولدي ياخالد،،
حصه:خلاص يايمه ارحمي نفسك من الصياح حرام كذا موب زين،،
ام خالد:هذا قطعه مني من بقى لنا لولد ولاتلد،،
حصه:يمه اللي سواه خالد موب شوي في حقنا،،وزين انهم خففو الحكم عليه وسجنوه لمدة5سنوات وماذبحوه،،،
ام وليد رهف نور:السلام عليكم،،
الكل:وعليكم السلام،،
نور:عندي بشاره حلوه لكم،،
حصه:صدق فرحينا تكفين البيت صاير كئيب،،
رهف:عيب كئيب وانا كل يوم اتعب عمري واجي عندكم واخر شي تقولين كئيب،،
حصه:انتي اسكتي،يالله قولي،،
نور:احم احم كم تعطوني،،
حصه تضحك:ترا والله لااصكك بالنعله،،،
نور:حكمت المحكمه بااسترجاع جميع املاك واموال ناصر العالي الى حسابه ريال ينطح ريال،،

ام خالد استانست:صدق صدق قولي انك ماتكذبين،،
نور:والله صادقه،،
حصه:وه شي ثقيل راح عن صدري واخيرآ رجعت اموالنا الحمدلك والشكر يارب،،،
ام خالد:ع هل بشاره تستاهلين هديه،،،
رهف:اقول مايصلح اتزوج عزام،،
الكل:هاهاهاهاهاها،،
حصه:وش صار ع سالم اخو هدى،،
نور:حكمو عليه بالحبس لمدة10سنوات لان هذا يسمى اختلاس وعقابه كبير،،
حصه:ع هل خبر الحلو لأزم اصلح كيكه بيديني الجميله قومو بنات،،
رهف:وع وع واثقه غسلي بمطهر اول شي،،،
نور:قومي وانتي ساكته،،
_راحو للمطبخ_

ام خالد:الحمدلله ان ربي خلى لي حصه وعزام ونوره،،وكل ماشفتهم ذكروني بجروح مصكره،،
ام وليد:هذي نعمه من ربي،،إلا ترا زواج نور الخميس الجاي وانتم اول ناس ترا،،
ام خالد:الف مبروك ولاتوصين حريص قبل العرس بيوم الحن عندكم،،
ام وليد:حياكم الله،،
ام خالدتصوت:نور يانور،،
نور:سمي خاله تبين شي،،