منتديات قصايد ليل - عرض مشاركة واحدة

03-12-2011

اميره:عزام واللي يرحم والديك رح لغرفتك،،
عزام وهو خايف مايصدق اللي يشوفه هو صح ولاخطا:لامنيب رايح،،
حصه:فك ايديني،،
_خالد يسحبها للغرفه_
حصه تصايح:يمه اميره لحوقني يمه ابيذبحني فكوني منه،،
اميره تسحب يده:فكها وخرعنها احسلك الله يأخذك،،
ام خالد ماسكته:فكها فكها،،
_خالددز امه ع الأرض ومسكها عزام وجلست تصيح_
حصه:اميره يمه لاتخلوني،،
خالد:وخري،،
اميره:منيب موخره،،
خالد:قلتلك وخري،،
اميره تصرخ في وجهه:وانا قلت منيب موخره لين تترك حصه،،،
_حصه كأنك تعبانه حيل وتصيح وهي بين يدين خالد_
هدى جت مسرعه وسحبت اميره:وخري واسمعي كلام اخوك،،
اميره بتدزها:ابعدي عني وخري حصه تمسكي بالباب عزام امسك حصه،،
_خالد دخل حصه الغرفه وسكر الباب وخذت المفتاح_
حصه ترزح الباب:افتحوه تكفون لاتخلوني يمه يبه اميره عزام فهد افتحووووووه،،
ام خالد لأمه راسها وتصيح:حسبي الله عليك من ولد الله لايوفقك،،
اميره:جعل ربي يأخذك ياحقير ياحيوان ياسافل،،
خالد:بنتك ابترجع اليوم لبيتها تسمعين وغصبن عنك واذا ماعجبك اطلعي برا البيت،،هدى تعالي فوق،،
هدى:من عيوني حبيبي،،

ام خالد:ياحسرتي عليك يابنيتي،،،ياحساف التربيه فيك ياخالد،،جعل ربي يأخذامانتي ولااشوف بناتي يتعذبن،،،
اميره:لاتقولين كذا،،بعد عمر طويل،،،
عزام:عمه الحن لأزم نفتح الباب لحصه لو يصير وشو،،،
اميره تطق الباب:حصه حصه تسمعيني،،

_حصه جالسه تصيح وتحسفت انها وافقت ع هل وحش:افتحوه افتحوه يااميره انا خايفه لحالي ابيجي يأخذني،،،
اميره:عزام دز الباب معي،،

_حاولو انهم يكسرونه بس ماقدرو لأنه حديد ومن البيبان الصعب كسرها_

سالم:هاك هذي 50الف ولاتجين وتطلبين مني إلا بعد سنه،،
ناديه:لاياحبيبي هاذولي مايكفن انا وش ازين بهن،،
سالم:وش بتسوين ابتبنين ناطحة ساحبه،،انتي علميني وش محتاجه لهن فيه واعطيك،،
ناديه:وش عليك هذي فلوسي ابيهن وبس،،
سالم:انتي طالبه اكثر من نصف مليون،،،المجنون اللي هو مجنون مايعطي مبلغ زي كذا،،
ناديه قايمه:اووووووووه انا قلت ابيهن يعني ابيهن ولاتسألني مره ثانيه ليه،،،ابيهن هل شهر لازم تسمع،،،

_سالم خذ الجوال ودق ع هدى_

هدى:الو هلاسالم،،ناديه وش فيها،،وش تقول،،هذي موب صاحيه،،لا لاتعطيها قبل مانعرف ليه،،لا هذي مجنونه اكيد فيه احد عاقل يسوي كذا،،لا انامااقدر اجي الحين خلها باكر،،لاماراح انسى،،خلاص مع السلامه،،

رهف:قلللللي مبروك الف مبروك وعقبال مانشوفك في الكوشه،،
نور:الله يبارك فيك وعقبالك،،
رهف:ان شاءالله يسمع منك،،
وليد:ياغبيه القبله من هنا،،
رهف:هه هه تستخف دمك،،
ام وليد:اقول رهف ماتبين اخوه،،
رهف:وشو عنده اخو نور تكفين امدحيني عنده حتى لوتكذبين،،
نور:وش تبين اقول،،
رهف:حلوه،عيونها عسليه،شعرها اشقر،بيضاء،طويله،طباخه،سنعه،ربت بيت،حبوبه،،
وليد:ولاوحده من اللي عديتيهن فيك،،
رهف:اقول انثبر لأاصكك بالوساده،،

هدى:اسمعني امك واتحملها اما اختك انا ماصدقت ع الله تتزوج وتذلف،،
خالد:هي وش مسويه لك علشان تكرهينها كذا،،
هدى:اختك لزقه ماتنبلع،وانت ماتشوف نفسك واللي سويته فيها اليوم،
خالد:انا ماسويت كل هذا إلا لأني مسوي صفقه مع محمد وخسر40مليون واخاف يطالب بهن علشان كذا ابرجعها له اخاف يعصب ويطالب،،
هدى:طيب اذا رفضت ترجع له وش تسوي،،
خالد:والله إذا عيت بصرها راح ابيع كل شي واعطيه فلوسه،،
هدى:وشو وش تقول،،
خالد:وش فيك عصبتي،،
هدى:انا ادري عنك تبي تبيع كل شي ومن يظمن مستقبل عزام لاياحبيبي،،اسمعني ياخالد انا ابقول شي عن اختك حصه بس ماابيك تفهمني غلط،،،
خالد:وش فيها حصه،،
_هدى ساكته_

خالد:علميني وش فيها حصه،،
هدى:اناواعوذبالله من كلمة انا شف انا مالي دخل الناس يقولون وانا سامعه منهم ان حصه تخون وانهاقايله انك مأكل كل حلألهم وانك تأكل فلوس حرام،،
خالدقام ومعصب:وش تقولين انا اوريها،،
هدى مسكته:خالد وين تروح انا وش قلتلك،،
خالد:طيب وش تبيني اسوي كانها فضحتنا جعل ربي يأخذها،،
هدى:امين بس انت روحها لبيت زوجها وفكنا منها وصدقني راح ترتاح وقل لزوجها خلها عندك مانبي نشوف رقعة وجهها،،
خالد:عطيني الجوال،،
هدى:هاك بس وش تبي به،،
خالد:الحين تدرين،،
_لحظة هدوء وصمت_
خالد:الو محمد،،انت تبي حصه،،،طيب تعال خذها الحين بسرعه،،،ايه انا احتريك عندالباب،،

نور:يمه ماكلمتي خالتي ام خالد،،
ام وليد:الا كلمتها الظهر وبشرتها ان ملكتك اليوم وتسلم عليك وتقول باركي لها بدالي،،
نور:الله يبارك فيها،،
رهف:يمه بنسوي زواج،،
نور:لامانبي،،
ام وليد:إلابنصلح عائلي بس،،
رهف:لاولله نبي زواج كبير زي حق حصه نبي كل الدنيا تتكلم به،،
نور:التفاخر موب مهم اهم شي السعاده والتوفيق،،
ام وليد:حصه تقعد بالشهور ماتشوف اهلها والله يعلم هي مستانسه ولا لا،،
رهف:ماادري شعوري يقول انها موب مستانسه،،
نور:وانتي وش دراك ياام شعور،،
رهف:بلى تطنز اصلآ واضح من علامات وجها موب حصه اللي نعرفها قبل،،
ام وليد:ايه والله صادقه وردة البيت ذبلت،،
وليد:وش وردته بديتي تخذرفين،،
ام وليد:قصدي حصه هي ورده بيتهم وذبلت،،انت وش عرفك بهل سوالف اسكت احسن،،

خالد يفتح الباب:حصه حصه،،
اميره مستانسه:يمه خالد فتح لحصه الباب،،
خالد:قومي محمد يحتريك عندالباب،،
حصه:مابي اروح موب غصب،،
خالد سحبها:اقولك قومي،،
اميره تصوت:يمه الحقي خالد ابيرجع اميره،،
حصه:مابي وخر عني ابعد انت ماتسمع،،
خالد:قومي كأنك حطيتي راسنا بالأرض جعلك الموت،،
ام خالد:انا خذرتك بس إنك ماتسمع،،
اميره:فكها ياخالد خذاللي تبي بس اتركها،،
خالد:انتي مالك شغل انا رجال البيت،،

_خالديسحب حصه مع شعرها_
حصه:آآآآآآآآه،،
_اميره راحت تركض ابتدق ع مالك_
ام خالد ماسكه خالد:فكها فكها،،
عزام:جده ياجده لاتخلين حصه تروح،،
حصه:عزام ساعدني،،

_خالد طلعها برا البيت عندمحمد_

حصه:انت ماتفهم انا ماابيك طلقني ماتسمع طلقني تفوو عليك اتفوو عليك_
محمد:خالد وش السالفه،،
خالدركبها السياره:مافيه شي بس خذها ولاتخلينا نشوفها الا في القبر،،
محمد استانس:ان شاءالله مع السلامه،،

خالد دخل وهورايح:اشوف احد رافع صوته ياويله،،
اميره:تفوو عليك ياحقير ياملعون تفو عليك يااخوي ياسندي يارجال البيت،،
ام خالد ودمعة عينها:تبيع اهلك علشان زوجتك تبيع اللي ربتك وتعب وسهرت الليالي علشانك ياحساف التربيه،،
اميره:هذا مستعد يبيع نفسه علشان الفلوس،،ياعاقل يافاهم حسافه انك ولدنوره وناصر حسافه،،
خالد:بس اسكتي مابي اسمع ولاكلمه،،
هدى:خالد خالد وقفلي،،

عزام:جده الحن لازم مانخلي حصه مع هذا الوحش الحن لازم نبلغ الشرطه ع ابوي،،
ام خالد:وش تبي الناس يقولون عننا،،
اميره:يقولون اللي يبون كلام الناس مايخلص والحن تعودنا على كلام الناس،،
عزام:طز بالناس،،
مالك:وش فيكم تصيحون عسى ماشر،،
ام خالد:بنتي بنتي يامالك،،
مالك:اميره فيك شي،،
اميره:لاموب انا اختي حصه،،
مالك:حصه وش فيها،،
ام خالد:رجعت لبيت زوجها،،
مالك:وشلون البنت توها طالعه من المستشفى تعبانه وشلون ترجع،،
ام خالد:خالد اللي رجعها يامالك خالد،،
اميره:مالك وش نسوي الحن لأزم نجيب حصه،،
مالك:لأزم ترفعون عليه قضيه،،
ام خالد:طيب شلون مامعنا ادله،،
مالك:ادلة المستشفى واصابات حصه،،
اميره:انت صادق لأزم قم يالله،،
مالك:إلحين خليها باكر،،
ام خالد:وليه باكر حصه لازم ماتقعد ولادقيقه عنده،،
مالك:إلحين الناس ليل والمحكمه صاكه من اصبح افلح،،