منتديات قصايد ليل - عرض مشاركة واحدة

03-12-2011

امها:الا ماقامت اميره،،
حصه:لا،اقول يمه لأزم نقرء عليها لأن نفسيتها تعبانه شوي،،
امها:ان شاء الله إذا طاع ابوك وديناها للمطوع،،
حصه:هدى لأإلحين ماقامت،،
امها:الا بس راحت تشوف عزام،،
حصه:وانتي وراه مارحتي،،
امها:إذا جاء العصر رحت،،أصلآ هو بيطلع اليوم الليل،،
حصه:اخيرآ سمعت خبر حلو،،
امها:هذا ابتلاء من ربي اشكريه ع النعمه اللي احنا فيها،،
حصه:انا قايمه اصلح لي ساندوتش تبين،
امها:لا ومن له نفس يأكل،،

__في الشركه__
سالم:وهذا ملف عن شركة المورود،،
خالد:اجل كل شي لبعدين،،
سالم:سلأمات عسى ماشر،،
خالد:وش اقول لك وش اخلي خلني ساكت احسن،،
سالم:روعتني عزام فيه شي الإهل فيهم شي،،
خالد:البارح اختي اميره تطلقت،،
سالم:احووول ماتستاهل طب ليه وش السبب،،
خالد:والله ماادري عن شي البيت صار كئيب مايندخل،،
سالم:تعوذ من ابليس وقم رح للبيت،،
خالد:طيب والشغل اتركه على هل حال بنخسركثير،،
سالم:رح بس وخل كل شي علي،،

_راح خالد للبيت_
سالم:وش هل حظ كل مابدينا خطوه للخطه قدام نرجع عشر ورا،،

هدى:اها وانا امك شخبارك اليوم،،
عزام:طيب بس طلعوني من المستشفى،،
هدى:إنشاءالله بتطلع اليوم،،

عزام:إلحين عمتي اميره خلاص ابتقعد عندنا ع طول،،
هدى:إللي يسمعك يقول أنها جالسه في بيتها من تزوجت وهي عندنا،،
عزام:ترحم يايمه ماتستاهل،،
هدى:ابد هاذي خالتك ناديه مطلقه ماقلتا ترحم ولاحرام شحيتها،،
عزام:ناديه ذي من اللي يتحلمها زين إنها قعدت معه شهر،،
هدى:عزام اسكت هاذي خالتك،،
عزام:الله ياالخاله عاد،خلاص ابسكت،،

سهام:ليلى ليلى وقفي ابيك،،
ليلى تئفئف:نعم وش تبين،،
سهام:مابي شي بس حبيت اسلم،،
ليلى:لاوالله سنعه ماشاءالله،،
سهام:وش قصدك،
ليلى:يااخي ابعدي عني،،
سهام:وراه انا وش سويت فيك،،
ليلى:ترا انا موب من النوع اللي تحبينه،وانا ماشفت منك شي بس الكل يذكرك بالشين،،
سهام:من اللي قايله علميني لو بوحده،،
ليلى:الكل موب وحده ولاثنتين،،
سهام:اجل اسكتي وهل مره مسامحتك علشانك اخت صديقتي،،
ليلى وعلامات التعجب:وش قلتي
سهام:مثل ماسمعتي،،
ليلى:اقول اللي مايطول العنب حامض عنه يقول،،
سهام تخف دمها تكمل الأغنيه:تقول عني ماتقول،،
قاطعتها المدرسه:يالله يابنات المحاضره بدت يسدسواليف،،
سهام:بااااي اشوفك بعدالمحاضره،،،

اميره وبصوت مجروح:السلام عليكم،،
امها:وعليكم السلام،هلاببنيتي شخبارك تبين فطور،،
_اميره ساكته وعيونها تغرق باالدموع_
حصه:تبين ازين لك كأس حليب وساندوتش،،
_نفس الشي اميره ساكته وساهيه_
امها:اميره يمه وش فيك بسم الله عليك،،
،،اميره مسويه فاهمه وساكته لألحين،،
حصه:لاتخافين يمه مافيها إلا العافيه،،
_اميره انسدحت على الكنب وتنهتت آه آه،،
حصه:يوجعك شي،،
امها:يابنتي موب انتي اول ولااخروحده تتطلق،،
حصه:ان شاء الله يجيك نصيك مره ثانيه ويوفقك ربي،،
امها:يعني انتي عاجبك يوم انك قاعده عندنا وانتي على ذمة رجال قبل لامطلقه ولامتزوجه،،
ابوخالد:السلام عليكم،،
الكل:وعليكم السلام،،
ابوخالد:شخبارك يابنتي،
ام خالد:طيبه مافيها إلا العافيه،،
ابوخالد:انا ابروح ارتاح شوي فوق احس اني تعبان واجد،،
حصه:يبه انت ماكل علأجك،،
ابوها:لاوالله ماكلته،،
ام خالد:الله يهديك ليه،،
حصه:خلاص يبه انت رح ارتاح وانا اجيب علاجك،،

هدى خالد:السلام عليكم،،
ام خالد:وعليكم السلام،شخبار عزام ان شاءالله بخير،،
هدى:ان شاء الله بخير ويسلم عليكم واجد،،
خالد:وش فيها اميره،،
امه:والله ماادري من قامت وهي على هل حال حتى ماكلت شي ابد،،
خالد:اميره حياتي قومي تعوذي من ابليس،،
،،اميره ساكته،،
هدى:وين حصه وخالي،،
ام خالد:حصه راحت تعطي ابوك علاجه لأنه تعبان شوي،،

حصه:يبه قم هاك علأجك،،
ابوها:الله يعافيك ويخليك لي،،
حصه:يبه وش مضيق صدرك فضفض لي،،
ابوها:والله ضايقن صدري مع هل بنت من اشوفها يتكدر حالي،،وهل ولد طايح في المستشفى بعد،،
حصه:يبه ترا مافيه بيت يخلو من المشاكل والمصايب واللي يشوف مصيبة غيره تهون عليه مصيبته،،
ابوها:والله انتي صادقه،بس مااوصيكم عليها بعد عيني،،
حصه:يبه لتضيق صدري،،وبعد عمر طويل،،ارتاح الحين ولاتفكر في اي شي انسى اللي راح وفكر باللي جاي،،

_في الجامعه صوت عالي_
ليلى:إذا مابعدتي عن وجهي حلفت لاتشوفين شي عمرك ماشفتيه،،
سهام:وش فاكره نفسك،،
ليلى:لاتحطين حالك بحالي،،
اماني:ذكرو الله وش جاكم،،
سهام:انتي مالك شغل اسكتي،،
اماني:موب انتي اللي تسكتيني،،
ليلى:لاتحطين في بالك اني ابسكت زي اللي قبل،،
سهام:يمه خوفتيني،،
ليلى:لهنا وخلاص ابعدي عني وابعد،،

_المهم كل وحده تعلى صوتها ع الثانيه وتدخلو اللي في الجامعه وفكو هواشهم وكل وحده راحت لبيتهم_

_هدى دقت على ناديه وعطتها الجدول اليومي زي العاده وش سوو وش صار خبرتها ان اميره تطلقت واستانست ناديه واجد بهل خبر_

_الظهر الساعه٢حزت الغدا_

ام خالد:حصه روحي نادي ابوك،،
حصه:ان شاءالله،،
فجأه دخل عزام:هاي
هدى:يمه وش جابك،،
عزام:مفاجأه حلوه صح،،
ام خالد:حلوه وبس اتهبل،،
حصه:من جابك،،
عزام:دقيت ع السائق وجاء بس قلت له لتعلم احد،،
حصه:والله انك خبل ياعزاموه،،
ام خالد:حصه ماتسمعين الكلام روحي نادي ابوك،،

سالم:انعم الله عليكم،،
ليلى:هذا من خيرك،،
ناديه:اقول طبختي حلوه،،
ليلى:اتجنن اول مره تصلحين شي حلو،،
ناديه:اووووووه،،
ليلى:ويعوه،،
سالم:قوموني مع اذان العصر،،
ليلى:خلاص،ناديه تدرين اني تهاوشت مع سهام اليوم،،
ناديه:وليه وش السبب،،
ليلى:مالي خلق اشرح،واللي قاهرني تقول انك صديقتها شي يموت،،
_ناديه ماكان عندها اجابه ساكته_

حصه:يبه قم الغدا جاهز،،يبه يبه قم يالله،،،يبه يبه،،جلست تنفض فيه وماتدري وش تسوي يبه رد عليه وبصوت عالي يـــــــــــبـــاااااااااااااااه
،،،ام خالد سمعت الصوت طاح من ايديها كأس مويه واميره وهدى وخالد وعزام طلعو يركضون يوم دخلو الغرفه شافو حصه تمعط شعرها وتزاعق هدى من الروعه ماقوت طاحت عندالباب
اميره راحت تركض ومسكت يده وهي تصيح:يبه يبه ردعليه يبه انا بنتك حبيبتك اميره يبه تكفى قم انا مالي احد غيرك يباااااه آه آه آه
(تصدقون في هل لحظه عيني تدمع)
عزام يصيح:تكفون قولو لي انه مامات واللي يرحم والديكم تكفون قولو انه يكذب،،
ام خالد تصيح:ابوخالد ابوخالد ردعلينا قلنا وش فيك،،
خالديصيح:الله يرحمك ياالغالي،،
اميره وبصوت خشن ويقطع القلب:يباااااااااه سامحني،،وجلست تمعط شعرها وتصفق روحها،،اناالسبب انا السبب ياربي يأخذني،،
،،اما هدى ماكان لها دور لأنها طاحت من قوة الصدمه وجلسة تبكي،،

،،وصل الخبر لبيت اهل سالم،،
ليلى:وشلون وكيف ومتى وليش،،
ناديه:لاحول ولاقوة إلابالله،،
ليلى جلست تصيح:آه آه الله يرحمك ياعمي ياابوخالد ياربي صبرهم،،
خالد جلس يهدي:خلاص ياليلى كل شي بقضاءالله،،قومو خل إوديكم لمهم،،

،،صلو ع ابوخالد المغرب وعلموهم انهم خلصو دافنينه،،
حصه بصوت عالي:لالالالالالالالالا لايدفنونه ابيقوم تكفون ابيقوم،،
واميره نفس الشي:واللي يعافيكم جيبو ابوي جيبوه لاتدفنونه،انا السبب انا السبب،
ام خالد بصوت خشن:آه آه وينك يالغالي وينك ياحياتي وطوايف اهلي وينك ياسندي،،
ليلى لأمه حصه:خلاص ياحصه إذكري الله،،
وهدى لأمه اميره:اذكري الله وادعي له بالرحمه،،وانتي مالك دخل وموب زين تقولي كذا هذا بقضاء الله وقدره،،

،،اما ناديه ماكان لها دور كانت جالسه ع الكرسي وتناظرهم والدمعه في عينها،،

،،اميره قامت ابتروح لغرفتها اغمى عليها وطاحت عندالحريم،،
ليلى نقزت ورفعتها:اميره اميره قومي ردي عليه،،ناديه تعالي شيليها معي لغرفتها،،

،،المهم شالوها وجابو لهادكتوره وكشفت عليها وصارت حامل،،،

،،اكمل باقي القصه،،
مرت ثلأثه ايام ع اهل ابوخالد بحزن والم،،وكان كل شغل البيت ع ليلى تستقبل الناس وهي اللي تشيل وتحط،وتقرا بعض ايات القران ع البنات اذا جن ينامن اما ناديه ماحظرت الا مرتين من العزا وتجي وتروح وهي جالسه،،

،،بعدشهر،،
اميره:صباح الخير
امها حصه هدى:صباح النور،
حصه:اصبلك شاي،
اميره:ايه الله يعافيك،،اجل وين خالد،،
امها:راح للشركه،،
حصه:انتي الحين في اي شهر،،
اميره:الثاني،
هدى:طيب الولد بيتربى عندك اوعندابوه،،
،اميره سكتت والدمعه ع خدها،
حصه:اكيدالقانون يكون عندها،،
هدى:انا ادري من كثر مانسمع عن اخذ الأبو الولد وحرمان الأم منه قمنا نرتاع،،
اميره وبصوت حزين:ليته ماجى احسن لي،،
امها:استغفري هذي نعمه من ربي غيرك يتمناها ومايلقاها واصلآ مالك مايسويها،،
هدى:خاله وش قصدك غيرها يتمناها من تقصدين بهل كلمه،،
ام خالد:قصدي ان فيه ناس ماعندهم ذريه ويتمنونها يسوون كل مافي جهدهم عشان يرزقهم ربي الذريه الصالحه،،واناماقصدت احد محدد،،
هدى قامت وبنفخه:انا داريه انك تقصديني بس انا مااهتم وماعلي من احد تسمعين،،،
،،بعدين راحت لغرفتها،،
حصه:والله لو ممديني كأن عرفت وشلون ارد عليها الكلبه،،
اميره:اقول احنا ماناقصنا مشاكل،،
امها:وانتي الصادقه خلونا نرتاح كل يوم هواش،،
حصه:انتم شفتوها شلون ردت ع شي سخيف وشلون تبوني اسكت اذا كان ماتقدرون تأخذون كرامتكم انا اخذها،،
امها:ايه خلاص سكري السالفه،،
اميره:مادق فهد من يوم راح،،
امها:الا مكلمته امس بالليل،،

،،،في الشركه،،،
خالد:انا قايل لك لاتجي ملفاتي الخاصه قبل ماتقول لي،،
سالم:ماصار الا الخير،
خالد:ايه بس هذا حلأل ايتام يعني موب لي لحالي،،
سالم وقف:وشلون يعني مافيه ثقه،،
خالد:طيب وذولي وشوله موقع عليهن بدون ماتقول لي،،
سالم:لاعاد لهنا ويكفي لايكون اشتغل عندك عبد وانا ماادري،
خالد:لاوين عاد،بس وين القاها منه إذا رحت البيت مليان مشاكل واذا جيت للشركه ابرتاح القى مشكله واشياء جديده طالعتلي اف بس،،
سالم:ايه بس احنا مالنا شغل تقعد تطلع حرتك فينا،،
خالد:قلنالك السموحه غلطنا وكل واحد يغلط،،

ليلى:ناديه تروحين لبيت ابو خالد الله يرحمه انا ابي اروح المغرب،،
ناديه:قبل انتي عندهم استحي
ليلى:وش اجلس ازين عندك انتي اربعه وعشرين ساعه مكالمات انتي وسهام منتب فاضيه لي،اروح اوسع صدري احسن،،
ناديه:والله مااحد قال لك تهاوشي وياها وتحطين حرتك فيني،،
ليلى:قطع وش ابي بها ماصدقت ع الله نتفارق واصلآ هي سمعتها ميب زينه وانا نصحتك كم مره وإذا صار شي لاتجين وتقولين مانصحتيني،،
ناديه:الحين كل هل سالفه علشان الروحه ياخي مابي اروح،،
ليلى:والله بصرك انا ابروح،وترا موب زينه لك عقب العزا ماطبيتي بيتهم ولامره وأذا سألوني عنك وش اقول،،
ناديه:رووحي زين قولي اللي تقولينه ولا اقولك قولي اني اقول موب من زين جمعتكم،،
ليلى:وش شايفه نفسك عليه الحمدلله بس،،
ناديه:تحمدي برجليك وايديك،،