منتديات قصايد ليل - عرض مشاركة واحدة

03-12-2011

الـجزء الـخامـــ٥ـــس

،،،زي ماعرفنا عزام مرقد بالمستشفى وياسر رفع عليه بلأغ في الشرطه وسوف يستدعونه بعد صلاة العشاء،،
وياترى وش سر الورقه هل هي خير او شر،،وفهد هل سوف يكون مستقر في سفره،،وماقصه اعجاب سهام بناديه،،كل هذا واكثر سوف تعرفونه في الجزء السادس اسف قصدي الحين الخامس هاها،،

،حصه ماقدرت تتحمل طبعآ هي فضوليه فتحتها وقرتها،،

حصه وهي مرتاعه:لالاموب معقوله ليه،،
،
وجلست تصيح وتقول الحن ليه حضنا كذا وش سوينا وش فينا،،

_في المستشفى_
ليلى:ليه حصه ماجت معكم،،
ام خالد:تقول تعبانه شوي،،
هدى:تبون اصب لكم قهوه،،
عزام:عمه وش فيك،،
اميره:تعبانه شوي،،
ام خالد:وش فيك بسم الله عليك تبيني اوديك للدكتور،،
اميره:لاماله داعي،،
ناديه:وش فيكم ترا كل هذا دلع ولامافيها شي،،
ليلى:وانتي وش دخلك،،
عزام:وين ابوي وجدي،،
ام خالد:راحو لمشوار وبيجون الحين،،

_في قسم الشرطه_
ابوخالد:وهذا كل اللي صار،،
خالد:هاك ياحظرة النقيب هذي ملف من المستشفى تدل ع خطوره عزام يوم يجيهم ووشلون كأنت حالته وفيه توقيع الدكتور والأطباء والمدير وهذا جوال عزام فيه رسايل ياسر كلهن شوف الصور والمقاطع الي يرسلهن كلهن مخلأت بالأدب،،
الشرطي:وش ردك عليهم بعد كل اللي شفناه وسمعناه،،

،،ياسر منزل راسه بالأرض،،
ابوياسر:الله يأخذك من ولد فشلتني خليت سمعتي بالأرض حسافه تربيتي وتعبي عليك،،

،،،بعدين حكمو على ياسر باالسجن لمده اربع اشهرو10جلدات يوميآ،،،

فهد:تبون شي،
الكل:لاالله يسلمك،،
فهد:وانت ياعزام ماتوصيني على شي،
عزام:اللي يسمعك يقول رايح المانياهاها،،لاسلامتك،،
ام خالد:إذا وصلت اتصل وكل ماخذت اتصل،
ابوخالد:انتبه لنفسك،واي شي تبيه دق علي،
فهد:ان شاءالله ياالله مع السلامه،،
الكل:مع السلامه،،

الممرضه:ياالله خلص زياره،،
هدى:لايكون خدم عندك والحن ماندري تكلمي بشويش،،
ابوخالد:يالله انا احتريكم باالسياره عجلو قبل مايسحتونا خل نطلع بكرامتنا،،
الكل:هاهاهاهاهاهاها
هدى:تبي شي وانا امك،،
عزام:لا سلامتكم،،

ناديه:ومن سمحلك تفشليني قدامهم،،
ليلى:انتي وش دخلك فيهم استحي على وجهك،،
ناديه:والله موب انتي اللي تتحكمين فيه،،
ليلى:انا حبيت انصحك،،
ناديه:مشكوره مابي نصايح،وترا إذا تدخلتي فيه مره ثانيه والله ثم والله وشوفيني احلف ان ماتلومين الانفسك،،
ليلى:هاهاها ياحبيببتي انا مانطلت عندك،،
سالم:ااوووووووه ازعجتونا خلاص اسكتو ترا اللي بتتكلم راح اقطع لها لسانها،،

سهام تكلم صديق من اصدقائها:ياالله اكلمك بعدين حبيبي بااااي،،،

،،اتصل الصديق الثاني سعد،،
سهام:هلاوغلا حياتي،انامشغوله الحين،،
سعد:ااوووه،،اقول ابي رقم وحده ابي اكلمها،،
سهام:ماطلبت شي تأمر امر،،
،،عطته رقم ناديه وخبرته عن اسمها واسم ابوها والعائله،،

الكل:السلام عليكم،،
حصه:وعليكم السلام،،
ام خالد:وش فيك منتي على بعضك بعض،،
،،حصه ساكته تناظر اميره ودمعتها ع خده،،
ابوخالد:هو يابنيتي وش فيك،،

،،ماتحملت الموقف جلست تصيح،،

اميره قربت لمها:حصه وش فيك علميني،،
ام خالد:هدى بسرعه روحي جيبي كأس عزيمه،،
هدى:ان شاء الله الحين،،
ام خالد:حصه قولي وش فيك،،

،،حصه تناظر اميره ومتردده تتكلم،،

حصه:يمه اميره تطلقت،،

،،اميره زعقت لالالا،،
،،هدى طاح الكاس منها وراحت تركض ولمت اميره،،
،،ام خالد من قوةالصدمه جلست تصيح،،(صعب على كل ام انها تشوف بنتها حياتها ودنياها تتطلق)،،

،،اميره راحت تركض لحصه وتنفض فيها بقوه:وش تقولين إنتي وش تقولين انتي كذابه مالك ماطلقني يمه تراها كذابه انا ماتطلقت صدقيني يمه انا هي تكذب،،
ابوخالد:لاحول ولاقوة إلابالله إذكري الله،،
ام خالد:ياحسرتي عليك يابنيتي،،
هدى:إذكري الله قولي لااله الا الله مب انتي اول وحده ولا اخر وحده تتطلق واحمدي ربك ان ماعندك عيلان،،

،،اميره جلست تزاعق وتصيح،،

،،،خذوها ورقوها لغرفتها وقرو عليها بعض أيات القران الكريم وشربوها كأس عزيمه ونامت،،،

ام خالد وهي ماسكه راسها:وش هل مصايب الي قامت تتحذف علينا من كل صوب،،
ابوخالد:هذي الدنيا ماندري وش مخبيه لنا والزمان ماله امان،،
هدى:الله يصبرها على مصيبتها،،
نوره وناصر:امين

،،اكيد تستغربون حصه وينهي ماتكلمت المسكينه من قوة الصدمه عجزت تتكلم انسدحة ع سريرها،،

،،ابوخالد وهدى كل واحد راح لغرفته وام خالد جلست عندبنتها خاف تصحى بالليل وتحتاجها(قلب الأم ضعيف)
جاء خالد وقالت له هدى عن كل شي وراح مسح ع راس اختها وحبها،،

،،ناديه وليلى كل وحده تهوجس بفارس احلامها،،
ناديه:اللللللللللللللللللللللللللله
ليلى:وشو الله،،
ناديه:حلمت ان فارس احلامي جاء ع خيل ابيض وانا كنت واقفه عند النهر اقطف الورود ومسك ايديني وركبني معه،،

ليلى وعلامات التعجب:وشو فارس احلامك،
ناديه:ايه وش فيها،،
ليلى:هاهاهاهاهاهاهاهاها تخيلت شكلك واقفه عندالنهر وع وع وع،،
ناديه:ليه غايره مني انا الف واحد يتمناني،،
ليلى:صادقه طلي مع الدريشه تشوفين الخطاطيب يحترون إشاره منك والتلفون مزعجنا اف مافيه راحه،،

،،رن جوال ناديه،،
ناديه:غريبه رقم غريب،،
ليلى:هذا فارس احلامك سمعك،،
،، ماردت ع المكالمه رن ثانيه،،
ناديه:نفس الرقم،،
ليلى:ردي شوفي منهو،،
ناديه:الو نعم
سعد:هلاوغلا بقلبي
ناديه:نعم من تبي
سعد:وش هل صوت الحلو،،
ناديه:والله إنك قليل إلأدب وماتستحي على وجهك،،
،،سكرت السماعه بوجهه،،
ليلى:خير منهو،،
ناديه:واحد فاضي قاعد يلعب،،
،،دق ثانيه،،
ناديه:ياخوي انت ماتخاف يصير لأخواتك كذا ارحم بنات الناس،،
سعد:انا ماعندي اخوات،
ناديه:والله الكلام مع واحد كلب زيك ماله فايده،،

،،سكرت السماعه ونفس الشي دق مره وثانيه وثالثه،،
ليلى:اقول قفليه خلينا ننام زي العالم،،
ناديه:على قولتك اغفله وبس،،

،،السبت الصبح الساعه ١٠ جالسه ام خالد باالصاله،،
حصه:صباخ الخير،،
امها:صباح النور والسرور،وراه مارحتي للجامعه،،
حصه:ومن له نفس يروح،واصلآ السبت ماعندنا شي،،